陸陸雞煲火鍋 (已結業)

雞煲o係大陸食過, 通常都好鹹, 所以唔太喜歡. 今次係有朋友食過話好味所以來試下.環境:我個人幾喜歡, 暖色的格局, 幾有屋企feel, 梳化位好舒服, 坐位唔太逼, 唔會比waiter 撞.toilet 好乾淨, 唔錯. 冷氣夠, 唔會焗. 地方唔太嘈.食物:雞煲好味, d 雞入味唔會鹹, 辣度可以選, 啱我呢d 唔太食辣的人. 食到咁上下會加水變打hotpot. 推介肉類, 蝦滑, 墨魚滑, 牛肉. 雲吞一般 響鈴賣晒, 冇得試.服務:態度好, 有笑容, 一舉手基本上即刻有人理你加分佢個煲加咗個墊, 唔怕倒瀉d 湯, 值得加分

小弟不嬲都唔寫食評..但今次真係因為太好...忍唔住要寫......話說前一日女朋友想去打邊爐..咁我就上開飯睇下旺角有咩出名火煱...見到哩間新o既雞煲店..仲要好評如潮..當然要試下啦..當時大約七點..係旺角無咩野做又大雨..就早D去...係門口見到裝修唔錯..不過唔知係咪太早..得果幾張枱有客....但一入去D雞煲香味就攻入鼻內..而服務人員招呼我地坐好後就睇下有咩食先...都唔錯...之後我就同一個友人同女友不斷去討論下食咩好...點知就係哩個時間就有個服務人員就好客氣咁同我地講"先生..個雞煲制作比較花時間...不如幫你地落左個雞煲先.."咁我地驚唔夠食就落左個大雞煲(小辣)..之後就點左娃娃菜,大o既頂級美國肥牛,芝心丸同響鈴.雞煲黎啦..三個人不約而同咁打左個特..嘜咁大煲o既!!(之後同d服務人員傾開先知例牌係半隻雞..大係一隻雞..)等左一陣服務員自動過黎幫我到攪一攪d雞...免得燶底...之後就可以正式開蓋...我地二話不說就同個雞煲開戰..每一塊雞都好大...而份量都唔少..味道可講係一流..而我地密密食都食左九個字先食得曬...同行友人唔係太食得辣..但佢都覺

琴日男朋友生日, 聽朋友講旺角開左間好食既雞煲火鍋店, 於是決定去呢度慶祝因為怕無位, 所以就收工既時候就打電話去book位!!!我地book左7點, 所以收工既時候就啦啦臨搭車去啦~去到果時早左大約10分鐘, 所以無周圍行, 決定入去先~入到去, 見到得三四枱客係度, 心諗,死啦......得咁少人, 唔通呢度d野唔好食, 但過左15分鐘之後, 已經full左啦!!!(好彩我有打電話黎book位)一坐底, 就會有人送上生果~西瓜+橙~ (好少火鍋店咁做, 個人覺得幾特別)同XO醬(佢地話係自己整架)! 之後就有店員行過黎介紹有咩好食~我地就點左一個例牌雞煲 (因為男朋友唔食得辣, 所以叩左小小小辣), 封門柳, 手打蝦丸, 竹生, 芝心丸, 響零同唐生菜~1~例牌雞煲 - 一開煲, 就覺得好香~食落去好明顯有炒過, D雞夠入味, 同埋有充足既配料2~封門柳 - 我第一次聽呢樣野, 係店員介紹我食既, 聽佢地講係牛既橫隔膜, 食落去好有牛味3~手打蝦丸 - 食落去真係食到蝦粒, 唔會好似出面咁食極都食唔到4~竹生 - 原條上, 仲要全部都好大條, 索埋D湯汁, 好好味5~芝心丸 - 唔

終於等到天氣漸漸轉涼的日子，雖然下午還是烈日當空，可是晚上秋風清爽，忽然間又想吃雞煲了，可是是日晚餐時間有點晚，本來鬆弛找了一家在太和的雞煲店，但實在有點遠，所以我就提議近近地先去旺角試下一家新開的雞煲店，在開飯看到食評不俗，評語也似乎有可信性。到達時大概九點三，經過店門大大隻字寫著「新張期內晚上九時半後入座八折優惠」，還剩下十五分鐘，沒有理由十五分鐘都不等吧。大概在店裡面的店員看到我們的猶疑，就出來說可以先進去坐一下，等夠鐘才下單，所以我們也就先進去坐下來。星期日的晚上，客人不多，只有半滿。雞煲店裝潢簡潔乾淨，淺木色的檯椅，配搭柔和的燈光，感覺上也像什麼日式豬扒店，或者烏冬店之類的。首先奉上XO醬和水果併盤，有西瓜和橙，都是冰凍的，讓我想起深圳的海底撈。招牌雞煲(例牌)($108)，通常都是寫一隻或半隻，很少寫例牌，我估計應該也等於半隻吧。雞煲用一個黑色的鐵鍋盛著，店員上檯時再三叮囑鍋子非常熱。黑色鐵鍋傳熱度高，也能保溫，所以雞煲一直處於極熱狀態，看著裡面滾著的醬汁，醬汁彈跳的程度就像第一下把醬汁淋在鐵板牛扒上的黑鐵板上一樣。我們點的是大辣，但其實不怎麼辣，只有平常雞煲店的小辣程度，

早兩日放工陪朋友去完旺電買野，7點幾正心大心細唔知去邊食飯時，行到泉章居附近見有間新火鍋開張。見佢布置得幾靚又有位，就抱住一試的心態睇睇。睇下Menu原來主打食麻辣雞煲，但D夥計話胡椒豬肚都正，可惜小弟唔食豬肚，所以就試試個雞煲啦。4個人叫左個大雞煲，一上枱時又真係好香喎。配合埋D香料，聞落的確十分惹味。而且份量都十分足，大雞煲足感覺真係足一隻雞，賣相值得一讚。不過如果多D蒜呀、配料就更正，o岩晒我呢D愛好重口味o既人。至於實際味道方面，因為同行朋友有人唔食得好辣，所以我地叫店員盡量減辣，不過食落又唔太差喎，當然我自己就覺得辣D滋味D，但而家既有麻辣香，又有少少甜味，個醬汁做得唔錯。而且食完後唔會好口喝，連唔食得辣的朋友都話得。食到咁上下，店員就幫手加湯打邊爐。由於本身人唔多，我地只叫左D六寶丸、芝心丸、牛同響鈴。不過佢D六寶丸打得幾好，個店員話係自家手打的，食落又的確幾彈牙！至於牛方面都幾新鮮，而其中有味封門柳幾特別，牛味重D，又唔算「蘇」，好似話係牛的橫隔膜位置。唔識，但食落唔錯。食食下，怕辣的朋友話好似愈食愈辣，特別係D菜，可能係D料浸湯後D味更突出吧，但我地就覺得更正，更似麻辣

前幾日同屋企人O係旺角食飯, 本來想去泉章居的, 但路過時見到一排花籃, 就發現呢間火鍋店新開張, 由於全家都係「邊爐怪」, 所以就入去試下。入到去感覺唔錯, 舖頭唔大, 但裝修清清地, 望落都OK的。間野似乎出名食雞煲，但阿妹唔食得辣, 所以叫左莞茜皮旦湯底。我地剔剔下張點菜紙, HAHA不知不覺點左好鬼多野食, 佢地O係肉類方面有幾多選擇, 除左我打邊爐必食O既肥牛外, 仲有D我未食過(都冇乜聽過=_=)O既種類, 我地試左「頂級封門柳」同「黑毛豚肉腩片」。 個 「頂級封門柳」出奇地好味, 我見佢個樣以為會好「韌」, 但食落又唔係喎, 仲有種好獨特O既肉香,佢價錢反而仲平過碟肥牛添~唔錯唔錯~~至於個 「黑毛豚肉腩片」 , 我覺得好好味, 佢個味有D似豬頸肉, 但就冇豬頸肉咁肥, 最重要係佢入口即溶!! ORDER左3種肉類之中我最LIKE呢個!!: 至於其他食物, 我覺得都算水準之上,個乜丸物丸拚盤幾抵食，雖然個鯪魚球丸變左芝心丸(!?)...但當試多樣野啦, 又幾好味~~整體感覺幾好, 可能新開張, 個場唔算好爆, d招呼非常好, 淨係問加唔加水都問左4-

今日同屋企人經過泉章居，見隔離間食肆門口放晒花牌，睇黎係新開張，而且招牌Logo好得意同舖頭名好襯所以入去支持下。點左食肆主打既雞煲，賣相及味道唔錯，味道適中唔喊（事關依家香港太多雞煲店好多d味太咸太麻），媽媽不食得太辣但都贊好味及辣得黎唔係淨係好似出面個d勁多辣椒及辣油個d辣。（PS 辣程度仲有分大中小添）適合唔同人既需要。讚！另選左莞茜皮旦做湯底打邊爐，個湯好似屋企亞媽煲既湯。冇味精，唔係開水個隻。是此點左老闆推介既手切牛，封門柳（好似係牛既橫隔膜，未試過所以試下），竹生，手打丸。推介既野真係好食，堅係牛有牛味，墨丸有墨魚碎添。值得讚係食物除左新鮮，上碟賣相都有心思，而且前菜唔係花生等大路野，意然係細細碟既西瓜同橙既生果粒，幾健康下。 可能係新開張，用餐時有5枱客但唔嘈，室內環境唔太嘈有啲似去左西餐廳。建議有返啲音樂就更特別。 係個場度招呼客人既侍應好後生，疑似係幾個後生仔女朋友檔開，新開張食物，服務，招呼等都睇得出有心思，所以一定會再左支持。

見新開，走入去試下，一坐底有生果雙拼，新奇同好有新鮮感點左個小辣鳮煲。一開蓋好香。味道一流，甜，辣，麻，好有層次。不過越㫓越辣，我地唔係好食得辣，同老細講，佢即刻換個蕃茄湯俾我地。佢話唔收錢既。真係邊有人咁做生意。攪到我地唔好意思。食物方面；封門柳正。竹生非常好，原條上，鵝腸就一般。佢地食物好精緻。我見佢地時出左歺又拎番入去，多口問老細，佢話d野擺得唔岩同唔靚要再執過，真係o咀裝修好靚。好似食緊西歺，價錢唔貴，食到飽都係百幾蚊仲有雪米磁送。屋企附近開左間咁有heart 既打邊爐，真係要推一推

今日行開旺角，見到泉章居隔離開咗間新舖頭，所以就同老公入去試吓！先講吓啲唔食得嘅嘢先，同一般火鍋店唔同，佢哋係電磁爐上面放咗塊膠墊，然後再喺上面擺個煲，都幾新穎同安全，唔怕辣親隻手吖嘛！😜入正題，佢哋都真係幾特別，其他餐廳會俾啲花生做前菜，佢哋就用水果（橙/西瓜），夠新鮮之餘又夠健康！👍我哋由於太肚餓嘅緣故，所以叫咗好多嘢食：1）蕃茄豬骨湯底 -- 雖然嗰度啲辣辣雞煲好出名，一入到去仲聞到好香嘅雞煲味，但本人唔係好食得辣，所以叫咗個蕃茄豬骨煲！個煲一嚟到，我同老公喺視覺上已經好夠味，一試之吓，真係冇乜邊到會落咁重料，湯底夠味，連帶啲薯仔同粟米都好夠味！👍👍2）頂級封門柳 -- 老細推介的，食落好有牛味，而且唔韌，個人覺得好好味，比起平日食嗰啲肥牛，真係好好味！👍👍👍3）黑毛豬腩肉 -- 切得薄薄嘅豬腩肉，滾兩滾就食得。加埋湯底嘅味道，感覺好好！👍👍4）清湯牛腩 -- 呢樣又係店主推介店主話可以就咁食，又可以放湯！一試之下，就咁食都好好味，夠淋又入味！之後又試吓放湯，點知舊牛腩汲收埋啲湯，真係超正！👍👍👍👍5）手打墨丸/蝦丸 -- 彈牙之餘又足料！👍👍6）雜菜籃 -- 雖然都係一般雜菜同

近呢幾年,喜愛上了食雞煲,仲愈食愈辣..成三個月食左三十次都有,遲早發雞溫咁啱呢間新開又近屋企.裝修緊已經期待幾時開. 所以一心等佢一開張就去試試.我少寫食評,唔算識食.但鍾意食. 話晒等左成個月..都講兩句啦.抱歉這食評沒相片..好~~入正題喇 : 可能因為新開. 唔使排隊等位. 但我兩人都要坐四人枱了..都好多人.首先不如講下個雞煲啦..叫左個大辣..食左一兩舊得少少辣. 跟住同店員講..佢竟然成煲換俾我...跟住仲解釋返,因為新張,唔太清楚客人要求同口味.. 所以唔太重手.係我自己衰既..都應該真係食得幾辣..搞到我都唔好意思..換左之後好有返d辣味嘅感覺.. 但未算滿足..(都唔好意思再講,一陣又再換徙晒d嘢) 下次開波時一定叫加勁d..主要想講既係..未加湯時..獻汁好少..煲底會見倒有油..如果可以開始時已經有辣獻汁滾住先好似好d.d雞有炒過,好入味,好香, 但老實我唔識分係咪雪雞,(唔想扮食家) 不過d雞好滑,冇雪味,唔鞋.同埋如果要求高d.. 辣味雖然唔夠.. 但都有辣味.. 但唔持久. (我食雞煲唔會猛飲嘢)其他配菜食得唔多.. 芝心丸,蝦籽丸,炸支竹,午餐肉 蟶子(