隨心 (已搬遷) 新店位置

上星期日約了在太古住的朋友會面，朋友帶我去鰂魚涌海光街搵食，來到一家叫「隨心」的馬來西亞及新加坡主題餐廳。餐廳燈火光猛，座位闊落，坐得舒適，服務員態度有禮，未點菜已感滿意，因環境及態度這點是加分位。食物方面，當然是有馬來西亞及新加坡二大菜式選擇，必點之選馬來西亞肉骨茶，我同朋友喜歡重口味，馬來西亞肉質茶葯材味濃郁入口甘甜，黨參及玉竹味道較為突出，加上一條煲到腍嫩的一字骨，湯及配料都好充足，夠火喉的確不錯。如不喜歡葯材味，也可揀選新加坡風味的肉骨茶，湯味會清甜一點，胡椒味會濃烈些，在「隨心」這家餐廳也可飲到。如想嘆肉骨茶的話，又想飲到兩款不同口味，我會再想來這家幫襯。叫得華人喇沙，就要來一碗「海鮮喇沙」吧，材料十分豐富，有海蝦、帶子、豆腐干、魚片，雞蛋及蟹柳，湯味很有椰子香甜帶點點微辣，麵已浸透了湯味，入口啖啖椰香，惹味十足。朋友點一個無骨海南雞飯，份量剛好，雞肉嫩滑，雞皮爽脆，油飯不算太油膩帶淡淡的雞油香，整體上也很美味。飲品也很多選擇，這次要健康一點，來一杯他們的主打檸檬薏米水，去排濕熱毒，朋友也來一杯紅棗水滋潤一番。在隨心可嘆到美食及養身飲品，太古區朋友果然沒有介紹錯，下次也值得再

食物味道的確很好，但職員不知所謂。我哋原本想叫炸香蕉($38), 朋友A見到餐牌上有是日甜品($28)， 所以八卦問下職員是什麼。朋友A: 請問今日嘅是日甜品係咩?職員B: 炸香蕉朋友A: 咁我要一份是日甜品。當我們正好開心平左，而食物質素又不錯的情況下，我地見到張單收左$38，而非$28，所以我們問下職員啦！職員C: 是日甜品平時係紅豆沙，今日冇“是日甜品”。朋友A重覆之前同職員B的對話。職員C: 你地溝通上應該有啲誤會。。。。。。。。。。。。。其實$10對現今社會影響不會太大，但唔知又亂咁答的確好影響客人對餐廳的印象。。。

鰂魚涌📍門面有啲唔起眼，入面裝修比較似茶餐廳，但係食物質素唔錯喔！ 尤其是小食喔！~*~*~*~*~*~*~*~*~*~*~*🌟2人小食拼盤🥢包括有 #黃金豆腐 、 囉喏沙律 、 #雞絲海蜇 、 話梅蕃石榴 🉐 賣相雖然一般，但係每一款都有自己嘅特色！ 黃金豆腐配合沙嗲醬絕配！ 雞絲雖然比海蜇多，但係海蜇每一條都好彈牙，雞絲唔乾身🐔~*~*~*~*~*~*~*~*~*~*~*🌟亞參鳳梨咕嚕肉🐷賣相及味道👍🏻👍🏻酸酸甜甜，咕嚕肉肥瘦均勻💯~*~*~*~*~*~*~*~*~*~*~*🌟海鮮喇沙🉐🌟海南雞飯🉐🌟馬來骨茶🉐~*~*~*~*~*~*~*~*~*~*~*🌟overall scores: 7.5/10~*~*~*~*~*~*~*~*~*~*~*💰價錢都走平民路線，埋單$440👌🏻

今日約左朋友係鰂魚涌食飯，朋友介紹小弟去隨心食，同我講話環境又好，野食又好食，所以小弟就去左隨心喇。小弟同朋友叫左隨心海南雞飯同亞參鳳梨咕嚕肉。隨心海南雞飯雞好滑好有雞味，油飯亦好香好好食，雞湯好濃郁雞味。小弟食過既海南雞之中，算係屬於上品。亞參鳳梨咕嚕肉賣相相當之靚，咕嚕肉炸得好脆，而肉好嫩好Juice。加上個汁好特別，唔同出面大排擋既酸甜咕嚕肉，別有一番風味。雖則是好好食，但作為配菜既洋蔥對小弟黎講就太辣喇，原全放唔到入口添。

臨去睇戲前就黎到鰂魚涌搵好野食，記得之前食過呢間海南雞好正就黎食多次。今次可以話係海南雞放題，我地叫左份海南雞飯，海南雞喇沙，一份串燒同2杯飲品。海南雞一如既往甘滑，亦算厚肉，正！飯好夠油香，仲要有木耳絲配，食落冇甘單調😂海南雞個醬叫飯仲有跟雞湯，幾好飲，飲完亦唔會口渴。喇沙唔會辣，亦唔會太濃味，夠唒香。入面有4大件豆卜吸唒湯，好正！串燒有6串，有豬同雞。燒得岩岩好，唔會乾，保留到肉汁。最正係個醬，極濃郁，又有花生粒！檸檬薏米水，夠唒滋補！椰香咖啡，幾特別，椰味勁重！

星期五約咗住港島既朋友係鰂魚涌的「隨心」,隨意地吃吃看隨心隨心, 名就十分隨意但用料認真,別具誠意.我地首先試咗馬來名菜肉骨茶湯. 湯水絕非一般家中用調味湯包隨便調配. 除咗大大件西施骨, 湯底亦有好多中藥食材!沙爹串燒亦是朋友至愛, 有豬牛羊串燒一次過試嗮3種口味. 沙爹醬亦非常惹味.朋友叫咗一客海鮮喇沙. 喇沙湯底味道十分濃郁，椰漿配上咖喱味湯味道好夾. 隨心既喇沙用上不同粗度的麵條所組成,口感清爽. 另外海鮮配料十足, 有蝦,魚腐,鮮貝等. 一點也不隨便反而更加係用心之選!最後壓軸的招牌飯菜 --- 隨心海南雞飯亦相當好食. 海南雞肉滑份量足, 而且仲係冇骨,適合我呢種懶人食. 配料薑蓉同豉油都好地道, 比起某米芝蓮推介既海南雞飯為主打餐廳. 隨心既海南雞飯更為清爽, 另外附上解膩甜酸菜可見其細心之處. 隨餐還有杯香濃鮮雞湯, 真係冇得輸!最後,整個晚餐加埋都不過$350, 簡直平靚正啦! 下次一定會再來Encore.

最近發現鰂魚涌都幾多好野食，於是放假又來尋寶了，今晚選了這家東南亞食品的隨心。呢間主打新加坡、馬來西亞美食的店，似乎沖叻沙係拿手菜，不過我們決定試試其他菜式。海南雞飯：海南雞無骨，好嫩滑，醬料有三種，實有一款啱你。油飯味道比較濃，應該唔止油咁簡單，似有落一些秘製香料。隨飯附送熱湯一杯，雞湯又香又清甜。新加坡炒貴刁：呢個係必食推介，炒得非常非常夠火喉，好香好好味。配料亦都好多，有魚片、蝦、菜、旦等等，我一個人食左幾碗！馬拉盞芥蘭：芥蘭好嫩，好新鮮，好碧綠，我最中意食馬拉盞炒菜，呢碟真係啱晒我。咖喱印度薄餅：我地叫左兩塊，兩塊都熱辣辣，新鮮整，味道唔錯，咖哩有少少辣，但易入口，點來食好味道。最後叫埋青檸梳打，好飲，咁熱天氣飲簡直透心涼！

最近去了鰂魚涌一帶行街，忽然興起想吃星馬菜，在地圖一搜就發現了這家風評不俗的星馬菜餐廳，主打華人製作南洋料理，一於一試究竟！馬來西亞肉骨茶($98) Malaysia Bak Kut Teh (Herbal) (HKD98) 和新加坡的肉骨茶相比，馬來版的肉骨茶加入了多種被受中醫認為補氣養生的食材，例如冬茹、玉竹、黨參、當歸、紅棗、甘草、胡椒粒等。各種配料和豬骨在煲肉高温烹煮，再原煲送上，打開煲蓋立即傳來陣陣的藥材幽香。先試一口湯底，肉骨茶湯入口先咸後澀，喝進喉間就感受到藥材的甘香味；再吃一口豬骨，豬肉不會太肥，瘦肉吸收了湯底的味道，每口都傳來啖啖的微香；份量也非常足夠，足夠四人，每日一碗湯，當日只有我和女友兩人，每日飲了兩碗有多的肉骨茶，感覺到充滿能量，十分滿足！新加坡炒貴刁 ($78) Chat Kway Teow (HKD78) 南洋又一經典菜式，我們點了不辣，少了一點惹味，不過都炒得香滑，呈現黑醬油顏色，而且香味濃郁，不錯！秋葵濃湯豆腐 ($78) Marinated Tofu with Okra (HKD78) 吃了如此多濃味的食味，再叫一些較清新的食物吧！簡單又味美的菜式，

隨心所欲。今日好隨心咁嚟到隨心食晚飯。好多野食，但都係好隨心咁點咗幾個菜。隨心係食馬拉菜嘅，所以揀咗個藥材肉骨茶，招牌海鮮叻沙。等咗一陣先上個招牌海鮮叻沙。相當足料，味道非常好，個粉掛到好多湯汁，濃而不膩，食到無停嘴。個叻沙入面有扇貝一大隻，鮮蝦等等，好足料，物超所值。兩杯飲品都幾正，尤其白色呢杯，好似叫pure,應該係梳打水加奶，仲有青蘋果🍏同菠蘿🍍肉骨茶，勁大一煲，味道香濃，飲得多都唔會話有味精味，會口渴。起碼有4大碗。排骨肉夠稔，唔會乾柴柴。啫啫芥菜，火候十足，超卓。另外一提，服務非常好。

和男友睇完戲後決定落海光街睇下有乜好食，咦！見到有一間食馬拉菜，特別多人幫襯，應該唔錯，就呢間la海南雞飯$85~海南雞無骨超嫩滑，連雞皮都滑捋捋，超正！蘸埋黑豉油，酸辣醬 和薑蓉醬就更加惹味，更有酸酸的木耳絲車厘茄和青瓜作伴碟，非常開胃海鮮喇沙$85~ 海鮮喇沙的配料有帶子，大蝦，魚片，蟹柳，半隻蛋和豆卜， 蝦和帶子都非常鮮甜和爽口，米粉有粗有幼， 加了椰奶的喱喇沙湯頭非常香和濃郁，很美味亞參鳳梨咕嚕肉$108~ 咕嚕肉拌菠蘿和洋蔥一起炒,醬汁偏酸, 但很清新和開胃。肉質鬆化，不錯凍柑桔檸檬$28~酸酸甜甜，非常冰涼，夏天飲這個一流！消滯又解渴熱檸檬薏米水$28~解暑又去濕，很健康

今日同媽媽去左鰂魚涌食新加坡菜 我地簡左「隨心海南雞飯」既招牌菜 海南雞好嫩滑 全部都去哂骨 食得好方便 油飯都唔會好膩 海南雞份量都幾多而且真係有雞味👍-呢個係「海鮮喇沙」佢既椰香味好重 反而辣味無咁強烈 岩哂我既d比較中意椰香味既我😆 而且好足料 有大隻既元貝、大蝦、蟹棒、魚片、熟蛋-「沙爺串燒」總共有六串 4串雞和2串牛 燒得好香口加埋d花生醬-不得不提呢杯低糖檸檬薏米水 夏天就岩哂拉 檸檬令到我更開胃 而且又可以去水😆

隨心海南雞飯(無骨) 配油飯海南雞無骨易入口，皮嫩肉滑，雞件份量都幾多，店主毫不吝嗇。油飯香味濃郁，惹味得來唔油膩。伴碟配塔上木耳絲及青瓜，清爽脆口，令碟飯有更豐富的口感。不得不提點雞的醬料，有黑醬油，薑蓉和辣椒蓉，是很正宗的醬料配搭，個人建議同時將3個醬料因應個人喜好一齊搭配雞肉食，送飯一流。另外以杯盛上的雞湯也是眼前一亮，無論是食飯中途濕一濕口，亦或是飯後飲用，都很適合。新加坡炒貴刁炒貴刁炒得夠乾爽，麵條與河粉不會粘成一塊塊，配料很豐富有大蝦、魚片、芽菜等，絕對抵食。食落有輕微辣味，符合喜歡辣味刺激及香味但不能太承受辣的各位。馬來西亞肉骨茶(藥材味)這道菜絕對是驚喜，從來沒有想過在香港可以食到那麼正宗的味道。雖然只是點了一位份量，但是一盅裡應有的都有，有一條肉排，冬菇，當歸，紅棗，玉竹，黨參等。從我所描述的材料看，不難想像那一口肉骨菜是多麼濃郁，藥材味是多麼濃厚，無論之前有否食過肉骨茶都值得一試。黑蘿蔔糕黑蘿蔔糕也是少有在香港可以食到的星馬小食。雖然看下去黑漆漆，但是並不會太鹹。當中的蛋絲和蝦米亦不會使口感過於單調，除了黑蘿蔔糕，大家還可以選擇大家較為熟悉的白蘿蔔糕。沙爹黃金豆腐這

鰂魚涌算得上是港島的舊區，東西一般會比港島西便宜，但這間星馬菜真的非一般，平均7-80已經有一人份的菜單略嫌一人菜不夠特色？肉骨茶 海南雞 喇沙 都有。既然是招牌當然要點他們！食物：海南雞 半隻 138非常嫩滑，連雞胸都非常易咬，完美地把骨去掉，每一件都是入口就可以直接吞下，是滑溜至這程度！其配角也是重要，甜醬油必須濃郁，薑蓉要醒胃不油，酸辣汁則開胃又帶點辛勁。馬來西亞肉骨茶 98原來新加坡也有自己味道的肉骨茶，星洲版帶輕微辣勁，以胡椒跟蒜頭主導，還有冬瓜做底。馬拉的以藥材香見稱，口味比較濃郁，湯底色澤比較濃，熬湯用的菲排通常用濃醬油紅椒跟大蒜調味，不輸海南雞。但如果菲排可以炆煮更久一點，效果一定更好水果囉喏沙律 38好多汁好豐富的水果！加上花生跟甜酸醋的調味，夏天吃非常清爽！不愧是馬來菜啊！海蜇雞絲沙律 38少量的胡麻醬調味的海蜇雞絲沙律，除了麻香十足卻不見太濃的麻醬外，雞絲量非常豐富而且夠稔，雞肉香而瘦，不帶一點多餘脂肪。服務滿友好，cp值也很不錯

放工和同事食下午茶，去了位於鰂魚涌的隨心。之前已經在這食過午餐，印像中食物味道唔錯，價錢合理，所以今次帶同事來試試。店舖 寬敞，有兩間舖位，燈光鮮明，感覺乾淨衛生。我哋叫咗幾個下午茶餐。咖央多士拼參巴雞翼多士烘得香脆，除了咖央，更加了牛油，非常香口。參巴雞翼外層香脆惹味，內裡仍十分juicy。海鮮喇沙湯底香濃，喇沙是油麵加米粉，富地道風味。而海鮮一點也不欺場，有蝦，蟹柳，魚片等。蝦非常新鮮，肉質爽彈，魚片質感非常滑，有驚喜。炒貴刁醬汁香濃，味道帶甜。配料很豐富，有芽菜，臘腸，鮮蝦，蛋等等，同事十分喜歡。下午茶餐包了一杯飲品 ，其中檸檬薏米水清甜潤喉，個人十分推介。而同事點了杞子雞湯，也很清甜，喝了不口渴，是外間少有的選擇。

雖然鰂魚涌望落好似係一個周圍都係高樓大廈既地方，但其實橫街窄巷都佈滿左好食既餐廳，今次👧🏻就帶👦🏻食左一間好好味道既星馬菜餐廳。👧🏻之前已經食過一次呢道既新加坡炒貴刁，所以勁推薦👦🏻試下炒貴刁，不過今次👦🏻👧🏻係星期日下午餐時段黎食，所以就叫左個下午茶既雞絲炒貴刁、海南雞飯（無骨）、黑蘿蔔糕同埋沙爹黃金豆腐。下午茶既雞絲炒貴刁雖然無午餐咁多材料，但味道上一樣都好咁好食，呢度既炒貴刁除左河粉，仲有加入左油麵，食起黎比較有口感，而且👧🏻好中意呢個炒貴刁既辣度，夠辣味但唔會辣到咳或者流晒汗，中意食辣既朋友仔可以一試👍🏻下午茶海南雞飯既份量有少少嚇親👧🏻，因為望落同一個午餐既份量無咩分別，所以呢個好抵食呀，油飯有淡淡既香味，無骨既雞件非常滑，另外跟飯仲會有杞子雞湯架，味道唔算濃郁，清清地咁都唔錯。黑蘿蔔糕又係另一樣好啱👧🏻口味既食物，蘿蔔糕用微辣既醬汁炒過，食落好惹味同香口，感覺有啲似XO醬炒蘿蔔糕但無咁油膩🤤而怕食辣既朋友仔可以試下沙爹黃金豆腐，雖然個名聽落係辣既，但其實食落係甜甜既沙爹醬加埋炸到金黃色既豆腐，味道完全顛覆左👦🏻👧🏻既想像呀。每次都會透過以下6大方面試評分(滿分:30分)味道