陸記正宗桂林米粉

營業中

休息中

由我讀中學可以自己出街開始，經常同朋友一齊去食陸記，由以前2間店，得返呢間，味道都係無變，最令我印象深刻，就係鍋燒肉，不過今日我無食，轉左嗌蒜香雞扒粉。蒜香雞扒好濃味，而且蒜味好濃，煎到岩岩好放落湯，好食。粉～佢d 桂林米粉望落似米線，實則無米線既煙靭感，反而多左d 爽口既感覺。 湯底係清湯，拌有椰菜。老公食既係鍋燒肉飯，有d 肉燥汁撈飯，鍋燒肉真係堅正，塊片脆到對面都聽到😂，有層層肉同脂肪包住，好食👍而食飯可以揀要湯定涼粉，緊係涼粉啦，個口感煙韌，配埋花奶勁正。而身為粉麵怪既我。又好鐘意打開辣椒醬 同辣椒魚露。倒小小落粉度食😂青青綠綠個款係泡椒，都幾香。雖然唔係成日食，但佢都算係我由細食到大既老字號，充滿回憶既食店。

閒日特意趕到元朗大橋街市勝仔記買餸，於是到附近老字號午餐。呢到最出名係絕代雙豬粉，即係燒肉配豬頸肉，原本以為係米粉，點知係米線，有d失望。上菜都算大碗，肉份量好多，4大塊豬頸肉及4大塊燒肉，女性一定食唔哂。可惜，豬頸肉好鞋口，唔算香更稱不上爽。燒肉相對較好，塊皮脆香。米線茶餐廳貨色，湯底咸，冇特色。環境方面，空間好細，座位好多，都幾迫，如果一家大細就食外賣仲好。結論：名過其實，不值一提。絕代雙豬粉加凍飲$61

花數十元幫襯小店，要講求咩特別服務，真係難D，但由教育路果邊果間分店(已關閉)幫襯了「陸記」十幾年，來到這裏，要吃的，就是那份不變的情懷和味道。我每次黎都必定食佢個蒜香豬扒飯！只因佢個豬扒蒜香味濃，而且十分厚切，口感厚實有咬口，而佢亦有好多件，然後再有肉噪伴邊，肉汁味濃，惹味可口。叫佢地個下午茶套餐，除左包一杯飲品，仲會包埋甜品或者例湯。但我每次都只會選白涼粉，白涼粉澆上花奶，十分煙ｕｎ彈牙，我食左十幾年，都係咁鍾意食！

陸記正宗桂林米粉 ｜ 元朗$55 送飲品/甜品 （水晶涼粉）燒肉非常大舊 燒肉皮浸湯 啱啱好口感脆口碗麵亦大大碗 超飽！米線口感比較爽～不過整體湯底比較鹹 偏重口味 ————————————————————————📍元朗又新街27-29號建威大廈2號地舖————————————————————————Overall 💗💗💗💗#香港 #元朗美食 #元朗 #元朗米線 #hkfoodie #koreanrestaurant #koreanfood #food #delicious #hk #hongkong

今日星期日出去補充家庭用品，沿途順便到陸記買埋午餐返屋企食。平時較少幫襯陸記，因為陸記位置距離屋企較遠，而且又無參與外賣平台，今日趁出開去就買外賣。鍋燒肉酸荀薯粉 - 燒肉的皮夠脆，酸荀略為多小小喳，個湯的味道適中，唔會太咸。絕代雙豬飯 - 除燒肉夠脆，豬頸肉口感好，唔會好韌。夠晒足料！跟餐送的花奶涼粉都OK。整體食物的質素OK, 雖然並唔係成日幫襯，不過咁多年來幫襯，職員的服務及應對方面無問題，絕對符合街坊粉麵小店的水平。

終於終於食到呢間想幾年嘅米線行完山落返元朗食個Lunch唔想行太遠所以就揀咗呢間想試好耐嘅餐廳一行三人每人都嗌咗一碗麵 一上菜 非常足料大大碗 絕代雙豬啖啖肉啲燒肉仲要大大舊 一啲都唔寒酸侍應姐姐仲好熱情 仲推介我哋飲佢哋嘅紅豆涼粉爽果然冇令人失望 佢個紅豆冰仲要比其他出面嘅餐廳出色呢個反而係額外嘅驚喜一定一定會再幫襯佢另外我哋都叫咗個小食炸餃子 呢個反而就有少少失望因為皮厚餃子嘅肉餡仲要好細雖然小食令人失望但係整體都好好

呢間小店長期有人排長龍，辣酸豆角聽聞唔錯，於是好奇一試，點知好失望😞絕代雙豬粉呢度既名物，厚皮香脆燒肉+豬頸肉，燒肉外皮特別厚實，咬落幾香脆，味道一般，食第二塊開始會覺得油膩。豬頸肉又厚又韌，好難咬開，味道都係一般，湯底偏淡。秘製鍋燒肉粉同上面既厚皮脆燒肉相約，食落無太大驚喜。兩碗粉每碗額外加十幾蚊試辣酸豆角，味道少少酸辣，唔算非常惹味好食，感覺唔夠抵食好食。整體粉麵既餸比較油，肉量多，但味道普通，加辣酸豆角雖然可平衡返少少味道，但偏貴。唔明點解排長龍都要食😥出面隨便搵間米線都好過佢。好味：2/5環境：3/5客服：3/5

🍽 餐廳：陸記正宗桂林米粉經元朗友同事極力推薦，元朗名物絕代雙豬飯，今日收工就買外賣試下。🐷🐷絕代雙豬粉$60雙豬指豬頸肉+燒肉（記得分餸），以免燒肉浸到淋晒，湯底是普通清湯，豬頸肉與燒肉份量好多，就算是外賣燒肉拎到返屋企都仲係暖暖地又脆嘅，米線同出面口感唔同，佢係比較爽身，唔會淋pat pat ，有少少似瀨粉但係白色嘅👍🏼👍🏼🔮水晶涼粉出面好少有呢款甜品，我都係第一次食，其實係白涼粉再加上淡奶，味道唔錯，如果再凍啲更加好！🐷紅燒東坡肉米線$50跟餐東坡肉夠入味而且好淋，有滷水嘅味道👍🏼湯底有滷水味，喜歡濃味的人可以也是十分推薦。🐔蒜香雞扒飯$36雞扒雖然煎得香脆，但是肉質偏乾身，也帶有少少酸味，不知道是醃料問題還是肉質問題， 伴上肉燥，食肉獸的人可能喜歡。涼拌皮蛋，好普通，可以不試。💰埋單總共：$189👩🏻食後感：米線不錯，價格合理，可以再回訪。📍元朗又新街27-29號建威大廈2號地舖

係我仲讀緊書嗰陣，就會去千色後邊嗰間陸記度食，食下食下而家得返又新街呢間陸記。嗰日入到去撞正係午餐時間，所以有好多人，而我快快搵個位就坐低嗌嘢食啦。我自己就幾鍾意食佢啲米粉，同米線係唔同，佢多左種質感。所以我今次就嗌咗鍋燒肉粉啦。佢係冇得分上嘅，所以一嚟到我就快快脆脆食晒啲肉先，鍋燒肉塊皮真係好鬼脆！仲帶有一浸鹹香，好好食！而佢嘅米粉入邊包埋有椰菜，黃金豆，配埋黎食都幾match!餐廳側邊會有啲醬辣椒，仲有辣椒魚露，俾你撈麵食嘅。我自己就好鍾意食佢嘅醬辣椒，每次都落好多落碗麵度同啲米粉一齊食。

已bookmark好耐既陸記，係又新街成日都經過！ 今晚就買幾碗一齊試試先！ 任何時候都咁受歡迎。今日差不多21:00黎買外賣，餐廳裡都仲有好多人食緊，亦有幾位等外賣中！ 叫左2碗絕代雙豬粉 & 1碗麻辣大腸粉一齊分！·湯底夠味，加埋辣粉，正！ 👍🏻·外賣返到屋、燒肉皮仲脆的🤩·如果可以加埋芫茜就完美了❤️·甜品水晶粉感覺好似食緊涼粉咁😁好啱夏天Total 加埋 $171， 3碗麵 + 野飲/水晶粉！ 非常抵食！ 記得外賣既話，加錢燒肉分開喔😎

環境同員工態度極差，仲差過大陸，係我成世試過最差嘅餐廳，好似趕客咁。味道一般 體驗極差 食完完全沒有滿足感，絕對不會食第二次，如果你地想試下有幾差可以去體驗一下 0分!!!!!!!!環境同員工態度極差，仲差過大陸，係我成世試過最差嘅餐廳，好似趕客咁。味道一般 體驗極差 食完完全沒有滿足感，絕對不會食第二次，如果你地想試下有幾差可以去體驗一下 0分!!!!!!!!環境同員工態度極差，仲差過大陸，係我成世試過最差嘅餐廳，好似趕客咁。味道一般 體驗極差 食完完全沒有滿足感，絕對不會食第二次，如果你地想試下有幾差可以去體驗一下 0分!!!!!!!!

咁岩到元朗出job又咁岩Google 到呢間所以就抱住朝聖既心態去try try店舖size 應該叫中小我諗大概容納到20幾人有冷氣 夠涼既出餐快食物方面我就叫左酸豆角雙豬米線 加杯熱0水不得不說 非常足料我諗豬頸肉加咸肉 我應該食左8舊咸肉非常大舊，有0. 5cm 厚，表皮脆 底層軟淋，容易咬斷遂啖遂啖食豬頸肉，爽口，味道就咸咸地，厚度適中酸豆角+配料(肉碎，青豆，...味菜？ ) : 因為成碗麵整體黎講算係以咸味為主導，呢個酸豆角可以話係舒緩左味蕾疲態既問題小弟平時食得清淡所以我會覺得咸 但未至於好咸重口味人士我諗應該岩岩好食量唔算大既朋友我覺得可以搵多位朋友子一碗麵2份分 再加啲小食另外佢餐飲好似可以揀例湯我埋單時望到 好似都唔錯大家都可以考慮下

幫襯左好多年，最鍾意食麻辣雞絲粉，同埋蒜香豬扒粉。桂林米粉比普通米線粗少少，口感唔同。不過湯底就偏鹹。呢度嘅小食都好抵食，今次另外叫咗個小食豬耳，不過麻辣汁都係偏鹹。幾欣賞佢嘅配菜唔係用花生，而係用炸黃豆，很有風味👍🏻

屋企人好鍾意食呢間嘅肉燥飯，我自己就最鍾意叫麻辣豬耳粉配自家製涼粉。佢哋嘅面底係好似比較粗身嘅米線，食落滑嘟嘟，配埋其他配料例如炸蒜，黃金豆，椰菜，芫荽蔥等等，令到個湯底都好濃郁。再加埋佢哋嘅辣粉，會令到個湯底再提升不少。豬耳本身味道帶微辣，唔食得辣嘅朋友應該都接受到，而且份量都唔少。所以食埋佢哋嘅自家製涼粉一定夠飽。涼粉係透明帶白色涼粉而唔係黑色嘅，要加埋花奶先至會有味道。ps 有時湯底會特別鹹，希望店家可以穩定返個水準！

之前發現到呢間陸記既早餐係有飯類供應👍 bookmark左好一段時間終於有機會黎試下😂其實佢menu基本上全日都一樣，只係唔同時段價錢會唔同～⭐蒜香豬扒肉燥飯 (評分: 3/5) 💰4️⃣2️⃣個人認為肉燥份量偏少唔夠撈飯😅肉質偏瘦但唔鞋，味道偏甜，濃稠適中～豬扒炸得好脆咬落去索索聲😂 但肉質略嫌乾左啲，普普通通🙈⭐咸酸菜胡椒豬肚粉 (評分: 3/5) 💰3️⃣7️⃣呢個係朋友點既，個湯味道偏清淡，酸菜同胡椒味都唔夠突出～豬肚算爽口唔韌，酸菜唔會太鹹，米粉(其實勁似比較粗身既米線)彈牙，但整體一般下次依然會再黎食有飯供應既早餐，因為係香港地早餐可以食飯既選擇實在太少😂