陳漢記 (已結業)

食左咁多年陳漢記真係唔會膩架因為佢D腸粉真係好好味.今次一次過叫左兩碟分別鮮蝦腸同豬潤腸.首先佢地D腸粉皮係好薄好滑(暫時未食過一間係可以做到咁既質地同口感)鮮蝦大隻彈牙爽口冇雪味,而豬潤係唔會成塊放入去而係會將佢切成細條狀,食落去係完全唔會UN新鮮豬潤味十足同埋爽口.真係百食不膩

今日特意從荃灣坐巴士去大埔, 專承找回失去了的牛腩麵味道。記憶中自15歲喺荃灣兆和街第一次食陳漢記牛腩麵, 自此之後於其他地方再也吃不到過去吃過的牛腩味道。今日前往陳漢記重試了一碗牛腩麵, 牛腩方面依然炆到恰當可口, 但可惜再喝不到記憶裡的牛腩湯口味。

大埔見客先到出晒名的陳漢記醫肚先，這家店食「煲仔飯」出名一直好試，不過每當途經都見到長長人龍，小妹立刻却步，今日見無嘜人一枝箭就衝入去搵個位坐下來。👏粥品套餐。🥢艇仔粥粥底香滑軟綿好有米香，好少食到魚片係有鮮味兼爽口，魷魚鬚彈牙不錯。豬皮大大條仲帶毛原汁原味喎😂😂😅。🥢齋腸我最欣賞腸粉粉漿幼細造出嚟腸粉特別細滑軟綿，加點芝麻醬同甜醬簡簡單單，美食就是如此。$48

陳漢記聽聞好多時都要排隊先可以食到🥺今日專登走入大埔試試餐牌入邊好多選擇有粥品、粉面、煲仔飯之後決定叫佢哋即叫即拉嘅招牌豬潤腸粉再加個蝦米腸🤗5分鐘左右豬潤腸上枱確係好足料而且豬潤好新鮮冇苦澀味係值得推介🤤至於蝦米腸粉好滑晶凝通透兩款腸粉確係有水準👍🏼👏🏻但係份量唔多食完唔多夠喉😂鍾意食蔥嘅朋友記得叫腸粉前同佢哋講聲先會落蔥㗎😉跟住再叫炸雲吞同炸鯪魚球兩款小食上枱熱辣辣炸到金黃、鯪魚球咬落去爽爽的入味唔太鹹又唔係粉漿而炸雲吞入邊啲蝦足料夠彈牙😋果然冇浪得虛浪得虛名😚腸粉及小食唔錯有機會再入大埔都會再黎食過😍

今日入左大埔踩單車🚴‍♀️，踩完都過左6點。宜家限聚令，冇左晚市堂食。唯有食外賣。但我對食外賣都有一定要求。今日我地就揀左食陳漢記煲仔飯外賣。🥣呢度既煲仔飯係可以加23蚊帶埋個煲返屋企。咁就唔怕返到屋企啲煲仔飯凍哂啦。今次我叫咗兩個煲仔飯，一個係窩蛋牛肉煲仔飯，另一個係田雞白鱔煲仔飯。但呢兩個煲，我地等左70分鍾，由大埔拎到返屋企都半個鐘，疫症關係返到屋企又要消毒，所以搞咗成個鐘頭之後先食。但好驚喜返到去雖然個煲仔飯唔係熱，但係都係暖加熱既感覺，唔會凍冰冰。煲仔飯裏面嘅飯焦係超好食，唔會太燶，但係又會香口既感覺，真係超級好食。不過大家要留意，呢個外賣煲仔飯供應時間係下午六點到凌晨兩點。外賣煲仔飯我地等左70分鐘。同埋我地等等下聽到老闆話做唔切，要截單，唔接單住。所以大家想買就要留意一下😊

週末staycation在大學站附近，果斷大埔墟覓食，雖然說是煲仔飯好吃，但是白天去的，沒有，不過黑椒汁吉列豬排飯也都好好吃，炸腐皮卷脆卜卜的好好吃，五香肉丁公仔麵味道不夠濃，腸粉餡料十足！奶茶味道也不錯

天氣涼涼地最岩又食煲仔飯今次多飯焦配埋臘腸好好味呀🥰每一次嚟到都好鍾意食熱熱辣辣 成個煲仔飯都滲着臘腸嘅味道🤎🤎🤎🤎🤎🤎🤎🤎🤎🤎🤎🤎🤎🤎

是日星期三，要入大埔，就問下大埔人火車站附近有乜好食。佢話呢間煲仔飯好食，點知原來要夜晚六點後先有。但見到呢度啲人話啲牛坑腩同腸粉都好食。心諗呢間嘢有冇咁勁呀？咁多唔同嘢都好食？！12點半黎到唔洗等位。三個人一張大檯啱曬我哋黎試嘢！粉麵鋪黎講佢都幾乾淨。牛坑腩撈粗：個人好少食牛坑腩。但覺得呢個幾好食，唔太肥，有咬口但又唔太韌，但偏咸。我已經用好少蠔油都覺得咸。麵我麻麻，對我黎講太淋。崩沙腩麵：鐘意食呢個腩多啲，因為呢個牛味重啲。質感就同同上面嗰個一樣好。蝦腸：腸粉皮有啲失望，有啲鞋口。但個蝦好大隻仲要好新鮮。完全冇雪味。炸兩：失望地係凍左嘅。不過食得出新鮮。有油炸鬼就唔覺個腸粉唔太滑，所以呢個好食啲。炸魚皮：好味。脆同香，唔會覺得好油。不過佢係薄片嘅，如果係厚會更好食。同埋細碟真係好細碟，得幾塊。總結：無想像中咁好。呢個價錢算唔錯。可以一試。

呢排天氣開始轉涼🌡⬇️，早晚已經要著返件外套，所以黎食煲仔飯🍲就啱晒啦～食完包保暖笠笠🥰呢日日頭去左慈山寺參觀，落返黎啱啱好晚餐時間，就黎大埔幾出名嘅陳漢記試下煲仔飯😋六點左右黎到已經有差唔多十個人排緊隊，排排下有個店員就拎左一疊凳🪑🪑出黎，開黎叫我地坐住等👍🏻真係好好啊！就係咁，全部客人就排排坐等位～之後個店員又出黎，叫我地睇定食咩，幫我地落左單先，咁到時入到去唔洗等咁耐👍🏻可能會有人話咁樣係為左我地食客可以快啲食完交檯😹不過點樣諗各有各睇啦，覺得係為我地好嘅就會開心啲囉😹😹呢度有好多款煲仔飯，真係會花多眼亂架！排骨🐷、臘味、滑雞🐔、田雞、鱔等等乜都有👍🏻除咗煲仔飯之外，👆🏻腸粉都係佢哋嘅招牌嘢👍🏻👍🏻👆🏻當然亦有唔同嘅小食🍢，或者係其他普通嘅飯🍛👇🏻👇🏻今次就試左🦐鮮蝦腸粉🦐，果然真係好滑👍🏻👍🏻腸粉好軟熟，但又唔會一pat pat咁～而啲蝦🦐都算幾大隻，夠鮮甜🥰👇🏻仲叫左兩個煲仔飯～窩蛋牛肉🐮煲仔飯🍲(左) 牛肉食落幾香，而且淋得黎又唔un👍🏻份量都幾多下～而窩蛋配埋啲飯撈勻黎食，簡直無得彈😆黃鱔滑雞🐔煲仔飯🍲(右) 黃鱔夠新鮮，非常爽口而且啖啖肉👍🏻雞都好滑😆名符其實嘅滑雞～而兩

有同事介紹過大埔陳漢記話好好食，今次我地山長水遠走入大埔，專程入嚟一嚐老字號既味道。叫咗三樣必食既熱門菜：炸兩，坑腩河同鮮蝦腸粉。陳漢記既腸粉好馳名，即叫即整既布拉腸，腸粉皮做到好薄又滑，皮薄餡靚，包住鮮蝦仍然晶瑩剔透，鮮蝦大隻爽口，推介大家一定要試佢地既腸粉。過然名不虛傳絕對有驚喜！牛坑腩好入味，肉好香滑軟腍，湯頭清甜。炸兩既腸粉皮依舊薄滑，裏面既油炸鬼仲係好脆口。咁遠走入大埔黎搵食，絶對值得！

I used to come here all the time for 煲仔飯 or claypot rice and they are always very flavourful and authentic with many different options. Recently, I came for lunch to try their wonton noodles or 餛吞麵 which was delectable! The wonton itself is very big and has a lot of flavour from the pork, the noodles were nice and chewy and the soup was the best part. We got the 炸兩 or deep fried youtiao rice noodle roll which was too sweet and soggy due to the soy sauce, therefore I would not recommend unless yo

陳漢記老字號，黎到大埔當然試試佢啦。首先試試佢出名嘅腸粉，豬潤腸粉唔係間間賣腸粉都食到，所以就叫一碟食下。豬潤腸粉有三大條，腸份晶瑩剔透腸粉皮唔厚，豬潤生熟程度啱啱好豬潤好似喺口入面融化，加埋醬油一流呀。白灼魷魚鬚魷魚彈呀唔韌有咬口，配上蔥花薑絲麻油豉油好夾呀。呢到亦出名食煲仔飯，即使夏天黎到都要品嘗一下。田雞排骨煲仔飯，一煲份量唔細兩個人食啱啱好，田雞排骨都比較小塊，唔多肉食，如果再多d就更好。呢間餐廳整體唔錯，價錢少貴。

今日嚟到陳漢記，唔係食佢最出名嘅煲仔飯，反而係食佢個粥！我好日唔食粥㗎，今日小暑先嚟食粥😆😆因為今日冇乜胃口，好想食啲流質食物，所以就食碗皮蛋瘦肉粥，朋友就叫咗碗三寶麵，我哋另外再嗌咗個豬潤腸粉、白灼魷魚。😋～皮蛋瘦肉粥估唔到陳漢記皮蛋瘦肉粥好食過煲仔飯🤣🤣我之前食佢煲仔飯覺得名過於實，同埋食得出佢唔係原煲煮熟。但今次食佢嘅粥底，好綿密...米香好出，皮蛋同瘦肉味都融入粥入邊，同埋冇落味精。唔似一般生滾粥淡而無味，一係就落咗味精。👍🏻～白灼魷魚魷魚彈牙，煮得啱啱好...唔會韌，唔會好似香口膠咁🤣落咗蔥花同埋麻油，夾埋一齊點佢特配嘅豉油，好惹味。～豬潤腸粉，好一般，食唔到豬潤嘅味，腸粉豬膶一夾就散。敗筆👎🏻～三寶麵我冇試過，唔評論啦。不過朋友話ok

With so many people queuing outside, we’re so excited when it’s finally our turn to enter the restaurant.We ordered a claypot rice. It’s hot and fresh! The eels are still crispy and you’ll notice that it’s not overcooked 👌🏼 the sweet soy sauce also gives a good flavour to the claypot rice! Highly recommend esp in winter!

今日早左嚟5:00食唔到佢個煲仔飯，但又肚仔餓唯有食佢個牛筋撈麵，啲牛筋好林好入味，撈麵亦都非常彈牙，好正，而且價錢亦都唔貴，下次都會嚟食佢個撈麵，因為佢個牛筋好正。