雞記潮州麵食

營業中

休息中

昨日見到同事外賣午餐好吸引，今日急不及待午餐同同事去食我地樣樣都想試，四個人食左以下咁多樣野，好飽我地3個人都叫左牛筋豉油撈粗，個人覺得牛筋好淋但有點咸另一位同事叫了雲吞撈粗，不太特別就沒影相了點左好多小食，好似食緊放題咁，咁先夠爽㗎嘛同事覺得炸魚片頭最好食，我都覺得幾鮮甜，炸紫菜墨丸比較特別，我就比較鍾意食好似喺其他店舖都冇試過呢樣食品另外，我哋亦都叫咗欖菜肉卷，我覺得冇乜特別，只係用腐皮包住肉餅來炸仲有叫咗生炸墨魚餅，墨魚餅幾彈牙，不錯炸魚皮，係密封包裝，保持新鮮衛生，識落好脆好香口，油菜正常發揮，冇乜特別同事們都嗌咗鹹檸七，我自己嗌咗凍朱古力，但比較細杯總括來說，期望過大，食物偏鹹，一是無妨

《📍雞記潮州麵食食評》By@ihungry.hk潮州美食又點少得手打魚丸‼️今日小編同大家介紹一間超級抵食嘅潮州麵食-雞記！位於尖沙咀加拿分道嘅平價美食，主打潮州麵食，特色在於親自製作手打魚丸🫶🏻，抵食之餘又好味，啱晒糧尾嘅朋友仔😉！🔸『手工炸紫菜墨魚丸配黑鼓油撈麵 - $48』先講講手打墨魚丸超級彈牙，彈落口仲有陣陣紫菜味，再加香炸後更加酥炸同香口，比普通魚丸真係特別唔同！重點一提黑鼓油超級香濃，再加埋秘製辣椒醬，真係香上更香，令人食唔停口🥰！🔸『手工墨魚丸麵 - $42』手打墨魚丸同樣超級彈牙，爽脆Q彈，湯底選用清湯，清而有味，配上新鮮白菜仔，十分完美😍！🤪iHungry肚餓指數：7/10分

落雨天☔️想搵下野食，行行下見到有間潮州粉麵叫「雞記」咁攪笑？就行入去試下。坐底後侍應好快比menu 我，原先諗住食普通粉麵，但見佢主打墨魚丸，本身都好想試下，但岩皮膚敏感唔食得，諗左勁耐，見到佢有炸魚片頭，就決定試下啦。1）炸魚片頭黑豉油王撈麵： 等左一陣就到，比想像中細碗，心諗今次伏左，咬左一下個魚片頭，當下真係驚為天人，「點解佢可以咁新鮮熱辣辣？」「彈牙彈到好似瀨尿牛丸咁？」 魚片頭外皮好脆口，但入面魚肉卻好雪白、好甜，但唔會有魚腥味，食得出係新鮮貨先做到咁彈口；至於個粗麵，個人覺得咸左少少🤏呢間粉麵店，講真行行下真係好易行過左唔知，但下次我絕對會試佢個墨魚餅我覺得真係要為炸魚片頭爭番口氣，個個都食炸墨魚餅，其實炸魚片頭都好正，配埋支裝可樂，真係一絕

中意食魚旦粉，真係要識黎呢度食！雖然環境唔算好，人好多，坐得好迫，侍應亦都好忙唔會點理你。但食物就幾高質，魚旦彈牙，麵質爽口，完全冇鹼水味，炸墨魚餅超彈牙！勁足料！即叫即炸！新鮮熱辣！都唔好話小食，連叫個魚片頭麵都係即炸的！辣椒油就同一般魚旦鋪一樣，自家製，夠哂辣！亦有一般茶餐廳的飯餐選擇，例如洋蔥豬扒飯/咖喱牛腩飯等，約$60，飯同肉的份量都好足夠，就算男士都會夠食，係略嫌飯偏濕同冧身，但整體黎講都算高水準，睇得出廚師對食物好有堅持！

《不負責任食評 — 雞記》評分：🌕🌕🌕總評：想講吓佢睇落環境係都算乾淨但係佢個地下好似好油 好跣 好濕滑真係要好小心行先得😓分別叫咗有炸同冇炸嘅紫菜墨魚丸配撈粗🦑我覺得佢個粗麵係爽口彈牙又冇乜鹼水味嘅個豉油汁就帶甜但偏咸我覺得可以再淡味少少炸墨魚丸食囉就明顯香口惹味好多食落彈牙同埋都有一兩粒墨魚粒嘅水煮嘅墨魚丸就食落清淡好多同時感覺都唔大特色😗但係有一個比較大嘅問題就係兩款我都食唔到紫菜味紫菜嘅存在感近乎係零 同想像中有啲唔同🤔另外想講下套餐加個杯凍檸茶個茶底澀得痴線 又細杯千其唔好叫😂😂😂

個人鍾意食豉油撈多過蠔油撈，所以一直想試雞記。之前中秋節特登過嚟，點知連休3日😅今日喺附近剪頭髮，剪完即刻諗起 要食你🤭叫咗炸紫菜墨魚丸撈$48，墨魚丸有4大粒，熱辣辣好味，豉油撈雖然有丁點咸，但也不錯。

個人黎講.. 鍾意食粉麵多過飯然後某日無意中發現左呢間野..自此之後一個月麵總要黎下😂事關佢個手打炸紫菜墨丸真係好好食🤤💓我諗應該係我食過最好味既墨魚丸 真心😬所以忍唔住都想比番個好評佢🫡✔️真材實料 好多墨魚 唔係粉造果隻✔️最欣賞係加埋紫菜 鮮味即刻再提升💯今日食左湯米線加腩汁..再加小小辣椒油 正！佢既米線質地都幾好 係彈牙果種 唔會淋到無晒咬口🉐同埋之前都試過佢個黑豉油王撈麵 一樣出色唔會有我最怕果隻鹼水味㗎😉

🔸手打炸紫菜墨丸 黑豉油王撈麵 $45味道幾濃，豉油夠 炸紫菜墨丸好特別，好好食有四粒彈牙墨丸如果撈麵份量多啲更好 不過食完好鹹，要飲多啲水🔸 炸魚片頭 黑豉油王撈麵 $43個撈麵底同 手打炸紫菜墨丸 係一樣 炸魚片頭都好食，只係冇墨丸咁特別如果撈麵份量多啲更好🔹環境：坐位OK，唔算迫好夜去都仲係好多人，差唔多坐滿🗣不需加一服務費-時段及等候時間：星期三 晚上 ～20分鐘-味道：7/10性價比：8/10回頭率：4/5-#雞記潮州麵食 📍尖沙咀加拿分道15號C地下

是日收工要係尖沙咀食個快飯...第一時間就諗起雞記~太耐冇幫襯...同hubby叫左2個餐...一個係招牌炸紫菜墨魚丸黑豉油撈粗同埋炸魚片頭黑豉油撈粗,仲散叫左個炸墨魚餅...咁多年...呢3款炸物都冇失水準...仲係咁好食...即炸彈牙~!黑豉油撈粗都仲係食完會成口上晒豉油色~正~!!!

行完K11朋友帶我去食佢由細食到大嘅茶餐廳，佢話係全港最好食嘅。啲炸嘢好趣而且每款都有自己嘅味道，唔會好似煎釀三寶咁樣件件差唔多。個撈麵超級無敵好食，唔會太甜或者太鹹，食完一啖會想再食多啖停唔到口。牛筋腩超級林同入味，唔使點樣特別用力咬。最正係個價錢，點解會平過翠華咁多ga, 咁做生意得唔得ga?！最後忍唔住買咗佢嘅魚皮拎返屋企Netflix當薯片食，超級脆口！最唔好嘅地方就係太細包啦，一包唔夠喉啵😆

好似好多人都嗌呢個☺️ 之前叫過幾次外賣，相信堂食應該會更好味！ 紫菜墨丸正！夠彈牙！ 魚片頭鹹咗少少 🤪 最鍾意佢比好多蔥我very good！ 米線煮得淋咗少少。 總括嚟講非常夠飽夠晒大碗；加多杯凍鴛鴦 （一般）一人坐 bar 位就唔係太舒服㗎啦⋯⋯ 啲客人同職員喺後邊行來行去 😆 不過下次有機會都會再試嘅，真係幾好食 🤞🏻

同朋友係尖沙咀行完街買完衫，簡簡單單食碗粉麵就散。朋友就帶左我黎呢間有啲特色既小店，呢間麵店既墨魚餅墨魚丸比較出名。一人叫一個粉麵餐，我就揀左招牌炸紫菜墨魚丸黑豉油王撈粗麵配凍檸茶。墨丸係即炸，個面少少脆，內裡彈牙，唔係好實，咬落有啲油份，但就唔太覺有紫菜。而個黑豉油撈粗個麵質好食，配甜豉油，味道啱啱好，唔會太甜。朋友就叫左即炸魚片頭河粉，魚片頭都係即炸熱辣辣，而且彈牙。反而河粉係驚喜，又薄又滑，難得係好食既河粉。另外再加多左一個菜心，上枱賣相麻麻地，而且煮得淋左d。一定要提下就係伙記們都好好人，有求必應，好禮貌👍🏻

好耐冇去過雞雞度食嘢啦，突然醒起好想食，係回憶嘅味道。入到去發現原來裝修過，舖頭清潔咗好多，坐得亦都舒服咗。午餐時間，我嗌咗個炸紫菜墨魚丸撈粗，原來有得加配墨魚餅，嗌咗嘢食之後，好快就送到。墨魚餅切開有3片，非常爽口彈牙，配了酸瓜酸蘿蔔，點埋蒜蓉醋，味道非常夾。炸紫菜墨魚丸好香口，口感亦都非常彈牙，撈粗既豉油汁帶有少少甜味，而且麵會送埋幾條小白菜，非常索汁。快快食完到下一位客人坐啦，非常充滿回憶而且好好味嘅一餐，我會再嚟幫襯。

叫左小食拼盤，大既，但應該俾錯左細既我，但因為外賣自取，又落大雨，所以都無同餐廳講返但其實雞記保持水準，依然係咁好味，希望唔好比錯嘢我啦個墨魚餅真係好彈牙，片頭亦都係必食嘅

週未夜，看畢25週年回歸特別版幻彩詠香江，即刻到雞記開餐。時間約晩上8時多，不用等，直入有位。看看餐牌，食物吸引，想食的實在太多，最後選了三款墨魚丸食品:手打炸紫菜墨魚丸黑豉油撈粗$46粗麵份量不多，麵上色均勻，味道甜中帶咸，有種獨特的醬油香味，麵質入口爽彈不油膩，手打炸紫菜墨魚爽口彈牙，好好食。淨墨魚丸湯$46呢款係墨丸放湯做法，有六粒，大大粒，食指大動，入口彈牙有墨魚味，又係必食之選。生煎墨魚餅$52兩大件，切成細細件，外面酥脆，內裏彈牙有鮮味，有大大粒墨魚粒，墨魚味濃，原汁原味。埋單$146，是次墨丸魚控大滿足，值得再次光顧。