陳漢記 (已結業)

事原本人正用餐中，有一男士入到(只1人)已掃針咭在旁等約數分鐘(應該快食快走類)，他見阿姐經過說左句"有位未，如沒有就離去不等了"，点之阿姐未開口收銀處傳來一男士搶說"吾等得吾好等啦，橫掂我大把客"。我聽入耳難聽過粗口，做生意可以咁嘅咩！你有今日客人助力最大，不要店大欺客，更不要忘本。

原來晏晝冇煲仔飯架，咁唯有叫粉麵腸粉，但係質素強差人意。服務半好半壞，落單嘅男人亂咁落單，叫特餐冇落特餐，叫走蠔油冇走蠔油，反而上菜嘅女侍應好有禮貌，對我嚟講喺茶記係好少見。*特餐 (叉燒湯意粉、炒蛋、多士) $42叉燒湯意係茶記classic！叉燒望落好似乾柴，但其實叉燒嫩又唔乾，少少鹹，意粉少少韌、滑捋捋，整體係唔錯。炒蛋普通，唔會太乾，但冇蛋香。多士薄過紙，所以烘完乾到🙄鮮靚墨魚丸麵 $34墨魚丸係來貨，普普通通。麵底份量正常。叉燒腸粉 $26叉燒同特餐一樣，質素唔錯，肉質嫩，但腸粉本身就好難食，質地好粉好似漿糊，食落去係一pat一pat咁，太可怕🥺而且完全包唔住入面嘅叉燒。

及第粥加牛肉腸及第粥有魚骨💁🏼‍♀️牛肉腸份量小得可憐牛腩面正常但凍飲加12💁🏼‍♀️帶眼鏡侍應哥哥態度更加無言問多句都唔耐煩💁🏼‍♀️大佬我第一次入黎食，唔係熟客問都好正常💁🏼‍♀️結論：名過於實，偏貴，不會再來

以前食煲仔飯好喜歡到廟街，但發覺近年真係愈做愈差，貴得黎味道一般，地方又唔衞生，所以都好耐冇去，今次同朋友去大埔玩完，記得曾經有朋友介紹過陳漢記，順理成章就去拜訪一下😃陳漢記標榜係粥粉麵專家，但亦都有賣其他小食及勁多款煲仔飯，我哋六人就決定每樣叫少少試多幾樣😍我哋五點半到，人還少即刻有位坐，地方同一般粥粉面茶餐廳冇分別，非常乾淨企理，又可以慢慢食唔怕阻住人做生意，先叫完啤酒及其他飲品後，就開始逐少逐少分開幾次叫野食，正😄🔻炸鯪魚球呢度炸嘅方法同其他店不同，冇咁勁炸至金黃，只係輕輕炸過就算，鯪魚味幾香👍🔻炸大腸個做法又係幾特別，個外皮好薄好脆似乳豬皮咁，切法打斜，同外邊果種炸皮又唔同，幾得意😙🔻豬潤拼魚片腸腸粉皮超薄，睇落都見到好多料，可能勁多豬膶關係，魚片就冇咁突出，但仍好食😋🔻炸墨魚丸又係只係輕輕炸下，墨魚膠好彈好香，送啤酒一流🍻🔻爽滑魚皮可以食到魚皮地方唔多，呢個魚皮灼過後應該冰水泡過，再加入蔥薑絲、炸花生、辣椒絲及醬油，爽口好味呀❤️🔻白鱔咸魚煲仔飯白鱔滿滿鋪喺飯上，薑絲咸魚味飃哂出嚟，見到聞到都流晒口水，白鱔好新鮮美味，成煲飯有埋咸魚好野味，飯我個人口味覺得濕啲，乾身啲仲正😋❤️🔻

電視介紹話好好食，於是山長水遠由新界南區搭車去試吓。食時真心覺得牛肉腸同及第粥都非常一般，份量又少，咁就$53。食完比錢個收銀呀姐多謝無聲，西口西面，一定唔會再去。

有冇過份左啲 今時今日收20蚊啲齋腸粉可以少到咁 真係吾會再幫襯 煲仔飯又吾好食 其實佢整完個腸粉用咁大個盒真心好慷慨喎！ 佢放條腸粉落去果時有冇覺得對吾住個膠盒 吾好再幫襯 ！

去完慈山寺，落到大埔，當然要試埋大埔名人煲仔飯啦。當日，下午五點45分左右到，門口已經有幾個人喺門口排隊等梗。我地等左十分鐘左右，店員喺門口叫我地落單。再等一下，就有位可以入去。整個過程大約十五分鐘。排隊時間可以接受。🍽滑雞白膳煲仔飯，個人認為飯可以再乾身啲，飯焦唔算多。但白膳好爽滑，正！淩魚球，味道ok.

早排天氣凍凍地，走左去食煲仔飯🥶煲仔飯下午5點開始供應，第一批入去落單到上菜都差不多要30分鐘呀！如果要食真係早啲到🤣食完出面已經排長龍！陳漢記好多款煲仔飯，今次食臘味滑雞🐓啲雞焗得剛剛好，好嫩滑唔鞋口！焗飯唔會太濕，飯粒粒分明。其實唔洗落曬豉油都已經夠惹味😋等煲仔飯期間悶悶地叫左碟炸兩，佢地既腸粉係即叫叫整，所以好新鮮！炸兩好少食，比較喜歡佢地豉油多啲🤣

大埔人龍麵店煲仔飯和腸粉也是人氣之選。《叉燒腸粉》$25腸粉晶瑩通透，除了皮薄，更十分滑溜！好吃！👍🏻《雲吞》$34彈牙！好味！《牛爽腩飯》$69牛腩啖啖肉，軟淋淋，筋部很爽，腩汁撈飯好美味！👍🏻《金牌牛雜撈麵》$50牛雜每款也大大件✨總結：腸粉必吃！牛腩也出色！

大埔陳漢記食煲仔飯同腸粉係好出名，今日早收工過嚟食下煲仔飯，4:45 去到，佢話5:00先有煲仔飯。到左5:00我地入座😊可能仲早，所以唔使排隊。點知坐低點完菜，過左15分鐘左右，出面已經排滿晒人，目測5:30 已經排左8-10 枱人等入座。今次叫左一個咸蛋肉飯煲仔飯同一碟香煎腐皮卷。其實陳漢記我2-3年前已經食過，但唔知點解冇記憶係咩味。今次食完我就知點解冇印象，因為真係一般。先講咸蛋肉餅煲仔飯：唔係用原隻咸蛋蒸熟⋯⋯係用現成嘅咸蛋片，所以隻咸蛋好硬🤦🏻肉餅冇特別，飯粒幾乾身，有飯焦，但太燶，又係偏硬⋯⋯ 成個煲仔飯係： 失望😞！腐皮卷：外表好靚，外皮香脆，但係！內面只係輕微暖身，唔係熱⋯⋯唔知點可以做到內面餡會唔熱？係咪未完全解凍？加上冇服務可言🤦🏻同澳牛一樣，成個過程，一坐低就即刻問你要落單，食完即刻又逐住走🤦🏻呢間咁多人排隊嘅名店，睇嚟都係雷聲大雨點小！

叫咗碟崩沙腩，即係橫膈膜肚皮個組肌肉，佢煮得好霖。睇落肥，食落糊糊爽爽，會好開心咁o 趙多佢幾啖。軟骨爽爽，口感冇得頂。如果唔係偏鹹咗啲，真係要比佢一百分。個蟹粥係我食咁多次各地蟹粥蟹味最濃郁嘅一次，個匙羹擺到嘴邊未入，蟹香已經撲上個鼻，個粥入口就明顯有蟹嘅鮮味。粥底係綿滑嘅，但係啲米香就唔係好出，同埋感覺仍有少少味精，可惜。黃鱔白鱔煲仔飯，白鱔居然好味過黃鱔，明明黃鱔先係貴野⋯ 個飯冇乜米香，亦都出唔到焦，師傅用料同控制火力嫲嫲。同場幾乎台台都有叫煲仔飯，但下次嚟我絕對唔會再食。

喺大埔墟落車，知道呢度有好多美食。朋友推介一定要試吓呢間煲仔飯，黎到差唔多晚飯嘅時間，接近6點，就快手入去坐咗先。飲品要加錢的，不跟餐。熱奶茶夠熱，好飲👍🏻白鱔臘味煲仔飯（$87）佢有分白鱔同黃鱔，黃鱔平$1x白鱔啖啖肉好肥美好滑，亦都好香魚油味。但佢有啲小骨，要小心食用。佢個潤腸都幾好食，好香。冬天食完暖粒粒☺️值得推介！

天氣涼涼地，最啱食D熱辣辣嘅野，唔想去九龍或港島咁遠食煲仔飯，近近地係大埔都有個選擇。今次呢間老字號餐廳，我聽就聽得多，食就真係第一次。星期五晚上7點前黎到，門口已經有條隊，好彩最終只係等20分鐘就入得☺️。網上唔少人都推介鱔嘅煲仔飯，但我覺得食材要油少少先好食，所以我揀左北菇滑雞飯😋。屋企人另外揀左窩蛋牛肉飯、鳯爪排骨飯、牛筋撈麵、炸墨魚丸、蝦腸。本身想點埋爽滑魚皮，可惜已經售罄😯。首先送上鮮蝦腸粉 $25一客有三條，鮮蝦共5粒，蝦肉彈牙、有蝦味；不過腸粉就好爛、無彈性。炸墨魚丸啱啱炸出黎，非常辣口，味道正正常常，同平時街市買果D墨丸無太大分別。妙製牛筋撈麵 $50牛筋炆到軟得黎又帶點爽，個人覺得口感唔錯，不過味道就麻麻；至於撈麵個汁其實係蠔油，加上個麵仍然好重鹹水味，所以一定一定要加個辣油先好味。窩蛋牛肉煲仔飯 $53三款煲仔飯中，一致認為最麻麻，一黎無油香，所以底果D飯依然係豉油撈飯，味道單一。北菇滑雞煲仔飯 $53呢個比較好，白飯吸左雞油同菇香，所以即使無豉油嘅位置，都有淡淡雞香。鳯爪排骨煲仔飯 $53呢個最好，底嘅飯好有豉汁香，排骨又有肉。食煲仔飯，最重要緊係食飯焦啦!! 其實

今日同老婆突然想食煲仔飯，就諗起兩年前食過的陳漢記。去到依舊要排隊，今次排咗差唔多成個鐘，不過都值嘅(因為呢間啲煲仔飯真係唔錯)。今次分別叫了黃鱔臘鴨脾加膶腸煲仔飯、公司煲仔飯、豬膶腸粉同芥蘭。先講個黃鱔，啲鱔肉好多吓，同埋咬落都幾脆，而臘鴨脾就鹹咗啲，不過撈埋啖飯食都ok。而條膶腸食落有好香玫瑰露味道，正。至於個公司煲仔飯，全部臘味都切到一粒粒，啱晒唔鍾意有骨嘅朋友。但食落個感覺無傳統煲仔飯咁好食。到個豬膶腸粉，呢個真係值得推介，啲豬膶都多，同埋都好香，有一種好似食緊鵝肝嘅感覺，唯獨係碟腸粉可能擺咗好耐先拎出嚟，上枱時已經唔熱，如果熱辣辣上枱應該會正好多。

秋冬季節開始，就特別想食暖粒粒嘅野。今日特登喺九龍區揸車入嚟食煲仔飯，一到步就見到長長嘅人龍。好彩都唔算等好耐就可以入座。煲氣飯即叫即整，所以都要等大約15-20分鐘左右，上台熱辣辣，要焗多一陣先好食如果鐘意食臘腸，都只係加$9，好抵食😆.雙腸白鱔飯 - 呢度嘅臘腸同潤腸都好好食，油脂多又香口。白鱔好肥美，大大嚿好多肉，但係冇乜飯焦。.白鱔臘鴨髀飯 - $87幾抵食，好多餸，不過一家要餸飯食唔係會好咸。