隆姐泰國美食館 (已搬遷) 新店位置

一場突如其來的大雨，把我困在南角道。肚子非常餓，只能走進就近的隆姐。 要了鴨肉湯河。湯是很對版的泰風味，鴨肉連皮，很肥。畫龍點睛的豬紅，非常入味，滑溜溜的，好吃。 粗濶的河粉令我有説不出的興奮。記得兒時吃的湯河都是厚厚的。不知從那時開始，都換成了幼幼滑滑的，無甚咬口。今午像遇見久違了的老朋友一樣，雖然個子變得肥了，但親切感不改。 心情大好，加上覺得只吃一碗33元的粉有點寒酸，要了椒鹽軟殼蟹。一大盤，數不清有多少隻。件件鬆軟惹味，送啤酒一流。飽吃一頓，原來外面已雨過天晴，踏著輕快的步伐，繼續要走的路。

去開九龍城都一定會食泰菜，有好多間都係由泰國人主理，隆姐都係其中一間。6點半左右去到，都要等一陣間。串燒雙拼，有雞有豬.平時中意食雞肉串多d,反而今次覺得豬肉串好食d.醃得比較入味，同埋燒得唔會乾爭爭，有口感。小食拼盤， 蝦餅爽口彈牙，唔會好梅。魚餅好香香葉味，好食過出門果d. 值得一試。其實春卷同中間圓形果粒都好食，不過下次會取捨，唔叫咁多。正常既冬陰功湯，好足料，有幾隻蝦。比起平時果d會無咁酸，不過香辣搭夠。青木瓜沙律，係撈得略為鹹左d.不過不失，可不食。

這家地道泰南味的泰菜館，老闆娘來自曼谷。店名隆姐，究竟隆姐是誰呢？她是一位泰國太太，來香港多年，開了幾家餐廳和雜貨舖，但在多年前已因心臟病去世了。隆姐在世時把她一位鄉下的親戚叫來，就是現在的老闆娘。她本來只是負責做青木瓜絲宋丹的，在隆姐的雜貨店外擺攤子，專舂木瓜絲，因為做得非常出色，隆姐就另闢間小店，叫她去負責。由於隆姐因病沒心經營，就由現在的老闆娘和幾個朋友把舖子頂了下來。生意愈做愈好，店子裝修了又裝修，逐漸成為一間像樣的小餐廳餐廳屬舊式的泰國菜館，環境不算乾淨，家庭式經營，地方不大，只可容納約20人左右，格局是很地道的泰國街邊小店。 至於廚師及服務員，她們都是泰國人。老闆娘的拍檔中有一位泰國華僑，潮州人，專出口泰國雜貨到香港，所以餐廳的用料九成為泰國貨很新鮮，做的又是非常道地的泰國味道，而光顧的客人很多都是泰籍鄉里。味道中規中矩，鹹魚好少，不過通菜炒得夠嫩算爽口并非傳統泰式用整個菠蘿盛飯上枱，味道及鑊氣還可以，只是油了一點。伴碟有肉鬆及泰式臘腸，加入肉鬆一起吃更惹味，臘腸味道像蜜汁豬肉乾餅夠熱，好彈牙，啖啖肉用鐵鍋上，有酒精火保溫，湯內有連皮雞肉，還有些草菇及一大堆香茅，湯底超鹹，

有朋自新加坡來，所以相約出來吃飯，去了九龍城食泰國菜。講真，食那麼多泰國菜，還是九龍城吃的最好吃。隆姐不是第1次來，第1次前來時確實覺得好好味。這次再來，味道還能保持水準，但份量確實細了，不過我們4個人也能吃的飽。是夜不算很多人，還記得當年要等很久才有位，還有是坐滿客人，店內的坐位坐的有點逼，這才是香港食店的特色吧!這餐4個人吃了HKD331，其實又不算貴，食物味道又好吃，唯一是坐的不太舒服和服務一般。***********************約好晚上19:30在店外門口集合，來到取位也要等位，今晚不是很多人，最後等了10分鐘便可以入坐。泰式冬陰海鮮湯，HKD78。這湯味酸但不夠辣，可能沒有放爐一直燒著，感覺味道欠了點火喉一樣。泰式炸蝦餅，HKD52，這蝦餅和我第1次吃的細了很多，但入口還是彈牙，很香蝦的味道，確實好吃。咖喱大包，HKD118，這個大包都幾大個。看看內裏的咖喱，包還是軟的，咖喱也香帶甜味多一點而不算辣，我們選了要豬肉，豬肉入口也不錯。蒜蓉包，HKD25。這包不是脆的多士，這個配咖喱不太合，就這樣吃能吃到蒜蓉的香味更好吃。泰式炒金邊粉，HKD50。這個金邊粉就炒的一般

病左一個星期，今晚約左朋友食飯，決定轄出去~~叫左呢幾樣野：鴨肉湯河個湯底顏色同曼谷既船河一樣，不過冇咁濃味，味道唔錯，鴨肉好入味夠淋，金邊粉份量幾多，兩個人都分到兩碗仔椰青海鮮焗飯一上檯見到好多白色一片片，心諗 "嘩! 咁多魷魚，我麻麻地架咋喎，對D飯有興趣D"後來原來係椰青肉黎架，佢將椰青上面既肉刮左出黎加入個飯度，再混合埋D椰汁，海鮮有蝦，魷魚同埋青口，好味呀，可惜少左D，尖頂既椰青深度只係去到一半。。。芒果糯米飯呢個相信係翻熱版，因為正宗既糯米飯係一粒粒分明D，而呢個係一pat pat，某d部份仲痴牙添，但面頭既椰汁係對版既，芒果都甜同成半年冇見既朋友傾左好多野，希望你轉crew成功，搵到新方向啦！

星期四約了FD去九龍城食飯,不停OT,9:00先去到,冇諗過食咩好,上網見隆姐幾出名,就試下呢間呀。泰國菜,岩心水呀。泰式冬蔭功湯。好足料的冬蔭功,蝦大隻,多肉,冬蔭功湯味道酸辣平衡,少許鮮味,不俗,但鹹了點。泰式綠咖喱,椰奶香味較濃,少少辣,雞的味道好怪異,難以形容,唔知香料味太重呀。蒜茸包,正常水準。椰青焗海鮮飯。飯好香椰子味,加上有椰青肉,味道清清甜甜,材料有青口、鮮魷等,都好足料呀。珍多冰,好細杯呀。送的甜品,涼粉。整體正常水準。

下午遊走九龍城，見非繁忙時間唔洗等位，貢入隆姐食碗粉先記得之前係泰國，食過地道冬蔭功金邊粉，超好味，酸酸辣辣叫番碗冬蔭功湯河先，價錢比其他湯河貴十幾蚊點知香港冬蔭功湯河同泰國果種唔同，香港果種其實只不過係冬蔭功湯內有河粉，但泰國果種個湯都係清，只不過加左香料同調味料，酸酸辣辣，其實冬蔭泰文即係酸辣當飲冬蔭功湯，都好味既

一行五人，俾左張細枱我地，坐到迫到出哂黎。D姐姐服務好似真係黑口黑面。叫野食，有 咖哩蟹、柚子沙律、生蝦刺身、炒通菜、鹹水魚、豬頸肉、蝦餅、生菜包、沙冰。咖哩蟹：好大隻，蒜既甜味居多，勝在大隻。柚子沙律：聽人話必食，係幾清新，不過柚子肉好苦。生蝦刺身：應該整定的，因為佢用個透明膠盒裝住，個汁綠色好夠辣，蝦好新鮮，推介。炒通菜：鑊氣唔夠，小辣，我覺個麻麻地。鹹水魚：腥味重，不過點左個辣汁都可以接受，完全係新鮮魚，還可以。豬頸肉：我覺得個咬口一流，不過個汁同平時果D唔同，甜的。蝦餅：好彈牙，不過要好快食哂，凍左麻麻地。生菜包：肉碎時酸的，不太岩我，好難入口。冬陰功：好飲過泰國，講完！Mango 沙冰：好好味，超級好飲。大致來睇，服務雖然麻麻，不過某D野食有進步空間。PS:本身個餐包糖水，但點知原來係人地都可以免費叫既涼粉，大家點既時候留意下。

好耐無去九龍城食泰國菜，今日心血來潮想飲冬陰功，本來想去隔離小曼谷既，但實在要等得太耐，大家又好肚餓，所以轉移去無咁多人排而且我地又未食過既隆姐!等到好熱又口渴，點可以唔飲返杯冰凍龍眼冰? 未飲已經知會甜，不過D冰融左都可以接受既~之後就上左咸魚炒通菜，味道中規中矩，鹹魚真係好咸，不過通菜都算爽口!今餐唯一一道比較欣賞既炭燒魷魚，魷魚燒得剛剛好，仍然好夠juicy，辣汁酸酸地，十分開胃!通常食泰國菜都會點既泰式炒金邊粉，第一次覺得咁唔好食，平時金邊粉既顏色係橙橙地，味道酸酸甜甜，但呢道既金邊粉係無味~要靠炭燒魷魚個辣汁先食得哂! 唔知係今日多人幫襯而水準下降，定係平時都係咁，仲有，連青檸都無比~理應最快黎到既海鮮冬陰功，反而最遲先到，亦都係較失望，味道只有酸，辣味只係好小，總括味道唔夠濃，不過海鮮都算多，有青口、魷魚、鮮菇、蝦等...食完正餐當然要食我最愛既芒果糯米飯! 不過亦都係好失望，雖然芒果係甜，但糯米飯咬落好似未熟咁，而且椰汁唔夠味道香濃，問過侍應點解d飯好似唔熟，佢話已經熟，因為廚房會不停攪d飯，但係我地食落係一舊舊，有d仲咬唔開，完全唔夠軟熟!戈晚可能真係太多客，聽到隔離枱

Dinner tonight was so good that we will definitely return to this place againDishes tried...Stir fried Thai veggies with garlic in balacan sauce - crisp, sweet and fresh veggies- sauce was just right, neither too salty nor too oily- some fresh red pepper slices were added and were not spicy-decent portion Green curry chicken- lots of sauce which was neither too spicy nor heavy- decent portion of  chicken which was sweet, boneless, lean and came with a bit of skin so flesh was still tender- good

肚仔餓去搵野食，進了這店坐低叫咗海南雞飯泰式海南雞份量幾大碟，雞胸同雞追部分皮肉算滑嫩，脂肪不多，有雞的鮮味，值得一讚！汁醬只有一款，沒有傳統的三款，呢醬汁也很好，酸辣適中油飯軟硬適中，感覺是油了點，但非常香口跟飯包埋的冬瓜湯淡而無味店內沒太多精緻的裝潢，但清潔整齊價錢亦可算合理下次一定會再來！

今日約左朋友一齊去食泰國野,朋友話一定要要叫酸辣鳳爪,唔知佢係咪係到食過呢,之後佢仲叫多個沙律,呢到個鳳爪真係唔錯,夠哂辣又夠酸,鳳爪又爽口仲要夠彈牙!果然一定要叫,之後就係一個木瓜沙律,好清,酸酸辣辣咁唔錯,前菜岩哂,清爽,味道夾埋一齊唔錯,不過就會越食越辣,當然會追住黎食。之後就叫多個冬陰公,份量都夠一人一碗既,其實我唔太多依個,不過試完之後都覺得味道唔錯嫁,唔算太酸又夠辣,最緊要係有鮮味,可以試下既。之後就有串燒,幾好燒得唔會太乾,夠哂肉汁, ,沙爹汁可以辣多少少,花生味都有既!之後仲有生菜包,都算唔錯,不過豬肉碎有少少乾,唔太夠肉汁,如果有得濕少少,成個應該會更加好食。之後就食多個咖哩雞,依個會有個爐,好正呀一路煲住D咖哩,熱住咁食正好多,不過唔算太多配料只有薯仔同埋青椒,如果多D配菜就正。 

去到時間仲好早所以人唔多 唔洗等位就有得食 因為之前都有食過，所以好快就簡到食咩！炭燒豬頸肉 $55呢個2個人盡量唔好食 因為太多肉我覺得多d人食嘅話就可以小食多滋味 鹹魚炒通菜 $45 呢個唔辣嘅 如果怕辣嘅朋友可以叫呢個 因為其他菜都係辣泰式炒金邊菜 $55 好正好好味 酸酸甜甜！秦式青咖哩 $72 值得食 因為咖哩味道好好 又唔辣 材料又多 仲可以叫個白飯撈黎食 我仲叫左杯芒果冰 好甜^^我地食完仲有甜品送 係西米露黎最後食到飽哂 捧住個肚走都你300蚊有找

因為考試關係~ 母親節飯局延期舉行~星期六一行四人黎到九龍城~~等左差唔多30分鐘~~ 終於有位~~叫左1個$668  4人餐 + 蒜蓉包 + 3枝泰象啤~第1道菜上台，竟然係咖哩炒蟹~~蒜蓉包又唔跟住黎... 真係呆一呆味道正常~ 咖哩汁帶甜，送飯一流~但隻蟹真係好細....無肉食....第2道菜係炒菜... 心諗...搞咩野... 點都上小食拼盤先啦...炒菜味道正常~ 無特別~~小食拼盤同蒜蓉包同時上台~蒜蓉包夠熱~~ 可惜唔夠蒜蓉~配咖哩食還好~~ 小食拼盤個蝦餅唔錯~但魚餅味道怪怪地...春卷又無咩味道...炒飯食左1啖~ 無咩味...都係留肚食其他野~之後等左15-20分鐘都未見條魚~~催左2次，終於上台~~明爐烏頭：夠哂滑~~ 全晚最好食~~已經好飽，都忍唔住食~~每次都好期待隆姐個糖水~~蕃薯西米露~~ 糖水保持水準~~但其他野食好似差過以前...

星期日late lunch，去左九龍城食泰國嘢！好耐冇去隆姐，今次又嚟過！雖然成14：00先到，不過都好多顧客。鴨肉湯米：鴨肉肥左少少，湯底略甜，用幼米粉，份量適中，整體地滿意！