雲南人家風味餐廳 (已結業)

酸辣味不會太濃，我覺得很好味，我比較喜歡大腸、豬潤、紅腸、鮮牛，這家還有德勝豆花，我還未試過，但都有幾位食客在品嚐，還好像吃得很滋味，還見到送外賣，午市和晚市都很多人吃😋😋😋

今日去開新蒲崗想食米線，就search到呢間小店，d特色米線好似好正咁一入到去已經有好香既酸荀味，就知唔會差得去邊，叫左換牛肉米線，湯底唔係好辣個隻，但有隻麻香味，我覺得好好食！下次去會再試埋佢其他野食

I always like to try novel items on menus, which would lead to not-so-good dining experience sometimes. But this time, luck was on my side.This Soy Bean Curd noodles is a signature item on the menu of 雲南人家風味餐廳. Yes, I am with you, it might seem odd to have sweet bean curd to go with your savory noodles, but first mouthful of it would despite your thinking.The soy bean curd didn’t taste sweet actually, it’s more like plain, soft and silky soy bean curd, which went so well with the noodles, togeth

係公司放lunch落左黎食，2點都見有唔少人，而且撈米線好似幾吸引，所以就捧住一顆想食豆花撈米線既心一試﹗環境就係普通茶餐廳咁，座位不算舒服，枱面算整潔，不過唔會想放手上去過種（大家明啦）。咁就叫左個$32蚊既德勝豆花撈米線，+$8豬潤，見有個like係到，我諗都係招牌，一試就知呢間值唔值得回頭﹗豆腐花俾到好足，而且仲有超級多炸醬，撈起一定唔怕唔夠味，可以話味道濃淡適中。因為比較濃味既酸菜加炸醬同醬汁，再加上大大片既豆花就中和番個味，重增加左更加澴郁既口感間唔中食到小小酸既醬汁，特別開胃﹗豬潤爽口彈牙，起少少沙，配豆花米線正放lunch可以再去食﹗

一向都知新蒲崗多野食，但因為平時冇咩事都好小去，難得去一次梗係要食返夠本！😆呢間其實好耐之前朋友都有推薦我去，到依家終於食佢🥰真心正到痴線！👉🏿✨德勝豆花米線 Hkd 32 💸📌就咁聽係味會覺得米線同豆花好唔夾、食落會怪怪地呢～不過你放心！只要你食左一啖，就會明有幾咁好食😍因爲食唔到辣叫姐姐幫我要微辣😚成碗米線有豆花，肉燥同秘製醬汁，食落唔會好乾身，醬汁甜甜地，豆花味道唔算太多，但勝在同米線一齊食好滑溜！呢個口感同味道都算係全港數一數二，lunch time 非常多人！大家避開佢唔使等咁耐呀！食完真係會想再食,甜中帶辣，非常滋味👉🏿✨鍋仔米線麻辣湯 Hkd 38 (兩餸📌豆花米線出色唔多講！估唔到佢啲湯底都做得好好！佢既麻辣係非常入味，麻同辣都兼顧到，本人身為譚仔粉絲都覺得呢間既湯底做得仲好過譚仔就要咩事啦！🥳呢間食完真係會上癮！飲晒啲湯咁濟呀！大家可以叫佢地個蝦卷，入面仲有栗米粒粒，係正既！👉🏿✨木瓜冰 Hkd 8 💸📌呢杯係完全冇木瓜味嘅😂入面係有啲啫喱～食落似蜂蜜加荔枝既味道，甜甜地都幾好飲！而且個啫喱都好有咬口，不錯🥳

呢間米線係我嘅頭五最愛，難得來新蒲崗，一定要食返碗！今次食豆花米線，加咗韮菜餃同豬大腸。醬汁偏甜，米線份量唔少！豬大腸的鹵水汁好入味，韮菜餃皮薄餡滿。豆花冇咩豆味，夾埋米線食好滑溜。撈豆花米線已經配咗炸醬，少少辣，襯返個偏甜的醬汁，啱啱好。

我都係第一次出post, 看見開了多年，打算一試，結果，極品中的極品。試了一碗麻辣雞酸辣湯（38元）及一碗麻辣牛（38元）加大腸（10蚊）酸辣湯。下單時店員問需不需要加飲品，我話不需要，店員話現在唔加下單後再加就要收正價，心諗有咩咁巴閉，又無寫出黎，我都係第一次聽，可能真係咁巴閉呢。btw加左凍飲。熱飲2蚊，凍飲6蚊。野食到了，湯底淡如水，沒有麻辣味（雞，牛），大腸得三舊，有少少酸菜及肉碎。咁就48元。從來未食過咁高要求（對食客，對價錢）既餐廳。

德勝豆花米線🍜$32豆花同米線又真係幾夾😎入口好滑，而且味道又夠濃郁😬配料都算多，而且辣度又啱啱好😎整體都幾好，始終唔多地方有得食🙈不過午餐時段就真係幾逼下，坐得唔多舒服，食完要急著走

—德勝豆花米線($32)豆花同米線一樣滑嘟嘟友人嫌米線太腍但係同樣認為食唔到豆香味好多配料撈 唔小心食中辣椒會好嗆喉———————————————————————雲南人家風味餐廳新蒲崗康強街32-34地下8號

住係度18年，見呢間都開咗咁耐,咁咪去試下，以為3點鐘去有下午茶，所來係無㗎,食乜都係正價，但份量就係下午茶啦，都算啦，如果好食無乜所謂啦，點知中伏了，貴不特止，味道真係好一般，試下個炸乳餅（招牌），除左鹹之後已經食唔出其他味，6塊$60，完全唔值，千其唔好試米線不用多提，好唔過其他米線店，完全無特色，失望,而家米線店成街都係，新蒲崗都有5，6間要凸出真係要俾心機，環境ok唔太多人，上菜都快可能無乜人，總括不值一試！

平時好少寫食評，今次唔寫唔得第一次食，諗住高分試下坐低見有羊肉米線又好想食，$48再加三個送(菜，荀，蝦卷)total$74唔平但諗下可能好好食呢黎到即刻剩三秒分量不如想像中多，主打羊肉都係得兩三片最火的係同樣的食材用後面車仔麵的方法去圈只係$60!食完俾錢諗住同阿姐講下點知佢完全唔覺得自己餐牌有問題只係將個責任推落個客度話你鐘意圈乜就圈乜我話我明但係圈前面唔見得我分量有多吖，佢話無可能我心諗我咁大個人俾咩價錢有幾多野食唔係唔識度呀？我都係反映事實食完已經唔gur，野食又唔係突出總之唔會有下次

女朋友問我試過豆花米線未,哈…咁特別,真係未試過.佢就話雲南人家風味餐廳幾好味,咁就去試下.雖然地方有D逼,但為試咁特別嘅豆花米線都無所謂啦.德胜豆花米線,賣相非常吸引, 豆花望落十分滑,質感同白福豆腐花差唔多,仲有肉碎,蔥.我首先將所有野搞勻,有豆花既配合令米線更加滑,幾乎入口直入喉嚨,配合肉碎嘅香味,真係好好味,開始想像唔到豆花點樣可以同米線夾,食落先知咁好味,三十幾蚊,價值又平,份量又大,超值.百搭米線(雞扒,蝦卷).份量好大,米線都好滑,好爽口,叫左豬骨雞湯,湯很有豬骨嘅香味, 雞扒雖然唔大塊,也很滑,加8蚊真係好抵, 蝦卷雖然浸入湯中皮已經淋左,但料好足,都好好味.超值得推介,價錢平,份量大,很物超所值.

今晚來到雲南人家試豆花米線, 是店內的招牌食品, 再配上推介的木瓜冰, 感覺是回頭與否在此一舉。豆花加米線噱頭不錯, 比傳統雲南米線輕盈, 油鹽較少, 但不是湯米線, 是“撈”米線。個人覺得可以, 是健康之選, 不是口福之選。木瓜冰~我問: 木瓜冰可否少冰?阿姐說: 木瓜冰是無冰的我說: 吓事後証明相中的浮沉物是啫喱/蒟蒻, 不是冰。這個很好, 甜度剛好。

麻辣羊肉米線🍜 (酸辣湯) Spicy Goat Rice Noodles💰HKD 48-呢間係👧🏻最中意食嘅米線小店。👧🏻最欣賞小店出嘅米線有米香，入口幼滑，而且酸辣湯底香濃。佢同一般連鎖店食到嘅米線唔同，並唔係咁有彈性，反而比較淋身，配埋碎豬肉同葱花一齊食嘅口感好好。😆再加上佢嘅麻辣羊肉都好好食，有麻香味之餘佢唔會整到啲肉太油膩💁🏻‍♀️👧🏻’s favourite Yunnan rice noodles (Mixian) in town. Unlike other restaurants’ rice noodle, they provide al dente noodles served with deeply flavorful broth. The rice noodles was topped with spicy fresh minced pork, leek, pickled vegetables and other ingredients. The goat meat was surprisingly fresh, tender and firm.-Please fol

又來到我至愛之一的雲南人家，自從吃了一次德勝豆花米線，對它情有獨鍾德勝豆花米線每次來吃也不會厭，豆花和米線熱撈混合在一起是出奇的夾豆花滑身，加上炸醬，蒽粒和辣椒醬，辣得來很惹味加$6的木瓜冰這個飲品像是有點蜂蜜味道，一啜會有點像啫喱的，味道清新，很有特色的飲品🥃