雲貴川風味

營業中

休息中

今日叫咗碗蕃茄湯米線，有條頭髮係入面。即刻同個樓面姐姐講，姐姐聲稱個條唔係頭髮，係米線包裝絲，但個條明明幼到明顯係頭髮。我要求退款，姐姐話無得退，只能夠煮過碗比我，仲立刻拎走條頭髮，扔落地。請問我仲點會夠膽再食過另一碗，最後聲稱自己係老闆嘅姐姐要求我賣單走人。如果姐姐態度好啲我都可以算，佢當時態度極度惡劣。我已經表明會去報食環署，姐姐答我。呢個處理手法完全不能接受，不會再幫襯。

琴日同阿妹學完日文，見有間新米線鋪又多人咪入去試下，但連埋我加埋好多客用QR落單都有問題，之後錯單漏單情況嚴重，最大問題係配菜小到可憐，我即刻問我阿妹，我係咪叫錯全走配菜，我連選擇左多芽菜都係得4條係個碗到，係4條....點知我隔離果枱都係咁既情況就發現唔關我事，總結係味道唔得，加餸唔平，寫有配菜同無係無分別，錯單漏單，無下次人生第一次忍唔住要幫幫佢手宣傳下唔想再有人中伏如果老闆見到就改善下啦，我都已經比人話差唔多咩都食一餐既人，但都搞唔掂

星期日嘅中午大圍周圍都好爆，黎到呢間米線唔洗等，有上下兩層，我地上上層可以慢慢坐-🔸麻辣雞肉魚片頭蘿蔔清湯小窩米線麻辣雞肉好似雞煲啲雞 加湯再煮一陣既效果，正常發揮，要讚既全部係雞髀位蘿蔔無渣，夠清甜魚片頭夠札實，有咬口整體都係一碗合格既米線🔸麻辣豬耳竹笙藤椒湯底小窩米線香港好少食到藤椒湯底，入口個味真係一流，豐富藤椒獨特嘅味麻辣豬耳係滷水豬耳加麻辣汁，麻辣汁已經沖哂落湯，滷水豬耳個滷水味幾濃，豬耳質地都唔錯，唔會煮到過淋-🔸飲品凍鴛鴦好過KFC個杯，但同茶餐廳無得比豆漿好淡好淡，有少少甜味嘅水咁-總結💬米線有正常至中上既發揮飲品好一般 (記得之前飲過凍檸茶係正常)無服務可言

適逢路經大圍，又好耐都冇食過，就再嚟食下紅薯粉，因為以前食係覺得好好食叫咗唔辣小鍋紅薯粉加三個餸，食咗頭幾啖已經十分失望，逐樣講下湯底：我揀咗唔辣，但湯底同以前相比淡咗好多，亦冇酸味多芽菜同多酸菜：嚟到變咗少芽菜同少酸菜，成碗嘢好淡紅薯粉：叫咗爽啲，但嚟到係偏淋嘅三餸：中規中矩價錢：星期六日喺3點呢啲下午茶時段係冇下午茶嘅，要收正價。如果呢碗嘢加杯凍飲要$70咁我就覺得偏貴喇應該唔會再有下次，從此被剔出我嘅大圍must try list

嗌外賣，喺櫃枱都要我寫紙，圈咗兩個餸，收我$43，我睇返個餐牌，有啲唔妥，特登返入去再問返兩個餸$43啱唔啱，女店員check都冇check就話啱，返到屋企真係得一個餸，打落去嘈， cut我線。幾好食都係假。

叫左麻辣皇有雞肉 腩肉 腐竹等配料味道還好 但湯底叫左小辣成層油真係好重手 食左大半放棄投降成咀都係油 可能酸辣無咁多紅油比較食得到米線風味？！可能下之試下酸辣皇有豬肚絲配料叫左涼拌皮蛋都幾大份ok

行過見到多人，入去醫個肚。叫左麻米線。味道一般，米線淋到一個點。忽然覺得香港真系貴了很多，小店真系難生存，1份生菜$7,但剩系得2塊葉。以為師傅比少左好奇問吓個樓面。佢答得非常之暢順，細塊就3片，大塊就2片。。。。只系回左句加油啦，已盡唔識講咩。唯一可能自己太少行街市買送。唔知宜家街市的菜貴到哩個價

好耐冇寫過好鍾意酸辣米線所有食過好多間唔同嘅酸辣米線呢間都算難食加埋酸汁都冇酸味小小辣但係辣到飛起湯底冇其他味只係又辣又淋嘅米線唔好試絕對失望成碗冇點食走左完完完

第一次嬲到要寫食評已經食左好多年 但今個禮拜嘅體驗實在太失望星期一去買外賣 電話落單兩碗麵 講到明要走酸菜 佢覆單嘅時候都有講走酸菜 點知返到屋企嘅時候發現兩碗都加左酸菜 仲要多酸菜我本身對酸菜陣味好敏感 佢一加左就成碗湯都係嗰個味打返去問可唔可以換都話唔可以然後今日再俾多次機會佢買外賣 點知食食下就食到條頭髮！食左兩年都有 每次質素都好似越嚟越差 之前一個禮拜都會食一兩次 但今個禮拜嘅體驗實在令我太失望！唔會再幫襯！

雲貴川風味 (大圍)今日去大圍搵朋友，突然好想食雲南米線，咁就去呢間店試一試，朋友都未食過，但餐廳內客人都算多，所以覺得可以值得一試👌🏻我選擇咗蘿蔔+竹笙，小辣酸辣米線🍜我本身係一個好鍾意食酸辣米線嘅人，我覺得呢個湯底你係我平時食嘅有些普通，不算是很吸引，同埋酸菜份量太少我覺得可以俾多啲👍🏻另外仲叫咗個豆腐皮蛋，少少辣，呢個小食算幾好食，但豆腐份量可以多一些，感覺比多些會比較好食，因豆腐切到好細，好難夾大圍積富街31號益富閣地下A號舖

🏠雲貴川風味 果日去完車公廟轉運，行左去大圍搵食😋本身想食一間以前讀書成日食嘅一間茶餐廳嘅蒸水蛋飯，可惜已經無左蒸野食🥹行前少少見到呢間食米線，佢令我諗起我之前都好中意食沙田一間同佢個名好似嘅酸辣粉，所以就入左去試下~ 🍜酸辣米線 (辣腩肉+冬菇+通菜 )*多酸汁 $54 睇左呢度嘅食評話呢度嘅酸辣米線唔夠酸唔夠辣，但我果刻好想食酸辣所以都照嗌🤣見到佢有多酸汁呢個choice覺得幾好，因為我都中意食啲酸味出啲嘅酸辣米線。嚟到飲啖湯就覺得我嘅*多酸汁choice做得好好，因為真係好夠酸😋 講返啲餸，辣腩肉的確比起其他餐廳嘅肉比較瘦，不過我又中意瘦多少少嘅腩肉所以ok，呢啲都係個人口味🤣🤣 冬菇炆得勁入味不過比較細粒，通菜都新鮮爽口👍🏻 🍜麻辣米線(菜肉雲吞+蘿蔔) $47 本人就唔係好中意食麻辣所以好難比comment，同行嘅朋友就覺得麻辣湯底唔夠麻香味， 剩係得鹹味。菜肉雲吞係比較薄皮嘅菜肉雲吞，個皮好似出色過個餡🤣蘿蔔就普通，唔係好有味。 🐥鴛鴦烤雞翼 $31 呢個烤雞翼等咗20分鐘左右，問落先知原來係即叫即烤所以要等耐啲。雞翼大細正常， 食落就食得出佢烤嗰陣個醬係用同一隻辣椒醬，

放工搵野食，近近地，見裝修都好新，就嚟咗呢到😙之前都有喺其他地方食過，可以走米線改做芽菜底🥗，而且仲可以多蔥多芫荽🥬，再加埋用電話自己落單📲，成件事好開心，唔洗怕煩到人🤭中意點禁都得！今日叫咗麻辣米線🍜轉咗芽菜底🥗加麻辣雞、木耳絲同埋腐皮，要中辣。麻辣雞🐥必叫嘅！佢d麻辣味麻而不會過辣，加上今日唔太餓，想食多d菜類，都仲有好多選擇🥰不過今日嘅中辣就辣咗dd..不過整體嚟講都很好，份量都好大碗，碗芽菜底加埋餸都係$51，加埋皮蛋青瓜，埋單80蚊左右，雖然有點貴，但真係滿足到飛天🤣🤣

12點下單，明明都無咩人，明明叫左大酸辣米線，拎既時候我已發現落錯單變麻辣，因我趕時間就算了。點知返到屋企完全貨不對辦！ 竟然是普通的魚腐米線！我的酸辣米線呀！！

既上次滕椒湯底之後，今次想試吓酸辣湯底。蘿蔔配酸辣湯底，佢落單嘅方式係用手機，所以其實有好多配料上都可以自己選擇。客人可以自己選擇蔥花多啲或者多芽菜，多酸之類。不過我覺得酸辣唔算大出色，因為我覺得佢嘅酸太淡，而且辣到唔算太好。我覺得佢兩者都係一般，兩隻味道都係差一啲。令到米線根本唔上味道，寫令到個湯底有啲奇怪。不過蘿蔔來講就正常，都比較林一啲，而且份量都算OK嘅。所以我覺得大家如果去呢一間雲貴川食，唔建議你哋嗌酸辣湯底。

原本我對呢一間舖頭嘅米線，其實都冇乜好感。因為口味原本都唔係好岩我，我覺得佢嘅麻辣口感比較差，所以有一排都冇去到食。但係呢排見到佢新出滕椒湯底，所以我就決定俾多次機會佢。去試一試我叫咗個滕蕉湯底米線，配豬紅。佢嘅湯底好似出面酸菜魚嘅湯底。令到我覺得好配合米線，而豬紅比較硬身，咁樣就夾落去唔會咁易散。而且佢豬紅嘅份量都比較多，都有700粒。環境來講都尚算乾淨。已落單係用手機自己落單比較方便。總括來講我都會推薦俾大家去試吓，滕蕉湯底係比較好食。