隆姐泰國美食館 (已搬遷) 新店位置

前個排洗九龍城有d地產野要搞，今日特登有旺角行左半個鐘黎睇睇呢區環景。 咁當然黎得九龍城就梗系要試試呢邊d泰國菜。因為都算第一次黎食，所以都隨意系網上揾揾。見到都幾多人推介隆姐，所以就去試試。兩個人食叫左3 樣餸 金邊粉，煎蠔餅同雞肉加豬肉串另外加杯涼粉冰都系二百幾蚊仲有蕃薯西米露糖水送。 首先講講個串燒，雞肉同豬肉都烤得啱啱好而且配上沙嗲醬超好食，而蠔餅都算有特色但自己本身終意食潮洲style 多d , 金邊粉大碟而且高質，如果加上辣粉同檸檬就perfect。順帶一提其實等後時間唔算長但原來佢前面就對住宋皇臺站出口。如果沙中線開到應該會好多人。

真係好少入九龍城，如果唔係同朋友真係好少嚟食。由於平時都係旺角食泰國菜多，所以今次就嚟九龍城試下呢個泰國菜出哂名既地方。睇過好多間，朋友都話冇試過，行到攰咁啱老闆向我地招手就入去試下。叫左炒金邊粉，海鮮濕炒河同埋椒鹽軟殼蟹。一嚟到份量係正常size既，不過賣相就還好。個金邊粉唔算好重味道同埋好似唔多熱，因為啲粉痴住左，好難整開。濕河就似食乾炒牛河咁個味道，不過係足料既都有青口個啲。軟殼蟹好好食，都幾脆身。我地叫左杯泰式奶茶，啱啱飲好甜，過左一陣啲冰溶左啲就啱啱好，不過好快就飲完。最冇諗過食完會送甜品，係蕃薯西米露，甜甜地幾好食，有啲想refill呢個。整體嚟講佢係九龍城算平，冇錢又想食泰國菜可以試下。

After shopping i and my friend go to kowloon city to have some thai food, ans this restaurant is one of the best thai food in kowloon city, food is fabulous with great quality of food and service, have a good time there. the sashimi prawn with the sauce is a very good combination amd the prawn is very refreshing.The curry bread are not very spicy and it is very taste good and rice with the curry is a best choice. Price is fair.

我要寫劣評，係因為我想間餐廳提升食物質素。。。依據呢個質素，真係無理由成為九龍城知名既泰菜囉。。。話說，我都去過泰國不下二十次，有親戚係泰國華僑，正宗泰國菜係點，我一定知。。。首先個Pad Thai (泰式炒金邊粉）：唔該啦。。。個賣相差到咁，點上枱呀。。。真係我煮都好食過佢，炒到一pad pad又粒口，仲要無Pad Thai 既畫龍點睛品：花生碎、新鮮蔥條同芽菜。。。一啲都唔似pad thai囉，唔講以為係茄醬炒粉。。。泰式生蝦：一般啦，蝦肉唔夠爽口彈牙，不過都算新鮮，不過不失明爐烏頭：條魚上枱後，再煮咗半個鍾有多，啲骨位都仲有血。。。點解唔煮熟少少先上枱？啲湯都浸唔過條魚，點會煮得熟！仲要越食越腥，好麻麻冬蔭公：算全餐最正常，還可以唉。。。咁既質素都咁多人幫襯。。。香港人，你地都成日去泰國旅遊啦，咁既質素既泰國菜都收貨？我一百個問號囉。。。

星期日下午，一行八人入咗呢間擴充營業嘅分店。入邊已經坐滿晒人，拿拿林落單。有啲人叫左星期日嘅午餐， $45至$50包嘢飲。但係等左勁耐，先至可以陸續上菜。金邊粉起碼等左40分鐘都未見影。香葉辣肉碎炒飯更加催單10次以後，都未有答覆幾時可以上到，淨係叫你等多一陣，追親佢都冇回應。最後老細走埋嚟話等多一陣，我回覆佢已經等左50分鐘，仲要等幾耐？都係冇回覆。奶茶都要40分鐘先上到枱，真係食餐飯火都嚟埋。全程一句唔好意思都無!個場勁混亂，好多人都追單。朋友話啲嘢食好麻麻，呢啲味道，呢啲服務態度，真係冇下次。

隆姐應該係九龍城最耐既泰國餐廳， 正宗地道同埋抵食應該係佢地最大賣點。乜小曼谷，黃珍珍泰國餐廳，基本上可以話一半錢卑左佢地既品牌效應上。1.肉碎生菜包8分 💰52小編每次必食勁推介！勁惹味既肉碎，配埋泰國酸酸辣辣既香料，真係口感超級豐富。同埋佢地既肉碎卑超級多，生菜食完都剩勁多肉碎，所以每次大家都可以放滿一滿既肉碎係生菜上。2.泰式蟹肉炒飯7分 💰58小編認為泰式鹹魚炒飯比依個飯好味正好多，佢唔係唔好食，都好味但小編比較picky覺得無乜太大驚喜，如果蟹肉既比例多翻小小，成個飯應該會鮮甜好鬼多，唔係講經。3.鹹魚炒椰菜苗 9分 💰68大多數人係泰國餐廳嗌菜都會係乜蒜苗，雜菜煲，個人覺得真係好悶。小編真係可以用命同你擔保，依個菜保證你會有驚喜，真係捻到未捻過依個菜咁好食！鹹魚既鹹味岩岩好，加上清爽可口既椰菜苗，點會有得輸。4.泰國生蝦 8分 💰小編知道生蝦好唔好食真係好睇當日情況，佢地供應既生蝦超級爽口彈牙，同埋最緊要衛生如果唔係真係痾到你暈，一定要配蒜片同埋泰式酸辣汁，好開胃既頭盤。5.魚餅拼蝦餅 7分 💰69隆姐其一好處係大部分小食都可以組合，變相黎講你可以卑小d錢但試多d野，蝦餅超

首先叫咗個二人餐：$2181泰式冬陰公湯2泰式炒雜菜3泰式炸魚餅4菠蘿炒飯5甜品：番薯西米露另外加咗：6酸辣去骨鳳爪 $48(好似)7咖喱大包 $1488椰汁冰三杯(唔記得價錢)1.泰式冬蔭公湯🍲酸酸甜甜，好足料，有好多配菜同埋至少四隻鮮蝦🦐🦐🦐🦐。d蝦拆咗蝦腸，食落好放心，同埋切開左，唔使剝殼剝到傻。飲完胃口大開，可以大開食戒😝因為一路有火滾住，食完成餐飯都仲可以再飲。2.泰式炒雜菜，唔油膩，西蘭花🥦椰菜花同椰菜都炒得好入味，芥蘭好爽脆，真係幾唔錯，可惜冇影到相。😭3.泰式炸魚餅，冇諗過有咁多舊，二人餐嚟㗎啵🤪鹹香味出，點左泰式酸辣醬，更加有層次！不過不失啦！4.菠蘿炒飯，d飯比較硬身，我鍾意呢個口感。菠蘿份量唔多，有四片臘腸，d飯撈埋肉鬆好味！鑊氣就冇乜，但係凍左都好好食。我食飽咗啦，但係都忍唔住再畢多一啖黎𡁻😂5.甜品：番薯西米露啲西米煲得夠腍，番薯有口感，成碗糖水好綿🥰其實上甜品嗰陣時已經飽到上心口，但係個糖水真係正，最後都忍唔住食晒🤣🤣🤣6.酸辣去骨鳳爪好辣啊，尤其係啲配菜🤣但佢嗰種辣係一瞬即逝😝幾嗆，但係又超級惹味，辣得過癮，d鳳爪好爽脆，食到流晒口水。本身就唔係好食得辣，

傍晚係樂富做完野，心血來潮想食泰國野，所以同朋友就二話不說咁行落去九龍城，九龍城有小泰國之稱，好多間泰菜，所以上OpenRice search search，最後揀咗依間。星期日晚難免都要等位，好彩都唔算等得耐生蝦刺身一碟六隻，隻隻都好爽口，個辣汁真係好辣好夠味炸蝦餅一碟五舊，食得岀係即炸係熱辣辣既，外面係脆口，個蝦滑就好爽口亦有蝦味既。串燒嗌咗半打，有豬有雞，都係即叫即燒，放入口時係會辣咀，燒嘅時間岩好，唔會燒到乾爭爭的，點埋個沙嗲醬就好不得了！野飲方面嗌咗椰青，超級甜！讚！

#1 要食泰國野，不得不來九龍城，今次一試呢間隆姐泰國美食館。三個人叫左四道菜加飲品，五百蚊有找，都幾抵食。遇上夜空靚既晚上，食完仲可以步行五分鐘去到九龍寨城影下夜景，一流！#2 第一道上既菜係呢味細冬蔭功：三個人夠食的，有兩隻蝦，蝦鮮味okay啦，唔食辣既朋友千其唔好裝太大碗，噴火般的辣🔥#3 馬拉盞通菜：基本上去親泰國餐館都必食，佢算係中規中矩，不過不失。唔鍾意馬拉盞可以叫返佢menu有既飛天炒通菜。#4 春卷魚餅：值得一提既係，春卷內材料豐富。#5 軟殻蟹咖喱包：咁多道菜比較推介既係佢，咖喱既辣度岩晒唔食得辣既朋友，軟殻蟹沾完咖喱既口感恰到好處。個大包剪一舊食一舊，有得玩有得食，幾搞笑 XD #6 菠蘿沙冰：解辣一流！

我地order一條明爐魚 介蘭炒雞肉 豬頸肉等等... 起初碟菜黎到微暖 豬頸肉微暖 佢哋唔願意煮熱 我地照食微暖及唔知放左幾耐碟菜同豬頸肉 其後明爐魚黎到 每人食了兩口發覺唔熟 叫侍應攞走煮過 點知攞番我們食過條魚返黎 咁都唔緊要 煮到熟過頭 似湯渣 鞋到不得了 簡直太難入口食唔到 叫佢地取消 佢地黑面之餘 仲比個洗碗工人出黎鬧我地 米煮熟晒啦 唔識食唔好叫啦 而其他所有職員不停用泰文鬧我地 行來行去怒望住我地黎鬧 聽到氣憤 我地未食完即埋單走人。食飯都攪成咁。怕怕 驚驚呀

咖喱包真係熱騰騰的，個人比較喜歡海鮮口味，真係要早d去先食到，夜小小已經會賣哂， 鹽燒烏頭味道剛剛好，職員十分nice，說我們人多留條大既魚比我地，埋單一定要check單，收多左杯飲品錢

諗吾到食邊間泰國菜就會黎呢到，已經系老客顧了！泰式生蝦一如概往甘好，爽口彈牙，開胃小菜。燒烏頭，一開始食肉質幾滑嫩，食到中間發現有血塊，仲帶血絲，之後幫我地再燒下，但都血塊仲系血淋淋，再同佢地反映下，點知侍應反應令人吾舒服，態度好甘，話又做咩事，厭我地麻煩甘。其實第三次烤過熟，魚肉老哂，好失望。豬頸肉沙津有別於別家的，要用生菜包裹著食，豬頸肉份量多，食落吾肥，但系醬汁死咸，敗壞哂成碟野。冬蔭功好飲既，香濃郁厚，飲落順滑。

呢排都好想食泰國菜，所以星期六嘅中午我哋就嚟咗食泰國菜💕💕💕 我哋分別叫咗生菜包，酸辣鳳爪，金邊粉同埋龍眼冰。酸辣無骨鳳爪10分遜色，因為鳳爪帶有濃濃嘅雪藏味，而且味道甚淡！！醃料一啲都入味呀😣😣生菜包我就覺得幾好，每一片生菜都好靚而且好大塊，不過我覺得肉碎粒可以再整細少少，同埋辣度如若有層次會更加好之前去過一啲泰國菜餐廳，如果想添菜就唔使錢，不過呢度加生菜就要$5了金邊粉都幾好食～夠晒大碟

心血來潮突然之間想食泰國菜，就梗係去九龍城覓食啦😙 聽朋友介紹話依一間幾好食，就一於嚟試吓。一到門口已經有店員好親切咁招待我哋入座。.鋪面唔算好大，但係先俾人感覺到有泰國家鄉店咁。一睇個Menu真係好多選擇，佢有好多個set 可以簡，我哋有四個人所以揀咗要set同埋感覺抵好多，啲野食都好快到，所以好快就放滿佐張枱😛。.A2 set $799泰式明爐烏頭魚 : 依樣係我覺得每次食泰國菜都一定要嗌既😆 真係啖啖肉～仲會有碗湯凖備佐比你隨時加湯 好鐘意飲佢個湯🙈 店員仲係咁問我地洗唔洗加火😛泰式咖喱炒蟹：一上枱嗰下感覺都幾震撼，因為真係好大碟，但因為規模太麻煩，所以三個女仔等個男仔幫我地拆肉😂 真係啖啖肉，個蟹蓋勁多膏😍不過我地覺得略嫌咖哩味唔夠重）（另加薄餅$28：咖哩絕配😆 整得好有風味）泰式拼盤：炸物集齊一身😂 魚餅、綾魚餅、春卷、蝦餅 （好味道！好少地方有綾魚，我覺得幾特別😚）泰式炒蝦球炒飯 +20 （原本係泰式豬肉炒飯，我地加佐錢轉👻）：一致獲得好評😚 添完再添👍🏻 仲要好大碟泰式飛天炒通菜、甜品（涼粉）：好有住家既感覺😚.我地仲另加佐幾碟餸同野飲🤤泰象啤 $28飲一次就上引，可能

有屋企人遠道歸來，突然約食飯洗塵，咁梗係一定要去啦。佢哋鐘意食泰國野，立即諗起九龍城隆姐泰國菜。再者以前食開有感情，而且就腳。天氣太熱，未食飯先嗌芒果沙冰。芒果沙冰真材實料，鮮芒果份量比例多，無加糖漿、糖精，食出真芒果味，酸酸甜甜好醒胃。之後就嗌多幾道菜啦 😄炒雜菜就普普通通。糯米釀雞翼算精彩，外皮炸得香脆，軟綿綿既糯米釀滿雞翼，釀到脹卜卜，食落香口軟糯。我地仲嗌左咖哩蟹。咖哩蟹極肥美，全身都係肉同膏，多到難以想像。蟹鉗肉又厚又嫩，唔沾咖哩汁好食，沾埋咖哩汁更好食。😋有咖哩蟹，咁多好味咖哩汁，當然唔少得蒜蓉包。蒜蓉包烤得熱香脆，又有蒜蓉香。沾上咖哩汁一齊食，確實唔錯。人多自然要嗌飯share食先夠飽。我地嗌左一鍋雞肉蝦球芋頭飯，蝦球慘得一隻，仲要鍋底撈蝦。不過雞球同芋頭加其他配菜都好多，而且好香口，只係略嫌油膩。食飽飯當然唔少得甜品啦，要左一個芒果糯米飯。芒果色水一般，食落酸甜，唔會太酸，配埋溫熱既甜糯米飯，甜度剛剛好，好食 😋 老闆娘仲每人送多碗仙草涼粉，仙草味香，糖水少甜，清一清油膩感，正👍🏻