雲南人家風味餐廳 (已結業)

今早去了新蒲崗幫朋友拎野，老老實實我係唔識新蒲崗架😁😁，記得上次係同朋友傾野去過五芳街的一間餐廳。再上上次係癲姐1年前帶我去食粉果、雞蛋仔同上海菜，癲姐係新蒲崗區街坊😏，去新蒲崗用1隻手都數得晒🤣🤣，根本就唔會想過去新蒲崗搵食。😜😜今日機會嚟了😉😉，我亂打亂撞，四周圍逛，畀我搵番癲姐同我提過的“雲南人家”。我記得呢家係正宗雲南菜，連蔡瀾都有讚過👍🏻👍🏻。好，就等我試下先😆😆，究竟咩料呀～ 德勝豆腐花米線🤔🤔， 甜食豆腐花食得多，豆花要辣食配米線仲要熱撈會係點⁉️答案係…好好食呀～😋😋😋豆花似食緊蒸水蛋咁樣，好滑好順喉，酸菜、炸菜同韮菜配搭得好完美，酸味同微辣加醬汁嘅香😚😚😚，好食到一個點。唔怪得癲姐話呢間雲南米線一定要試啦，今日終於師傅明白了🙏🙏。另外杯昆明玫瑰木瓜冰，一點都不甜仲好清香，有微微的玫瑰花糖的甜，少少甜啦😉😉，口感似水晶啫喱，不用咀嚼，可直接飲進喉嚨裏。仲可以清熱解毒，保健作用，好健康啊～🙆‍♀️🙆‍♀️

豆腐花食就食得多，豆腐花配米線就真係未食過，唔知味道會喺點嘅呢？見到唔少人叫呢個豆腐花撈米線，口啤應該都幾好🤔午市人流眾多，外面有唔少人，以為佢地等緊位，原來係等外賣入到去侍應忙住執枱，坐底咗無耐，好快就有人到我位幫手抹枱， 快手快腳！我都快快落柯打德勝豆腐花撈米線$32包括豆腐花、蒽粒、酸菜及炸醬，唔鐘意喜歡食酸菜嘅我無要到自家打嘅豆腐果然唔同，入口幼滑，米線並不是配湯而是撈米線，米線爽口，豆腐花併米線，感覺幾特別! 🌶辣味香但唔會太搶喉，加上豆腐已經中和咗啲辣呢度另有特色小食酥炸雜蟲同酥炸蜂蛹，唔知大家有無膽食呢?雲南人家地址: 新蒲崗康強街32至34地下8號

成日幫襯佢地既豆花米線，因為係香港真係少見！佢地既米線份量一向唔算大，男士食未必夠飽，今次想食多少少肉，所以加左$10加份豬頸肉，結果上枱真係嚇親，少到好似比老鼠偷食完咁，一共得三塊超薄片既豬頸肉，廚師自己睇到唔知覺唔覺得誇張呢？味道方面，亦都係冇咩調味，簡簡單單既豬頸肉。如果餐廳老闆會睇到，麻煩真心檢討下個份量！一來豬頸肉唔係咩貴野，二來係要加$10加配既餸，姑寒到咁真係冇野好講，冇下次！👎🏻👎🏻👎🏻

新蒲崗小店之一，門面同店內樸實，小格局街坊店未食豆花米線前，一路都諗緊豆腐花點樣同米線夾得黎，仲要係咸食豆腐花。終於試食，豆腐花撈米線組合，口感出奇地唔覺得怪，似似地麻婆豆腐口感，不過好可惜呢個米線煮過火，口感覺得太淋酸菜同炸醬，味道ok , 唔似平時食到味精味，有些少辣，但唔係辣到噴火個隻不過，價錢平or 貴就大家自己釐定，叫左兩餸+豆腐花米線底，墨丸$10,金菇$8,總數50,無包飲品有機會，下次試其他湯底🤔

經查詢比較熟路的居民，知道有這間豆花米線，於是某工程之前，步行過來試一試。門面極之普通、樸素，沒有什麼特色的裝潢，店內有大電視📺。看見有很多不同款式，但是看見其他食評所介紹的都是豆花米線，於是便點了個豆花米線，再加兩個餸就好了。餐牌都寫了，德勝豆花米線，是熱撈，包括豆腐花、韭菜、酸菜及炸醬。不算等得太久，便端來了這豆花米線，賣相與其他食評所見到的也差不多。可以看到面頭的都是薄薄的豆腐花，旁邊有兩片白肉，與及豬大腸。要先將面頭的豆花撥開整爛，才會見到底下的米線。本來都覺得沒有什麼特別味道，但原來只是起初都未觸及辣醬，以及麻辣的部份，因此覺得只有鹹味。之後，吃了幾片豬大腸，其他豆花或是麵條越來越少，觸及旁邊的麻辣調味料，就覺得越來越辣。但這種辣，又不是會吃到你出汗淋漓哪一種，連我這本來不算太吃得辣的人，也抵得了它的辣度。辣得來很香，味道香濃，有韻味，有火喉的麻辣味，用來拌白肉也不錯。白肉不算太肥，最上面的皮不會太肥，然後中間有幼條狀的肥肉，下面一大片肉，剛剛好肥瘦均勻。唯一可惜之處，就是份量偏少，白肉只有兩片；豬大腸就還好，米線的份量極少，這天經已不是十分肚餓，但是吃完也沒有極飽肚的感覺。

呢間店已經幫襯過好多次，但最鍾意食既都係豆花米線豆花好滑，配豬肉碎同酸菜撈埋米線好好味，怕油既朋友可以叫走油唯一要注意佢既米線係比較淋身，鍾意食爽既米線就要留意返啦加$4叫左個凍檸茶都幾抵仲有其他款米線同埋雲南風味小食架

最愛餐廳的餌絲！好傳統的雲南菜，不但麻辣同酸辣調較得剛好，而且餸的選擇很多。當然，除了麵以外，還有不同款式的飯可供選擇，老闆娘也會對客人上心，會記得不同人點的菜！推！

上個星期在新蒲崗，想吃云南米綫，其實新蒲崗有大把米綫鋪食好食且多配料多配醬過這一間，只是好奇什麼是豆花米綫。然而為所謂豆花米綫只不過是在同一碗米綫上加一pat豆花，無什麼特別。坐位超窄，廁所尿味惡臭和酸辣米綫味混合佈滿店內，衛生欠奉，皆因廁所設在大堂中間而廁門前還放多張枱，邊食邊聞屎坑味。如想坐無咁大味既位便要在人流少時快D點快D開始食，否則一有多客入便搬你去坐廁所旁(是貼住廁所門坐的尺半迷你摺枱位)。店員大媽呼喝連連，真正體味到云南鄉郊人家茅廁的"風味"。(食完行出店外的康強街公廁對比一下，立即便體驗到原來公廁都可以企理過食店。)係中午食的話菜單上多項食物欠奉，只能吃湯米綫，要等到下午及晚上時段才有。

見到個菜單，寫住豆花米線，又幾得意所以試下，又冇我想像中係湯米線，醬汁米線啦唔知可唔可以話表面個層係燥肉飯個d肉粒，豬肉味都好夠，配埋豆花一齊食，又岩岩好中和個味，都幾得意不過依間野最勁係有蟲食，有酥炸雜蟲同酥炸蜂蛹，我見識少，唔知香港都有鋪頭食蟲

講過會返兜，當然就唔係得個講字啦。今次黎，同上次一樣，好大陣蟲味（其實都唔肯定係咪蟲，但似）八點幾，豆花米線就黎無晒，好彩趕得切叫。首先黎杯凍檸茶，大大杯，幾好味。主角，佢係撈米線而唔係湯米線黎。豆花其實比較似係豆腐味、豆花樣，所以唔會一啖咸一啖甜，好好味！撈埋一齊食更加正。照舊，肥牛米線，都係咁好味，但應該係因為有咗上次經驗，今次比我嘅驚喜無一次咁大，但當然都係高質吧今次叫埋呢個小食，貼係牆上面寫住推介的。用羊奶做成，好大陣羊騷味，好濃。但口感略嫌有啲乾，如果有多少少漿感就好！$29同$30呢個價，可以食到咁好質素嘅米線，真係好正好正好正呢。

我同朋友中午時間來到，兩個都嗌左兩餸米線我就嗌左滷水雞翼，娃娃菜米線，食物方面，份量又少，啲雞滷勁細隻，食落又唔新鮮，米線份量又少最不知所謂係佢地的服務態度，食飽一超過30分鐘 當住全場問我地食哂未，可唔可以食快啲，快啲走仲話每人正常都係食30分鐘 係咁趕我地走仲要係趕左兩次，鬼死咁大聲，黑口黑面如果有限時就好心你貼定張紙話每人限時食30分鐘啦！不知所謂！食得慢又得罪你，限30分鐘一定食完，真係貼錢買難受大家千萬唔好幫襯呢間又唔好味服務態度又差的店！食譚仔好過！

間唔中都會去下新蒲崗，但就無黎過呢間食，直到有人話好好食要試下，就專登過咗黎試啦。一開頭到咗，見到門口啲報導係講呢度最出名係蟲蟲，真係有啲驚係度諗湯底會唔會有蟲，洗唔洗同店主講走蟲不過，入到去當然就知自己諗多咗啦，除非你叫，唔係嘅話佢唔會無啦啦落蟲比你嘅。老闆娘好好人，佢見我地係門口等朋友，提我地就快要last order，叫我地入去叫咗野等住先，就算食得遲咗，佢都無黑面，仲傀笑笑口，真係好好！雖然都有啲唔好意思一見到張點餐紙，哇，好抵食啊。本身想試佢嘅豆花米線，不過賣晒，所以就叫咗豬潤同埋肥牛。落單就後，餐具先到。之後黎嘅係豬潤米線，呢個係朋友叫嘅。而我就重點講下我叫嘅酸辣肥牛米線啦～本身一望，我會諗，點解啲人會覺得一個米線係比起其他店出色嘅呢？望落普通，本來未帶住大嘅期待。但到我飲一飲佢湯，已經有個種肉嘅甜味。食一食佢嘅炸醬，好入味啊！之後再食佢嘅酸菜，真係，講真食過咁多間米線，呢間嘅酸菜真係好出色，佢係少少咸嘅酸菜，令到夾埋米線食個陣，有種甘甘地嘅味出咗黎真係超好食！！之後我試試佢嘅肥牛，佢唔係個啲劣質肥牛（多筋、難咬），而係咬嘅時候好有牛肉味，而且唔痴牙、無根，好欣賞佢唔會貪平

挑戰豆花米線🤔因為我平時唔鐘意食豆腐😣因為香港d豆腐好"鞋"🤣難得黎lee區出job🤔就挑戰下啦🤣餐廳少少 但好多客人😆我叫左豆花米線小辣同木瓜冰因為叫人地介紹木瓜冰系jelly甘🤔所以好想試❤️嘩..好多豆花🤣🤣😆豆花好滑 將米線肉碎豆花mix埋一齊😀😀食落成個感覺好滑❤️❤️❤️👍🏻👍🏻👍🏻👍🏻另外，木瓜冰既jelly係無味 😀😀有糖水做base 有d荔枝味 好飲👍🏻👍🏻

之前食過豆花妹撈米線好深刻，一直都想繼續食。但自從唔知執咗笠，定屋企附近冇左之後就冇食過。一路只係食雲南嘅撈米線，但係就冇豆花。今日係經過呢間鋪頭嘅時候，突然醒起原來呢一度就係有豆花撈米線，仲係有好出名就炸蟲蟲食，一於來試一試！我同朋友就叫咗豆腐花撈米線配豬扒同埋豬耳，豬扒同豬耳比較辣。但係個醬料同埋米線都唔辣，所以係啱啱好中和。而米線方面，係配左豆花之後顯得十分之滑，每一啖都係啜同吸入去，味道又岩岩好，啜下啜下就唔覺意食晒成碗。

午飯時間 新蒲崗附近嘅餐廳都好多客人行過呢間 咁岩話有一個位 所以入左去可以揀飯或者米線 仲有小食湯米線好似車仔麵咁 可以自己揀要咩餸我揀左酸辣湯加滑牛肉酸辣湯底唔會太辣又唔會太酸 味道啱啱好牛肉同米線都好滑成個麵都好好味加＄4就有一杯大大杯嘅冰凍檸檬茶 天氣咁熱 飲完即刻透心涼