陸記正宗桂林米粉

營業中

休息中

紅燒排骨桂林米粉($45+3可樂)(跟餐$45包熱飲或甜品，可樂要再額外加$3。唔跟餐就$39)5件排骨炆得夠腍，好食，有咬口。桂林米粉望落似粗身既米線，食落比米線有趙口。米粉量唔係特別多，但好飽肚，食完超飽。湯底好夠味，唔落辣椒油辣椒粉都夠味。我覺得燒肉(4.2/5)比排骨好食(所以係招牌?)。(個人口味3.9/5)秘製鍋燒肉桂林米粉($44)燒肉皮脆，好香口，要快d食，塊皮浸腍左就唔好食。湯底唔錯。(個人口味:3.6/5)落單既時候，明明係先叫紅燒排骨再叫燒肉，最後先叫汽水，但侍應張單都係寫左($47(排骨套餐價$45+$2凍飲))+$44(燒肉單點)+$1(原來汽水要加$3就後尾加多$1)=$92)，而唔係 $39(排骨單點)+$49(燒肉套餐)+$3(加汽水)=$91。雖然只係計多左$1，但總感覺侍應係特登咁樣寫。點睇都唔似新手侍應本身想同侍應反應，但見到佢地對隔離枱既態度好似好惡就算 

雖然陸記喺出名米線，但我想食飯，叫左個 魯肉飯。 跟一杯凍奶茶。茶味幾濃我覺得好飲，唔算多冰嘅。魯肉飯出奇地多肉呀~ 同埋幾大碗~平時最怕少汁少餸食到一半好似淨番白飯，但呢碗有覺得喺抵嘅感覺。幾重口味~我中意，但略嫌啲肉碎左少少，冇乜咬口。多汁我好中意呀，可能餸晒成碗飯！下次要試下米線先~

除了河粉以外，平日不常吃幼身的米製粉條，但最近吃過譚仔米線後，竟對米線味道念念不忘，剛巧下午經過又新街，肚子有點餓，遂想到有一家成名已久的陸記桂林米粉就在咫尺，米線跟桂林米粉本就相似之極，只是桂米粉畧畧粗身，質感味道實在無異，捨遠圖近，選了到陸記吃個下午茶。一碗米線加上一杯熱飲下午茶時段只賣HK$36(週六、日，平日只賣HK$35)，作價算是相宜，點了五香牛腩米線，牛腩每塊都有麻雀大小，共五六塊，香料味濃，炆得入味焾滑，咀嚼時並無絲毫黐牙，證明纖維條條炆得軟滑。桂林米粉煮得頗好，爽口卻沒有譚仔米線的粉中帶有一絲硬的Al Denti 口感，相形見絀，湯底濃味厚身，跟淡味的米粉襯絶了。從我的 iPhone 傳送

之前聽朋友話陸記嘅雙豬飯同白涼粉好食，個日經過就試下，店鋪並唔起眼，搵左一陣先見到。我點左朋友推介嘅絕代雙豬飯同水晶涼粉。雙豬飯真係好大碗，秘製鍋燒肉超厚切，豬皮燒得好脆，燒肉唔肥膩，肉質鮮嫩，真係啖啖肉香。而滷水豬頸肉亦整得恰到好處，滷水汁香，成功令豬頸肉更味美。兩種豬嘅唔同部位再加上入味嘅肉燥汁送飯，令人好滿足。再試埋鎮店甜品水晶涼粉，我第一次食白涼粉，感覺好新奇。透明嘅水晶涼粉對比普通黑色嘅涼粉味道較淡，無草藥味，但口感好爽，質感較軟身，有少少似啫喱，水晶涼粉配花奶，味道的確唔錯。套餐除左甜品，仲有飲品附送，最後我飲左一杯熱杏霜，依家出面已經好少有杏霜飲，再者出面更幾乎無水晶涼粉，大家有機會可以去陸記試下。我食到好飽，埋單都只係$54，絕對價格相宜，值得嘗試。

卡比仔一直都好鍾意食辣野，星期日去到元朗，本身想去又新街掃街，但中午見肚餓想食碗麵，見到呢家桂林米粉，就心郁郁想試試。這裡的下午餐都抵食，$38 有一大碗麵，包飲品，涷飲都不用加錢。配料的選擇也不少，一般牛豬雞都有，任君選擇，嗜辣的我當然要食辣野，選了麻辣雞絲桂林粉。湯底來說不能說很特別，但加入的花生和蔥花，令湯底更香。麻辣汁很出色，又麻又香，令整碗湯都生息不少，吃起來很過癮，也很有北方的味道。至於雞絲不算鞋口，也可以。好的桂林粉通常口感彈牙，而且表面滑嘟嘟，這裡的粉都做到這點，掛上辣湯吃麵，再來一啖湯，愛辣的人會覺得很爽很治療！這家店的麻辣汁其實也挺正宗，下次掃街不夠飽，也會來這裡吃個麵。

前排嚟過呢間餐廳食過都幾欣賞呢度D湯底無味精，又夠真材實料，呢日午飯時間再嚟幫襯，希望呢度可以保持水準，唔會令我失望。餐牌都幾多選擇，今次我揀左清淡好介紹中的時菜冬菇粉腸粉($41)配凍奶茶(跟餐$2)。碗粉好快就上枱，面鋪滿粉腸、冬菇、生菜，仲有好多蔥、芫荽同中芹。湯底飲落好味得嚟無味精，粉腸有粉腸味又夠腍，冬菇夠入味不過有少部分未夠腍，生菜、米粉同凍奶茶都唔錯。總括嚟講，呢碗米粉多料、好味又無味精，正！

依家只此一家咋講起佢既絕代雙豬 其實都有少少泰國feel咸肉炒椰菜苗果種咸肉佢同燒肉比到既感覺完全唔同可能因為佢既肉 大而無甘咸個皮次次食都係脆既 唔洗求神拜佛先食到脆口既燒肉仲有佢既酸辣豆角米線 酸酸辣辣好好食台頭仲有菜脯可以加落去食添重點係食完仲可以食佢既水晶涼粉係落花奶架!!

身邊嘅朋友成日話依間嘢好食，今日打完波，佢地就帶左我去食。竟然有一間好嘢係身邊，但自己一直唔知。叫左個袐製燒肉米粉。湯底係清湯，好多葱花，好香，好有屋企感覺。而且米粉好好食。啲肉更唔話得超大份。。重點係好食！仲有碗涼粉仔。四十幾蚊！好值！

元朗又新街附近有好多食肆，呢日就嚟左呢間陸記正宗桂林米粉食lunch。估唔到舖頭唔算大，但呢度餐牌都算幾多選擇。我揀左個家鄉酸豆角肉碎粉($41)配凍擰茶(凍飲加$2)米粉好快上枱，望落酸豆角、肉碎同花生幾乎鋪滿面，入面仲有頗多椰菜都算多餸。呢次係我第一次食酸豆角，食落咸、酸、爽，加上肉碎同炸到香脆的花生，都幾有風味，湯底亦唔覺有味精，食落不俗！凍檸茶飲落亦唔錯，有茶記水準。下次有機會我會再食下其他嘢。

又到午飯時間，今天天氣熱辣辣，唔想食飯，於是同老婆去左元朗又新街的 ''陸記正宗桂林米粉'' 食酸辣米粉。餐牌多款美食任君選擇，有米粉又有飯，仲有好多款小食。我叫左碗餐廳的招牌粉 ''絕代雙豬粉''，再加杯凍咖啡，合共盛惠$51。外貌相當吸引，見到即刻流晒口水。絕代隻豬的意思是炸豬頸肉和燒腩肉，豬頸肉的肉質好幼嫩好香口，又好有豬肉味。而燒腩肉醃味十足，皮好脆。掂！粗身大條的米粉口感唔錯，湯底配料豐富，酸酸地幾好味，但是没有辣味，要另外自行加辣椒醬。 凍咖啡味道都可以

話說每次入元朗都好似要返大陸咁諗定食咩，唔食特別小小好似對唔住鄉親父老。本身讀U過O時代(campsite近元朗)已食過陸記，印象幾好。呢排又聽人講起就心思思想食。又咁啱突發性衝左入元朗咪順便。下午茶時間，叫左一碗雙豬(鍋燒肉配豬頸肉)桂林米粉同一碗麻辣雞絲桂林米粉。桂林米粉係比一般係譚仔or南記食嘅粗身同硬。各花入各眼，我OK。個麻辣雞絲都好普通，勝在夠辣。雙豬好味，兩款都夠入味，鍋燒肉真係唔簡單，落左湯都仲脆口。有食泰式燒肉feel，有誠意。豬頸肉比較大塊，都夠咬口。豬肉都無臭豬味。不得不提，本身上麵會加芫荽，唔食自行提呀姐走。性格比高。留意返，環境一般。唔好借廁所。

今日做嘢做得太太攰了，所以選擇在外䫋食完就返屋企訓。平時行開行埋都見過依間麵店，但就真係冇比佢吸引過，由於唔想行，就抱住伏也沒所謂的感覺入黎食。見佢都幾多人食，伏極有限掛。食完好興幸自己有入黎食。不過真係攰到咩心情都冇。是但叫左佢嘅招牌。不過名都忘記了。食完依餐，佢成功打入回頭系列之嘅餐廳！！！真係幾好食！啲料非常足，而且湯頭清香，有小小似細個呀嫲煮嘅米粉湯。袐製煱燒肉米，啲燒肉好香，皮雖然浸濕，但依然帶略有脆，仲有小小燒肉焦香，食得岀同岀面嘅唔同，有佢嘅特別之處！真係令人開心左下。湯亦唔會搶左肉味同米粉嘅米香。佢嘅米粉唔同米線咁煙un, 比較啱我口味，而且有米香，個人好喜歡。另外，仲叫左絕代雙豬飯，超足料，有袐制燒肉同叉燒，叉燒好食過燒肉，整體都係米粉好食過飯嘅 ！依個餐可以跟餐或者係水晶涼粉，我地就揀涼粉，其實似大菜糕多啲，不過份嘢真係幾好食！ 整體好好！我一定會再返去食的！打打下又心郁郁想再食！！❤️

元朗陸記都係一個小時候嘅回憶，你又知唔知桂林米線同雲南米線原來係唔同？桂林米線係粗身啲有咬口啲，而雲南米線就係譚仔個種，主要係幼身賣點係滑溜啲。所以好少可有機會食桂林米線，但陸記就可以提供到，仲有最重要係雙豬米，有脆豬腩肉加豬頸肉，聽到都覺得好飽呢，不過佢米線份量唔多，所以多啲餸都好嘅。雙豬米嘅餸真係冇得輸，豬頸肉好爽脆，豬腩肉軟腍，皮脆。同埋哩渡最特別係白涼粉，真係好特別，有甜品送，仲有啲飯嘅套餐，所以唔食米線都有其他選擇。

第一天課程，大約在下午六點完結，中午的食物當然已經完全消化。一下堂立刻衝去食晚飯，精神疲累在家附近求其應付就算了。經過樓下街口的陸記正宗桂林米粉，突然想起我的魔宮中還未有這間餐廳，一間我已經幫襯了超過十年的餐廳，今晚晚餐就決定這間了，順便寫一篇食記。故名思義，陸記主打的當然是桂林米粉。由大約中三開始，每䣓一段時間，便會食一次陸記的招牌，雙豬飯，雙豬即燒肉及豬頸肉。最特別是燒肉，聲稱秘制，當年第一次食，外皮相當脆，肥瘦均勻，跟平常的燒肉完全不同，今日再食，價格貴，味道亦大不如前，但仍足夠回味一番。另一道必點小食，是尖椒皮蛋，蛋是糖心，蘸辣油食，開胃。明天再續！陸記正宗桂林米粉 人均消費$60 抵玩指數 1+/3地址: 元朗又新街27-29號建威大廈2號地舖電話: 2479-8819

陸記，差不多每兩星期總會光顧一次通常都係外賣不過晚飯長期多人，如果遇到大批外賣單，大家就要有心理準備長等啦！同埋記得走既時候 check check 齊唔齊，如有漏，職員都會有禮地補番俾你既今次就揀咗三鮮米線食三鮮分別係豬肉，粉腸，豬膶餸量適中啦！豬肉同豬膶可能外賣焗耐咗唔太滑粉腸味濃，甘香。米線係粗米線，軟硬適中，同時唔會將湯索曬。愛辣既可以加辣粉，加辣粉有別於辣椒油，辣粉辣味更持久。除咗三鮮米線，另一個常食既係雙豬飯。