陳通記

營業中

休息中

去長洲次次都係掃街 食嚟食去都係大魚蛋同芒果糯米糍？其實長洲仲有好多好餐廳 今次介紹呢間喺長洲熟食檔嘅港式餐廳陳通記真係令人好impressed🤩 啲野食即叫即整熱辣辣！鐘意香港味道嘅人一定要試！★ 沙嗲牛肉米通 ($34)。呢個沙嗲牛肉真係不得了！佢唔係平時一pat醬嗰啲沙嗲牛肉 係成個湯都有好重嘅沙嗲味😍 入面仲有啲花生碎 幾特別～ 至於啲牛肉都有鹹味 唔會淡茂茂同埋唔靱😚 我今次就叫咗米通 另外亦都可以配其他麵類 米通好煙靱 而且份量好多 如果諗住食完之後仲會去掃街嘅話 兩個人share絕對足夠有餘😆。評分：9/10👑★鹹牛肉蛋治 烘底 ($18)。呢個鹹牛肉蛋治食落去有好香嘅牛油味 麵包烘得啱啱好～ 主角鹹牛肉嘅味道啱啱好 唔會太鹹太淡 而且加埋個蛋成件事都幾juicy🤤 好味好味 輕鬆KO🤪。評分：8/10❤️★西多士 ($24)。我揀咗煉奶加花生醬 如果唔鍾意花生醬 佢地仲有咖央㗎✅ 餐廳好唔吝嗇 比咗好多牛油 加埋煉奶花生醬實在係太邪惡喇😈 有時喺出面餐廳食嘅西多會好乾好厚 呢度到就完全冇呢個問題喇😉 不過味道就係你想像到西多士嘅味道 冇特別驚喜～。評分：6.5/10😌★

值得專程入去食嘅湯嗲米通！.雖然應該無人唔識陳通記嘅沙嗲米通，但好嘢係唔會食厭💛見到張相又想去食喇CLS🤤.1️⃣沙嗲肥牛米通（$34）先講湯，好少見香港茶餐廳嘅沙嗲湯係有花生碎🥜成件事更加香口有口感！另外平時食湯嗲好怕一pat湯嗲醬pat咗落湯度就變到好鹹同味精濃，但佢湯底係較稀，食起上嚟無咁漏，個人好鍾意🥰唔敢講佢無味精，但會舒服同放心飲個湯底。牛！佢絕對無筋，好易咬得開之餘都好重鮮牛味，睇到米紙條片原來佢哋每日新鮮醃啲牛！最後米通仲煙韌過通粉，每一條都入滿湯汁，個人覺得夾過公仔麵！呢碗粉少咗邊樣麵唔得，每樣都係靈魂👻👻仲要只係$34就食到…救命.2️⃣鹹牛肉蛋治（烘底）（$18）簡簡單單嘅蛋牛治，往往最試到廚房佬嘅心機。烘底啱啱好唔會過燶，入面搽咗一層牛油🧈入面層蛋夾鹹牛肉，蛋唔會煎到過乾，仲有濕潤嘅蛋汁同埋鹹牛肉香味，一個字，正🤩.性價比：🌕🌕🌕🌕🌖美味度：🌕🌕🌕🌕🌖獨特性：🌕🌕🌕🌕🌑.📍陳通記 (長洲)🍜長洲海傍街熟食中心13號舖.@chan_tung_kee #陳通記 #通記 #茶餐廳 #沙嗲 #satay #米通 #長洲美食 #長洲黃店 #黃店 #黃色經濟圈 #黃店推介 #美食推

沙嗲湯底好濃郁，人情味更濃話說小弟除咗食沙嗲牛肉麵之外，仲叫咗鮮油多，點知將鮮油多拎比朋友食嘅時候，由於隻碟太細，引致鮮油多跌咗落地下。雖然係我嘅錯誤，但姐姐隨即補返一份俾我。下次入嚟要再幫襯

【長洲系列】難得搭車又搭船咁入到尼長洲🚌⛴ 試間特別野，呢間係港式茶記既風味🇭🇰搵位斟水全部自己尼，大排檔如果大家夏天想尼就自己衡量下喇💦咁有咩特別？其實係上網睇到呢間有野樣叫米通，趕🐷一聽仲以為係脆卜卜果啲，原來係用米做既通粉😅第一次星期日下晝三四點先去到，伙記已經話賣晒🙈第二次趕🐷平日一點幾去到就仲有，開心🥳.🧡沙嗲牛肉豬扒米通 $43雙併要加$9，沙嗲湯底無失望，食之前記得要攪勻碗底啲花生醬，好濃好重花生味，少少杰身，入面仲有啲花生粒🥜牛肉同豬扒份量多，兩樣都唔會好鞋口，食得出無用鬆肉粉，但趕🐷覺得亦唔係特別出色，不過不失啦，最後係個米通，同通粉一樣中間通窿，可以掛到湯，應該係一早煮定係度，浸到口感偏淋，不過仲有少少煙韌感既整體尼講份量都好大，女仔自己一個未必食得晒

Bookmark咗呢間名物超級耐！終於預啱時間去長洲 一落船就即刻去食😂作為肥牛派嘅我 一見到有得揀沙嗲肥牛就毫不猶豫落單😎另外加錢雙拼揀咗雞翼😆成件事係好啱我口味 沙嗲味濃 但又未至於成個湯杰撻撻 香濃而不膩👍🏻米通嘅口感極好 比起喺出面食到嘅厚身少少 軟滑彈牙 好鍾意！雞翼都醃得好入味 炸得啱啱好 漲卜卜🥰個份量比我想像中多好多 食到勁飽 完全無肚再食其他嘢😂建議兩個人share一碗～烘得香脆唔乾硬 煉奶俾得好多 一路食一路流出嚟🤤好滿足！．*粉麵無跟餐 飲品散叫 凍飲正價$18-21不等～

🍴 陳通記🥄• 今次嚟到位於長洲嘅陳通記✨一直都想食好耐但係咁啱早兩三次去長洲都冇開🥺今次夾啱時間你終於可以試到！！😋聽講佢嘅沙嗲湯底好濃郁！一於試吓係咪真係咁出色🤩————————————————❶ 沙嗲雞翼米通 $34沙嗲湯底的確好濃郁 好香花生味 仲飲到少少一粒粒嘅花生🥜 米通索晒啲湯汁 而且煙煙韌韌 幾特別加上坊間好少見🥺個人覺得米通值得一試‼️ 雞翼大約有四件 有輕微煎香 但普普通通冇咩特別🤣 整體份量好多 而個沙嗲湯都算唔錯 幾出色😋嚟嘅時候好期待會唔會好驚艷🥺 但係覺得有少少過度吹捧 未去到咁誇張地好😂個人覺得都係榮記沙嗲煲仔好食啲🤣🤣❷ 鮮牛蛋治 +烘底 $24麵包烘完之後有點焦香 入面嘅雞蛋和牛肉好嫩滑牛肉首先搗亂再和雞蛋煎成一塊🥪 煎完後夠晒厚實 而且仲有少少蛋汁✨❸ 沙嗲鮮牛肉出前一丁 $40牛肉脂肪唔多 但係入口一啲都唔韌 亦都冇筋🐮會食到牛肉嘅質感😋 同埋米紙訪問時老闆話冇加鬆肉粉 而且用新鮮牛肉👍🏻但個人覺得牛肉同個湯底有啲分離咗🥺可能因為牛肉唔多沙嗲味😢 不過整體性價比都好高 因為牛肉份量非常多✨ ➍ 西多士 $24 可以揀咖央或花生醬 今次我哋揀咗花生醬😋

當日剛剛行完山,食完餃子之後,再繼續食好西~男友帶我來陳通記我黎左咁多之長洲都唔知原來對出粥鋪,再行入黎呢個大排檔有咁多野食可能之前黎o既時候多數都係夏天,所以無諗住選擇去大排檔~男友點左個沙嗲牛肉米通,好可惜當日無牛肉...只好點沙嗲肥牛米通滿滿一大碗,同伙記吹下水,都幾nice!個真係從來都無食過沙嗲湯底係咁濃~平時去普通茶記都係淋少少沙嗲汁就算呢度真係好有熱誠呀~連個湯底都好多花生碎,就算我唔食得辣,但個湯底完全唔辣呀,食完又唔會好口乾,真係好有心機~~肥牛同米通的份量都好多,米通索晒個湯底,再放入口咀嚼,真係超入味呀!!好耐無食過呢種米通,之前在台灣餐廳食過通心米粉.但細細條o既米通就真係無食過~~奶茶好滑,茶味好香濃~~咸牛肉治我都好耐無食過,滿滿的餡料,真係好滿足~~~食完又唔會口乾,唔重味精~~好在我地3點45左右黎到,我地食到差唔多4:15問我地仲有無野加,當我地食到4:30有其他食客想入來食,已經話關門了...我地真係好好彩呀~

嚟長洲除咗掃街，食大魚旦或者食海鮮之外，都可以食下啲長洲地道茶餐廳。陳通記就連長洲嘅街坊都推介，舖頭有啲似大排檔feel，需要自己搵位，衛生環境差少少，但風味十足，冇阻小編食好嘢嘅心情。沙嗲肥牛米通粉（🌟85.34/100）💲34呢個係呢度嘅招牌菜，一嚟到就聞到濃濃嘅沙嗲味，湯底十分濃郁，勁多炸蒜同花生碎，但係吾會太咸；米通粉唔係度度都有得食，小編都係第一次食，食落去好煙韌，好掛湯，而且中間係通窿嘅，可以吸埋啲湯，但係唔知係咪煮得唔夠耐，好多都黐埋一舊舊，好硬☹️；肥牛，軟硬度適中，薄薄嘅一片，唔會煮得太耐而搞到好韌。凍奶茶（🌟12.33/100）💲18嚟到茶記就一定要試吓舖頭沖嘅奶茶，先會睇得出水吧有冇料到🤣🤣飲咗一啖後，即刻甜到嚇死，淨係飲到糖漿味，完全飲唔到奶茶味🙁但係小編嘅朋友叫咗熱奶茶，佢完全冇加糖，好飲好多，但係奶味偏重，值得一試。

⛴今個weekend 終於岀左去離島抖抖，番番黎長洲探下啲美食🤤陳通記呢個名近年聽就聽得多，話哂馳名沙嗲牛肉麵喎！可惜對上幾次入去都無機會試，今次一於book mark 左你，無論點都要試下你有幾巴閉🤔陳通記位於長洲海旁路熟食中心入面，十分隱蔽，未黎過嘅朋友真係要捐窿捐隙先搵得到😬睇落就只係一間平平無奇嘅茶餐廳，但所有客人相信都係慕名佢個沙嗲牛肉而來。🍜沙嗲牛肉米通 $➌➍可能你會話：沙嗲牛肉就梗係配公仔麵㗎啦，點解會係米通？我初初都有呢個疑問，但見個個人都介紹，即管試試佢。原來米通係指一款通心米線，口感勁滑。中通嘅米線可以完美地掛到啲沙嗲湯，真係無介紹錯！至於佢個沙嗲湯的確係有料到，用左花生醬同花生粒去煮，已經令到個湯極香！湯雖然煮得好濃味，但稀稠度較得岩岩好唔會稠到飲唔落咁！加上落左適量嘅辣椒碎，令到沙嗲湯微微帶辣，味覺更加立體，真係忍唔住食下飲下成碗清哂😂🥪鮮牛肉蛋治 $➋➍同沙嗲牛通一樣，用上新鮮薄切牛肉製作。牛肉腍身重牛味，無醃製嘅梳打粉味，不惜工本落足料勁多片牛肉🙇🏻‍♂️連埋雞蛋炒香再夾係方包之中，新鮮製作熱辣辣上枱👍🏻下次再黎，希望可以畀我試到今次無哂嘅咖央西多士🥺📍陳通

入嚟長洲之前，梗係搵定有咩好食啦！我見好多人都推介呢間嘅米通，一預同朋友仔黎試試佢😊😊😊- 沙嗲牛肉米通 $34份量十足，好大兜。牛肉都多，肉質腍唔乾。佢個沙爹醬重花生味🥜🥜🥜仲有埋啲花生粒，所以湯底嘅顏色會比平時嘅偏黃，似花生醬嘅顏色。米通，佢似通粉咁空心嘅，食嘅時候吸埋湯汁，口感彈牙，似食緊米線咁。😋😋😋🙌🏻推- 西多士 $24又係份量十足。口感上，冇外脆內軟。味道上，食到好似用用過嘅油炸出嚟。🙅🏻‍♀️🙌🏻個人唔推

本人十分喜愛沙嗲牛肉，聽說陳通記在場就非常出名，所以星期六特地搭船去長洲一試究竟，由於疫情關係，每枱只可以坐兩個人，大約12:30到達長洲，第一站便是陳通記，位置找了一會兒，然後發現陳通記有多於一個舖位，座位是需要自己輪候的。我與朋友分別等不同的枱，大約等了45分鐘才有位置。分別是了沙嗲牛肉米通，和沙嗲蛋公仔麵，價錢方面是很抵，30多元一碗，牛肉和麵份量也算是很多，本人比較推介米通，米通比較特別，外面不是每一家店也有，米通亦能夠吸收沙嗲汁的味道，不過對沙嗲汁有點失望，裏面沒有吃到花生粒，和湯底偏鹹。而公仔麵煮的時間太久，公仔麵的麵質過淋，導致沒有口感。牛肉方面，軟硬度適中，很容易咬，不會太’un’，如果把價錢也考慮進去，性價比算是很高。如果大家去長洲是希望掃街，比較建議三人吃兩碗，另外再加小食，因為份量很多，這次我和朋友吃完也要等兩個小時消化完，才能掃街。

-<<🌞🍜>>只要㩒入 #長洲美食 個tag就一定會見到陳通記💛💛平日去到都非常旺場～姐姐好熱情友善🔥亦見到好多街坊幫襯.1️⃣沙嗲牛肉米通 | $33 | 8.4/10梗係要嗌佢招牌米通😌‼️出邊較少見口感彈牙～好索湯又唔會太淋 沙嗲湯底好濃有花生粒🤩辣辣地超正牛肉就唔算多有啲韌🙈不過牛味重收貨份量好多 細食嘅朋友建議兩份分～.2️⃣鹹牛肉蛋治 | $17 | 7/10炒蛋但都幾滑👏🏼正常茶記質素～唔想淨係食通粉咁齋可以試吓! 記得嗌烘底呀👀.📍 陳通記 長洲海傍街熟食中心13號舖.#jacstomach_長洲#jacstomach_港式

岩岩落船就去左位於海傍街嘅陳通記，係熟食中心入面，係外圍團團轉係搵唔到的，要行入去～見咁岩有枱客走左我地就坐低😬🔆炸菜肉絲米通$𝟚𝟠 雖然佢最出名沙嗲牛，但朋友唔食牛所以我地黎試下米通😆個米通粉幾好咬，唔係腍啤啤咁，中間空心仲可以吸到湯😋可能揀左炸菜，個湯有啲鹹🙈🔆火腿蛋治$𝟙𝟠 要左烘底，唔洗加錢😳咬落熱辣辣的😚沒有很特別🤣🐰岩岩落船食碗熱野暖下胃係非常推薦👍🏼唔太確定佢營業時間，OpenRice寫4點就關門，所以就放係行程較前位置📌

•沙嗲牛肉瀨粉牛肉嫩滑 味道同沙嗲豬扒比較起上嚟冇咁濃郁 想食冇咁濃味嘅話 可以就食沙嗲牛肉 可能係佢啲牛肉一早醃好跟住冇另外加沙嗲味道可能比較淡 而且佢嘅瀨粉感覺冇咁入味 但係啲牛肉就真係好嫩滑🤤下次帶咪通可能會比較出色啲！•沙嗲豬扒米通湯汁濃厚 豬扒超入味 嫩口 因為係單叫豬扒再另加沙嗲 咁樣可能就入味啲 呢度嘅米通果然好好食唔同出面普通嘅通心粉！*其實仲嗌左個西多士㗎不過唔記得影相🤦🏻‍♀️🤦🏻‍♀️🤦🏻‍♀️ 太吸引啦 個西多士我都極力力推薦！*我哋大概食咗total$120左右啦 性價比都幾高👍🏻

長洲有勁多出名既野食, 陳通記既沙嗲牛肉應該好多人都聽過, 但食唔食到好似真係睇運數!😏 一向鐘意食沙嗲牛既我, 難得去到長洲, 當然要碰下運氣喇! Yeah! 有開舖, 食得到! 叫左兩碗名物🤣 🍜一碗沙嗲肥牛麵-- 肥牛薄而且肥瘦適中, 麵底超多, 沙嗲味好濃好杰身, 好好味!🍜一碗沙嗲牛肉米通粉!-- 呢碗湯底感覺仲濃郁, 米通粉滑嘟嘟, 撈埋沙嗲湯食, 完全清左成碗! 真係非常滿足!🥰 牛肉厚身但唔鞋唔un, 食幾多都唔夠咁!