雪山冰廳

營業中

休息中

長沙灣呢間茶餐廳好食之餘，價錢合理，難怪人氣咁高，無論咩時段，餐廳入面都係咁多人😮😮-避風塘生炸脾 炸雞脾🍗夠晒大隻，仲要係新鮮炸起，食落又熱又香避風塘味，味道唔會好辣，正🤤-榛子醬西多士 同平時食嘅港式西多士唔同，西多士入面搽左榛子醬，仲要配埋一大塊牛油同糖漿，真係好邪惡，好好食😈😈唔怪得之，一路食，見到有幾台客入黎都叫咗呢個西多士🤞🏻-經典芝蛋牛肉漢堡包🍔 牛肉漢堡好厚身，肉質好嫩滑，連埋雞蛋同芝士一啖咬落去，真係冇得輸😋😋-芝士焗波士頓龍蝦海鮮飯🧀🦞 重頭戲黎啦❗️❗️龍蝦海鮮飯真係落足晒料，好有驚喜🤭成隻龍蝦喺焗飯面，仲配埋青口、蟹柳、蘑菇、魚塊、魷魚，飯仲係炒飯底，好入味好香口🥰🥰🥰-樽仔奶茶/樽仔咖啡 飲品梗係唔少得佢哋出名嘅樽仔奶茶同咖啡啦，奶茶味道不過不失，反而幾欣賞咖啡，飲落好滑身，又唔會過甜👍🏻👍🏻👍🏻

今日入雪山冰廳食個early dinner，仲係下午茶時段，好抵食🤩我哋叫左三款下午茶😚🍗避風塘炸蒜雞脾配紅豆冰 $40 加$9配薯條或沙律坊間多數係生炸雞脾，呢度口味比較特別，香脆可口嘅外層再加避風塘炸蒜，味道頓時升級，更惹味，仲要係即叫即炸，肉質嫩滑仲好juicy添🥰，之後仲追加多一隻🤭🤭 薯條🍟香脆可口，😋🍔經典芝蛋牛肉漢堡包 $38包烘至香脆，牛肉漢堡好有港式味道，係全熟可放心食，但一啲都唔嚡口👍🏼亦有牛味，有隻煎蛋夾芝士仲加左啲芝麻醬，個配搭又幾好喎。🧈榛子流心西多士 $34見呢個坊間少有，即刻整返個試下，賣相好邪惡呀，有一片牛油，糖漿有一枝比你仼加唔嬲，配榛子🌰做夾心又幾夾，味道都唔錯。🐥海南雞油飯 $65海南雞皮脆肉嫩，蘸上濃甜豉油或酸辣醬同樣好食，個油飯食完都唔覺很油膩，仲有好好好多酸蘿蔔，青瓜，清新消滯又去膩。🐷椒鹽豬扒飯 $65豬扒好入味，軟腍，椒鹽味重，唔係跟白飯而係炒飯底😙，有少少辣都幾惹味，炒飯亦令到椒鹽豬扒香味提不少呢！🦞波士頓龍蝦叻沙摻摻 $88大大碗，有半邊波士頓龍蝦, 蝦肉都爽口，魚片彈牙，個湯有陣陣香料和椰香味，豆卜，米粉油麵又好掛湯，唔錯唔錯。紅豆

係禁堂食前小編就把握時間去搵啲好嘢食😝今次就去左位於長沙灣嘅「雪山冰室」！其實係長沙灣真係好有情意結！因為公公婆婆以前係住蘇屋邨，小編細細個就成日都經過/係呢頭附近食嘢，過左咁多年都變哂了，好多新樓 又有好多新嘅餐廳！連蘇屋邨都重新翻新左！呢啲都係回憶！😊燉湯二人套餐 $168 (花旗參燉赤肉（兩盅）+ (是日海上鮮：豉汁蒸倉魚) + (小菜：虎皮椒腰果牛仔骨) + 白飯（2碗）呢個套餐真係堅抵食😋有湯 有飯 有餸，小編好鍾意食小菜！尤其係即叫即蒸嘅蒸魚！魚汁撈飯一流🤤燉湯好夠火候！黑松露沙拉一字骨$88呢個沙拉一字骨好特別！因為加埋黑松露係面😍一上枱好香嘅黑松露味已經湧出來😝榛子醬西多士 $32西多士亦係小編至愛之一！再加埋榛子醬，認真不得了😋

【下午茶2人set】＄68第一樣試的便是芝士餅，意外地好食！拍得住外面餅店食嘅芝士蛋糕。雞翼薯條都炸得外脆內軟，符合粗薯條的預期感覺，兩者也不會太油，不錯。唯獨美中不足的是沙律，水果食落感覺不太新鮮，不夠凍，感覺就怪怪的，所以是唯一一樣沒有吃完的食物。Tea set 回頭率：🌕🌕🌕🌕🌑【樽仔奶茶】另+$9通常樽仔奶茶因為無額外加冰的緣故，會特別香濃細滑，通常是奶味較重，但這枝樽仔奶茶就有d失望，好甜，亦沒有特別香濃，同普通加冰奶茶無分別。樽仔奶茶回頭率：🌗🌑🌑🌑🌑

好好彩係夜晚堂食禁令之前約到表姐一家食飯🥲表姐由細到大都係住深水埗 所以就帶我去食呢間有幾十年歴史嘅餐廳🌟椒鹽鮮魷拼金磚豆腐椒鹽鹹香惹味 配上鮮魷真係一絕炸漿鬆脆🦑魷魚飽滿 肉質鮮嫩金磚豆腐食得出師傅功架👨🏻‍🍳👍🏻炸漿脆口薄身 炸過嘅豆腐依然嫩滑 🌟招牌海南雞飯海南雞雞皮比較厚 油香吸引🤤雞肉嫩滑juicy 又唔會有太多肥膏油飯食落唔油膩 仲充滿雞嘅鮮味-表姨甥仔最鍾意食香口野😈所以我哋都叫左隻炸脾同西多一齊share食🌟避風塘炸雞脾炸脾超大隻 仲大過手掌🤩炸脾最重要就係塊皮同肉塊皮香脆 雞肉都唔鞋上面啲避風塘炸蒜🧄🌶濃味之餘少少辣 小朋友都接受到如果避風塘炸蒜可以多啲就好啦好彩雞髀本身調味都有濃濃蒜香所以食落都夠惹味🌟榛子醬西多士西多即叫即炸 所以上枱仲熱辣辣 麵包亦好鬆軟榛子醬多 而且食落冇花生醬咁漏好啱鍾意食榛子嘅朋友🥰飲品我地叫左招牌樽仔奶茶同咸檸7樽仔奶茶有茶香同奶香😋值得推介

晏晝嘅時候唔知食啲咩下午茶好， 見到有間茶餐廳就去食， 叫咗個榛子醬西多士， 仲有凍奶茶。 非常之肥膩， 十分之邪惡，但係食得好開心。 下午茶小食你講佢算係唔錯如果唔介意變肥， 我都好推介。

*最近U又同咗Y一齊出去食飯難得一齊食一次飯，但結果嗌太多餸最後都係食淨少少對唔住🥲🥲**正文開始🎬！🥓椒鹽豬扒飯（炒底）$65豬扒is pretty good上檯嗰陣勁 大 盤（冇錯係盤佢個碗深到好似盤咁係三小？？？個豬扒附骨，食嗰陣要小心啲食到蒜味，係少有U可以接受嘅！唔會太重但有蒜香！！比較鹹但幾好食，層麵次比較num飯有少少辣椒但同豬扒比較下冇咁鹹，各走兩極咁嗱我就唔係踩緊佢嘅佢咁配搭其實係好食，豬扒然後飯辣辣地而唔重味不過強烈呼籲大家要趁熱食，唔係嘅話會由4.5/5直接跌落1.5/5畢竟炸嘢凍食同食油冇分別*🥩蜜椒野菌薯角牛仔骨煲 $88首先一定要大讚下個薯仔！佢層皮少少脆，中間好似薯蓉咁！！！超 級 好 食！！！啲甜椒意外地好食多汁又少少甜牛仔骨好好笑，食落第一下好似叉燒唔算難咬，比較甜，個邊脆脆地，懷疑係焦糖化所以脆邊都算頗甜，後尾我哋自己都額外要加鹽其實佢真係差在調味差少少就可以滿分，但現況可能只值3.8/5*🦞波士頓龍蝦叻沙摻摻 $88個摻摻一上菜已經有陣椰香飄過黎，令人食指大動。食落都非常惹味，酸酸哋嘅湯底搭配少少椰奶嘅甜，非常醒胃，好味到我同U將成大碗摻摻都清空晒

朋友係附近返工，路過見到呢間老字號，好耐都無食呢類型既食物☺️一於就試試佢。餐廳以卡位為主，環境正常。☑️椒鹽豬扒飯 ($65)豬扒份量多，椒鹽味濃，非常香口🤤跟配既唔係白飯，幾有驚喜‼️炒飯底有鑊氣，一啲都唔hea😳成個組合超惹味，重口味人士必食~☑️芝士蛋漢堡配迷你肉醬意粉 ($55)漢堡即叫即整🍔麵包烘得香脆，牛肉偏淋滑，流心蛋加埋芝士🍳係童年回憶😋肉醬意粉就不過不失，份量幾多，一定食得飽!☑️避風塘生炸雞脾 ($35)雞脾大大隻🤩炸到外脆內嫩，超級邪惡😈😈避風塘口味好惹味，肉質唔鞋且入味~☑️雞湯珍菌蟹棒浸娃娃菜 ($78)食咁多肉梗係要嗌份菜平均下😛雞湯清甜，配啲好多蔬菜食得我喉嚨好c服哈哈🥳☑️是日燉湯 (跟餐+$9)呢個真係必嗌👍🏻當晚見到差唔多枱枱都有，一飲就知咩事。當晚係海底椰煲雞腳(?)超足料，熱辣辣又清甜，係屋企既味道😭又抵又好飲!

而家啲茶餐廳越黎越有特色，好多自己嘅招牌菜😎呢間都係成日係ig見人介紹佢個雞髀同埋椒鹽豬扒飯，慕名而來😛又真係好好食😆.🍗避風塘生炸雞髀 $35餐廳招牌之一，真係好正好正🥳未食過茶餐廳啲炸雞髀層皮脆到卜卜聲😂陣味醃得好好，雞肉嫩滑，再叫多杯紅豆冰真係好過癮😎.🐟老壇子酸菜魚 土豪版 $168餐廳菜式非常之多，人地叫嗰啲小菜勁香，不過見到餐牌有酸菜魚即刻唔諗咁多🤣佢有細版同大版，土豪版份量超級多，好多魚好多配料，不過如果再辣返少少就更好🤩.🐷椒鹽豬扒飯 炒底 $65都係餐廳招牌之一，反而呢個飯比我想像中辣好多，唔食得辣嘅人要諗清楚😛好多豬扒，成碟飯好夠鑊氣😍.💰人均消費: ~$100.🍽味道: 3.5/5🏙環境: 3/5👨🏼‍🍳服務: 4/5💧衛生: 3/5💰價錢: 4/5

話說今日要去長沙灣開會 經過呢間餐廳🍴見到好大個招牌有印象foodie介紹過 就同同事入去食個TEA 勁random😂♦️波士頓龍蝦叻沙摻摻店員放低呢碗咁吸睛嘅摻摻 即刻心心眼😍上面有大大隻龍蝦 🦞肉質咬落彈牙好新鮮摻摻由米粉加油面mix and match組成另外仲有一堆配料 豆卜 雞蛋 魚片 湯底辣辣地 🤤咖哩味都幾濃 加上少少椰香味 食完超滿足♦️避風塘生炸雞脾 配紅豆冰炸到脆卜卜嘅外皮 🍗內裏係鮮嫩多汁嘅雞肉再加上避風塘炸蒜辣辣地跟配埋杯🥤紅豆冰 下午茶揀佢冇得輸♦️芝士煎蛋牛肉漢堡包自家製漢堡 芝士煎蛋加牛肉呢個配搭其實都唔會輸味道不過不失 就唔算好驚艷到我🤪♦️焗厚切豬扒飯超級厚肉嘅豬扒😍雖然豬扒好厚 但一啲都唔會鞋 仍然保留住應有嘅肉質加上蕃茄同芝士焗一焗 保留到拉芝嘅效果自稱食肉獸既你 絕對可以一戰💪🏻💪🏻///

老字號茶餐廳「雪山冰廳」，入面都幾闊落，座位算多，不過晚餐時間好多人，都要等左一陣先入得始祖椒鹽豬扒飯（炒底）🐷🍚$65份量大，飯粒粒分明，因為係炒飯底，所以比一般白飯香口。椒鹽豬扒調味得岩岩好，唔會好咸，肉質易咬焗溫泉蛋肉醬意粉 $58本身以為溫泉蛋只係得個名😂，點知了開又真係流心。一樣都勁大份，意粉無焗到變乾身，味道正常樽仔奶茶 （跟餐+$15）茶味濃，好滑口，不過對我黎講就偏甜左啲咸檸檬七喜（跟餐+$15）榛子醬西多士 $32西多士炸到金黃，即叫即炸，送上黎快快手影完張相，塊牛油就已經溶左🤣第一次食係榛子醬餡既西多士，同想像中一樣好食😋，唔會太甜避風塘生炸髀 $35雞髀面上灑左好多避風塘味粉，勁香勁惹味。即叫即炸，所以要等耐少少。雞髀炸到外脆內軟，肉質嫩滑多汁👍🏻👍🏻

估唔到冰廳入邊都有咁好食嘅鑊氣小菜！-​🔖蜜椒野菌薯角牛仔骨煲💰88上網見到好多人都話呢款小菜好好食，嚟到當然要試吓啦！薯角外層煎到焦香，而內裏口感都算幾綿密🥔由於加入咗蜜糖嘅關係，令到薯仔增添咗一份香甜嘅味道🍯而牛仔骨方面就帶有陣陣嘅黑椒味，夠晒惹味😋💫推薦指數: /10​🔖花膠海鮮煮雜菜煲💰85呢個海鮮煮雜菜煲非常豐富，蔬菜方面有野菌、菜心、白菜仔同西蘭花🥦個人最鍾意係白菜仔，因為索哂個湯汁，味道清甜☺️海鮮方面有蝦同魷魚，兩款海鮮口感都非常爽彈🦐🦑最後當然唔少得仲有花膠啦，大大嚿，夠滿足🤩墊底仲有粉絲添㗎🤓💫推薦指數: 9/10​🔖樽仔奶茶💰15 (套餐加配價)幾乎每枱都會嗌一枝，奶茶口感純滑，茶味同奶味平衡得啱啱好😆💫推薦指數: 8.5/10​-温馨提示​👉🏼套餐除咗飲品之外仲包埋白飯㗎！

雪山冰室🍽🚤我發覺長沙灣其實真係好多好嘢食，唔係朋友帶我嚟見識，我都真係成舊蕃薯咁🥲我哋今次嚟到呢間雪山冰室，我想講坐位闊落、員工都好nice，重點係....佢個飯🤤🏆🏆🏆🏆 椒鹽豬扒飯（炒底）嗱！椒鹽豬扒飯就成日食啦，但炒底....真係無試過！重點平時食椒鹽豬扒配白飯，但今次就佢將椒鹽豬扒上嘅配料都同白飯炒埋一齊，咁佢哋嘅每粒白飯都有哂個味道係到，豬扒醃得好出色，肉質一咬就同骨好易分離。正👍🏻👍🏻佢個辣度適中，我覺得好惹味😎🏆🏆🏆🏆避風塘生炸髀大隻！炸得非常之脆口👍🏻👍🏻我覺得避風塘粉個辣度岩岩好，唔會話太辣，皮脆又大隻，肉唔鞋，呢個係值得一讚。因為試過食其他生炸髀，會炸到勁乾。但呢間係勁多肉汁🥰🥰🏆🏆🏆 🏆老壇子酸菜魚（土豪版）配飯酸菜魚土豪版就緊係大大碗，一放落嚟已經成陣酸菜味，我覺得好香，肉質好滑同時...佢唔腥！我食魚真係好怕食到有腥味，但佢無！我同朋友就跟咗個白飯，酸菜肉d湯撈白飯真心一流👍🏻👍🏻呢個值得推介😎🗻雪山冰廳 (長沙灣)長沙灣青山道413號東景大廈地下4-5號舖味道：4/5環境 : 4/5服務：5/5衛生：5/5價錢：4/5

《雪山冰廳 1956》長沙灣-深水埗好記得以前經過嘉頓附近都會睇下這間懷舊冰廳，因為香港已經得好少懷舊餐廳☺其實長沙灣分店都開左一段時間，地方比較寬敞但我都仲末去過，今晚就過黎試下😋初次黎到當然係要先試人家的招牌菜色😂＜椒鹽豬扒飯*炒底＞$65炒底，炒底，炒底🥳講夠三次重要了吧超多蒜加辣椒去炒飯，粒粒乾身分明勁好食，豬扒好香夠辣😋好刺激呀～＜蜜椒野菌薯角牛仔骨煲＞$88超夠鑊氣🔥牛仔骨份量有6至7件，仲係大大件既，薯角炸得剛好配埋蜜糖甜甜地，好好餸飯😂＜招牌榛子醬西多士＞$32好得意喎🥰，原來同榛子醬都幾夾，而且唔算太甜，我覺得唔需要再加糖漿岩岩好＜招牌樽仔咖啡/奶茶＞跟餐加$15果然係招牌名物，二者都唔太甜夠香咖啡比想像中更正☺我諗我經過會成日買支飲😁** 見到隔離食羊腩煲，已定下次必食😙

叻沙雞米線 $46凍飲加$2～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～～切雞非常多肉 但米線好少而且好淋身份量比平時茶記下午茶更少個個辣醬非常之唔夾🙁🙁🙁🙁唯一杯凍奶茶好飲既平時食開佢早餐 覺得性價比幾好 ❤️❤️❤️❤️❤️❤️❤️❤️❤️❤️❤️❤️❤️所以今日得登食下午茶食完都係行多幾步食譚仔好d😢😢