雞記潮州麵食

營業中

休息中

相約好朋友尖沙咀食Lunch，佢提議呢間潮州麵食店，我當然無異議啦！坐低望望餐牌嚇咗一跳，勁多選擇，幸好我呢個朋友有大胃王稱號…▶️先點一碗必食嘅黑豉油王撈粗 - 真正係色香味俱全，粗麵淋上秘製黑豉油特別惹味▶️再嚟一份小食拼盤(大) - 有炸紫菜墨魚丸，生煎墨魚餅，炸魚片頭，炸鮮蝦雲吞，樣樣都香脆可口！▶️牛三寶湯麵 - 牛筋牛肚牛腩，樣樣都好淋，容易入口之餘味道亦不錯▶️紫菜墨魚湯 - 湯底濃郁惹味，墨魚丸亦夠鮮味總結：朋友無介紹錯，食物質素好好，價錢合理，店內格局還可以啦，都坐得舒適嘅，始終一般麵店唔會要求太多

舊裝修時來食過念念不忘， 新裝修後今天再幫襯。 環境乾淨左， 員工年青左d.但好像質素冇以前咁好食， 感覺食物質素一般普通水平。11：15早上分幫襯1）炸魚片頭牛腩麵 $48😶炸魚片頭普通， 口感不算太彈牙， 7分😔牛腩冇味， 好林， 林到沒有質感， 5分😔麵唔算彈牙， 一般， 5分2） 手打炸墨魚丸麵 $38😃墨魚丸有驚喜， 好彈牙， 一有質感， 像真新鮮手打。8.5分麵唔算彈牙， 一般， 5分3) 2杯咖啡 $28咖啡好唔掂， 冇乜咖啡香味。 4分 飲左1／3杯已飲唔到。 總評 😔5分環境。裝修好左 7分

🇭🇰雞記潮州麵食·手打紫菜墨丸 黑豉油王撈麵$45我就係係IG見到有人推介呢個 覺得好靚咁 所以去左 果然真係唔錯😈😈佢個墨丸係超級彈牙 而且入面真係有D墨魚塊 口感好好😍之後佢個麵質都好好 超級彈牙 不過我就略顯佢個調味唔夠濃 我覺得要加少少辣椒油先得😏·小食拼盤$68之後佢呢個小食拼盤所有野都係即炸 而且每樣都大大舊 滿足🤩佢個生煎墨魚餅比墨丸口感更好 因為佢係好厚身既 而且炸到外皮再脆D 超正🦑之後個炸魚片頭都好好味 好彈牙而且完全唔會腥 最後個炸鮮蝦雲吞我男朋友都好中意 佢話入面隻蝦超大隻 而且好新鮮 成個拼盤都好出色🦐🦐·#rbyeat#rby港式#rby尖沙咀·📍尖沙咀加拿分道15號C地下

捉精靈成日都經過😂 係K11 Atelier隔離，今日決定入嚟試吓先。.原來除咗粉麵，仲有其他小食，新裝地方乾淨，坐得比一般粉麵店舒服。.小食拼盤- 炸魚片頭、炸手打紫菜墨魚丸、炸雲吞、墨魚餅。上枱熱辣辣，炸魚片頭彈牙，炸雲吞係平日食放湯果啲，改左做炸，食落又唔同，個雲吞皮真心脆。墨魚丸入面有一粒粒墨魚同馬蹄，炸完仲好濕潤彈牙。所以食完拼盤要再叫多碟先夠喉😆。.傳說另一炸物，炸欖菜肉卷都好出色，但太好賣，是日沽清，希望有緣再遇上😆。.甜豉油撈粗 - 自家制甜豉油，上色好夠，味道啱啱好，麵夠彈牙。.紫菜墨丸湯 - 試完炸墨魚丸，當然試埋放湯煮法，怕熱氣嘅可以試放湯，一樣鮮味。.牛三寶湯麵- 牛筋牛肚牛腩，牛筋牛肚夠淋，牛腩帶少少脂肪，食完唔怕痴牙。.牛坑腩湯米粉 - 崩湯腩每日限量，緣份令我們遇上，牛味濃，牛肋骨下面嘅肉，油脂分布平均，牛肉味更濃，口感鬆軟。.

好耐冇黎，原來裝修都改晒，餐牌都換埋，感覺好唔一樣。黎得雞記，最緊要當然係食佢啲炸物啦。炸墨魚餅，炸墨魚丸，同炸魚片頭三寶決一不可！可惜以前可以叫雙拼小食，而家就冇得咁叫，就變咗係喺餐度加配。無以前咁抵食，因為一定要跟嘢飲，貴過對面便利店成倍。不過，好彩佢嘅嘢食保持到水準！真係好出色，新鮮炸起，再配埋佢嘅撈粗簡直無得輸！另外朋友叫咗牛腩撈粗，牛腩係偏肥偏林嘅，唔係我喜歡嘅類型不過都唔差。Overall 都仲好好食 不過相比起黎，都係鍾意以前比較懷舊嘅風味。

一間以手打墨魚小食為名既老店，最近發現重新裝修，裝修變得新穎又坐得舒服，食物質素仍然保持水準，認真難得！小食拼盤 (細)小食拼盤有生煎墨魚餅、炸魚片頭和炸鮮蝦雲吞，各2件左右。既然手打墨魚，當然要食生煎墨魚餅！墨魚餅和炸魚片頭都煎得金黃色，食入口一ｄ都唔油膩，而且好彈牙。炸鮮蝦雲吞幾有蝦鮮味，內裡發現有一大隻蝦。潮式欖菜肉卷第１次見呢款小食。以欖菜、馬蹄、豬肉等材料打成內裡既餡料，再用腐皮包住，放落油炸。欖菜肉卷炸得好脆，內裡既肉質好有咬口，完全無油膩感。手打炸紫菜墨丸 配　黑豉油王撈麵個人大推呢個手打炸紫菜墨丸，墨丸同樣打得好彈牙，入面仲有馬蹄，增加咬口感。另外亦加左墨魚頭粒，令墨丸一咬就有好香的墨魚味。至於撈麵以黑豉油王撈成，會有ｄ豉油香，但唔會咸，撈麵好乾身。牛三寶麵牛三寶有牛筋、牛肚、牛腩，牛三寶份量都幾多，都幾嫩幾易咬開，幼麵幾滑。柑桔蜜來自新加坡既柑桔，個人覺得比一般餐廳既濃幾倍，而且加左蜜糖，好順喉，熱飲一流。咸檸七大大粒咸檸檬配七喜，好適合夏天飲，好解渴！最後見ｄ野食幾得，就買左包炸魚皮返屋企食！佢位置就係Ｋ１１隔離，但唔太起眼，所以影低門面比大家認下，價錢唔太貴，想平

七月行過尖沙咀，見雞記開番就去試下囉，叫番個手打紫菜墨丸黑豉油王撈粗，呢個係招牌菜啦。電視仲播住師傅手打，原來喺老細嚟。個墨丸同岀面真係完全唔同，彈牙得嚟墨魚味又重，同埋炸得好香口！原來要寫夠200字先可以評分，咁我寫多幾隻字啦，裝修完變哂方枱，感覺係好坐啲，同friend嚟吹下水應該都得嘅，同埋好似多左啲小食可以叫，下次人多可以叫多啲試下嘅，我聞到佢啲炸野都幾香，點佢個汁食應該都唔錯嘅，同埋我佢有飯食。

$48 魚片頭牛腩雙拼面炸魚片頭正正常常，但牛腩超級肥，有3/4都係肥肉覺得不如去食返普通車仔麵...唔算好抵食囉不過唔一定每個人都係咁情況，可能咁啱撞到呢種情況

炸紫菜墨魚丸撈粗首先，墨丸入便有墨丸細塊，紫菜又香口炸得唔油，外脆內彈牙黑豉油撈粗麵，豉油唔太甜，闊麵掛汁，煙煙韌韌，係係略嫌有小少鹼水味飲品係一般般如果杯檸檬茶茶底夠濃，配佢真係一絕

今日嚟到尖沙咀尋尋覓覓❤️❤️經朋友介紹吓 嚟到呢間茶餐廳如果唔係有人介紹基本上都唔會留意到呢間餐廳😂😂😂佢嘅裝修亦都好普通 基本上經過你都唔會入去食去到坐定定就睇餐牌啦 我朋友話一定要試食炸紫菜墨魚丸 欖菜肉卷👍🏻👍🏻👍🏻咁就試食呢兩樣啦等咗大概10分鐘左右就上菜其實呢兩樣嘢都分量多嘅 兩個人食仲會食淨😂😂😂可能我地細食😂😂雖然好多人介紹 但我真心覺得呢兩樣食物冇乜特別 係熱辣辣 但係對於我來講好普通 可能係我期待太多😂😂不過大家如果想來朝聖下都OK嘅😂

好鍾意食呢間既麵覺得好爽口又無簡水味今日點左~炸紫菜墨丸麵個炸紫菜墨丸係好特別次次黎都必點咁滯如常地點佢個辣油夠辣又香再加埋醋真係無得彈另外試過炸片頭都係熱辣辣的都係可以一試

話說雞記都係我喜歡嘅魚旦粉面店之一，一有機會去開尖沙咀都會去食番碗魚旦麵！今日去尖沙咀做完嘢就去幫襯下！我坐近門口位置就見到淥麵阿哥口罩帶下巴，侍應幫我落單後都唔見淥麵阿哥有所行動！原來煲梗煙，然後見佢出去一陣返來又拎住啲食完嘅碗入嚟仲一身煙味🚬撲入嚟！先拉番個口罩上咀但又唔見佢洗手就淥我碗麵！我其實已經好介意，點知佢又再一次口罩帶下巴原來煙癮又起！根本就煙駁煙即係唔洗帶啦！我一邊食一邊條氣頂住、頂住！然後仲見佢同水吧伙記吹水！我終於忍唔到同銀頭有2位女士一位年紀大少少另一位短髮帶眼鏡，我就叫嫩嗰個過嚟我同佢講妳叫妳位淥麵阿哥帶番個口罩啦！佢就好溫柔地拍拍佢，佢先至又拉番個口罩上咀露出半個大鼻！我覺得佢哋冇好適當地正視呢個非常時期嘅問題然後我埋單時又忍唔住同大年紀嗰位講：我唔知妳係咪僱主，但如果妳哋係僱主都縱容呢種事情發生就好唔應該囉！帶住口罩大家都會覺得唔方便同唔舒服但係都要帶囉！然後佢先按撫我話會同佢講，唔好意思小姐～我唔知淥麵阿哥係咪老闆定打工，但係而家非常時期麻煩唔好咁自私！我唔影你相擺上網或打電話去報下寸真係俾個機會你咋～麻煩你醒目做番好自己本分唔好咁自私😪😪

要講到魚蛋粉雞記其實真係好出色特別係炸魚片頭呢一個係必食推介一定要食一定要食一定要食但由於平時都係食魚片頭今次我就試咗咖喱牛腩麵其實咖喱味唔重牛腩都還可以但同平時食開嘅炸魚片頭河真係無得比下次都係食返炸魚片頭先

由於尖沙咀實在太多餐廳，如果唔係朋友介紹，我根本唔會留意到呢間粉麵店😮。入座後見到店內張貼既報章，先知原來上過報紙。嘴刁既友人話呢度既炸魚片頭同紫菜墨魚丸配撈麵好好味，所以今次試左呢兩款先😏。其實餐廳既欖菜肉卷同生煎墨魚餅都好吸引我，只可惜剛剛已經食過正餐，唯有留待下次。炸魚片頭撈米粉 $39由於其中一位朋友唔食得鹼水，所以轉左米粉。米粉煮到偏硬身，係我中意既口感，碗底有好多黑豉油，少少甜，加上米粉吸汁力比粗麵強，所以個人覺得比粗麵好味。第一次食咁新鮮既炸魚片頭，外皮炸到焦脆、黃金，內裡軟彈，口感非常好。炸紫菜墨魚丸撈粗 $39呢個撈粗油光油光，相當誘人!! 不得不讚呢個粗麵十分爽口，係我食過最爽口既一間😮，不過鹼水味好重，唔中意呢陣味既人就唔建議食佢。炸紫菜墨魚丸好特別，新鮮炸出黎，紫菜好香好濃，丸中仲有唔少墨魚粒，彈牙又有口感，推介!今次係我第一次食潮州粉麵，所以我唔知佢正唔正宗，但如果同一般既粉麵店相比，佢既麵質煮得唔錯，墨魚丸亦幾有特色，如果路經亦不妨一試。

朋友介紹我去食呢一間粉麵，我都覺得奇怪，有咩令到佢咁特登去睇一間粉麵舖呢？今日帶住元祖師奶黎到尖沙咀行街，想食少少野，行到去厚福街諗住咁多間餐廳都可以揀到間，結果發現佢冇間想去食，就諗起呢間粉麵舖，就帶元祖師奶去試下。元祖師奶佢有好多野都唔食，戒得好清，本來都驚佢冇嘢啱食，結果佢就叫咗炸魚片粗麵，我就叫咗個紫菜墨魚丸湯，佢嘅紫菜墨魚丸好出名，食咗第一次就鍾意咗，好彈牙，裏面仲會食到粒粒嘅文員，口感好豐富，每次嚟到都會食佢個炸紫菜墨魚丸河套餐，1個麵，加1杯嘢飲/1碟菜，碟菜都幾大碟，今次唔想食咁飽，所以就冇叫餐，坐喺度等嘅時候，元祖師奶有研究吓餐牌，睇睇下就發現原來個套餐都冇想像中咁抵，計起黎1杯嘢飲/1碟菜係要$15，如果係叫碟菜嘅都抵嘅，因為都真係幾大碟，但如果係叫1杯嘢飲的話，就見仁見智啦，因為我出街都會自己帶水，食湯粉嘅時候都會係咁飲晒啲湯，所以都唔太洗要嘢飲！（哈哈，有時不得不佩服元祖師奶，佢真係好精打細算，咩都睇得好仔細 😆）今次第一次試冇炸嘅紫菜墨魚丸，我都係鍾意食炸既多啲，因為外層比較硬身，內裏就比較彈牙，好有口感；唔炸的話個口感就冇咁豐富，就會清淡啲。反而炸魚片頭就好