隆姐泰國美食館 (已搬遷) 新店位置

當你一心思思想食泰菜，總有一股衝勁想去九龍城食🤣今之見隆姐未爆，就入去食個early dinner。可能因為較早（6點未夠），未係好飽，所以都係決定點個平平地既二人套餐。套餐有冬蔭功、炒什菜、炸魚餅、菠蘿炒飯同甜品。是日中午食得較多肉，諗住叫呢個就唔駛咁heavy。先來的冬蔭功視效就麻麻，好像很少料，但飲落的酸辣度都還好，但料都叫左足夠交功課既。不過個湯的確油左少少。再來係炒什菜同炸魚餅，老實講，兩個都只能叫不過不失🤷🏼‍♀️魚餅似急凍食品再煮返香佢，但肉質唔夠軟熟，亦冇咩魚味。什菜就炒得幾有鑊氣，但都係偏油，同埋完全冇泰式的感覺，叫不上「泰式」🙈比較出色係菠蘿炒飯，佢似落左少許黃薑，飯炒得乾身，菠蘿夠多再加啲肉鬆，加多口感。😋甜品是一碗微溫的西米露，都係還可以啦，有啲似去酒樓食小炒後送嗰啲，聊勝於無咁。整體來說呢餐飯係及格、但亦只係及格。如果想平平地食餐飽有湯有菜有魚咁係合乎要求既，但就講唔上係出色既泰國菜🤷🏼‍♀️

我自己對泰國菜冇咩硏究、亦冇咩要求，不過有一班鐘意泰國野既朋友。今次黎到九龍城開餐，朋友冇介紹錯👍🏻未齊人所以叫左野飲先～珍多冰椰汁味夠濃芒果冰朋友話用原個新鮮芒果打成，我之後都叫左杯飲，真係好濃好好味芒果絲沙律味道清新，少少辣，好開胃一聽到朋友叫xx唐虱沙律，我已經好驚！由細到大都唔鐘意唐虱，但朋友堅持要我試下，應該係起肉然後炸香，我竟然覺得好食，仲要再食多啖添生蝦不是太出眾，正正常常啦肉碎生菜包同一般泰國菜食的差不多，酸酸辣辣咁完全睇唔出係軟殼蟹，不過又好好味炸蝦餅好脆好香口，配埋個汁點黎食好正咖哩+大麵包咖哩好香，麵包索哂咖哩汁，一流串燒普普通通至愛既芒果糯米飯竟然個芒果有d酸，失望

特意前來九龍塘食泰菜,到達後發現已經有五六人在門外排隊，星期六晚，天熱門口多蚊情況下排了半小時，當店員提出可以到隔離兩個街口的分店入座。我們一致同意要盡快去。店員看似泰國人樣子，說着泰文，整個感覺像去了泰國。不過一打開菜單，看到價錢明顯又回來了香港，約人均消費約一百五十元左右。先來一碟青木瓜沙律，記得在曼谷吃時，沙律內有一些綠綠的東西，這碟沒有，很純粹的青木瓜還有小蕃茄和花生，偏酸，少辣，筆者覺得夏天吃很開胃，但同行男性朋友就不太喜歡。約十幾元一條的豬，雞串燒，無論肉的份量，燒的熟度，和沙嗲醬，都很棒，很合筆者胃口。青咖喱雞-雞肉不多，咖喱吃不完，內撈到不同的香料，吃起來香料的層次在口腔中有複雜的感覺。水平比一般餐廳好吃，但不屬驚艷。最愛的芒果糯米飯結尾，糯米飯偏熱和軟熟，筆者反而不太喜歡冷的硬的糯米飯。芒果甜，但不屬於很甜，約五十多元的價位，雖貴，但筆者還是會點，因為有泰國的味道。最後還點了一個原隻椰青上菜的椰青海鮮飯。飯偏軟，沒甚麼口感，但米飯中有點提子，椰青肉，青頭，魷魚等，飯疑似用椰青水抄過，有種甜味，好吃，但唯一美中不足，要挑剔的是，海鮮飯中有些不明物體。類似像椰子黑色外層的

見到隆姐呀！生蝦刺身好正，不過有d貴。我和朋友2個叫了4道菜，鹹魚通菜、生菜包、生蝦和串燒6串！最正係芒果冰，唔好叫第d飲品～～2個人食左$320,偶爾一餐值得的串燒叫3串豬3雞🤤🤤

諗番起，都有一段時間冇去過泰國旅遊，咁近排又口痕心癢想食泰國菜。於是就落九龍城尋找美食啦。咁落去前都要做下資料搜集，叫好多人都推薦隆姐，咁就聯同好友，一嘗港人推介的泰國菜餐館啦。一於以往，整杯椰汁沙冰解渴啦，感覺唔錯，唔太甜。再者叫咗釀雞翼，泰式濕炒，串燒拼盤，飛天通菜，生蝦，蒜蓉包。先講蒜蓉包，實在太香口，叫咗2次，從未試過咁好味。接著生蝦，最鍾意嘅就係生蝦汁，超好味，又夠辣，唯一唔好係生蝦太少啦，每人食得1，2隻。之後食飛天通菜，感覺可以啦，不過可以再辣啲。再者，釀雞翼，第一次食，口感很好，值得推薦大家食。接者泰式濕炒，份量唔多，但帶有好濃郁嘅味道，愈食愈餓。（基於冇份上載此圖片，請見諒）最後串燒拼盤，一般食泰國菜都要叫的，燒得很好，唔乾身，啖啖肉。

九龍城為小泰國 有好多間泰國菜 但朋友推薦食隆姐💁🏻 所以一於去試試！6點多到 不用等位關係 一坐底就即刻落單一行六人 點了10個菜 加 一個甜品我推薦的是 咖哩大包咖哩不會特別太辣 入面落左雞蛋 好有蛋既香味 配埋個包 正！馬拉盞炒通菜 - 普通 不過可能其他都不太好吃關係 就覺得通菜幾好吃生蝦刺身 - 都算新鮮的 無特別的驚喜沙嗲串燒(雞 豬) - 呢個好吃！ 可能新鮮熱騰騰上 不會太乾炭燒豬頸肉 - 熱食好吃！ 泰式冬陰功湯(海鮮) - 海鮮都不會太少 味道都幾辣 亦都有好多香料Pad Thai - 滿滿的茄汁味道☹️ 👎🏻豬肉生菜包 - 外貌已經不太討好 豬肉完全無乜調味☹️ 吃一舊就沒有再吃了香葉豬肉炒飯 - 同普通炒飯無分別🤔 但咖哩大包的咖哩可以配炒飯食😂糯米釀雞翼 - 不太推薦☹️ 可能抱著滿滿期待 結果 吃不出來是雞翼 只有在吃糯米☹️芒果糯米飯 - 暖暖地 都okay的飲品 - 龍眼冰 珍多冰 青檸梳打一句說話 愈飲愈甜的飲品😂

九龍城太多泰國美食,隆姐呢間泰國餐廳，成日聽但未入過去,今日試下先ㄧ入去地方有ㄧ般泰國特色既裝潢,唔太多位。睇下有咩食先生蝦必須啦,泰式飛天通菜必點啦,再叫個油飯海南雞飯(轉雞脾肉yeah)😍叫埋支酒啤啤佢先,(2條友夠食啦，岩岩好夠xddd)全單$255蝦肉好厚身,汁夠酸夠辣,幾惹味好細碟呀，唔夠食呀><咸左少少雞脾肉好嫩,飯好香易入口,ok喎,起碼唔太苦芋頭西米露係送架,好好味，唔係溝水架😂😂

今晚3個人去食泰國野...當然要去九龍城食..呢間係朋友推荐去食..叫左個細冬陰功湯..味道都OK..都算辣,每人1碗仔左右份量同事話咖啡一定要叫..呢間好好食,所以我叫左個紅咖哩..但我想講完成唔好食...肉份量好少,,得幾塊..咖哩又稀到好似水咁....我地專登叫左個薄餅點咖哩食...但呢個薄餅好好食..蝦餅好食...好香,份量都多燒豬頸肉都好好食....叫左豬牛雞..串燒都OK..唔錯呢個炒通菜好難食....無咩味...我地只食左少少....

於香港小泰國之中，有幾家都是常光顧及值得推介今晚要帶一家五口來小泰國開餐，當然要味道好/價格好/款式齊。心算完發現隆姐就最適合不過，因為這裡有生蝦也有椰汁雞湯，平民價錢。由於我遲到，所以家人先點食物，結果真是出乎意料，還一心以為泰國菜來來去去都這幾款，但原來大家心目中的泰國菜是不一樣。一般我叫點具泰國特色的馬拉盞炒椰菜苗，但家人竟選了辣椒炒通菜結果通菜炒得還嫩，微辣而味濃，二弟表示很好食豬肉生菜包因為店員沒問辣度，所以這個豬肉就只有香味而欠缺辣味，但配爽口生菜也未為失色。可惜感覺生菜的份量少了，要加一份需$5烤魷魚阿娘看了實物又看了牆上表示貨不對辦，我唯有安慰她說魷魚也有大有小嘛...確實是太瘦太無肉了，一人只分到一兩件，非常不夠喉。但味道是烤得焦香肉爽，魷魚新鮮度甚高蒜子胡椒豬柳真的未接觸過這道菜，一般也會點燒豬頸肉吧整體感覺似港式椒鹽炸豬扒，不過現在主要是蒜香及肉質輯嫩的豬柳，不錯的新嚐試咖喱大包本想叫另一款加喱雞，但店員落錯單，也不緊要吧，我們照食這個新發明。感覺似韓式的麵包炸雞，但是換了一個泰國版。揭開包蓋，包內裝著滿滿的椰香加喱，內裹有粉薯仔有嫩雞肉。連蒜蓉包及薄餅快都省回了

上星期四十點幾男友接放學，兩個都餓死左，坐車去九龍城揾好野食，本來想揾西餐食，但咁夜好多都收晒了，反而好多火鍋小菜仲開緊，但我又唔想打邊爐咁飽wo，男友突然靈機一觸話要帶我食隆姐，我梗係話好啦，之前次次都話要帶我食，次次都好多人，要等好耐啊！入到店內真係好少人，可能真係太夜啦。我地好快就點好晒菜， 首先上場係 芒果椰汁糯米飯，賣相好靚，芒果甜度岩岩好，糯米飯熱辣辣，椰汁配落去好香，好食啊！跟住係燒豬頸肉，我覺得呢個遜色小小，唔夠香口，不過都唔算差！再來醃鮮魷魚沙律，我自己最鍾意呢個，咸咸酸酸，好開胃！最後係糯米釀雞翼，雞翼外層燒到好香口，雞翼釀滿晒糯米，大大隻又好香，不過略嫌油左少少。我地仲叫左椰青同椰汁沙冰埋單最後$298，比起對面小曼谷算平啦，我覺得仲好食d，下次會再反黎食架！

九龍城又稱小泰國,皆因他的泰國餐廳之多屬全港之冠。這天我選擇到了隆姐,因為好友介紹這裏抵食加地道💪🏻我們點了幾樣餸,包括泰國必吃的咖喱,蒜蓉包,金邊粉,糯米釀雞翼等等⋯同行者不能吃辣,於是點了稍為不辣的黃咖喱雞,咖喱內有洋蔥薯仔等配料,以及數件雞件,雞不算鞋口,薯仔洋蔥很入味,配上蒜蓉包吃一流😋蒜蓉包不像一般餐廳切薄片,而是把一個麵包切開一半,相當大件有口感😆泰國菜之中,我最喜歡金邊粉!喜歡他的酸酸甜甜,配上花生及香蔥等增加口感。這裏同樣做得不錯,金邊粉不會炒得過淋,還有大蝦雞絲等作配料,當然少不了花生粒!這裏另一個必食推介是糯米釀雞翼!一份有兩大隻雞翼,每隻切開3件,香炸雞翼釀入了糯米飯,糯米不會很難咬,雞翼皮揸得香脆,這個菜相信用上不少心機!餐廳相當人氣!顧客不停進出,有時看到店員其實也替他們感到辛勞💪🏻

每次去九龍城食泰菜都會幫襯「衙前𡏅道-隆姐」，是日心血來潮去試一下較多like的「南國道-隆姐」！老公打完波的關係，不停叫肚餓，不停要加餸，我們兩人最終就點了以下5個餸給一個甜品:沙嗲串燒(雞+豬) $58-燒得洽到好處，肉質軟滑入味，配上味道香濃的沙嗲醬，是整晚的highlight! （太肚餓了！）醃海鮮沙律 $55-當大多數人都偏好青木瓜沙律的時候，我同老公就like海鮮沙律! 在沙律的烹調上，兩家隆姐有不一樣的風格！（衙前塱道的隆姐會加蕃茄、迷您蝦干仔、份糧也比較大份！）馬拉盞炒椰菜苗 $68-一如既往的味道！好味！泰式芋頭焗飯$72-外表雖平平無奇，但味道相當不錯！芋頭超粉，飯的濕度也很適中，不會有黏口的感覺！蠔仔煎蛋$80-有點過咸！其實也不是一點！千層糕$30-再飽也抵抗不了的甜品！甜度適中又暖暖的千層糕加上有小許咸味的椰漿，無得輸！*是晚晚飯後，我和老公一致認為「此隆姐、非彼隆姐」！

黎呢度吃飯都係按摩完之後，已經十點幾舖頭只有兩台客人。簡單叫了一些菜式，鴨肉米粉加扎肉，泰式炒椰菜，酸辣鳳爪，啤酒，椰汁涼粉等等。鴨肉米粉很有在泰國旅行街邊小店的味道，米粉是細細的那種，帶咬口的，鴨肉嫩，湯頭帶有獨特的泰國風味，吃一口就讓人回想旅行的片段，又想去泰國旅行了。調味架，吃粉面又怎少得？店員一見到我們點了湯麵便自動奉上，非常好。泰式炒椰菜，椰菜嫩嫩的非常新鮮，泰式味道當然吸引，只是碟頭不大，一個人也只是剛剛夠。青木瓜沙律，難得找到醃蟹仔的木瓜沙律，除了九龍城，其他地方實在不容易找到。味道上，還可以，並沒有泰國小檔的那種鮮味，惹味。叫的小菜，味道都很不錯，價錢也不貴，難怪在九龍城受歡迎，如不需排場，又想一嚐泰國風味，這間是不錯的選擇。

約咗一位久違了的朋友吃飯，她特意選了在九龍城看來她是想吃泰國菜，由於吃了好多次小曼谷，所以今次特意選了在這裡也頗多人光顧排隊的隆姐。係入嚟之前，因為等咗我朋友一陣，所以都望過下啲套餐，其實都幾抵食，估唔到嘅係百幾蚊一個人就可以落樓。鹹魚炒芥蘭其實都幾好食，夠火喉，不過鹹魚味不足~ 呢個酸辣海鮮清湯，真係好清，而且又做到酸辣嘅效果，加上海鮮配料都好豐富，只係上枱時熱度不夠~ 泰式香茅雞翼，燒得夠均勻，香茅味道夠~ 總括嚟講，其實呢度係幾抵食嘅，只係裝潢麻麻，想坐得耐都比較難~ 

喺九龍城進修完，同朋友就係九龍城搵食！九龍城出名泰菜，當然要去食泰菜。試過小曼谷，但相比起隆姐，我真心推介呢間！生蝦刺身，唔係間間敢試，始終驚處理得唔好會腸胃炎。但呢間係冰鎮生蝦，凍冰冰，起碼確保成餐飯都係安全先。食落肉質爽，仲有鮮味，夾埋蒜片食，味道一流！要左冬蔭公湯，要到最少辣，對於怕辣嘅我，已經勉強頂得順。佢地成鍋上，仲點埋gas，保持個湯會熱，好抵讚！青咖哩用黎送蒜蓉包好夾，始終淡淡嘅咖哩配濃烈的蒜蓉包，味道啱啱好！而且蒜蓉包好香蒜蓉味！雞豬串燒燒到好香口，配以唔太辣，以濃香為主嘅沙嗲醬，好味！炸蝦餅簡直好味到停唔到口，外脆不特止，仲要內彈，係彈牙果種，配埋泰式辣醬，簡直以為自己上左天堂啦！肉碎炒得好入味，好香！生菜基本上一定包唔晒啲肉碎，我地前後加左兩轉生菜，先包得晒啲肉碎，如果生菜份量多啲就好啦！夠香口，配以酸辣汁，又係好惹味！幸好用菜墊底，唔係嘅話，成碟一定好多油！食落同普通泰國菜冇分咩大分別，係比較濃味。開心嘅日子點可以唔啤一啤佢，泰國當然飲象啤！cheers!!!🍻整體黎講，佢比較正宗，雖然濃味少不免，但佢地將餸菜與唔同醬汁配搭得宜，係好吸引嘅！此外，店員都係泰國人，