雲南啊老表黑山羊湯鍋米綫 (上海街)

營業中

休息中

今天在佐敦完成活動， 又攰又餓， 打算到附近覓食。兜兜轉轉又返嚟我哋最鍾意食嘅羊肉清湯米線😍小店坐位唔多， 簡單裝修，唔知點解隔音做得好好，感覺好寧靜， 完全聽唔到出面嘅雜聲，車聲。牛羊雙拼酸辣米線（细碗）酸辣湯底加上酸菜， 也是辣味來源。 夏天吃特別醒神開胃！辣菜脯好爽脆， 砌得幼細，放湯更為滋味！羊肉清湯鍋米綫（細碗）份量其實一點也不細。 湯底清甜而不膩， 羊肉薄切， 分量不少 ，亦冇羊羶味， 唔好羊的也可選擇清湯。 亮點放上幾幾塊豬油渣，酥脆香口， 立刻令成碗米線充滿油香。 米線夠煙韌， 好吃到停不了口～蒜泥白肉 $30這小碗蒜泥是很地道嘅做法， 唔算好辛辣好重蒜味， 加入少許鹽調味， 把肥瘦相間嘅五花薄切腩肉蘸一些蒜泥， 即時喚醒味蕾， 也令白肉鮮味大大提升。凍檸樂，凍檸茶大熱天時， 不能缺少的一杯凍飲～白菜豬肉拼韭菜豬肉餃子$33（10隻）自家製作， 賣相平平無奇 ，但肉餡很新鮮， 調味 啱啱好唔會好喊 ，熱辣辣即叫即蒸非常抵食！👍👍

和媽逛街，逛到有點餓，看到這家羊肉米線，之前我吃過另一間分店，覺得都不錯，媽又很喜歡吃米線，所以就進去填肚。餐廳在街上不算顯眼，店面不大，只有幾張枱，不過環境十分整潔乾淨。我們點了兩碗細米線，兩個小食和兩杯飲品。店員熱情招呼，友善好客。‖ 羊肉細碗米線 ($50) ‖雖然它叫細碗，但一點都不細碗，是很大的一碗，和平常外面吃開的份量無差，所以吃完整碗十分飽。羊肉切成一片片，沒什麼脂肪，微微滲著羊肉香，沒有羊羶味。湯底清甜，不會因過鹹或過濃帶來負擔。麵質也剛好，是理想的米線口感，細滑而軟中帶彈。要特別提一提，米線除了有一般蔥花，還加入豬油渣！這是平常米線不會有的。想說，豬油渣十分好味！😍 那股油脂甘香味，令人垂涎 🤤，非常香口惹味，讓人吃完一粒又一粒。開頭未被湯完全浸軟的，還會脆脆的。這些豬油渣真的不能錯過！😋‖ 牛羊雙拼細碗米線 ($43) ‖這碗加多了牛肉，雖然牛的份量不算多，但牛肉味香，特別牛腩位，十分香嫩味濃。‖ 蒜泥白肉($30) ‖豬腩肉切得有厚度，不會簿簿一片，有口感。豬腩肉肉味本身甘香，不蘸蒜泥已不錯。蒜泥比較酸，缺少了鹹辣。‖ 口水雞 ($32) ‖外表看似很辣，其實不太

最近經過佐敦一帶，附近餐廳選擇不多，而且大部份都是連鎖店，而我們想食麵，走到上海街發現了這家小店位置：位於上海街街尾近童軍總會，雖看上去算是有點偏，但距離港鐵佐敦站或柯士甸站步行約10分鐘，附近亦有不少巴士線，要前往也挺方便環境：餐廳面積不大，座位比較密，但勝在裝修新淨光猛，感覺不會太擠迫服務：侍應只得一個，由下單、上菜至執枱都是一腳踢，但勝在勤快，回枱亦算有效率枱面放有各種醬料，而餐具則放在枱的抽屜內，所以一般很少需要找侍應幫忙食物：餐廳主打雲南粉麵，但口味有點本地化，辣度調整得比較親民，對於愛辣人士可能要多加辣椒油了羊肉細碗米綫（$50）上枱時還以為是弄錯，細碗竟也這樣大碗，絕對夠成人食量。羊肉很嫩滑帶點羊香味，令清湯也添上陣陣羊香配菜有少有的炸豬油渣及香蔥，因此湯底亦有多重香味，亦同時可小嘗美味的炸豬油渣牛腩湯鍋米綫（細碗 - $40）牛腩米線份量及配菜和羊肉大致相同，只是羊肉換成牛腩，牛腩算是煮得淋，牛肉味香又不會太肥，是不錯的選擇食完才發覺米綫可換成各式粉麵，下次一定要試試雲南河粉呢涼伴鳳爪（$22）上菜時看到浸著辣油的鳳爪有點嚇人，幸好只有極小辣，同時充滿香味，令吮雞腳時多

啊老表喺佐敦都開左幾年，雖然話主打食黑山羊米線，不過其實豬牛雞都有得食，因為大大碗米線都係$40，所以都幾多街坊幫趁。豬腸酸辣米線($40/細碗) - 雖然話係細碗，但其實麵量仲多過出面一般麵店，豬腸雖然唔算多，不過都可以接受。酸辣湯底酸酸地唔會太辣，辣度大約係小辣程度。豬腸好腍唔會太多肥膏。米線幾滑口感幾彈。豬手上海麵($40/細碗) - 唔想食米線，麵底亦可以免費轉河粉/油麵/上海麵/公仔麵/米粉。豬手有兩大舊，幾腍幾厚肉。上海麵同樣幾彈，不過就比米線爽口。涼拌木耳($20) - 木耳好爽口，份量都唔少。涼拌鳳爪($22) - 雖然睇落好多辣椒咁，其實只係BB辣，鹹鹹辣辣幾惹味，只係略嫌鳳爪比較少肉。凍檸七(跟餐加$12) & 凍檸茶(跟餐加$9) - 凍檸茶茶味唔會太澀。總結，米線大碗味道亦唔差，價錢亦公道，所以長期都好多人食，不過店面唔大，預左要坐得迫少少。

工作需要經常周圍走，今日來到佐敦辦點事情，跟同事A 特別投契，晚上他帶我來到他的飯堂『雲南阿老表黑山羊湯鍋米綫』食晚餐。❣️雲南少數民族，苗族風味， 對我來說非常新奇，除羊肉外，餐牌內還有雞肉，牛腩，豬大腸和豬手面等選擇，來到主打黑山羊的專門店，又怎能不點一碗雲南風味的黑山羊湯米線呢～❣️食飽先發現，除米線外，仲可以點米粉，河粉，公仔麵等.....❣️🎯羊肉清湯細碗米線 $50一大碗羊湯米線上枱，份量之大，讓人驚喜，先喝一口羊湯，湯頭清甜不太鹹，好暖胃。羊肉切成一片片，有羊腩位，亦有羊肉部位，食落有不同口感，但同樣軟淋，完全無羊騷味，真係好大碗，食完所有米線，但飲淨半碗羊湯。❣️🎯羊肉酸辣湯細碗米線 $50同事點的酸辣湯羊肉米線和清湯米線是一樣的，只是多加了一匙羹的酸辣酸菜， 辣度親和，多了少許辣味和酸菜絲的湯水，變得更誘人。❣️再來 2 款小食～～✨🎯美味口水雞 $32雞肉的份量不少， 大部分已去除肥膩的外皮，入口咸中帶微辣，配米線同食，味道剛剛好。❣️🎯水餃十隻 $33水餃有白菜/ 韭菜豬肉可以選擇，即叫即煮，等了10分鐘，餃子熱辣辣上枱， 剛煮好的餃子隻隻都脹卜卜，內裡豬肉和韭菜都是新鮮的味

最近食得太放肆想食清少少，去左佐敦一間米線小店午膳。呢間餐廳主打羊肉米線，亦有其他肉類如牛肉雞肉選擇。選擇困難的我揀唔到，一於揀牛羊雙拼酸辣米線就可以試晒2款。羊肉沒有羶味，牛肉薄切，整體不錯，而且叫細碗份量好多！朋友叫的牛腩湯鍋米線，清湯鍋底吃出牛腩的鮮味，可惜牛腩份量較少。美味口水雞麻而不辣的口水雞，約有8件，份量大而且好抵食！避風塘辣雞翼等候時候較長約10分鐘，雞翼少辣，避風塘味不太重！不過入晒味，也是有驚喜。人均大約$50-$70

今天約朋友放工后和我一起到佐敦吃飯，我們選了這家米綫店。 大概6點時候進去，而6點半已經快滿座了。我選了豬頸肉米綫，而朋友選了羊肉細碗雲南河粉（原來這種河粉像我們吃的腸粉）。 2碗都非常大碗，羊肉挺嫩呢！而湯底是清甜的。 我的豬頸肉屬於正常發揮，也挺厚肉。我們還叫了蒜泥白肉！這裏的蒜泥白肉個人很喜歡吃，蒜泥味道夠重夠酸，配上清甜的白肉非常好吃。我叫了一杯凍蜂蜜，剛好可以中和一下吃蒜泥白肉的刺激。這餐吃得很飽。總的來説，對於喜歡吃蒜泥白肉的朋友可以嘗試一下這家的。

我諗仲意食羊既人會有同仲意食榴槤一樣, 一係好仲意一係見到都反嘔, 而我就係前者, 所有羊我都好仲意食, 天氣開始熱, 羊腩煲又消失得七七八八, 一條友又無可能去打邊爐, 哩排留意到好多米線店都出咗乜乜黑山羊清湯米線, 淨係聽個名我都流口水, 今日就去咗一間叫老表黑山羊試試佢既羊湯啦, 我ORDER咗一個細, 店員話細都好大碗, 大碗你細食可以兩個人食架, 咁我就叫細試試住, 仲叫咗個口水雞, 碗米線黎到, 真係好大碗, 好足料, 湯好清, 有簿簿一層羊油, 聞到已經精神一震, 急不及待試一口, 腦裡浮出一個字 “鮮” 丫 , 勁好味, 湯係清, 但係好濃既羊肉羊骨味道, 米線又好彈牙, 羊肉片係凍切個一種, 好有咬口, 好簡單, 原味既羊肉, 不花巧而踏實既味道, 我見隔離枱有人叫麻辣米線, 我好想叫佢改返清湯啦, 真係好正, 總結: 我諗我每星期最少會黎一次LUNCH, 性價比好高

最近食得多打邊爐同雞煲 放工時候想食輕食 諗下諗下 唔係冬天但係又好想食羊肉 最後就搵到呢一間羊肉麵 結果又有驚喜我今次叫咗羊肉麵同口水雞麵 另外仲有一份餃子 整體嚟講都好滿意首先是羊肉麵 一上枱已經畀碗麵嚇親 因為非常大碗 羊肉其實唔算好多 但係住得好冧 羊肉味亦都好足夠 因為唔係時節所以偏瘦啲 但係羊肉味仍然好好 湯底亦都非常正 成碗麵畀我清曬口水雞香麻辣都足夠 亦都唔會好老 都算係一個唔錯嘅選擇 定係餃子分量足 皮唔算厚 餡料亦都新鮮 整體嚟講都ok但係最推薦都係羊肉麵 而家喺市面上好難搵到一間牛肉麵專門店 大家有興趣可以試下

从街口搬到现址，上次光顾是在旧店吃，这里还是第一次去。除了招牌的羊肉米线，他们还有其他口味和食材。不同味道的配搭如口水鸡、猪腩肉、水饺和牛腩等等，不会太单调。除此之外，还有饭类和各种小吃。桌面上放了不少调味料，其中有一瓶是带点微辣的甜菜甫，吃米线时加在汤内会增味。米线有大和小两个份量，以上是小碗的，其实份量一点都不少，普通食量的人肯定够吃。牛腩米线内大概有七、八块厚切牛腩，肉已熬了长时间，入口很腍，一咬即断。但由于全是瘦肉，质地有点嚡。他们说汤是猪骨汤，感觉有点淡，但加了之前说的菜甫后，口味会好很多。这里的东西便宜，份量也多，是开餐的好选择。

平時食米線，好多時都係去大型連鎖店，主要都係揀酸辣或者麻辣口味。今日去佐敦買嘢，順便食埋夜晚飯先返屋企，就嚟咗依間舖頭食嘢，主打黑山羊米線😀😀 真係未試過。除咗羊架之外，平時都比較少食羊，所以對我來講，羊肉米線都真係幾特別。佢哋嘅湯底係用豬骨湯，由於我想食真啲羊肉嘅味道，所以揀咗清湯，冇揀到酸辣湯。細碗牛羊雙拼米線其實個碗都幾大，有好多湯，個湯清清地都OK，不過米線就唔算超多，所以男仔可能要揀大碗先夠飽。 有幾粒豬油渣，d豬油渣喺碗麵一上枱嘅時候仲係有少少脆，不過之後浸林左我就覺得唔想食😅😅羊肉一片片，肉質幾實淨，而且肉味香濃，唔會好羶 又唔肥另外牛肉都好好食，似係牛腩，好林好入味配埋清清地嘅湯同埋啲蔥，成件事幾好，食得好舒服，暖粒粒佢嘅小食唔貴，所以我哋叫咗口水雞，同埋蒜泥白肉。 份量都唔算話好多，不過兩個人分享，令到晚餐更加豐富😛😛 個蒜泥白肉，蒜泥超級多，而且係辣嘅，係天然蒜頭辣👍🏼餐廳都有唔少外賣客人同熟客，我見仲有另外一間分店喺觀塘添，如果下次想食羊肉，簡簡單單嘅話，就可以再嚟☺️

粉麵之中我都比較愛食米線，先生同把我一樣，也比較喜愛食米線，所以這間佐敦的雲南啊老表黑山羊湯鍋米綫，就成了我們今日午餐的選擇。很多人同我哋一樣都比較愛食米線，見到餐廳裏面都有很多人。豬頸肉酸辣米線 $40 侍應送上細碗米線，當真給他嚇了一跳，以為侍應聽錯而柯打了大碗米線，原來這裏的細碗米線都大大碗，真是感覺驚喜， 份量真是很多很大碗。米線非常軟滑，腍度剛剛好，湯底帶少少酸酸及微辣，湯底都頗為清甜。豬頸肉切得厚薄適宜，爽口很美味！羊肉酸辣米線 $50我比較愛食辣，餐廳也較貼心，有辣椒油及莆菜…等，放於枱上，可自行加料，可以自行調較迎合自己口味，我加了辣椒油及浙醋，酸酸辣辣，非常好味。羊肉切得很薄，肉質嫩滑，頗有羊肉味，這個價錢食到羊肉米線，感覺較抵食。美味口水雞$32 口水雞雞肉嫩滑多汁，少少麻辣， 雲貴川的特色味道！韭菜餃$33韭菜餃是最遲上的，應該是即叫即蒸，看落有點晶瑩的感覺，點上配上的香醋，再點上少少辣椒油，豬肉加上韭菜的香，令整個餃子味道清新鮮甜，好味！每人要多個飲品，凍檸樂及熱蜂蜜， 食得夠滋味！

第一次食羊肉米線係喺觀塘分店，未食之前仲要為好膻好難食，去呢一間食羊肉，真係令我對呢個肉類既感覺有大平反。😗佐敦分店係我第一次食，酸辣米線食得多，食下羊肉米線中和下。除咗羊肉之外仲有雞肉同埋牛肉，而羊肉米線就有分大碗同埋細碗，試吓個細碗羊肉米線試水溫先，男朋友大食同埋佢都食開所以叫咗大碗一上到枱仲以為碗細嘅已經係大碗，份量超級多，不論係米線同埋羊肉嘅份量，眼睇已經飽晒，枱面仲有其他調味料，有我超級鍾意食嘅菜圃，醋，辣椒油，豉油，同埋羊肉一齊食配合度好高除咗米線之外，仲有餃子同埋其他小食可以選擇，今次要咗涼拌鳳爪，相對來講比較遜色，基本上食咗個米線已經飽晒

屋企人好喜歡吃羊肉， 今天我们到佐敦有活動順道吃晚餐才回家。 揀了『雲南阿老表黑山羊湯鍋米綫』。小店坐位唔多。 餐牌以單點配小食為主。羊肉清湯米線$43 （小碗）以為細碗份量，但都不容輕視。 女士們來說也是很夠份量！湯底清甜， 雖然放上不少羊肉片， 一點油膩感都沒有 。 羊肉沒有羊羶味，很嫩 ，灑滿切碎嘅韭菜，葱，香味十足！這裏的米線口感與別不同，煙靭彈牙，入囗幼滑， 會令人一吃上癮！檯面還提供辣菜脯， 好爽脆唔算太辣， 放進湯米線令味道提升。👍😋酸辣牛羊雙拼米線（ 酸辣湯底）加上大量酸菜的酸辣湯底， 特別惹味醒胃。 選用 牛腩羊腩部位， 肉嫩肥美， 吃得滿足！！😍水餃雙拼（十隻）只是十隻餃子也可以雙拼， 免郤選擇嘅煩惱～餃子皮雖然有點厚，不過新鲜蒸出， 肉餡也特別鮮味！涼拌木耳夠爽，調味啱啱好，唔會過酸。超滿足品嚐到特色夠地道嘅雲南米線～

記得五年前轉工，喺觀塘返工，同事介紹去觀塘廣場地下一間羊肉米線店;心諗🤔大熱天時，熱死辣辣，食乜羊呀? 原來嗰度不只吃羊，仲有好多種類選擇，包括素食都有🥔土豆絲。好食程度，次次都要排隊，食完就要快啲走，因為坐得好逼，好多人等…之後「啊老表」搬咗去觀塘工業中心，哪兒地方大好多，冇咁逼，但都要等😅(值得的)到公司搬了去荃灣，已兩年沒吃過了，久違了的味道，遇然在佐敦重遇，感動到即刻入內，喝一口酸辣味湯，吃一啖白菜餃子，回憶重拾當年同事一起嗶咧巴啦，趕頭趕命去食，食完又衝返公司開工的情景。(雖然辛苦，但快樂)。