陸記正宗桂林米粉

營業中

休息中

又是無飯主婦的一餐，老公想飽肚又簡單快，想起陸記！其中一個特式早、午、下午及晚餐同一menu只是價錢有別。晚餐，大碗飯飲品加甜品／湯只是$50, 價錢經濟實惠。地方比較迫，環境一般但反正食完就走。紅燒東坡肉飯東坡肉好稔，入味。 醬汁甜甜地送飯一流。肉燥雞扒飯不是特價客飯套餐，$52雞扒煎得香脆但雞肉帶酥味，今次質數退步了。甜品：水晶涼粉透明涼粉， 與一般黑色涼粉味道及質地沒分別。配上花奶少少甜，不膩。可清清之前的濃味，為飯後完美作結。

今日黎到元朗搵食，原先諗住掃哂成條街，但行過朋友話好掛住呢間米線既辣醬，所以邀請我去食返碗米線雖然呢到選擇都唔少，但可能座位太迫，周身好唔舒服咁，所以最後我叫左碗酸荀米線，朋友就叫肉碎加酸豆先講我嗰碗酸荀，得少少辣，但啲荀好多渣，而朋友既酸豆，又真係幾好味，酸酸辣辣咁加落米線到幾開胃，但要加$10就真係唔係好值，到我朋友推介既每枱都有既辣醬，嘩，辣到不得了，但的確辣得好香，係出面好難食到呢種辣味，不過如果唔好辣既，就真係填飽肚咁囉

間間米線鋪都又酸又辣咁， 難得被帶到一間值得食清湯嘅。湯底雖然唔算標青， 以為揀咗必食嘅豬大腸， 可以過下口癮。 豬大腸入面有啲肥， 不過食得內臟嘅都預咗點知隔離嘅冬菇豬肉先係正嘢。 清清淡淡咁又夠足料， 豬肉定係一片片或者一嚿嚿， 無論係質地又或者味道， 都似足用嚟包餃子嘅餡料， 中間帶點juicy 彈牙感， 冬菇都好味。麵條雖然係米線但係比一般嘅較粗， 聽講桂林正宗嘅， 都係呢個麵底。唔夠味道嘅都有醬料可以加， 值得一提嘅， 中間綠色並非酸菜， 而係辣椒。 右邊明明係紅色， 浸住勁多辣椒嘅先係酸味醋。另外點左一個小食海蜇， 麻麻地啦

叫左兩個粉 一個皮蛋碗粉我要酥炸大腸粉 佢落個滷水比我個皮蛋應該係辣既 佢求其上隻皮蛋比我就算再三問佢 都話係咁 態度好差不再推薦比大家 但麻辣還可以唔會有下次食到一肚氣 希望有改就進

之前入黎元朗好多時都見到依間麵鋪人流幾多，d餐牌又貼晒出黎所以都望過下，而今次第一次隻身入去食。咁岩2點半下午茶時間，人流都有啲多，33蚊包飲品。本身叫蒜香雞翼粉，點知上左滷水雞翼粉，可能呀姐聽錯，但滷水雞翼都幾入味，桂林米線幾特別，份量太少，食2淡已經無晒，湯偏淡要加辣椒油，唔知午餐份量會唔會多d

夜晚10點幾好肚餓！落到元朗搵野食🙈🙈🙈🙈諗住食返啲清淡D今晚經過見到陸記，聽元朗人講話好食，所以就入去試一試順便醫醫肚！入到去都幾滿座😗😗😗番茄蛋雞絲米粉 ($47)味道: 🌕🌕🌕🌗🌑環境: 🌕🌕🌕🌑🌑衛生: 🌕🌕🌕🌑🌑抵食: 🌕🌕🌕🌘🌑份量十足，雞絲好滑啊係雞柳肉黎既，好好食，食得岀唔似凍肉🙈🙈🙈好鍾意！個湯底又夠清甜，夜晚食完都冇甘大罪惡感😂😂😂！其實宵夜都可以好健康😎😎😎

呢度最出名嘅一定係雙豬，燒肉加豬頸肉，燒肉超脆皮，咬落去係有聲，唔係講笑，就算最後一舊已經浸咗三個字，咬落去仲係脆嘅，而且啲肉食落一啲都唔會覺得肥，超水準！豬頸肉就顯得比較平凡，不過都係好食嘅，邊位有少少豬肉，口感啱啱好，米粉係粗身嘅，不過不失，不過份量都幾大，我食完啲肉基本上已經飽咗，我諗女仔好難食晒一碗，套餐可以揀甜品或者飲品，聽聞佢嘅甜品都好食，不過因為我太口渴，今次揀咗飲品，下次一定會試甜品

大胃D發覺我真係抗拒唔到#脆腩 乜乜乜🙈聽到元朗地膽話依間既#雙豬 好食 我就梗係去試下真偽😈#招牌雙豬(脆腩+豬頸肉)一上枱 眼都突埋 都幾大份 豬頸肉舖底 仲要件件厚切!睇落脆腩好似幾柴 但食落無想像咁 有d肉汁啦 個皮係脆既 但佢個皮唔似燒肉個隻脆 有時燒肉d皮係咬唔爛 但依到就唔會 同埋無燒肉咁鹹 另外個豬頸肉 我就覺得鹹左少少 不過如果一啖飯一啖肉就岩岩好喇🙈#香酥炸餃子 $23 有12隻!真係好抵食!同埋炸得幾香口 但菜肉料唔多 不過咁既價錢 我收貨既#麻辣雞絲米線唔好比佢外表呃左 佢睇落好辣 但我食唔到辣味 落單個陣佢又無問要配咩粉就幫我要左米線😢雖然雞絲份量唔少 但d米線個口感真係好膠 佢係比譚哥個d粗身 又唔彈 但唔浪費既我都食哂..但之後個幾日我都唔想再食米線😭當時見到其他人叫左肉燥/咖喱乜乜飯 睇落好吸引!係咪我叫錯嘢?

港島人一向少來元朗，一別經年，巳然變天Yoho名店林立，鑽進街邊老巷為求一餐歡愉這店鎮店之寶，一個絕不陌生的名字未試其食，先有先聲奪人之效"絕代雙豬飯": 名號夠響，但招牌不夠亮懷疑店主是否古龍粉絲？小魚與無缺，換上豬頸肉與燒豬肉今次來到未能食到一貫水準，飯和雙豬也不夠熱，無缺未能使出蓋代神功，燒肉皮不夠脆和香，幸好肥瘦尚可，而魚兒頸肉亦未夠肥膩，薄薄一片，食來也不夠勁兒還望下次黎到，重拾絕代神功，帶你我一趟空前絕代好經驗

雲南米線食得多，試下桂林米粉，桂林既林粉其實啫係線，除左米線仲有撈麵、飯、湯飯，以細細地既餐廳來說，食物種類都算多。但餐廳唔大，位置唔多，坐落有啲迫。叫左碗麻辣雞絲米粉，米粉一黎既時候好香而且麻辣味好強烈，以為會非常辣，驚驚地添，但食落去又唔係好辣窩，分量就夠晒大碗，雞絲唔算少，配料亦好足，有花生、蔥花、芽菜等等，米線煮得唔會太林太硬，有啲可惜既係湯底稍微有啲啲鹹，配埋米粉一齊食就冇咁鹹，但都好味既，整體來說，一般。

每次黎到元朗都會諗食咩好，因為有d黎黎去去都係食個d或類似🙈 喱間之前都有食過，但都有一段時間無食，所以揀左喱間做宵夜叫左個麻辣豬肚粉同加$5轉左蘆薈西柚柚子纖蜜！個豬肚粉味道吾錯，同埋個粉都好味，但d豬肚好似有d怪味（吾知係咪醬汁問題）但份量都多👌🏻杯特飲同個名都吾同， 正係飲到柚子蜜既味，其他味係無

入元朗行街，看見這老式食店，已在這區幾十年，决定入去試試，大部分食物 加少少錢便可跟餐有甜品或飲品送， 看餐牌後叫了一個餃子和一個東坡肉飯， 餃子皮薄餡足，非常美味，東坡肉夠淋而香口煙韌，其實最正是那涼粉，超爽、甜味適中，還有那奶茶亦香滑。

今日早放工就去元朗食飯，本來好開心，結果是極不愉快！我本身不太喜歡這店，但見老公發夢都想去食，就自己一個去試下，可能有意外驚喜，點知真係有驚無喜！我叫左蒜香豬扒薯粉，一上到枱極香，不過放左一陣d 豬扒比湯浸淋晒！d 粉漿現哂形！變左啫喱甘口感極差！不過好在豬扒無咩雪味，還可以勉強食哂！不過這間店d 店員極有趣，我發現匙羹上有d 古怪野叫她換另一隻比我，她說是匙羮花紋，之後比左人地剛走食完隻匙羮我睇，話都係甘，點知人地食完野隻匙羹咩都無，佢就話係我隻匙羮特有花紋！我只想換隻匙羹都好似難為佢甘！我真係唔敢用！食物唔好食我可以接受，唔衞生仲死撐真的接受不了！，

絕代雙豬肉燥飯 ($50/餐)上次試完陸記嘅桂林米粉，收到大家報料呢個絕代雙豬肉燥飯都唔錯😋，今次黎到即刻叫黎試試先！ 雙豬即係燒肉加豬頸肉，肉嘅份量超超超多！燒肉係連埋脆皮，一層皮一層脂肪一層肉，膩係有少少膩，但加埋枱面嘅辣醬，即刻個味道層次又多左😝，好味！仲有juicy嘅豬頸肉，同樣不錯。同行嘅友人叫左豬扒飯，炸豬扒同樣好味，睇黎陸記嘅肉燥飯真係正好多！$50餐有飯有飲品仲包埋左花奶涼粉，同樣好味，呢個價有埋甜品算抵啦！

紅燒東坡肉粉($26) 桂林米粉其實即係米線，湯底帶鹹味，好似司令咁中意食辣既當然要試曬枱面上既辣椒，佢有青辣椒醬、辣椒油、辣椒粉，司令就中意落青辣椒，因為外面好少食得到啊。東坡肉雖然滷得入味，但偏瘦左啲，食落不免鞋口。冇食到招牌餸豬頸肉同五花肉🤔，搵次再黎試下先。