陪著你走甜品 (已結業)

甜品小店，地點方便，而且店員非常有禮貌，每人叫一款食物坐個幾兩個鐘都冇趕客，另外好難得小店有廁所借出比客人，乾淨衛生夠方便menu好有心思，係手製，感覺好有小店特色，值得一讚芒珠珠即係芒果棉花冰，有爆珠椰果鮮芒果同芒果雪糕等配料，非常豐富，食完透心涼燒棉花糖焦糖布甸，甜度適中，棉花糖配焦糖布甸口感好特別，有創意，如果可以再多啲焦糖就更好珍珠鮮草無糖綠茶味道好清新，岩曬啲唔鍾意甜但又想食下甜品嘅人士

響大坑晚飯完唔夠飽，唯有出天后食甜品，天后出名甜品鋪多，幾條街加埋已經有十幾間，今次我哋決定試新野，不過食完超級後悔，因為無水準可言，最重點係全部都唔掂！黑白芋圓番圎 $42（⭐️星，5星為最高)我係芋圓控，我係為佢而嚟，芋圓最重要係煙韌，但呢度完全無呢個口感，只可以用硬嚟形容，難食到食剩芋圓呀！而涼粉切得比較hea，有好多都連住連住！反而底層豆腐好香滑，個👍🏻係比佢嘅3.6牛乳燉蛋白拼芒果 $38（⭐️⭐️星，5星為最高)睇相幾靚架......d芒果，係熟芒所以好香甜，但最敗筆係食完面嘅芒果之後，個燉蛋白完全食唔到咩味道，只食到一d滑嘅嘢，甜唔甜唔知道，莫講話3.6綠野仙蹤(牛奶冰底) $58（⭐️星，5星為最高)牛奶綿綿冰質感ok，但味道係少奶多冰，一字形容＂淡＂，蕨餅Q中帶粗糙，同日本滑溜蕨餅係兩回事，幸好綠茶味還濃，至於綠茶雪糕，一睇就知奶味較重，整體嚟講唔吸引三人共消費：$138

每次去天后都會吃這店甜品，支持一下小店背后的故事（老闆+老闆娘），因為今天有㸃凍，所以今次吃红豆沙裏面有西米芋圓，不過不失，這店出名是仙草（樣好似涼粉咁，只有凍食）。這店選擇特别多，很適合老少皆宜。

今日星期五，為左skip the line，特登食左個糖水先食晚餐。兩個人，1900左右到。點左兩個甜品。鋪頭位於街角。喺天后地鐵站行過去兩三分鐘左右。外面有摺枱，唔知係咪夜晚人多會坐埋岀面。真係如願地未有人，鋪頭得店員同一個小朋友。一心喺黎食芋圓。無俾其他甜品分散注意力，就揀左喇！仙草八寶 （凍）$42首先上枱係朋友嘅係仙草八寶：仙草底，上面有紅豆、薏米、椰果、蕃薯圓同芋圓。仙草算係滑，唔重口味（先前食過有啲有藥材味）。朋友覺得味道唔錯。我都食左啖，唔太甜。如果鍾意口感豐富嘅人，應該啱食。夠薑蕃薯芋圓蕃圓 （熱）$35食芋圓，我都係比較鍾意襯薑湯。個個糖水無想像中咁薑；芋圓同蕃圓，無論凍食熱食，都係Q嘅；芋圓同蕃薯圓比，芋圓嘅芋香比較岀色，蕃薯圓就只係有QQ嘅口感。

3.6牛乳燉蛋白仙草芋圓番薯圓 $42呢間陪著你走新開張果陣已經黎過一次 因為周圍搵芋圓食 記得當時我係負評既 今次行完維園再黎覺得有改善聽個名咁長 就知拼湊左好幾款材料 蛋白仙草芋圓三樣都岩我食 仙草芋圓配好常見 落埋燉蛋白就少有 當然難免壓縮左仙草量 賣相上底係蛋白 面係仙草粒同芋圓 要撥開仙草先見到燉蛋白可能因為仙草唔夠多 無食開成片成片果種厚實感 不過芋圓量就還可以 芋圓蕃薯圓唔大粒 食落幾有咬口 就係呢點比之前進步唔少 滿足到我想食芋圓既心情燉蛋白質地比較嫩 口感無咁厚 不過幾易舀黎食 同仙草粒夾住食感覺唔錯質素比我想像中好 價錢上就真係貴左啲 試唔試見仁見智寧波湯丸 $40湯丸我唔算食得多 不過都係港島食過間好好食既 叫做有把尺比較下呢間既湯圓係細粒果種 受size所限 食起黎會覺得皮厚餡少 雖然熱辣辣既芝麻餡係唔差不過有樣野值得讚一下 就係有得揀 湯丸餡可以揀花生或者芝麻 市面屸感覺多數得芝麻餡 另一樣有得揀係糖水底 因為我對薑麻麻 好多時食湯丸又只得薑水 呢度竟然可以要杏雪耳水又或者腐竹水 連埋薑水三揀一 真係未有鋪頭食份湯丸可以咁彈性返返去價錢 都係貴 好似成間店既糖

記得上年年宵exactly又係食呢間，今年都一樣！第一次食係個陣有報導過呢間糖水舖係個老公特山登為佢老婆開嘅！佢呢度出名仙草芋圓，同有好多唔同味嘅cream brûlée，有阿華田呀，好立克等等，特別啲。今晚行完年宵都成11點幾先去，間舖都坐滿哂人，等左3-4張就有位。好快有位，但個糖水都起碼等多過30-40分鐘，太多人同廚房都比較慢啲。我同朋友先講話要等咁耐應該都會失水準！點知竟然有驚喜，水準仲keep到，雖然真係等得有啲耐！

琴晚旺角打完邊爐想食d甜野，番到屋企附近諗住是但搵間求其食下～點知誤打誤撞搵食到呢間～每樣甜品都有驚喜～第一個送來cream brulee係老闆推介，真心正！焦糖脆脆配埋滑滑綿綿既口感好難停口～蕃薯薑湯加芋丸一食落口就食到有芋粒，原來真係自家整！好難得唔用現成貨，難怪口感好食過其他店咁多～個窩夫就直頭係我呢個澱粉質愛好者既至愛～外脆內軟，牛油味重！食得出用靚面粉完全唔痴牙～我住咁耐都冇去過呢間店，估唔到咁好食～希望小店可以一直保持高質～

今日喺炮台山食完飯同朋友行咗去天后食甜品，天后嘅甜品店都食過晒，呢間位置在清風街街尾嘅小店，唔太顯眼。見門口貼晒仙草芋圓甜品，以為係台式甜品店，點知原來重有好多中西式甜品選擇。一場嚟到點都要試吓佢哋嘅招牌甜品仙草八寶，佢哋嘅仙草滑滑溜溜好甘甜唔似有啲甜品店係有苦味同質感死實嘅，成碗滿滿嘅芋圓、地瓜圓、珍珠、紅豆、西米等有唔同層次嘅口感，食完喉嚨好舒服，肚皮大滿足☺️。朋友就試咗另一個招牌甜品-法式焦糖燉蛋，佢用九秒九就食完，本來想試少少都唔得，見佢咁滋味我就加碼一個咖啡味焦糖燉蛋同佢兩份。講真真係好滑好香咖啡味，唯一要彈嘅就係焦糖面唔夠焦，但都有90分嗱！隔離枱叫咗個生日窩夫，真係多料到成個生日🎂咁。我同朋友都話會再嚟😁。

今晚約左個朋友傾計，去左天后食飯，先發現由炮台山行去天后有好多新食肆，但行到天后，甜品店都集中在清風街。行到清風街，㨂嚟揀去都係去番窩心小甜品店，又是專一地食呢味cream brûlée ，又滑又香，面頭的焦糖脆香，食到最後連個杯底食到刮到乾乾淨淨先肯收手。而朋友就點左碗薑水湯丸芋圓，夠薑，芋圓韌度適中，朋友第一次嚟，話會廣傳，因樓面小姐的服務態度都加左不少分。但只係點湯丸的話就有點頭啲耐，所以要有心理準備，因為係即煮。

一入到店舖環境算不過不失，店員態度都幾親切，食物都唔需要等太耐。但好老實講，我嚟係食芋圓，吾係食個環境。作為一間以芋圓為主啲鋪頭，佢啲芋圓真係令人好失望。已經唔係話有冇芋圓/地瓜味，佢連芋圓最低要求嘅Q彈口感都做唔到。咬落冇乜味，食落去一啲口感都無！一開始以為係一次半次出錯，但期後去過三次都係失望而回。作為芋圓控，我同男朋友滿心歡喜以為屋企附近有間芋圓店，但係四次嘅失望令到我覺得我地以後都唔會再幫襯佢。

<<陪着你走=陪着你嘔?>> ash中伏記👎唔係講笑，我真係覺得非一般超一般難食!!呢間其實我想試好耐㗎喇因為你要知道喺天后呢個美食天堂能夠立足嘅都有番咁上下真材實料💪💪💪 我見佢成日都擺個poster出嚟,以為係正嘢喇,膽粗粗走去食!點知真係就中伏啦😅😅😅" 腐竹銀杏芋圓番薯圓"👎👎👎👎👎真係未食過啲咁難食嘅腐竹雞蛋糖水😑😑😑首先我唔明每個媽媽都識整既家常糖水，都可以煲到咁難以置信嘅水嘻嘻 🙄🙄🙄薏米又痴埋一舊舊又冇味，腐竹又煲唔爛...." 薑汁湯圓芋圓蕃薯圓"👎👎👎👎薑汁不過不失，湯圓粗糙...🙄🙄🙄嗰皮搓到岩岩慘惨，凹凹凸凸🤣🤣🤣 最搞笑係佢地個招牌芋圓🙅‍♀️🙅‍♀️🙅‍♀️我真係吳明哪來的自信😂😂😂佢極其量係有顏色嘅粉糰，一啲味道都無，一啲咬口都無🤢🤢🤢

上次去天后食野順便去食埋芋圓😍😍 ⭐️#腐竹銀杏芋圓 $30 有芋圓仙草八寶揀，但我就揀左凍既腐竹糖水💕💕腐竹好有家既味道，清清淡啖，不過芋圓較粉粉地，雖然會咬到啲蕃薯粒，但感覺冇咩特別，唔洗特登去😂😂 . ......🍠#夠薑蕃薯芋圓 $30 蕃薯糖水好重薑味，蕃薯煮得唔太淋，熱食既芋圓就會淋啲，比腐竹糖水好食啲🤣🤣 ......📸#陪著你走甜品地址：天后興發街62-64號美城花園大廈地下KL3號舖

早前，我哋百無聊賴係天后走走，正想搵一間甜品舖坐低，就遇着陪着你走呢一間甜品店😗😗😗😗....聽說之前係喺灣仔開店，而家搬咗嚟天后開實體店，由兩夫婦一齊打理，實屬溫馨👍🏻👍🏻我哋叫咗個腐竹芋圓糖水，同埋焦糖燉蛋..好耐冇食過中式嘅糖水，再配埋芋圓入面有煮到爛既腐竹，味道可親，仲有啲白果係入面地瓜圓質地唔太煙un，味道唔出，有待改善呀😣😣😣芋圓就好少少😣😣😣但小店服務好好👍🏻👍🏻

同朋友聚腳 想找個地方食點甜野聊聊天☺️☺️☺️☺️☺️入到店面 個裝修睇落都幾舒服 有少少復古feel 牆上有黑白照 影下相都唔錯😎 個冷氣都適中唔會太凍 可以長坐傾耐少少了😆😆見到焦糖燉蛋竟然有唔同口味選 就選左個好立克味來試下 好立克味聞落唔算好重 焦糖味聞落比較出 食落反而是好立克味出左先又唔會太甜 跟著就食焦糖味 個蛋都幾滑 算是幾有驚喜的一樣甜點😋😋😋😋😋個仙草八寶相對就失色左 不過佢的配料都幾多 食落去都幾有滿足感的🤗🤗特別喜歡個薏米✨✨✨呢個食落去都唔會太甜 又有咬口 不過芋圓就有點偏硬 再煮軟身少少會比較好😐

天后有唔少甜品店、糖水舖，淨係清風街都有４間，競爭都咪話唔激烈！喺眾多糖水舖當中，呢間主打芋圓嘅係我近期最愛，食完就當自己去咗台灣！😅今晚同朋友喺銅鑼灣食完飯，特登過嚟幫襯。我哋轉下口味唔食仙草八寶，叫咗一碗蘆薈椰纖果仙草 & 一客糖不甩芋圓一齊share。糖不甩芋圓唔係好甜，芋圓煙煙韌韌，用嚟整糖不甩又幾夾；蘆薈椰纖果仙草味道好清新，啱晒大熱天時食又唔會飽滯， 我哋share一碗覺得唔夠喉，之後追加多一碗，真係好好味！😋今晚嚟到一個客人都冇，唔知係咪因為鋪頭位置唔夠當眼呢？