雄泰

營業中

休息中

第一次OpenRice 留review 。先講食物，叫左碗泰式牛肉船麵，算係不不失，湯底比其他泰式餐廳更濃，係香港算係唔錯。但已經唔算係服務態度問題，樓面員工連基本做人禮貌都無，可一不可再都係唔會再黎，免得比錢買難受。

食物質素好又有乜用？平時午餐時間經過都見到好多人喺門口排隊，呢次係第二光顧，顧客需要自行在門口填表格寫人數及number，然後職員會叫number再安排入座，門口沒有職員會主動幫忙，第一次來光顧的客人唔知定就在門口呆等…某職員服務態度好差，唔知佢係老細定係打工，老細嘅話應該係覺得唔憂做，先至咁樣對待客人；打工嘅話應該係想薄炒趕客。就算啲嘢食幾好食都好，服務態度咁差，都唔會有人想再光顧第二次。

睇食評話呢間泰國菜好好味，一到六點即刻入去坐低睇吓有咩嘢食，餐牌上無任何套餐提供，只有散叫，原本諗住點海南雞，但晏就就已經賣晒，招牌菜賣晒唯有點其他啦，菜式不多，只點咗炸蝦餅、通菜、豬頸肉飯、酸辣鳳爪等試試先。基本上份量比較少，味道一般無驚喜，同區另外有幾間泰國菜似乎比較正宗啲。

住粉嶺應該都聽過呢間好出名泰國菜😃雄泰如果你星期六日假期黎通常都要排一陣隊😃如果你想一嚐佢個海南雞飯🐔記得就要早啲黎，如果唔係過左中午1點後好多時都已經賣晒🤭得返海南雞翼飯🐔海南雞飯🐔🍚$58首先一上枱就見到啲雞都唔少，油飯就正常size🤭啲雞俾左一半胸一半脾🍗脾個邊好滑，食落唔會好油，仲要記得沾埋佢地個雞醬😃😍另外雖然係有啲雞胸，但食落都唔會好鞋😃飯個方面粒粒分明，我用埋佢啲汁黎撈飯，好快就食完一碟🤭😍豬頸肉飯🐖 $60豬頸肉都好多，起碼切開都有十幾件，烤得好香😍食落唔會好乾😍配埋佢個醬汁都好好送飯另外，我地仲叫左一杯班蘭茶同泰式奶茶班蘭茶已經飲過幾次，好香班蘭味，又唔會甜，仲要出面好少地方有🤔仲要都係$10杯😍但泰式奶茶今次好似有啲失手，冇乜奶味，杯野好深色，應該落少左奶，但茶味都係香嘅甜品方面，大家一定要叫嘅班蘭千層糕 $25@6件記得一坐底就好叫定，遲一步又好快賣晒❗️又係好香班蘭味，食落好煙靭😍鍾意食班蘭糕嘅一定要試下❗️總括黎講，呢間係性價比超高嘅泰國菜❗️我已經幫襯過幾次，每次都好好食❗️佢其實仲有個出名叫脆豬飯，但每次黎都話要等半個鐘🥲大家有時間都可以試下❗️

平日晚飯時間約7:00 左右，來到雄泰門口，已排隊等位，入面已坐座客人。店員好快行出來幫我寫飛仔排隊。因為好多食過快飯就走，所以好快有位🥰我們2 人，預備點單，店員好快講出今晚 馳名嘅海南雞飯已賣晒。我們點了：-- 泰式脆豬飯嘩啦啦! 呢個脆豬飯，以為似普通燒味燒肉飯，但唔係咁簡單，真係件件皮脆卜卜，而肉味少少咸味🧂，配白飯，簡直perfect 👍🏻👍🏻😋😋- 煎蛋肉碎飯 （ 可選豬 / 雞肉）店員建議，今晚豬肉碎比較靚啲，於是我選了豬肉。呢個飯配肉碎，好好餸飯啊☺️☺️所以食咗好多飯😊😊- 加左個泰式炒通菜，正常味道🤗總括： 雄泰無論食物🥘好味😋yummy yummy 👍🏻🥳🥳店員服務態度友善💕💕。讚👍🏻想提出，只是我腰有少少問題，往往坐硬板櫈比較痛，會否可以有一些有軟墊的坐椅。

叫外賣 嗌左豬手飯回到家一打開變了豬腳飯想食肉 但一啖肉都無半隻蛋又無你地多人幫襯 賣哂豬手咪話我知囉都唔洗咁架嘛 唔係個樣野諗住外賣就求其做 得過且過 咁嘅貨都比得人 離晒譜

今晚得自己一個食 諗左陣食乜好 最終去左附近食泰國嘢...🤤粉嶺聯和墟有好幾間出名既泰國菜，今次同大家分享既系其中一間 一 雄泰雄泰最出名既系海南雞飯，可惜今日已經賣哂...😂🌟泰式豬手飯(骨) $60豬手炆得夠淋又不至於爛，滿滿既膠質👍🌟泰式淨脆豬 $50比一般燒肉燒得更脆皮，而且吾油膩👍📍雄泰地址：粉嶺和泰街21號地舖#粉嶺 #聯和墟 #雄泰 #覓食粉嶺 #良心小店💛 #泰式豬手飯 #泰式淨脆豬 #粉嶺食乜好 #即食即出系列#ʜᴋɪɢ #ʜᴋɪɢᴇʀ #ʜᴏɴɢᴋᴏɴɢғᴏᴏᴅɪᴇ

餐廳有簡約嘅泰式佈置 當日座無虛席 人龍不絕 又係一間受歡迎嘅餐廳去聯和墟嘅朋友一定要黎試吓🤗💁🏻‍♀️泰式海南雞飯 $58薄切海南雞 比起一大舊雞肉更易入口 雖然係薄切 份量絕對唔少 雞肉夠滑juicy有雞香 連皮食雞油香爆發🥹 秘製醬汁好好味 大概係薑蓉泰式酸辣醬同秘製醬油調製出黎 好食到一滴不漏😋🍚飯可選白飯/油飯 怕肥嘅關係我揀咗白飯😂下次會試埋油飯 可能配搭會更加惹味💁🏻‍♀️斑蘭茶 熱 $10斑蘭葉香氣撲鼻🍵飲落口每一啖都充滿香濃清新斑蘭斑蘭香同微微甜度非常平衡☺️ 唔係死甜個隻 完全無掩蓋斑蘭味 聽講個豬手都好正 有機會會再訪啊😉食物: 9/10環境: 8/10服務: 8/10性價比: 9/10

見好多介紹話雄泰海南雞飯好食，於是同朋友入黎試下，果然無失望！雞既份量都多，大份兼抵食～性價比高lunch時間黎食都唔洗排好耐，亦都座無虛席入黎聯和墟必試～～～泰式海南雞飯個醬酸酸味味配埋海南雞👍🏼

難得入粉嶺，一定要去朝下聖😎未夠六點就去排隊，成功做到第一檯客，不過唔駛半個鐘已經客滿😂▪️ 泰式海南雞翼飯（7.5/10）💲50侍應話海南雞係每日一點就會賣曬，得返海南雞翼唯有照殺，去到七點連呢款都賣曬🥲出到黎係五隻翼加五隻槌，份量都幾多，肉質算嫩滑，CP值高🐔略嫌個飯係乾硬身，同埋無咩油香🥣隔離檯個小朋友話個汁先係精粹，原來係蒜味既酸辣汁，用黎撈飯係幾正😌▪️ 泰式脆豬飯（7/10）💲58個皮真係幾脆卜卜，肉位同肥膏比例均勻，但我呢份係比較薄切，厚返少少應該再正啲😳可惜個飯同樣乾硬，個汁亦太甜，好似唔多夾咁🫣▪️ 椰青奶昔（8/10）💲28好香濃既椰奶味，仲有唔少椰子肉碎，感覺幾清新，又唔會係死甜😍🔎 整體評分（7.5/10）

睇標題就知我一定唔係住附近啦😂！冇錯！我就係特登過海嚟食脆豬飯🍛⠀幾年前見到唔少人推介呢間泰國菜🇹🇭，話招牌係脆豬飯，當時見到賣相唔錯就過嚟試吓，果然冇令人失望，仲令我留低深刻印象👍🏻。今日再嚟係因為掛住個脆豬，於是收工趕過嚟粉嶺，好彩收舖前嚟到，亦都好彩仲有脆豬飯可以嗌，不過要等半個鐘😅。幸好我地有嗌蝦餅同泰式豬頸肉飯(仲有凍泰奶)，可以醫住肚餓先😬。個人覺得醬汁酸酸甜甜好開胃，豬頸肉都唔錯大片有咬口，但係脆豬唔知係咪臨收舖嘅貨尾，一樣係脆嘅但咬到最尾有啲韌，對住山長水遠嚟到就有0.5%失望啦😥。⠀總括嚟講，推薦各位試吓招牌菜，不過最好避開peak hour，如果唔係有排排隊。

北區出名既餐廳唔多,由其粉嶺 講到粉嶺名店必定有佢 - 雄泰之前黎到都摸過幾門釘,今日晏畫黎到終於有開 有得食啦 晏畫有LUNCH SET 仲可以加小食,叫左海南雞飯+春卷+菊花茶菊花茶應該係自己煲,唔太甜 健康海南雞 雞都算比得多,又滑 個汁仲要較得好好響依區諗唔到食咩既話,依間一定係一個好好既選擇

之前摸過兩次門釘，第三次嚟終於成功😅😂果然係粉嶺區人氣餐廳，星期日去到見到人龍，排左大約15-20分鐘啦🤔都值得排嘅，食物質素好份量夠，價錢又唔算貴👍🏻1. 泰式海南雞飯 ($58)一上枱嘩左聲，好多雞呀，雞肉多過飯咁，有脾有胸🤓雞胸肉食落夠滑，同雞脾肉唔會爭好遠😋點埋個甜辣醬幾開胃🤗食完個飯一啲都唔口乾，最怕啲飯好多味精😅2. 泰式燒豬腩肉飯 ($58)豬腩肉半肥瘦好邪惡，但好好味😝個汁嫌佢甜左啲，好似點海南雞個汁夾啲😅呢個飯食食下有啲漏，可能啲🐷肉太肥，同埋一啲疏菜都無😅3. 泰式墨魚餅 ($32)呢個墨魚餅好普通😅唔推薦，似魚餅多，唔係好食到有墨魚🙈

今日去完沙頭角睇古跡，係粉嶺解散~朋友話想食D特色野，行左過來聯和墟，見好多網友都推介呢間泰菜，所以來試下了😎來到餐廳時係十二點九，所幸唔洗等位，可以直入~餐廳佈置幾舒服，牆上有壁畫，都有D小擺設😚坐低睇睇餐牌，諗唔到食乜😂但見好多網友推介🐷脆豬飯，ok，就試試佢😎朋友就叫左🐮牛肉船湯粉~🐷泰式脆豬飯 ($58)本身落單時staff話要等十五分鐘左右，點知好快就同船麵一齊出😎🐷脆豬新鮮炸起，卜卜脆😍🐷豬肉肥瘦度適中，食落好夠味~如果食多幾件覺得膩，都可以點佢個汁，酸酸甜甜少辣，幾好送飯😋食緊已經哇哇聲，好有驚喜，唔怪知網友會推介😂本身唔太肚餓，同埋天氣熱，所以叫左少飯~🐮牛肉船湯粉 ($55)一上枱，朋友已經覺得份量幾足~🐮牛丸、牛腩、牛柏葉舖滿金邊粉面~我試左少少，牛腩幾淋，有牛味😍湯底甜甜地，幾好飲😍☕️泰式奶茶 ($18)、🍋鹹檸七 ($18)星期一至五飲品可以加錢叫，但星期六日、公眾假期得散叫😢我自己飲🍋鹹檸七~上枱時係一杯冰底同一罐唔凍嘅七喜，自己倒落杯~鹹檸七一飲已經好夠鹹檸味，唔洗自己再篤👍同埋見到杯面好多檸檬粒😂最後兩位埋單 $149，價錢幾正常~🍴食物好有驚喜😍💁‍♀️服

📍朋友推介粉嶺名物🙆🏻 呢間平民泰國菜係粉嶺相當有名 無論任何時間都幾乎座席～🧑‍🤝‍🧑👭幾鍾意餐廳雖然採用大排檔裝修 摺檯同圓櫈唔算坐得好舒服 但係相當整潔同乾淨 而且性價比高🙋🏻‍♀️ 定價較低又冇加一收費 值得試試!🌀 泰式酥炸豬腩肉飯本身都想試海南雞飯 但入座時已經聽到侍應話賣晒 (當日先2-3下午時段咋!🥲) 豬腩肉份量幾多 外層炸得微脆 面層有光澤 好香口好好食💁🏻‍♀️ 不過單食肉可能會有點膩 強烈建議沾上泰式酸甜魚露 有助減低油膩感🙈🌀 泰式豬頸肉飯朋友推薦! 豬頸肉軟腍又帶點爽彈口感 肉質輕易咬開 有淡淡既焦香味 配飯一齊食相當不錯!