陸記正宗桂林米粉

營業中

休息中

小編平時食飯少 食餸多平時普通一碟碟頭飯 就算叫咗少飯多數都係食哂啲餸 但剩低三份一飯但呢一間既麻辣雞絲飯係唯一會令我食到一米不留既飯😂雞絲煮得好入味 餸飯好正🥰麻辣味夠麻 但係好少辣的唔食得辣既朋友都可以試❤️

7-10-2019重陽節下午竟然有工開! 😂😂 雖然政府唔想市民離開屋企, 但工要照返, 飯都要照食, 呢段時期更加需要我地刺激本地消費。💪💪晚上到元朗醫肚, 又新街既陸記係我半個飯堂, 真係食足十幾年, 佢既生意確係唔錯! 雙豬 (燒肉 + 豬頸肉) 係佢既招牌菜, 燒肉皮脆可口, 豬頸肉好稔, 成日都想回味一下!  但今晚想試佢既麻辣豬肚飯, 雖然我唔係好食到辣, 但都嫌佢唔夠辣!😬 而且汁唔算多, 稍為乾了一點...飯餐可配飲品 / 例湯 / 涼粉 (三選二), 我每次都會食鎮店之寶: 透明水晶涼粉! 每塊都晶瑩通透, 加少許淡奶, 不會太甜, 夏天食就一流。

依間位於元朗市中心嘅桂林米線，佢嘅地點好容易搵，喺大埔小巴站嘅附近，佢買嘅食品亦都大眾化，令我覺得佢最特別嘅係佢買嘅係桂林米線，桂林米線比較爽口，而佢亦唔係一般嘅酸辣口味，佢用嘅係清湯底加上佢嘅配菜係燒肉，真係有啲特色燒肉少少鹹豬頸肉香脆，米線分量十足可以一試

由十幾歲食到三十歲，寫食評都係第一次因為以前中學就去食 lunch 多，近年反而係去食早餐覺得幾抵食，其實都係嗰啲粉，不過再平啲有時食得多茶記早餐都會厭又唔太喜歡西式扒餐、All day breakfast 之類偶然諗起陸記好早開門就去試試過往食開豬肚或豬耳，但最次試雞絲好正，因為份量係超多！食完粉都仲有好多雞絲而且係勁吸味，麻辣湯精華滲晒入去，好惹味平時食茶記早餐想食辣要加辣椒油，但味道始終單調啲一朝早可以食麻辣湯底實在滿足得多

陸記喺元朗開咗好多年，一直都係常客。佢地營業時間比較夜，但又維持到水準，成為我夜晚收工必買既宵夜 。佢嘅米粉好特別係桂林米粉，鍾意佢個口感有少少似米線，但係有冇咁冧 比較有彈性。 之前一直都係食蒜香雞扒粉，今次就試左豬扒粉。個人認為無雞扒好食，豬扒唔夠入味。反而我幾中意佢個粉，清淡得黎又唔會好寡，食厭左酸辣，有時會想食番呢d。我每次一定會叫水晶涼粉，加花奶真係好正！！每次都要求多花奶 。另外佢呢到好出名雙豬飯，豬頸肉加燒肉，都值得一試。

今日試左 絕代雙豬飯 （豬頸肉加鍋燒肉）豬頸肉夠薄夠脆，鍋燒肉個皮好脆，有保留到肉汁，大碗又抵食，$51 晚餐真係好抵，仲有飲品甜品！另外朋友食咗鍋燒肉粉，桂林啲米粉原來好彈牙，同埋啲粉好多，真係男女都可以食到好飽！

專門食桂林米粉既餐廳比較少見，但經常都見到呢間餐廳滿座，相信必定有其吸引之處。桂林米粉唔同我地平時食開既米粉，桂林米粉既質地比較似米線多過我地平時食開既米粉。豬扒米粉，下午茶都係37蚊包一杯熱野，都算抵食。豬扒應該係炸的，食落十分香口，都唔算炸到太乾，米粉口感特別，其他餐廳比較少機會食到。

桂林粉是看起來像米線但吃起來爽滑的鍋燒肉是層次分明的五花腩將表面的豬皮燒至脆口而且每塊鍋燒肉都有一定厚度肥瘦分明簡直食過番尋味而絕代雙驕即是和豬頸肉雙拼那我會情願叫滿滿的一碗鍋燒肉因為有7塊這麼多!雞扒飯飯就顯得份量有點小但雞扒也是很好吃的

又是我們兩小口了，我地遊車河入左元朗，諗住食b仔涼粉不過太多人了。我地周圍搵下有冇咩美食試。今次我哋去咗完陸記酸辣米線，元朗咁多美食都比呢間鋪吸引到。我地入去左個雞翼酸辣米線for her同埋一碟蒜香雞翼for me。佢個餐牌都好多選擇，又唔會太花。等左一陣既時間就到嚕。我話左唔食咁多，但係都比佢碗米線吸引到我，忍唔住要食佢少少。我地加埋叫左勁多雞翼，我地都好鐘意食。啲雞翼既皮好脆好好有蒜香味，肉身好彈牙。我下次會想再黎食過。下次會試下其他味既雞翼同埋米線。價錢又合理，只不過衛生可能差少少因為係米線鋪。不過都接受到既。

每次揸車搵嘢食，經過依個門口都會俾個招牌吸引望一望，今次宵夜時段終於去試吓，除左招牌，內在裝修都係比較舊式，望望餐牌無乜頭綷，就叫「絕代雙豬粉」加個小食「滷香雞蛋」。點完餐，餐點好快上枱，望落去「絕代雙豬粉」既鍋燒肉就好似我地所認識既拜神豬肉咁，食落去完全係兩馬子既事秘製鍋燒肉，咬落去個皮好脆口，肉質好腍，而且無乜肥膏，令口感對比大得黎好食，唯一缺點係太大碗，宵夜黎講未免太多。至於個蛋呢⋯⋯乾，無味，唔彈牙，，簡單黎講就係唔識欣賞⋯⋯今次食咗佢其中一個粉，覺得都幾有驚喜，依度咁多款粉，選擇多，總有一款啱你胃口

好鍾意食米線，而呢間亦係最鍾意食嘅一間！平時就一定會食雙豬（豬頸肉加鍋燒肉：如果係第一次幫襯嘅朋友，超級、絕對、極之推介食呢個必食之選，包保有讚冇彈！），不過今日就轉下口味，食蒜香雞扒同麻辣牛展！呢個嘅姐姐其實好nice,因為同豬隊友幫襯得多，所以姐姐會記得要將雞扒分上（其實鍋燒肉都最好分上，甘就唔會俾d湯浸到淋晒！）麻煩牛展真係整得好入味，所以唔係好食得辣嘅豬隊友就唔係好食到lu!其實呢間店仲有秘製嘅辣粉，配粉麵係超級出色ga!

喺元朗呢個美食競爭咁大嘅地方，可以一直喺度屹立不倒，梗係有返咁上下板斧。陸記係元朗名店，食咗咁多次都係第一次姐佢食評。 今次叫咗佢哋嘅秘製鍋燒肉米線，先唔講味道如何，但係睇佢個份量已經好抵！燒肉足足起碼有五六舊咁多，仲要舊舊都咁好食，夠晒香口。啲脆皮唔會因為浸左係個湯度而淋晒。個湯清清地，我估計佢地無落好多味精。而另外嗰個豬大腸都炸得好好食，外脆內軟咁。食豬大腸最怕啲大腸洗得唔乾淨，但係好彩呢個情況冇喺陸記發生。

好耐冇食陸記，食親仲係咁好味😋足料又大碗。今次嗌左麻辣牛展飯，唔算太辣，就算唔係咁食得辣既人應該都食到，不過豬頸肉或者豬扒味道較佳。肉燥就冇得輸，好香，送飯一流🍚係其他地方食既椰菜通常都好硬，一係就冇味或者好大陣臭青味，陸記就連椰菜都整得好好。飯餐可以揀甜品或者例湯，一定要試下佢個甜品—係透明既涼粉❄️真係唔係到到有，比起黑色既涼粉更加爽口，同埋冇咁重草藥味。有齊主菜甜品同野飲埋單都係50幾蚊，正呀🤓

門口唔太起眼，鋪仔細細，但身為元朗人一定識陸記☝🏻想當年仲係學生哥已經幫襯，因為大碟夾抵食！午市飯餐送餐飲+水晶涼粉/例湯架！大大碗絕代雙豬飯 $54，燒肉有4大塊，皮係硬脆既，肉質偏瘦厚實同柔軟既豬頸肉成對比，碗中間仲有好多微甜既肉燥汁佐飯，一碗集合左3種唔同口感既豬~例湯雖然有少少油，係豬骨煲冬瓜湯嚟，湯料算多，如果一日三餐都係出面食既話，飲到呢碗足料無味精湯，絕對收貨吖！水晶涼粉好Q彈，呢種口感完全唔同黑色個種涼粉，加埋花奶食好正，但係都幾飽肚~

難得返元朗，揾地方食晏，行到去又新街，梗係要去陸記幫襯下。呢度雖然地方細細，但好多時都坐滿食客。呢度出名食廣西米粉，有唔同嘅餐選擇，除咗絕代雙豬外，必叫嘅食物係鍋燒肉粉。 廣西米粉， 唔同我哋一般食開嘅米粉，粗度係粗啲嘅。 另外就係鍋燒肉，都有成五至六塊，塊塊都大大舊，而且肥瘦度適中，唔會好似有啲舖頭，啲燒肉肥到食唔到，而且個皮燒得好脆，肉地又夠 juicy，唔會嚡十十，再加埋桌面嘅辣椒粉，簡直一絕。加多杯凍奶茶，埋買單都只係51蚊，抵食。