雲南人家風味餐廳 (已結業)

老婆大人推薦呢度嘅豆花米線好食，今日終於食到，同平時食開果啲湯米線好唔同。德勝豆花米線（$29）：乾撈形式嘅熱米線，除左有滑溜嘅豆花，仲有辣醬、肉碎、韭菜碎等等。（平時有酸菜但我走左）辣辣地又惹味，豆花同米線撈渾一齊食，好滑呀。之前未食過，仲會質疑豆花點會同米線扯上關係呢？食完就知了。木瓜冰（加$4）：好抵飲，留意返牆上雜誌報導，原來木瓜唔係南方果種木瓜，而係一種植物嘅種子，浸水後唧出嘅液體，結成透明啫喱狀，有啲似台灣嘅愛玉。好清新又有啲咬口，只需加$4確係抵。麻辣土豆絲（$26）：意猶未盡，加多個小食，土豆絲即係薯仔切絲，涼拌小食，帶點麻辣味，好開胃！

德勝豆花米線($29)-雖然以前曾經興過豆花米線，但司令一路都冇食過😂，今次就試咗新蒲崗呢間米線店嘅招牌豆花米線，原本驚好dry所以加多左份麻辣雞($10)做餸。點知食落超驚喜，豆花好滑，米線都煮得彈牙，配料仲有好多肉碎，最正嘅係佢超多汁，但調味適宜食落又唔會過鹹，將所有野撈埋一齊食，唔洗叫餸都好滿足😁😁😁，不過份量唔大，大食既就要加底啦😫。-佢地仲有好多虫可以食，夠膽食既不妨去挑戰埋😏！

遲落左車。一場泥到順便試下新野la。見到依間野有豆花米線幾特別。入去試下la，豆花滑，米線仲滑！估佢唔到兩樣野味道同texture 都非常㚒。連埋的配料一之棒la～～～

夏天又熱又濕，又時食D辣嘅去袪濕好過飲涼茶就去嘆個雲南午餐啦～鴛鴦餌塊味道好得意，有少少似糯米糍，裡面味道似甜醬同麻醬千層峰，每一塊都夠薄脆，豬耳嘅膠質，軟骨嘅爽脆，麻辣醬汁嘩臭豆腐，唔夠臭我個人喜好覺得臭D先夠正，佢嘅臭未夠滿足我麻辣土豆絲，土豆絲好好食，麻麻辣辣，辣度岩岩好。薯仔一般都係感覺好重澱粉質，不過今次就只有爽嘅嚼口。之前睇過D飲食節目，要做到爽脆嘅口感，要多次浸泡令薯仔澱粉質浸出嚟……唔知哩個會唔會都係咁做呢！？德勝豆花米線，米線偏淋食完辣嘅出出汗，個人都鬆D

好適合獨食的餐廳，因為座位唔多，一兩個人來還好。今日食左德勝豆花米線（$29），以前對於豆腐花的印象一直停留在甜品上，直至我試過呢度的豆花米線之後，至知道將滑嘟嘟的豆花加埋在米線上係出奇地夾。呢度的豆花米線係乾撈的，加上酸菜、辣醬、豬肉、蔥粒同韭菜粒等等。帶點酸辣的味道，一啖豆花一啖米線，真係好夾。雖然今日冇加配料，但一碗簡單的豆花米線，已經成為我一個簡單的午餐，簡單的美味就係咁，唔需要多樣化，推介第一次黎的可以試呢樣米線。（怕辣就可以叫少辣，感覺冇咁油膩）

喺呢頭做嘢，附近d餐廳都試得七七八八，呢間上次食豆花米線覺得唔錯，今次就帶埋朋友再戰。 呢度d餐牌好簡潔，得個餸名，好多都唔知係咩嚟，好在店員都好親切同耐心咁解釋。我就喺佢推介之下叫左個「昆明小窩米線」($38)，有肥腸、肥豬肉、炸醬、酸菜同鹵蛋，成個窩仔上。店員話呢個係直接喺個窩度煮，所以會比其他米線入味d。少少辣，如果想唔辣可以走炸醬同酸菜，不過咁樣可能就咁叫碗米線再揀餸會好d ~ 味道ok，都幾多料兩位友人都叫咗「德勝豆花米線」($29) + 水餃兩隻 ($8)。呢個其實係撈米線而唔係湯米線，上面有d豆腐花，同d醬撈勻哂好惹味，友人話有埋花生就更正喇！$29係幾抵食，係食到底會有d油膩。水餃係鋪頭自己包，不過友人就話個餡麻麻地好食。涼拌雲耳 ($26)，辣味唔出，但係酸酸地幾開胃。雲南乳餅 ($58/6件)，係用羊奶做，但係食落似水牛芝士，我嫌唔夠羊味，但友人食咗一啖就頂唔順 ... 對比呢個，我就鍾意觀塘「雲南風味」羊乳扇多d喇，嗰個羊味就好夠，同埋薄脆香口。(P.S. 嗰間都有羊乳餅，我都食過，都係覺得麻麻地，呢間可能仲好食d)友人話有d貴，但我覺得特色小食嚟講算係咁啦，功夫

25-3-2017 (Sat)傍晚,同老公又o係旺角油麻地辦完事後,又搭車去新蒲崗搵雲南人家食晚飯,我o地好早去到,才6:30pm,一場o黎到,就係要食勻佢o既特色美食,叫o左:4. 叫米線加$4.00就有o既木瓜冰木瓜冰甜甜地又解渴,食有少少辣o既德勝豆花米線,飲佢係一流.由於唔夠飲,於是我都另叫一杯,就$12.00.味道: 5分木瓜冰唔係真用木瓜做,睇下面簡介吧.1. $29.00o既德勝豆花米線老公先食,原來辣辣地,重有啲辣醬o係o度.我食就仍然可以接受到佢o既辣度o既,豆腐花滑但冇乜豆味;米線就略嫌過腍.味道: 3分2. $80.00o既酥炸雜蟲熱騰騰o既,裡而有蠶蛹,竹蟲同草蜢;蠶蛹外脆內裡粉粉地;竹蟲冇乜特別; 草蜢最正,脆卜卜,但好少.而成個都唔會好鹹要你飲好多o野,唔錯.味道: 5分3. $58.00o既雲南乳餅呢個等好耐,一客6件,食落唔覺得羶,佢o地冇調味,而原來呢個係鹹食,蘸少少鹽食,出奇地夾.我o地一啖酥炸雜蟲一啖乳餅咁食重好食.味道: 4.5分其實我o地重叫雲南臭豆腐同可以當甜品食,$30.00o既鴛鴦餌塊,但已經賣晒.抵食係1.5分題外話:題目”膽粗粗”唔係

豆腐花同米線我就食得多， 但兩者放埋一齊就真的未試過。 聽說這裡有豆腐花米線吃， 未吃已覺得特別！ 今天中午來到， 雖然時間尚早但店面已經幾乎滿座， 我餐牌都未睇完外面已經排緊隊。 眼見所有枱都要搭枱而且都坐得幾迫， 拿拿臨落單要個豆腐花米線， 都等左一陣先到。 黎到一睇， 外表正正常常無咩特別， 都係肉碎+豆腐+米線放埋一碟， 不過一放入口， 又真係幾好味喎！ 米線爽口唔會太軟， 豆腐軟滑好似食緊無糖豆腐花，肉碎個汁最正， 微辣得黎非常香， 成個麵撈好個汁食真係好惹味，值得一試！

雲南乳餅人生第一次食奶餅，非常特別，佢煎香咗之後，比鹽粒你點，唔錯。土豆絲D薯仔絲切到超級幼，食落又好爽口，超正。千層峰原來所謂嘅千層峰就係豬耳，佢整得好爽脆，味道麻辣，幾好食。鴛鴦餌塊呢個用米飯夾豆沙食，個樣幾靚味道又幾得意。昆明玫瑰木瓜冰呢個佢哋舖頭嘅特色飲品，甜甜嘅玫瑰味，加上透明嘅木瓜啫喱。炸雜蟲來到今日既重點。。點蟲蟲。。呢碟炸雜蟲，入邊有五種不同嘅蟲 ，雖然我唔識分佢邊種蟲打邊種蟲，但係每種蟲都有自己不同既味道同口感，因為用酥炸既方法，出來非常香口，又減低左蟲本身既味，唔睇樣味道方面都幾好食， 聽講仲有好高蛋白質，對身體好好。

第一次來就先吃這裡招牌菜式豆花米線.. 食落口感似係撈撈米線.. 我叫左小辣所以都比較多油.. 不過肉鬆同豆花的確幾惹味.. 豆花夠滑再配合肉鬆的硬恰道好處.. 唯一覺得差中不足嘅地方就係米線太軟身.. 沒有咬感.. 我覺得煮得太耐之過.. 醬汁都很香口..

本身自己為米線精大大小小的米線店都愛吃剛好工作經常要到新蒲崗試過這間米線店後便成為常客第一次見到"豆花米線"都會先入為主覺得甜與鹹的怎麼會配合在一起但試過後其實誰說豆花一定要甜的呢不可以是鹹的嗎? XD其實豆花米線對我來說更像"麻婆豆腐米線"醬油  +  肉碎 + 蔥 + 辣醬 (我通常走辣, 純粹個人口味)然後加滷水雞翼, 生菜絕配 !米線口感為較軟身還有特色飲品 -- 木瓜冰喜歡蜂蜜水味道的食客可一試另外此店還有蟲蟲菜色 ( 未敢嘗試)如果為平日上班時間的lunch time 時段一定要等位不過老闆娘都會很友善盡快地幫忙安排入座大概等5-10 分鐘吧

My friend brought me to try the noodle in this restaurant and it was very good. They are famous of their spicy mix noodle which has tofu on it, this is quite special. The noodle did not come with soup, but it was very tasty. If you can eat spicy, you can ask them to make it more spicy. My friend orders the noodle in soup, which she said was very good also. We also shared a dish of fried goat cheese, which was rare to find. Nice noodles, great restaurant!

第一次食豆花米線就係呢個地方，食過一次已念念不忘。估唔到豆花同米線原來係咁夾，個豆花真係好滑，配埋個醬汁，蔥，酸菜真係好好食。記得上次黎既時候啲米線煮得實在過淋，估唔到今次第二次黎食有改善，雖然叫左走辣，但啲配菜都係有啲辣，加4蚊叫左杯木瓜冰 ,抵啊(午市佢menu無show 岀黎的），所謂木瓜冰係無冰同埋同木瓜一啲關係都無，飲落味道似蜜糖水同入面有啖啖啫哩，老闆娘話係玫瑰蜜，啲啫哩就係用木瓜杍做岀黎既愛玉凍，感覺都幾清新。唯一係間鋪係一入去有陣怪怪既味道，唔但食食下又唔覺@@

星期六又係自己出黎搵好野食既日子兩點仍然有七八成客人枱面乾淨 至少比某d連鎖店好一行入鋪頭就有一陣淡淡既酸筍味睇黎間鋪有d料wor木瓜冰+豆花米線+雲南乳餅木瓜冰並非真係有木瓜 係雲南呢種飲品通常係玫瑰糖水 加入一種類似愛玉凍既啫喱狀食材 呢度既木瓜冰夠甜 無咩冰塊所以飲到底都夠味滑溜溜既啫喱口感好得意計做普通冰飲 只需加$4 呢款飲品適合鐘意食甜野既人賣相吸引 清楚見到4片豆花鋪左係米線上小辣程度容易駕馭 （平時食開三哥既酸辣二小）右邊唔起眼既橙色醬汁就係辣醬喇豆花本身豆味足夠肉碎分量足夠將所有材料撈埋食落的確幾滑 係因為佢既米線煮得好淋淋到唔洗點咬 ... -_- 豆花增加左味道層次 唔油膩但撈得太碎 豆花就未必發揮到作用就會同一般米線差唔多...所以一開始唔好撈得太開心 XD對女仔黎講 食哂成碗就啱啱好夠不過男仔就應該唔夠食（感覺係 三哥米線「少米」左之後既分量）雲南乳餅 落單嗰陣係講左外賣拎走既不過忍唔住 即刻開外賣盒拎一塊黎食當年係昆明食過一次 念念不忘但係香港好難搵到 專登黎新蒲崗 大半原因都係為左呢樣野食外層微脆 內層較乾身就好似食緊芝士咁乳餅係羊奶做 所以有奶騷味趁熱食

其實我係附近做野 來回3 分鐘， 所以有時貪平貪快就黎醫肚， 呢幾年都幫襯過幾十次。我本身唔飲凍野， 同埋習慣左飲水 因為檸茶檸水都唔可以飲得多， 但次次叫完一個送 職員會問我要唔要野飲， 我話唔要佢地次次都啤我又唔會比杯茶/水 我 ， 但見到同檯的人有叫野飲多送 就勁有禮貌 語氣都唔同 。 我通常叫一至兩個送 ， 酸辣米線。 我次次都叫差唔多野， 有次撞中下午茶平$2 ， 都係嗌返平時d野， 結果份量少2/3！ d米線食兩啖已經見底 ， d蝦卷永遠都係未熟哂， 個芯係冰凍的。我試過午飯時間想叫外賣自取， 去到門口同佢講外賣一個， 完全被無視！ 唔想賣少送少份量 就貼通告出黎直接唔做我地單人的生意吧！ 去隔離車仔 轉彎新開雞飯超好態度！ 同埋佢地間店唔知係豆腐味定廁所味 ， 每次經過或坐低食一陣怪味的。