隨心 (已搬遷) 新店位置

來到鰂魚涌想食喇沙定會選呢間餐廳午飯時間一定大排長龍我超級鐘意佢地既喇沙湯，每次黎到一定食🐶魚片頭喇沙($68)當中料好足，真係幾舊大大件魚片頭，仲有蛋、豆卜、芽菜先講下佢個喇沙湯底，真係超級濃郁，帶少少微辣，湯有椰子香甜味感覺好厚實，啖啖湯都好惹味當中既麵、蛋甚至魚片頭都入晒味，好滋味！基本上每次去我都飲左半碗湯 XD 講起又想去食

自己一個好餓好餓，想試新餐廳，於是就行入去試試呢間既海南雞飯😋餐牌好精美，既然有心水，就叫海南雞飯喔！（$85）仲要特別講明無骨，適合懶懶的我，仲附送一個湯。 佢三款醬汁都好用心調配，加上油飯不油膩，淡淡既香味我兩三下出食哂😛於是乎，我有叫多兩樣野食😋百味啫啫芥蘭（$70）一上菜香噴噴，加上熱辣辣既炸炸聲，食慾大增😚 唔油，好味好味😋燒豬頸肉（$48）超級精美，醬汁才是主角，用左柚子同青檸，酸酸甜甜，必試喔😋總括而言，呢間餐廳每個菜式都好用心去做，必定有驚喜，而且價錢合理，唔好錯過喔😋😋😋

最近食得太豐富啦，所以今日就食間清淡d又簡簡單單的晚餐就隨心啦~餐廳近住測魚涌mtr, 放工搭車過來都好方便今日冇咩食辣野意慾，所以選的都偏清淡d黑松露炒飯好像幾吸引，於是我們就點左呢個做主菜秋葵濃湯豆腐因為食辣野太多，覺得個人好熱氣，就叫個豆腐下下火小食拼盤係冷盤來ge, 內有石榴﹑豆腐﹑雞肉。。。再配上自家的醬汁，幾fresh幾特別新加坡炒貴刁走辣因朋友唔食得辣，雖然冇左辣味，但都好夠味，yummy

Quarry Bay一向都多野食的, 今日就同男朋友嚟With Your Mind食下Singapore & Malaysia food啦! 之前妹妹都有食過都幾推介GEH~ 我地就叫左個娘惹咖喱牛腩跟飯($90).娘惹咖喱食落唔太辣, 但咖喱味係有GE, 用嚟送飯好唔錯的. 入面D牛腩全部都勁淋, 仲幾重牛味tim! 另外叫左個新加玻炒貴刁~ 食落有鑊氣又夠干身! 入面都幾多料, 有好多彈牙魚片頭同蝦仁! 叫多左個杞子上湯娃娃菜($58). 杞子都幾多下, 所以個湯都幾甜. 而且個D娃娃菜煮得好入味的, 又大大棵! 最後叫多個Sambal fried chicken ($48). 炸得超香口, 咬落好脆口!! 入面D肉仲好juicy^^ 一定要嚟食ar. 叫左D熱氣野所以就嗌個柑桔檸檬($28). 滋潤消滯, jeng!

做完運動又嚟到quarry bay食晚餐 🥣今晚就食星馬菜— 隨心👻餐廳好大下，打通左2間舖，所以d位好闊落！我地叫左個參巴雞翼($48)🐥🐥 炸得非常之香口，食落帶咸香的，肉汁飽滿，雞肉又嫩滑🥳仲要係全翼呀！好抵食😹😹叫左個炒貴刁🥰 好有鑊氣的，食落重口味d 粉條炒得剛好 食落依然煙韌 又有幾只蝦同蠟腸 配料豐富 口感充足 值得叫嚟share~~ 要左個上湯娃娃菜🥗 清清地可以清下腸胃😍 娃娃菜好多下架 食落煮得淋身 上湯味都入哂 叫左杯都檸檬薏米水🍋🍋 滋潤又解渴 薏米好甜好好食 當甜品又得😂😂🥰

今日去鰂魚涌開會, 開到已經夜晚八點鐘啦, 就喺附近食個飯, 同事就唔想食辣,  就叫個 海鮮喇沙, 但係轉咗雞湯, 湯底感覺別有一番風味, 海鮮非常之多材料, 有q彈嘅大蝦, 仲有魚片, 齋卜, 帆立貝, 帆立貝非常的q彈, 另外仲有蟹柳添而我就選左咗個無骨嘅海南雞飯,  油飯非常之鮮香, 粒粒分明, 雞肉非常鮮嫩滑, 點一點醬汁一齊食, 非常滋味,  佢嘅海南雞飯跟嘅湯, 非常之香, 雖然細細杯, 份量已經啱啱好食完成餐, 唔覺得口乾, 一般出街食都有味精, 但這間餐廳一啲味精都唔落, 真心讚

最近去左依家係鰂魚涌嘅新加坡菜🇸🇬隨心Menu好多嘢食嘅選擇，我最後就揀左海鮮喇沙🍜，湯底唔會太俊，可以飲到🥣，餸就有蝦🦐，帆立貝，蟹柳，魚片，豆卜同蛋🥚，勁足料，平時喇沙個粉多數係米粉溝油麵，但係佢地就係米粉溝賴粉，幾特別😋另外仲叫左蒜蓉娃娃菜🥬，超大碟😯，勁抵食飲品就叫咗好健康嘅檸檬薏米水🍋，佢本身已經係低糖，飲落唔會太甜，夠哂健康，d薏米仲到幾好咬添👍🏻下次可以試下佢地嘅肉骨茶呀

鰂魚涌啲橫街其實好多隱細小店，今日突然好想食肉骨茶，就試吓呢間隨心。鋪頭裝修簡簡單單，座位好寬躺。肉骨茶分咗馬來西亞版同埋新加坡版！馬來西亞肉骨茶係藥材味比較重，而新加坡肉骨茶就係胡椒味重啲。我不嬲鍾意藥材味所以今次叫咗馬來西亞肉骨茶。🌟馬來西亞肉骨茶肉骨茶果然好重藥材味！而且入邊材料豐富！金沙骨煮得好琳好好味！一鍋兩個人分啱啱好！🌟海南雞飯例牌嘅份量都幾多。雞肉好嫩滑，啖啖肉之餘也冇乜肥膏。油飯又夠香，好正宗。🌟百味啫啫芥蘭用啫啫雞煲嘅方法去煮芥蘭令到啲芥蘭好香口同入味，同時啲芥蘭又好爽甜，配搭得非常好！🌟炸香蕉🍌絕對推介！炸香蕉可以做埋甜品，外脆內軟，加埋個蜜糖汁真係好好味！餐牌好多好健康嘅嘢飲，而且好多選擇！我地揀左檸檬薏米水同檸檬香茅花茶

有事要到鰂魚涌工作，放工後便會合老公到附近吃飯。想不到短短一條海光街也有很多不同類型的小店，這天我們便選了星馬菜。其實有很多東西都想試，見他似乎有名海南雞飯及喇沙，便二合為一先選了個海南雞喇沙。海南雞的確有點實力，皮滑肉嫩，雞味濃厚，不會有雪雞味。喇沙是米粉加瀨粉，配搭比較少見。特別喜歡他的湯底，棷奶味很重很易入口，忍不住把湯都喝完了（而且沒有口渴的感覺！ ）另外二人點了一煲肉骨茶，其實超大煲，四個人渴也足夠。我們選了馬來西亞肉骨茶，藥材味甚濃，感覺特別養生。而且非常足料，除了豬骨外，也吃到大大塊冬菇、玉竹、紅棗等等。還要一讚的是店員姐姐都很熱情，主動提醒要先吃喇沙以免浸淋麵條；不用我們詢問又會拿多幾隻碗仔給我們，幫我們分湯。雖然是小店，但裝修乾淨企理，做事有誠意，服務毫不馬虎，難怪平日晚飯也有一定的人流。

今日同屋企人黎到呢間位於鰂魚涌既食店。我地叫左一個隨心海南雞飯，一個凡立貝喇沙同一個小食炸香蕉。首先黎左嘅係海南雞飯。盛菜嘅碟非常特別，造型酷似竹蓆，望落有趣之餘亦有一絲清爽感覺。食物方面，除左油飯同充滿光澤嘅海南雞之外，亦有青瓜，木耳同小蕃茄作伴碟。油飯充滿油香，但唔會過份油膩，而且食落口粒粒分明，軟硬都適中。海南雞除左有色澤之外，肥瘦比例亦都啱啱好，食落去有肥肉嘅滑溜感但唔會成口膏。雞肉本身已經鮮味十足，雞味濃厚，再搭配三種唔同嘅醬汁使味道更上一層樓。有薑蓉，豉油同酸辣醬三款，而我個人最推薦嘅就係酸辣醬，酸酸辣辣，更加帶出雞嘅鮮味。同海南雞飯一齊上嘅仲有一杯杞子雞湯，同樣都係雞味十足，入口順滑。跟住黎嘅係凡立貝喇沙。麵底由米粉同賴粉兩款組成，一碗麵有雙重口感。喇沙湯底色香味俱全，顏色鮮美引人入勝，聞落香料味十足。飲左一啖湯，湯底非常香滑，有淡淡花生味，由各種香料組成嘅辣味唔會單一，而係有深層次嘅辣味，刺激味蕾之外，唔同食材亦圍繞住呢種辣味融為一體。當然唔少得嘅就係凡立貝，凡立貝每粒都大大粒，一碗入面就有三粒凡立貝，非常豐富。凡立貝鮮味非常，一入口香味就散發於口腔之內，吞下之後喉嚨深

媽媽愛下廚，亦重視健康，所以平時好少出去食飯。不過她對東南亞菜式比較陌生，不會煮，也少吃，所以今次就帶她去鰂魚涌食飯，試下不同的口味😋——————————🔸黑蘿蔔糕 $48第一次食黑蘿蔔糕，非常合口味！蘿蔔糕吃得出真材實料，加入雞蛋及黑醬油拌炒，醬汁掛滿表面，勁惹味！-🔹咖哩薄餅（1件）$18咖哩薄餅新鮮熱辣，酥脆中帶點嚼勁，蘸上香辣的咖哩，不錯。-🔸百味雞煲 $98第一次在東南亞餐廳見到這款菜式，就決定嚐鮮一下，看看會不會有什麼特別～可惜未見突出，不過不失，不太夠辣-🔹 新加坡炒貴刁 $78選用傳統正宗的「掺掺」，即是用河粉及油麵混合配搭，裏面有蝦、魷魚、蛋、芽菜等，炒得夠味又有鑊氣！🔸馬拉盞油麥菜 $58媽媽很愛食油麥菜，所以就叫了這道菜。整體炒得不錯，味道剛好，又特別入味～

幾星期前一訪隨心，對此家的喇沙念念不忘。近來都在上晚間課，不吃飽，怎能上課呢。再來，吃一碗喇沙。還是下午茶時段，價錢相對是打了八折。有輕量的喇沙，咖央多士，小食等。情有獨鍾的，海南雞喇沙。海南雞已去骨，再排列整齊呈上。雞肉不DRY不柴，處理得宜，夠滑嫩。雞皮能輕易脫掉，對吃雞不吃雞皮的人，的確很方便，不用糾結在剝雞皮上。吃雞，有四味：原味，咸味，薑味，辣味，從淡味入口，各有風味，個人還是喜愛原味的簡單。傳說中的，華，人，喇，沙。原來即是咖哩喇沙／亞摻喇沙。吃一頓飯，的確長知識了。很欣賞那藍花瓷碗，美觀優雅。可見餐廳也著重餐桌的細節。湯底椰奶味濃郁，不油膩，多呷幾口也不邪惡。幼身的米粉混合了通透的米線，口感更多元。一碗喇沙又怎能輕易滿足？多點了一份小食，煎墨魚餅。墨魚餅金黃誘人，彈牙鮮甜。熱生薑茶應該是熱生薑水才對，底部有幾片薑及蜜糖，記得要攪拌呢。

進內用餐時只有少量顧客，但四眼男職員一面囂張表示我倆2人只可坐4人普通位，不能坐4人卡位。離奇的是，卡位也只有4組餐具，為何必須人多才可坐卡位？及後有意轉到2人卡位，但發覺非常狹窄，就隨便坐在旁邊長桌作罷，結果又不行！男職員說道是10人桌，你這間沒客流的店要預留起一張10人桌？後來4人卡位就只坐了3人，為何又不安排坐4人普通位呢，是熟客嗎？男職員事後還跟其同事說我倆「癡線」，以為我倆聽不到，這是甚麼服務態度，我付加一服務費是為了這種服務嗎？我沒覺得「食客大晒」，但這不是小店，完全沒客滿情況下連選擇座位都不行嗎，入店時還道「隨便坐」？而且你擺出的臭臉及說話連基本禮貌都沒有！食物方面，海南雞飯油量極高，另外炒粉麵類更是吃得滿口油，名不符實，而且要加一價錢在QB算很貴，附近還有更多有心經營的小店。我希望餐廳老闆或經理處理及訓示21/8晚當值四眼男職員，如該人是老闆我只能說一聲悲哀。無論如何，永不光顧，也會呼籲全公司同事轉到其他地方用餐。

今天工作關係到鰂魚涌食飯，在內街裡找到了這間隨心，其餐廳主打的是新加坡及馬來西亞菜式，款款都頗特別及惹味。看看餐牌，既有海南鷄飯 肉骨茶 麥皮蝦 胡椒蟹 黃金豆腐 沙嗲串燒 喇沙等，無一不令人食指大動。我和同事經一輪選擇後，決定先試下餐廳推薦的菜式，包括馬來西亞的肉骨茶，海南鷄飯(無骨)及新加坡炒貴刁。先來的是炒貴刁，豉油香味直噴臭孔，呼吸的每啖都令人好想去食，這碟炒貴刁確實是濃香味盡緻，而且帶點辣好惹味。另外海南鷄飯，鷄肉嫩滑，鷄肉有香油重鷄味，而且配有鷄湯啖啖香濃，好像食了一餐鷄盛宴。最後的是肉骨茶，有一大盅內裡有3-4條一字骨，可以飲到6碗左右，而且用盅燉加上藥材味感覺像港式老火湯，飲落非常舒服。這樣美味的一餐，二人都只是二百多，絕對係平價而又高質素的美食。下次一定會再來光顧。

鰂魚涌係一個商業社區，星期六嘅傍晚時分嚟到周圍了無人煙，甚至有部份嘅商舖已經關了門。喺街角嘅一處發現呢一間主打海南雞飯嘅餐廳。去過星加坡嘅朋友就會知道其實正宗嘅海南雞肉質係比較乾身同埋瘦，但我反而比較喜歡港式嘅做法，雞肉比較鮮嫩。必點海南雞飯 ($85)海南雞皮較厚，肉質幾嫩滑。黃油飯分香口。想食多點雞的話可以單點半隻海南雞在散叫一兩碗飯。新加坡炒貴叼($78)炒河粉中混入左少量油面，加入了大蝦同埋魚片頭一齊炒，好夠獲戲氣，十分惹味！想健康一點可以再叫一碟上湯杞子浸時蔬，我哋揀咗油麥菜，菜的份量很多，而且湯底味道都唔錯，可以連湯都飲埋。低糖凍檸檬薏米水同埋凍檸檬柑橘蜜，健康又好飲！