陪著你走甜品 (已結業)

仙草八寶有很多配料!(芋圓，番薯圓,薏米， 紅豆，涼粉，西米，珍珠，蓮子)好欣賞呢到既手工芋圓番薯圓幾煙韌同埋大粒 但略嫌味道有d淡唔太食得出芋頭番薯既味 另外涼粉份量幾多 整體配搭得幾好👍地理位置亦好近維園年宵市場🌸💵:$38

前幾年去過台灣，係九份十份食過芋圓後，從此愛上芋圓這個小食。係網上見過陪著你走呢間甜品店既報導，原來呢間甜品店既故事同甜品一樣咁甜。我同友人叫咗一份原味焦糖燉蛋同一份紅豆沙芋圓。焦糖燉蛋表面燒得又香又脆，而裏面既燉蛋又香又滑勁creamy，我同朋友都要爭食，哈哈。至於南北杏雪耳圓肉芋圓，芋圓的確係用心之作，芋圓地瓜圓的顏色偏淺，相信無落色素。兩種圓的味道好出，我係香港好多時食到都係做到q彈, 但就欠缺一份芋頭地瓜香味。呢間甜品店得出色，不但q彈，而且還食到濃濃的芋頭同地瓜味。糖水方面不是太甜，清甜的味道不會蓋過芋圓的味道，這碗芋圓的確頗有水準。總括來說，陪著你走甜品店有感人故事，有用心制作，的確值得支持。

再次被芋圓吸引2018/06/29星期五嘅夜晚，食完咗小食想搵個地方坐下傾下計，食下甜品，此店環境非常合適。第二次再光顧此店，店門外貼出了店主嘅故事，當中有提到仙草係其店開放試食時人氣最高嘅甜點👍。與朋友兩人同行到此店，朋友點了熱嘅糖水，清甜👍嘅糖水，有紅棗，龍眼肉等天然嘅甜味在其中。我點了黑白百配，近來常到甜品店試仙草，此店嘅仙草都非常新鮮好味👍，唔係一粒粒硬身嘅涼粉，黑白嘅特別係仙草底下有豆腐花，豆腐花都好嫩滑👍。百配中嘅芋圓今次可能因為係凍嘅甜品冇咁好咬口，有啲番熱得唔夠嘅感覺😖，但朋友熱糖水中嘅芋圓煮得剛好夠淋口感非常好😲。百配中還有珍珠及大豆都不錯😐，配合得幾好。下次再同朋友黎食下糖水👍，坐下傾下計👭。

作為一個芋圓控，雖然呢間甜品鋪自從新開之後呢一直都好想去，但係位置比較偏遠，係係港島嗰邊嘅， 終於抽倒時間順路去試食佢嘅芋圓。咁睇個樣呢咁我哋就當然要叫「仙草八寶」，材料好似非常豐富，除左仙草、芋圓之外，仲有地瓜圓、紅豆、薏米、珍珠、蓮子同埋西米等材料，而且呢我覺得個樣同我平時最鍾意嘅 康瑞差不多，所以都有少少期望㗎。不過可惜啊，芋圓有啲過硬，而且整體口感相比之下呢其實都係平平無奇。再加上價錢都唔平，如果經過都可以黎試吓嘅，不過唔係話十分好食

出色芋圓地瓜圓2018/06/22甜點好去處，20:00與朋友剛在附近完了瑜珈堂，因朋友已先食了正餐，於是我們向路口已有宣傳牌的甜品店進發🙆。店門外貼滿了報章訪問，店內燈光柔和，我們進去時店內未有客人，可能因是晚餐時間，所以人不多，佢地店內嘅枱有一格格磚嘅花紋👧，但可以睇得出係摺枱，椅子有的有軟墊，很適合與朋友聚會坐低傾計嘅地方👭。我點了椰青配芋圓，地瓜圓，西米及珍珠，對於😍冰涼新鮮嘅椰青水，我真係非常鐘情。😙珍珠小巧可口，不會太甜。😘西米QQ有咬口。😘地瓜圓值得一讚口感軟硬剛好，大粒又美味，有很香的地瓜味。😉芋圓不及地瓜圓淋，但也很有咬口 令人一嘗想再來一口。如果再到天后站想食甜品，我會推薦此店👍。

雖然外賣盒好似好細 但都好多料 裝到滿哂既呢個$38（外賣要加多$1）有豆腐花 芋圓 蕃薯圓 黑珍珠 紅豆 仙草芋圓好重芋頭味 我個人仲意芋頭味重啲都偏煙un實左啲啲 但都接受到至於蕃薯圓就無咁煙un少少蕃薯既甜味豆腐花 仙草都好滑身我覺得整體黎講都好食 不過個人其實想淨食芋圓但佢無呢個選擇一係就叫芋圓系列或糖水加$6 芋圓蕃薯圓如果同台灣個間好出名既鮮芋鮮比較我覺得佢既芋圓比較好食芋頭味濃啲不過就un DD要睇你個人喜好～

三點三，又係下午茶時間。 天氣悶熱，食左雞翼沙律餐，今次轉下口味，試下台式糖水。呢間響天后開左兩個月，叫「陪著你走」，食埋TBB套劇。Menu有廿款糖水，人氣推薦八寶糖水，$38。八寶即係蕃薯芋圓、地瓜芋圓、珍珠、意米、蓮子、仙草、紅豆、西米。份量好夠蓮子頗大粒，沒有益味。最好吃芋圓，口感QQ，食到地瓜同芋頭香味，食完呢碗糖水夠哂飽唔洗食飯了！

天后陪著你走甜品主攻仙草芋圓番薯圓，依家仲推出生果加入仙草，再配芋圓，夠清新解喝。價錢約33-50，踏入初夏都有新的選擇。仲有椰青三寶同可樂仙草（仲有健怡可樂），夠新意。

天后都多糖水舖，呢間主打芋圓嘅糖水舖最近亦都加入戰團，芋圓未見驚喜，但另一主打焦糖燉蛋反而幾出色！好立克焦糖燉蛋（凍） $33焦糖燉蛋可揀原味、好立克、阿華田、京都宇治抹茶，另外仲有燒棉花糖同埋Oreo口味。燉蛋好滑好creamy，真係有幾濃嘅好立克味，但又唔會太甜，表面果層焦糖燒得好脆！仙草八寶（凍） $38除左仙草，仲有芋圓、蕃薯圓、紅豆、薏米、珍珠、西米、蓮子。啲芋圓好硬，個糖水無乜味。香濃腐竹銀杏+芋圓（凍/熱） $30糖水未見香濃，反而有啲稀，可能啲芋圓煮得太耐，有啲過淋，淋到無晒口感...寧波湯圓芋圓配夠薑湯（熱） $35湯圓可揀花生或芝麻口味，個薑湯真係好夠薑，好辣，未必個個接受到。夠薑蕃薯+芋圓（熱） $30個薑湯同上面湯圓一樣，好夠薑，如果天氣凍飲就一流。

嗰日行過天后呢間甜品舖被這間甜品店嘅名字吸引著，感覺好浪漫💕細讀入面貼在牆上的文章，原來背後真的有一個感人嘅愛情故事。叫咗店主推介嘅仙草八寶凍，材料豐富有仙草凍、芋圓、番薯圓、紅豆、蓮子、珍珠、洋薏米。大大碗，口感豐富。💰$38再叫咗一個夠薑番薯＋芋圓，聽個名以為會好薑味，但係反而覺得佢唔夠薑，呢個可以薑返D。番薯大大舊💰$30能夠找到一個能陪着你走嘅人,真的唔容易。所以我哋真的要好好珍惜眼前人！

話說同兩位好友食完海鮮鍋之後行到天后站諗住去食糖水，行吓行吓見到呢間《陪着你走》嘅店名幾特別，亦有我哋想食嘅燉蛋因為本來諗住去食牛奶公司燉蛋，見到呢間燉蛋有唔同口味仲好特別所以入去試試細細間店，有些少復古既設計用瓷磚做嘅枱其實原本諗住試吓京都抹茶味🍵燉蛋因爲賣晒未有住我地叫左3款share好立克焦糖燉蛋$33焦糖皮好出味道不會太甜入口即溶既滑蛋，好立克同焦糖好夾2者都好出3款入面最好味阿華田焦糖燉蛋$33雖然都好味但就偏甜尼款加左燒棉花糖既原味焦糖燉蛋$38係超級甜而且原味本身都偏甜所以還是最愛好立克口味9秒9俾我地ko了有機會再來吃門口拉門進刻住店名好有feel除左燉蛋外介有其他糖水的

食飽飽，同幾個朋友一齊，呢個時候梗係要搵個地方歇腳吹水。甜品舖就啱晒啦。呢間甜品款式主打芋圓配唔同既甜湯，有熱有凍，又或者係唔同搭配既燉蛋。我就食左蕃薯糖水配芋圓。哇，好味。糖水薑味濃郁，蕃薯大大舊夠甜熟軟嫩。芋圓食得出係新鮮製作，又軟又大粒。如果多幾粒就好啦。食完全身暖笠笠，正。朋友就食凍既雪耳紅棗桂圓配芋圓。果樣望落材料十足好滋陰。另外既朋友就貪得意，叫烤綿花糖燉蛋。細細杯，啱晒細胃細食既佢。

有日路經陪著妳走甜品店，入去試食，雖然甜品款式唔多，但我食咗個焦糖燉蛋，好好食，可以話係我食咗很多地方燉蛋，最好食的一間。原來燉蛋仲有其它口味，如好立克、柯華田等，下次再試另外佢仲有懷舊香蕉船，雖然係好簡單的一種甜品，但係香港咁多甜品店中，有依樣嘢買，可説是少之又少，我不得不佩服店主對懷舊簡單凍甜品之誠意。最後不得不提店內裝修，簡單又有一種懷舊感覺，加上全店以玻璃圍牆，有一種坐在花園中之味道，感覺舒服

印象中呢間甜品店好似係喺《陪着你走》呢首oldie前排突然火紅嗰時開嘅，今日終於有機會試試。招牌甜品係仙草八寶，材料好豐富，有紅豆、薏米、珍珠、西米、蓮子、芋圓，咁當然仲有仙草。咁多料口感梗豐富，𡁻到牙都軟但可惜無想像中咁香甜，可能因為始終係凍食。另外亦叫咗個夠薑番薯加芋圓，呢個熱辣辣上，湯都幾夠薑，番薯大大舊，加埋芋圓，好大堆頭嘅感覺。但唔知點解食食吓覺得番薯味有點怪味⋯⋯發現呢度（竟然）都幾多人嚟買外賣架喎？！咁呀⋯⋯都係喺盧氣廷出場之前撒退喇！

有次經過天后，記得糖水店無開門，我仲心諗：嘩，香港開鋪夜市都唔做，有種呀！今晚輕過，見佢開左門，幫襯一下食碗糖水。朋友就comment 一句，乜宜家有人會改呢d名嘅咩，陪著你走？ 又係嘅，宜家一係就玩食字、唔係就西系日系台系，呢個名又係本土d 嘅。再細看貼在牆上的傳媒報導，原來店主兩夫婦經歷一場大病，明白要珍惜大家的相處時間，所以就開了陪著你走甜品店。因為老板娘鍾意食芋圓，所以老板都自家製芋圓，咁就真係要試一試佢薑汁蕃薯芋圓湯圓，薑夠辣，湯圓都芋圓都唔係好甜，入喉舒服。朋友就點了焦糖燉蛋，試了一啖，面皮好脆，足料。整體好味，不過款式選擇不太多，如果你唔食芋圓湯圓燉蛋，剩下的選擇都不多。