陳春記

營業中

休息中

朋友告知上環有間豬什麵相當味美，本著為食精神，問其食店名稱，之後就收録在OpenRice 內，今日難得過來工作，咪決定會一會那豬什麵囉⋯⋯OpenRice 打開其地址寫著 “皇后街一號5號鋪” 我一心以為是在地舖，結果兜兜轉轉眼睛搜索地下位置也找不到陳春記名字⋯⋯最後打電話問食店，原來才知在皇后街熟食市場一樓。其實就在連香居隔離HSBC 對面的皇后街熟食市場，一上電梯就到只怪我事前沒有準備，如看清楚食評，就不會在那裡兜兜轉轉了進入食堂，相信那位是老闆和老闆娘吧！他們已在吃飯中⋯⋯我看著他們吃飯的餸，也是豬雜，連老闆自己都食的食物，絕對可以放心食用他們第一句就問我，你就是剛才打電話嚟那位？我答是。他們說: 如果你不打電話來，我們收工了，原來食店收三點。我給他們看OpenRice 的食店資料是寫著收七點的，原來這已是從前的事了。於是我本著我為人人精神，即時替他們更新OpenRice 資料，方便下一位用家由於已是三點，食堂唔算太多食客。餐牌只有一個豬紅豬雜麵，有大碗及細碗之分，大碗是$50/ 細碗是$30我問只得一樣？沒有其他？他答: 有飯、麵、米粉，不過今日通通賣晒⋯⋯只得河粉。再看之下，

如果住喺中上環或者西區嘅人而又鍾意食豬雜嘅人，一定聽過陳春記。佢係位於上環皇后街街市入邊嘅一個檔攤，平時呢度一定會好多人，如果你中午你食飯嘅時候黎，你要預早少少嚟，如果唔係基本上你要等位。呢度嘅嘢食好簡單，就係得嘅大嘅豬雜面同埋細嘅豬雜面。細嘅$30 ，大嘅$50。但一般對於我來講呢都係一碗大嘅，細嘅唔係會唔夠食，你可以揀要唔要豬紅同埋加唔加菜。佢最好嘢嘅就係呢佢得一個師傅做同埋一個樓面，但係佢個豬什呢完全冇異味，無論豬肺豬心豬潤豬肚豬腸全部都幾好，加埋胡椒味嘅熱湯，再配埋佢自己嘅辣椒醬，呢個味道係perfect match。如果大家食一碗麵都唔夠飽嘅話，可以過去隔離曾記粿品買幾個粿品食，嗰度都係高水準之作，大家可以多啲去上環皇后街街市發掘一啲高水準嘅食物。

相隔最小5年沒食過呢間！今日特登出去食，味道依然咁驚為天人，豬雜非常新鮮，但份量比起當年小左！價錢加左dd!完全沒退步，讚！一食第一口，所有感覺記憶由新，即刻返晒黎。老闆娘都沒變，仲認得佢個樣同態度環境都係好乾淨，食得放心又開心。好味道

皇后街熟食中心，食過好多幾次，食過abc,曾記、上海餃，幾間都唔差，呢間睇過書食評介紹，都想試下，但豬什我唔算太喜愛，所以都冇食過，今次只係想試下新野，同埋見到d 食評都幾贊。坐埋位冇人理我，跟住行埋櫃太叫，呢到得兩樣野揀豬什要唔要豬紅，仲有係豬頸肉，連埋米線、油麵、米粉（$30）細/ （$52）大，湯飯就加多兩蚊，同阿姐叫完，阿姐叫我坐低，要等三、四個字，坐低等左十幾分鐘到，碗野到，表面都落左幾多胡椒粉，飲落都係得胡椒、蔥、東菜味感覺係屋企加呢幾樣都做到隻味，豬什新鮮，豬紅比出面車仔麵果d 好食少少，米粉量少食完唔飽，但大碗價錢又差太遠，豬什俾咁多我都食唔落，呢間對我來講唔吸引，下次要試埋另外果幾間

去鋪位點菜比老版娘趕番去張枱。等佢10分鐘，毫不客氣講一個人嘅order我唔落單，你去第度食啦！早晨流流,俾佢搞到成日冇晒mood! 我祝佢哋生意興隆，家肥屋潤，日日座無虛席！The woman who runs this place is a super nasty.She treated hers PAYING Customer like someone who killer her family. Unbelievably RUDE ! One of the worst dining experience ... I was told to go elsewhere as I only dine alone. She would not take one person order. I blessed this shop to be forever successful and continue to piss their paying customers off.

This small stall is located in Queens Street Market, a place where there are a few famous and good eatery. Chan Chun Kee is certainly one of them with a long history, only serving a limited choice of food. But all coming here is just for one purpose - their signature Pig's Organ Soup.Many people would complain the service of the eatery, and in my opinion while the lady serving us could in no way be called friendly and nice, she did tell all people the time you would need to wait for your noodle,

以前上環返工發掘到皇后街熟食市場大排檔又平又好食，本人本身喜好豬雜，陳春記更係本人豬雜排行榜NO. 1。陳春記只賣招牌菜『豬紅豬雜湯』，可以配飯、面、米。$31/ 細碗；$51/大碗，好抵食！不過老闆娘出名服務態度麻麻，而且烹調需時二十分鐘，食好野係要等！豬雜米 (走豬紅) (細) $31落單等二十分鐘後，豬雜米出現！先飲一啖湯，湯底天然奶白色，清甜唔係味精湯帶點胡椒味，原來湯底都係同豬肉同豬骨熬製。豬雜包括：豬肺、豬肚、豬粉腸、豬紅等，豬雜新鮮好鮮味而且洗得夠乾淨，食落絕對唔會有怪味或者雪味。．西洋菜 $11西洋菜綠油油又甜又嫩，配上胡椒味湯底，連湯都可以飲埋！．Menu

食物水準ok嘅...但態度絕頂惡劣! 👎🏻明白人手少 好忙 冇service 預咗 但老闆娘對食客無禮呼喝 落order諗多陣都唔耐煩黑哂面😒有外賣客只係問一句 老闆娘就兇神惡煞地話: 「喂! 你睇唔到我堂食都接唔切呀？你等到就等啦 就起碼半個鐘...」之後面黑黑又行咗去...好大嘅官威 好低嘅EQ! 以前婆婆坐陣都好少少。說真的, 呢度嘅豬什又未到驚為天人嘅級數 , 附近修打蘭街永記 堅尼地城麵食坊都做得好出色好好食 同場市政大樓檔曾記, ABC等都好味道好態度, 名氣唔等於要寸爆 生意旺但發老脾? 反智👎🏻👎🏻 blacklist 呀!!!

今日第一次去幫襯,3個人叫一碗麵,伙記呼渴地說不能三人祗叫一碗佔三个座位,咁於是叫咗兩碗麪三个人吃,再問老闆娘要多一个碗仔,又被冷眼渴一聲說這處冇碗仔喎! 真的不知現在啲人點解咁好火氣!

十二點半的午餐時間，來到陳春記吃豬雜面，本來想到曾記吃紅粿，但上次到來時看見陳春記滿有特色，見有位置就坐下，這裡比曾記更簡單，賣豬紅豬雜和豬頸肉。就這樣。豬什米附近還有家好吃，上星期才光顧過，反而我不知原來這也有家很出色，當然要試。坐下後，看食評，有不少人説服務態度。然後我望望，剛好听到老闆娘對食客説，"每位消費三十，我得三張枱。。。" 大概，如果你是老闆娘，你只有三張枱做生意，當一張坐8人，廿四人X $30 = $720 , 假設一個午餐兩轉客$1440 。。。。再計落去，我明白為何她如此緊張，$30一碗的真材實料湯面，能賺多少，還要只有兩個人，説禮貌也言之過早。十二點半坐下老闆娘通知至少二十分鐘後才出至粉面，好我等！因為值得我等。枱上只有兩個調味，魚露和辣椒醬，是吃豬什的最佳朋友。二十分鐘過後，我的豬什米到場，豬什款式不比永記多，但同樣也洗得很乾淨，能吃到每種的真實質感。還有顆顆一樣的豬紅和必出現的香芹。潮什就此練成。上面還多放了香菜和一丁麻油調味，先呻一口奶白的湯，就已經喝到帶點搶口的胡椒味，不搶不過火。豬什也很美味，令我忽然想起小時候窮吃的潮洲豬油渣，如果能加一點，真是不得了！

從前潮州巷既美食都搬了上皇后街街市熟食中心，其中一間就係以豬什聞名既陳春記，連我偶像蔡潺都係佢既Fans，原因係價廉物美吧，我最鍾意食豬紅豬什米缐，豬什新鮮又乾淨，咬落好腍，湯底清甜但味道不濃，似係完全無添加的配上香芹和冬菜，略帶小小胡椒味，每次連湯我都會一飲而盡。很小食肆提供我最鍾意食既西洋菜，而呢度長期有供應，西洋菜又甜又嫩

店名：陳春記地址 : 上環皇后街1號5號舖好味指數：7／10價錢：$30豬紅豬什湯米（中）一時多，店內兩張大枱都坐滿了人，老闆忙於送遞食物，等了一會先才成功下單，唯粉麵選擇只淨下米粉和飯。🍜選了豬紅豬什湯米，有豬肺，豬肚，豬粉腸等。豬肚夠爽，粉腸夠粉，味道不腥不臭不苦，足見是新鮮之物。還有外面很少吃到的豬喉舌部位後邊的軟骨, 爽而不硬，夠曬過癮。湯身味道清甜，但略嫌單調，稍稍加上魚露味道更佳。店名：陳春記地址 : 上環皇后街1號5號舖好味指數：7／10價錢：$30豬頸肉米（中）好彩到最後一碗都比我地叫到😝，遲多5分鐘入座都賣曬。🐽豬頸肉不過不失，沒有太大特別。

星期五中午12點, 肚提前餓, 又諗起時間尚早, 陳春記應該未有咁多人, 於是一個人行左去皇后街熟食市場。果然只得一枱人三三兩兩食緊, 照舊坐定等老闆娘行過來落單。等左2分鐘, 終於, 終於盼到佢眼神交接, 冷冷言一句:轉頭幫你! 再過左1分鐘, 終於成功叫左碗大豬紅雜米粉。再有幾分鐘, 熱騰騰的美食放係面前。搞散胡椒粉, 一啖豬肚。新鮮, 絕對唔係凍貨。於是一連三塊都係豬肚。豬紅, 滑得來有豬紅味(好者必知我講咩, 唔好既, 估你諗起都驚)再來三兩塊豬喉舌部位後邊的軟骨, 爽而不硬, 好味又過癮。豬粉腸, 一貫的好味!米線岩岩熟, 彈牙!成碗只有個三塊豬肺我比較唔鍾意(個人喜好問題)精彩!味道依舊(美味), 服務依舊(串串貢)但正如我, 沖住碗雜而來, 並唔多介懷服務如何。再串, 若美味依舊, 我都會再來!

已經好耐無去熟食街市食嘢，至少有十幾年無去。尤其係夏天30幾度，怕熱嘅我，真係頂唔順。今日受朋友所託，襯lunch 去皇后街熟食街市曾記賣馳名嘅潮洲粿，諗住買完速速逃離現場。都ok啦。點知一去到街市， 冷氣涼浸浸， 好舒服，地下乾爽，環境乾淨。lunch時間雖然人多，但唔算擠迫。幫朋友買完粿之後，突然眼角掃射到有檔賣豬紅、豬什。 心思思試下。叫咗一碗淨豬紅豬什，大大碗， 有豬紅、粉腸、豬肺、豬肚等等。一上枱，麻油味撲鼻，加埋唐芹碎，好香。啖湯好甜，煮嘅火候啱啱好，豬什豬紅一d都唔「鞋口」， 又無豬騷味， 最出色係粉腸，無雪味無苦味， 仲有鮮豬肉味，食得出係用新鮮豬腸。好食過嗰d咩記物記幾十蚊一碗粉腸粥多多聲。$30大大碗，物超所值。果然幫人，好心有好報。

皇后街市有很多熟食檔，我在上環工作，如果時間許可，我也會步行十分鐘到這裏吃午飯。而陳春記，也是我常來的一間，主要是吃他們的豬什。大排檔格局，勝在冷氣夠，價錢平，夠快，吃完就走，最合午餐來。陳春記是老字號，以前是在後巷擺檔，後來後巷沒有了，就全部搬過來皇后街市。到這裏主力吃豬什，他們有大，中，小碗，我叫中碗，三十元，絕對夠吃。豬什料足夠新鮮，現時可以吃到正宗豬什地方不多，如想吃豬什就要來這裏。款式甚多，有豬肺，豬紅，豬腸，豬腰；雖然不是太健康，但久不久來一次也是很好味的。