雞記潮州麵食

營業中

休息中

今日去尖沙咀剪頭髮，去之前上OpenRice睇吓附近有咩好食，見到呢間潮州麵店好有興趣，就決定去試。喺門口等位嘅時候見到餐牌，一個單餸麵已經加到$60，絕對唔平，但一場嚟到決定照入去試吓。一坐低望到餐牌$62？！咁都算，我坐低嗰陣大約12:15pm左右，好快就決定叫一碗紫菜墨丸米，個職員問我要炸定唔炸嗰隻，我話唔炸，佢話賣晒。但之後佢又改口話唔夠，同你加幾粒白色嘅落去囉。我話如果賣晒我叫其他嘢，佢問廚房，個師傅好大聲咁話有。我問佢咁炸嘅呢？佢好似唔肯俾我轉其他嘢咁係都話有。就係咁照落單。結果嚟咗碗全白色嘅墨丸米。我擰轉面問個職員一粒都冇呀？佢答我尋日犀利呀嘛！我：？？佢話尋日犀利，賣晒！我嗰一刻又嬲又無奈。你賣晒唔係問題。問題係我問你係唔係賣晒，係我就轉其他嘢，你好肯定咁答我有！係咪覺得自己出名就可以咁樣對消費者？結果$62我食咗一碗平平無奇，得四粒墨丸嘅墨丸米。你可以話佢包一碟油菜或熱飲，但都絕對唔值呢個價。

噹噹噹～今次我就嚟到呢家潮州麵店大快朵頤啦！先講講佢個黑豉油王撈粗，正！麵條Q彈得嚟，吸晒啲醬汁，真係吃落好過癮。啲炸魚片頭外皮炸得脆卜卜💥，淋汁多多都唔會即刻淋，入口即化嘅口感，實在太滋味啦！再來就係手打炸紫菜墨魚丸粗麵，墨魚丸好有嚼勁，加埋紫菜嘅香味，完美匹配👌。通常炸嘢落湯易腍，但呢度炸得恰到好處，泡湯都保持到脆度，真係令人驚喜！食完麵，再點幾樣小食，鹹香炸雲吞同墨魚餅，風味十足又唔膩口。啲墨魚餅本身已經好有墨魚味，炸得又係恰到好處，真係食指大動！每樣嘢都係適量好味，我一個正過黎食，都可以唔停口食得落啊！這次嘗試超過咗我預期，下次還會再嚟，得閑大家都嚟試試嘅！🙌🍜👍

炸物世一邊個天才諗到用腐皮包住魚片炸脆到裂開 雪白的魚肉一瓣瓣炸魚皮 好脆 咬嗰陣脆到只聽到咬嘢聲炸紫菜墨丸紫菜夠 好香一咬開 好似打開咗一包shake shake粉一粒粒墨魚有咬口

🏠雞記潮州麵食嗰日喺尖沙咀行街， 朋友話附近有一間佢以前返工成日食， 講到好似好好食喎，咁一定要試吓啦！蘿蔔牛腩配黑豉油撈麵 $51呢個蘿蔔牛腩啲蘿蔔煮得好入味，同埋好腍， 反而牛腩就一般般，有少少痴牙同埋韌。 朋友話呢個黑豉油撈麵係一定要叫，係真係幾好味，啲豉油睇落好黑好鹹咁，但識落調味啱啱好！手打炸墨魚丸配黑豉油撈麵 $53佢哋嘅招牌係手打炸墨魚丸，呢個真係炸得好出色，好好味， 好似叫呢個墨魚丸好過嗌蘿蔔牛腩~

喺尖沙咀想食宵夜，原來選擇唔多這家麵店，好多年前試過，記得好好味，但今次有少少失望今次係特登過嚟試牛腩同潮州小食炸魚皮：係自家製，炸皮脆又香潮式欖菜肉卷：枱面食到最後仲有剩，大家食咗一件都唔想再食，我覺得啲肉搞到好爛，冇口感，炸到好乾生煎墨魚餅：好有風味，好彈牙，好好味👍🏻紫菜墨魚丸湯：感覺係比啲阿婆食，完全唔彈牙，又或者煮咗大半日幾個朋友都揀咗牛腩撈粗，牛腩味道都OK，但係個撈麵都有少少失望，根本上係一餅嘢，都撈得唔勻，期待撈麵會食到豉油鹹香味，可惜呢個撈麵真係得隻色，完全無咩味而我揀咗牛筋幼面，中規中矩兩種面嘅份量都比想像中少一點菜心方面，應該啱婆婆食，好林，完全唔爽飲品方面，凍飲真係太細杯，仲要差唔多一半都係冰，唔知俾咩反應

自從而家多番遊客之後，喺尖沙咀一帶已經係重災區，平時放假去行吓街已經好迫好辛苦。不過如果平日放lunch去食飯嘅話，附近其實都唔算太迫，就算好多餐廳都似係以做遊客生意為主，都仍然有位可以食到飯。今次心血來潮想食一啲港式嘅嘢食，見到呢間餐廳主打自己嘅紫菜墨魚丸，之前又真係少啲聽到紫菜墨魚丸，就算去凍肉舖揀打邊爐嘅料，凍櫃裏面林林總總，唔同款式嘅丸，都冇乜見到紫菜同埋墨魚一齊嘅配搭。不過真正喺口裏邊，冇乜感受到紫菜嘅味道同埋質地，其實都係似一般嘅炸墨魚丸，不過夠趣卜卜，唔錯。

#搞串個pantry喺市區🌆有好多間出名嘅傳統港式粉麵舖🍜，雖然好多都被稱為遊客舖⛳️，不過有啲望落都幾有特色😆，就算本地人都好奇想試下。今次就嚟到一間位於 #尖沙咀 嘅 #粉面舖 ，試下佢嘅特色撈麵啦🍝。我哋嗌咗🔴炸紫菜墨魚丸黑豉油王撈麵($65)，同埋🔵紫菜墨魚丸、炸墨魚丸黑豉油王撈麵($82)。價錢以呢個地段嚟講差唔多🤨，不過份量比較少，如果男仔肚餓嚟食會唔夠飽。黑豉油王撈麵🌟🌟🌟顏色望落好深，應該會好惹味😍。不過食落味道唔會太鹹🧂，反而淡淡哋，帶一啲甜味🍬，中規中矩啦。紫菜墨魚丸🌟🌟雖然話紫菜🍘墨魚丸係舖頭嘅招牌菜，不過食落冇紫菜味，墨魚味🦑正正常常，不過口感都幾彈牙🫦。同埋如果揀炸紫菜墨魚丸，出面外皮幾酥脆😋。炸墨魚丸🌟🌟🌟🌟食落墨魚味好濃郁🦑，好過紫菜墨魚丸🤤！而且彈牙，同樣係炸得唔錯💕，咁多樣嘢裏面，表現得最好就係佢👍🏻。

雞記唔雞有遊客嚟香港去尖沙咀玩我哋推介這間雞記俾佢食，因為價錢真的合理，而且開到凌晨12點最重要是炸欖角號炸魚皮炸魚頭非常好味，啱唔同國籍嘅人食，而且支裝可樂好懷舊，這幾年裝修了，可以坐得更加多人，唯一一樣嘢要記住就是不要坐近門口，因為實在太熱，非常尊敬廚房裏做美食的廚師

第二次幫襯雞記！上次食過覺得好好味，朝早在尖沙咀就想回味一下😋😋入到去有港式早餐，就直接叫左碗鮮牛米配煎蛋多士，包一杯熱飲，共$43，果然無令我失望，足料！好味！抵食！

•雲吞撈粗撈粗真係好正！😆雖然望落好深色但食落一啲都唔咸👍🏻粗麵略帶少少鹼水味 都值得加錢轉成撈粗嘅～雲吞相對嚟講沒徃特別偏細同饀少🫡•炸魚片頭+墨魚丸雖然魚片頭先係王牌但個人較鍾意墨魚丸😂好彈牙 重有少量紫菜但魚片頭炸得太乾啦🥹

今日是我人生第二次再來此店，吃我最愛喜的牛筋黑豉油撈粗、炸鮮蝦雲吞及潮州魚蛋，牛筋煮得夠淋而且很入味，粗麵軟硬適中；鮮蝦雲吞炸得香脆好味；潮州魚蛋彈牙爽口，再配埋自家製潮卅辣椒油，真係冇得頂；最後再加支波璃樽汽水，非常滿足😋

我又有個朋友帶我食好野啦。。今次唔係食ᑕᗩᖴE。。係食魚蛋粉。。其實我超鍾意食潮州魚蛋。。白色個啲呢。。朋友話呢間嘅炸紫菜墨魚丸好正。。我當然有叫到啦仲要叫埋撈麵。。我唔太鍾意食湯麵個啲。。好驚啲湯彈到啲衫一點點👉🏼👈🏼呢個炸紫菜墨魚丸撈麵真心好正‼️佢個炸紫菜墨魚丸唔算炸到好油又唔熱氣。。咬落去唔會有ᑭᗩT油唧出黎。。超爽口👍🏼👍🏼佢個度有啲小食先都好想試。。所以就叫左個小食拼盤。。我就覺得幾得架。。仲有呀。。好在我朋友叫左個湯河食。。我就痴症小小河粉試下。。佢又好爽口架喎。。有啲舖頭會痴埋一齊。。整到一ᑭᗩT ᑭᗩT咁。。呢度又唔會。。可以再EᑎᑕOᖇE嘅粉麵店👍🏼👍🏼..🍤小食拼盤🍜炸紫菜墨魚丸撈粗🍜魚蛋河..📍 雞記潮州麵食 (尖沙咀)尖沙咀加拿分道15號C地下..@kaikeenoodle..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodies

🇭🇰雞記潮州麵食·呢間我哋之前食過覺得好好味 所以個日黎開呢邊就決定再黎食🤤🤤不過唔知係咪開左關之後佢加咗價 感覺佢好似貴左好多咁 好在都仲係咁好味😋·炸魚片頭黑豉油王撈麵$52 (墨丸+$18) l 炸魚蛋河$46 (紫菜+$12)佢啲餸同上次一樣咁好食 佢個炸魚片頭係超級彈牙 勁有咬口 而且魚味好出😍之後墨丸入面係有一粒粒嘅墨魚塊 口感好好 而且食落又係超彈牙🦑之後個炸魚蛋都有驚喜 佢係橢圓形既超得意 而且又係超Q彈 我自己好鍾意🤤🤤之後佢嗰豉油王撈麵今次我就覺得調味稍為鹹咗少少 要撈多少少麵湯先會剛剛好啲 但係佢個麵嘅質感都好係做得相當之唔錯😎·#rbyeat#rby港式#rby尖沙咀·📍尖沙咀加拿分道15號C地下

Saw a lot of good reviews for the tossed noodles with deep fried seaweed squid ball, so I had high expectations on it, but it turned out tasted very average and impressive at all.The seaweed ball was not bad, it was not the ordinary one available in the market, but it was not crispy. The black soy sauce for the tossed noodles was not special at all, tasted like normal soy sauce, and it was quite salty and the noodles were oily.

今日喺尖沙咀要搵一間餐廳食個快飯，抬頭就見到呢間雞記潮州麵店，一於入去試試佢❤️ 午餐餐牌第一次黎到當然唔要試招牌菜—炸紫菜墨魚丸😳要知潮州麵店夠唔夠水準，一定要試佢既幼麵，我叫左腩汁。呢度既紫菜墨魚丸足料彈牙，味道原汁原味，唔會死咸同重味精，一粒粒墨魚頭係入面，加上馬蹄肉，口感十足😋 真係十級推介！麵底麵非常好，唔會好重皂水味，麵質彈牙，加埋潮州辣椒油，簡直係大滿足啊😍😍😍午餐介包一杯飲品，埋單$63:） 一個女人麵係岩岩好份量😚同場睇左呢度整京都炸醬麵既影片，我決定下次要黎試試佢🤩