陳通記

營業中

休息中

今次去長洲飲飲食食🫣要特別講下 陳通記真係勁多人等位 而且落左單之後都差唔多等左半個幾鐘先上菜🥲不過最後食完覺得係值得嘅🫶🏻·沙嗲牛肉通粉($34)超濃郁沙嗲味 佢係成個湯底都係沙嗲湯！好重花生味 美中不足就係通粉煮得有啲淋😢但個沙嗲湯真係世一‼️ 我差唔多飲晒成碗湯

提起長洲，依家令人聯想起既除左大魚蛋，芒果糯米糍之外，陳通記都成為好多人首推之選。趁放假終於入去睇下佢有咩吸引之處！行到街市旁，望過去會見到連住有幾間港式茶記痴埋一齊，只要落下眼力搵下個「陳通記」招牌同埋觀察下沿路啲檯面寫住咩店鋪，好快就搵到佢。去到要自己等位，好快手就有得坐，環境係正常大排檔feel，勝在風扇都多唔會太焗。哥仔埋黎即刻就叫「必食」既沙爹肥牛米通，同埋鹹牛蛋治。醒目既我有做功課，湯底特別叫佢煮濃啲，多士都要烘底。等左陣就黎到，碗粉真係超級大，兩個人就算有男士都絕對夠食（畢竟一場入到黎當然要留肚掃街）。忍唔住即試湯底…..有啲失望🥹望落色水好夠，不落啲湯都好厚身，但估唔到飲落居然無咩沙爹味？！啖啖花生香，都確實有好多花生粒，不過佢唔算好鹹，食到後尾唔會好口喝👍🏻第一次食米通，通心個下幾得意，索晒啲汁，但傷心地好多米通都煮唔透咁，仲黏住一舊舊好硬，影響唔少口感🥲。肥牛方面係就唔硬，但唔知點解好騷🥺最後愛牛之人都無食曬。鹹牛蛋治就…賣相不錯，食落無咩牛肉，味道亦完全唔係個會食，偏淡，普普通通唔會推薦～整體黎講如果順路入長洲就可以一戰（但都好難順路啦😂😂），始終山長水遠又好頂胃

香港地無咩地方去，久唔久都會去離島行下，又入左長洲基乎每次入長洲都會黎食呢個長洲名物沙嗲肥牛米通真係好正，夠晒香濃，2個人share岩岩好，唔洗太飽西多士又係一個名物，必食!!所有用料份量都岩岩好，會食唔停口

長洲作為本地其中一個知名離島，每逢假日，總會有大量遊客慕名而至：大魚蛋🍢、巨型薯片🍟、芒果糯米糍🥭……這些都是外來人必試的美食😋近年來，有一間餐廳的名字在我心中留下深刻印象：它的環境、餐廳設計並不起眼，但不少人願意花上一個多小時的時間，等候品嘗餐廳的名物———沙爹牛肉米通粉😯要知道，提供沙爹牛肉麵、米通的食肆在市區大有人在，為何要山長水餐來品嘗如此平凡的食物？這使我忍不住一看究竟，去了解它吸引大量遊客的原因🫢環境🌴餐廳位處長洲熟食市場內，位置不太起眼，要繞一個圈才找到🏃🏽‍♂️因室內面積不大，食客使用的枱面和桌椅主要置於餐廳外面，店內只有少量座位，人與人之間的距離頗近；雖然位於熟食市場，但餐廳的衛生不差，桌面擦得乾淨，地下沒有濕濕澀澀的情況💦食物🥟餐廳提供上湯粉麵為主：除了知名的沙嗲牛肉米通粉之外，一些簡單配料和粉麵例如午餐肉、雞扒、米粉、公仔麵均有供應🍜1. 沙爹牛肉米通粉🐮（$34）🔸 沙爹湯底感覺杰身，沙爹味香濃，而且有適量花生粒，它的味道主導了整個牛肉米通，但仍然吃到少量牛肉味；牛肉相比平時餐廳吃到的沙爹牛肉不算太韌，有咬口；最欣賞餐廳的米通粉，浸在湯內一段時間仍非常彈牙，不錯👍

早前襯Long weekend，同朋友去了一個長洲半日遊，行山之餘再食好西。一早入到長洲，當然先食個Brunch，今次我們揀了網上有海量好評的陳通記。餐廳只係一間位置平民熟食中心內，由碼頭行過去都只是3-5分鐘。餐廳係自行揾位，大家只要揾相應店舖的枱坐，坐了隔離舖無得食㗎。餐廳主打粉麵，不過我見在場8成人都係食沙嗲牛。雖然餐廳無套餐，不過價錢仍然相宜，一碗麵加杯熱奶茶都係$50。最快到了的係飲品，熱奶茶茶味香濃，整體不錯。我們後加的咖央多士亦即叫即製，咖央有別一般的咖央醬，佢有陣淡淡的奶黃味，而且份量不會孤寒，咖央醬厚厚的搽上暖暖香脆的多士上。沙嗲牛米通是網上最享負盛名之作，除了沙嗲牛的汁香濃，而且好香花生味，此外米通亦係少有。米通其實係直的通粉，由於中間通洞，所以可以滿載沙嗲汁的精華。此外，牛肉係新鮮的牛肉，咬落爽口，加埋充滿花生香氣的湯底，難怪咁多人會大愛呢碗粉。沙嗲濃湯比一般市面見到的更濃郁，而且非常掛麵。沙嗲湯配合充滿麻油香氣的彈牙爽麵，榮升了我心目中全港沙嗲牛麵No.2的王位。如果大家都來試的話，不仿早少少入長洲。我去餐廳的當日為假日，而且所有食物都是即叫既即煮，我們3碗麵都

兵仔一早聽過呢間陳通記！超級想食佢嘅米通😍假期入到去，下就三點就賣曬🥲如果想帶娘娘食又要早起身喇～💂🏻‍♀️《沙嗲牛肉麵加紫菜》$34+6兵仔超推薦嘅食法！大家一定要試下～叫左兩碗，加紫菜係濃郁好好好多😍牛肉份量又好多，係花生味重嘅沙嗲。紫菜索曬汁，成碗變稠咗，半湯撈一流😆😆評分: 90/100💂🏻‍♀️《沙嗲牛肉麵》$34佢個份量一樣唔少，但個湯就清啲稀少少，不過一樣食到好重嘅花生味，牛肉份量都係好多唔係Hea你👀評分: 85/100💂🏻‍♀️《鹹牛肉蛋治》$18第一啖咬落去個感覺好飽滿，牛肉有鹹香又唔會太死鹹，呢個價錢幾抵食，不過啲料側埋一邊，到邊位就白包居多😮評分: 75/100總結：沙嗲牛真係值得一試！希望下次可以試佢個米通🥲食麵嘅再加三文治話一人一碗真係食唔晒。呢度搵位係要自己企喺隔離等人走再攝入去，如果高峰時期嘅話，係會比壓力人再受番下一位嘅壓力😂😂😂頒發軍階：上將🎖🎖🎖🎖

上星期二一家終於出動😂😂所以襯復活節節前去左長洲走走。都好耐冇出去食野，上網搵食見到好多介紹lee間茶餐廳嘅沙嗲好正，一於試下。當日都幾多人到長洲，點幾鐘又甘岩午餐時間，去到搵位都要等一陣。沙嗲牛肉蛋米通沙嗲湯底確係濃郁，而且有花生香味，仲食到粒粒花生碎添，好耐都冇試過米通了，lee個米通索哂沙嗲嘅精華😍，米通量多食落好軟滑，不錯。沙嗲牛肉公仔麵Lee碗沙嗲比米通嘅沙嗲濃郁更多，杰身好多，牛肉可以揀肥牛或鮮牛，我揀左鮮牛，牛肉量好多，肉質唔韌。西多茶記姨姨會問你想要煉奶定糖漿，咖央定花生醬，今次我地揀左糖漿同咖央，面層加左大量糖漿😂咖央足料，但好邪惡😂😂😂😂咸牛肉蛋治+烘底

一講長洲美食, 頭幾位必定見到陳通記上榜餐廳走傳統茶記路線, 除咗粉麵亦有三文治西多士提供一坐低即刻嗌碗名物沙嗲牛肉米通, 店員預先提醒冇咁快有唔駛催單, 於是就叫多份西多士食住先西多士冇任何邪惡流心既網紅元素, 不過中間既花生醬好香, 煎得外脆內軟好好食, 眨吓眼就成份食哂😂等左幾乎半個鐘, 終於等到呢碗熱辣辣既沙嗲牛肉米通, 米通個樣有啲似通心粉同狗仔粉既混合, 中間有窿所以好掛汁,配上沙嗲湯底一流湯底既稀杰介乎於汁同醬之間,可以食到少少碎花生, 每一啖都食到好香濃既港式沙嗲香, 可能湯底太出色, 牛肉反而顯得冇乜特別, 但都食得出唔係用鬆肉粉醃到冇哂口感既牛, 黎開長洲記住一試😋

復活節假期唔多唔少都想外出玩下決定去長洲 預咗好多人～估唔到快船好快就滿咗 竟然會有同一時間加班嘅慢船🚢入到長洲時間11點 九秒九跑去呢排大家瘋狂都話好食嘅陳通記睇其他食評得知 呢度係要自己等位～去到見到有兩三張枱咁岩起身 等左唔洗5分鐘之後有位叫咗嘢食之後第一樣嚟嘅就係茶走茶走係奶茶加煉奶 唔落其他糖 冇想像中咁甜第二樣嘢嚟嘅就係西多落單姨姨會問你 煉奶定係糖漿 要唔要醬原來係可以揀要花生醬定咖央我哋蠢咗揀咗唔要醬主角沙嗲牛肉米通同沙嗲牛肉麵就等咗起碼15分鐘我自己覺得偏鹹 見到人地話無花生粒 但我又食到少少🤏🏻 但真係好鹹 食完之後即刻飲咗勁多水總括然而 覺得係可以一試但唔會特登嚟食畢竟港女都係要打卡㗎嘛～攻略就係 除咗面之外一定要嗌其他嘢食 例如麵包🥯如果唔係你就會飲住杯嘢飲 喺度等20分鐘食個麵

唔知係咪太早去又冇米通又冇橙, 結果最後兩樣都試唔到🥲 好彩係蓮香都叫食過米通冇咁失落🫢沙嗲牛肉河粉🐮($34)牛肉用左鮮肉, 質感夠嫩而且牛味濃, 沙嗲湯底就比蓮香既稀同埋偏辣, 我個人都係比較鐘意蓮香既沙嗲湯底, 因為濃啲同埋杰身啲😋 河粉係幼身果隻, 勁滑勁彈, 高質既河粉, 而且食落完全唔覺油膩夠曬乾爽😍 因為有朋友唔食牛, 所以另外叫左碗係跟雞翼, 都幾好味, 而且都有4大隻👍🏽 最後我地都叫左熱奶茶, 呢度既奶茶奶味比較重, 但係茶味都出既😊 另外仲叫左熱檸茶, 俾左5大片檸檬, 勁足料🍋 如果鐘意食辣既可以一試, 而且呢個價錢食到高質既鮮牛肉我覺得係值既😍

長洲大把人推介的沙嗲牛肉米通，果然不會令人失望。（個人覺得永順沙嗲牛依然排第一🤣）.加了花生碎的沙嗲牛肉湯底，多了口感，味道香濃又不會過鹹，而且份量不少，一個女生吃一碗，非常飽肚😙。值得一提，這裡的米通心粉和一般的通心粉成份不同，不是用小麥而是用米製造，口感比較煙勒，我自己就好鍾意了。.我地叫了沙嗲肥牛米通，忘記了可以點鮮牛肉😆，於是另外再叫了一份鮮牛肉蛋治，試試鮮牛。鮮牛蛋治好足料好味，想像如果沙嗲鮮牛肉米通應該比肥牛更正😄

沙嗲鮮牛肉米通湯底好香濃，仲會食到粒粒嘅花生碎。牛肉大大片有咬口。不過最正都係米通，每一條都吸滿沙嗲湯底精華。雖然好似好heavy，不過食完都唔會覺太口渴。西多士香港茶餐廳嘅首選邪惡美食，牛油、煉奶、花生醬。已經一段時間冇食過西多士喇，今次喺呢度食返覺得好滿足，大大份，切開同朋友分享，每人都可以食到好多塊。鮮牛肉蛋治三文治係烘底，雞蛋好嫩滑，鮮牛肉大大塊，口感好豐富。呢份鮮牛肉蛋治感覺比起市區食到嘅三文治更加出色，價錢亦唔係貴，咁大份足料嘅三文治都只係$23有交易！

今日長洲遊樂，之前做晒Preparation，YT,Kol , 做定一個鐘頭Gym 告解、滿心歡喜迎接呢個增肥之旅第一站陳通記 ，當然一嚐名物「沙嗲牛米通」、米通10分軟滑、牛肉感覺沒有落到鬆肉粉，湯底比較清沙嗲味不足鹹牛肉蛋治烘底：周杰倫有首歌叫做「髮如雪」佢就「薄如雪」，薄得晶凝通透，栩栩如生，煎得沒有蛋香，過老，鹹牛肉少得可憐，「好心啦，福心啦、可憐下我哋呢班搭來回兩個鐘頭船過嚟嘅市民啦」，真係冇特別可以不叫隔牆有耳嘅我突然間聽到有個識途老馬同佢講沙嗲牛麵食凋，當然2 仔底照跟，同姐姐講唔該「沙嗲牛豬扒一丁爽麵，食凋」莫華倫姐姐同我講我叫佢煮「溶啲」俾你啦，碗麵一嚟到湯底顏色同之前嗰碗沙嗲清湯天堂與地獄之間的分別，絕對係十級沙嗲濃度，鍾意重口味嘅朋友我認為係必然選擇，豬扒都尚算鬆化，整碗麵打開一個10分好的序幕，兩碗麵+1個三文治埋單都係101 班點狗，有CP

入長洲之前，已經搜索一番睇下到底有冇值得試嘅餐廳結果搵到夠晒地道嘅陳通記——————————————————由於星期日，周圍都係等緊枱嘅客人我哋一行二人都等咗一陣。有枱之後，有比較年輕嘅男夥計，見到暫時未有人幫忙收枱，都馬上放低自己食緊嘅午餐，幫忙收拾，非常感激。而且仲好有禮貌，食大排檔，竟然遇到有禮貌嘅員工，其實真係覺得好驚喜。馬上落單之後，我哋試咗沙嗲牛通粉，以及沙嗲肥牛雪菜肉絲米線，以及奶醬西多士。——————————————————沙嗲牛通粉沙嗲湯底味濃郁，非常好味，好耐冇試過喺香港食到咁足料湯底，通粉夠滑，軟硬適中，每一條伴隨住熱辣辣沙嗲湯，入口真係好好味。——————————————————沙嗲肥牛雪菜肉絲米粉湯底同上面咁好味，雪菜肉絲及肥牛份量都好多，好足料，不過相比起，原來配通粉仲好味。——————————————————奶醬西多士炸到金黃色，上碟已經流晒口水，奶醬份量啱啱好，雖然好邪惡，但係真係好好食。—————————————————其實好日唔入去長洲，所以真係想食啲值得試嘅餐廳，而唔係求其填飽肚。而且店入邊大部份員工都有禮貌，樂意幫忙，顛覆咗我對大排檔嘅固定印象，

疫期好轉，星期日嘅長洲又變返人山人海，小食店或餐廳嘅人龍比疫情前長、連平時唔洗排嘅大魚蛋都出現長龍🐉，令我大感驚訝！ 食要排，搭船走都要排！ 夜晚7點嘅船預早15分鐘去等都要排隊排到康蘭餅店，真係今都暈🤣🤣🤣 不過可以週末到離島行下食下湊下熱鬧，係開心嘅！ 😎陳通記出名食沙嗲牛肉米通，今次大概3:30pm到，米通無曬，改試公仔麵，再叫左咸牛肉蛋治、花生醬西多。落左單後幾分鐘就上咸牛肉多治同公仔麵。蛋治可撚烘底，蛋香肉軟，一啖接一啖，轉眼就食曬😋 沙嗲牛肉公仔麵都幾大碗，麵量多，亦如其他人分享湯底唔辣，有足料粒粒花生碎，引唔住邊食邊飲湯底🤣牛肉口感同味道都一般，有啲軟，有啲又硬軔，果然被湯底搶去風頭，下次會想改試沙嗲肥牛😗差唔多食到尾先上西多，時間又岩岩好。西多今次揀左花生醬味，面層淋上大量糖漿加煉奶，內裡又餡料足，十分邪惡！ 怕甜或太淋身嘅記得叫小糖漿😛就食物而言，陳通記值得一試，甚至下次平日嘅會再翻試🤣試下叫沙嗲肥牛米通！😙但就攞位而言，過程甚至進食時就相當尷尬！ 現場設先mark先等攞位制，即係自己見邊張枱空就坐，無就揀張枱企係旁邊等。等枱時有種催人快啲食完快啲讓枱嘅不禮貌感，亦站