雲長小龍坎老火鍋 (已結業)

因為鐘意食辣 所以突然又想食麻辣邊爐喇一黎到有麻油 好飲都好正宗咁湯底個辣 唔算好激動 易入口材料就好新鮮 同埋d擺設都好精緻牛都新鮮有牛味不過埋夠單唔算平既但耐唔時一次就都ok la🤭

今天好友生辰，想吃火鍋，一直也想試試這間火鍋店，但剛開業時很難訂位，最近熱潮稍推，打電話預約時說可以提供房間給我們，於是便立刻訂座！這裏除了火鍋配料，還有很多熟食小吃，可以在等朋友到齊時一邊吃一邊等，例如冰鎮鮑魚及泡椒雞腳， 鮑魚彈牙！雞腳入味！另外這𥚃提供油碟，這是正宗麻辣火鍋必備的調味料，加入蒜蓉後絕對是麻辣火鍋的絕配！記着！豉油時廣式火鍋用的！這裏的用料新鮮，既有港式火鍋店的牛肉及海鮮等，也有麻辣火鍋必吃的內臟如毛肚、黃喉、鵝腸等。適合各人不同的口味。

銅鑼灣📍本來以為#小龍坎 淨係做打邊爐，但係原來做埋午市🕛最平💰$48有3餸🥢其實啲餸嘅款式同一般車仔麵差唔多，其中鴨血同埋新鮮鵝腸比較特別👀同埋每一碗都有附送炸腐皮*~*~*~*~*~*~*~*~*~*~*~*~*⭐️反而面底嘅款式值得一提就係竟然有#淮山麵 ❣️❣️ 淮山麵配藥膳湯底即刻感覺健康左⭐️鬼馬墨魚脆💯必點嘅小食❣️ 咬落去一啲都唔油膩，新鮮熱辣食好脆口❣️同埋只不過係$35咋💰Overall score: 7/10

慶祝朋友終於搵到新工，我地一行三人就搵左呢間雲長小龍坎老火鍋，呢排聽講都幾hit，上網評價又唔差，一於就食呢間啦! 上到呢環境幾好，係古色古香風格，好有中式風情的感覺。服務方面印象好好，樓面姐姐非常友善，而且好好笑容，會主動幫手加湯，食到咁上下又會黎執枱，又會問下味道點樣，好貼心。食物方面當然係最重要，我地點左一盤和牛，上枱見到雪花紋靚靚，份量都幾足，放落個麻辣湯度滾兩滾轉色就可以食，入口軟綿綿，加埋惹味湯底，正喎! 之後仲叫左好多配料，全部都夠新鮮，而且份量十足無花假，個人大推爽脆鱔片、彈牙墨魚滑、黃沙豬、薄切豬肉，全部都值得一試。

同老友相約打邊爐，佢提議去銅鑼灣一間樓上明星麻辣火鍋店: 雲長小龍坎老火鍋 食麻辣鍋最緊要係個麻辣湯底! 呢度招牌係紅油麻辣湯底，可以雙拼成鴛鴦湯底，所以另一邊就揀左藥膳湯底。紅油藥膳鍋($138): 麻辣湯底辣得黎有好濃嘅牛脂味；至於藥膳湯入口就比較溫和，唔食得辣都唔怕。一般火鍋店以豉油做醬料，而呢度就供應大陸直送嘅油碟。 油碟即係麻油，食用時加上適量嘅葱同蒜蓉，能將食材降溫同時減辣。所以旁邊有個自助醬料區，有好多蒜蓉、蔥同其他醬料比你自由添加。免費前菜係泡椒雞腳，小小辣好惹味好開胃!極品手切肥牛($238):打邊爐嘅最佳拍檔就係肥牛喇，油脂紋路都幾平均，同麻辣鍋又好夾~山藥片($38): 新鮮山藥片，食落索索聲，無論落邊個湯底都match!成都空運鮮毛肚($108):毛肚即係我地食開黑柏葉，大大塊嘅鮮毛肚，口感爽脆。小龍黃喉($98): 富有嚼勁嘅鮮黃喉，即係牛血管，同樣都係口感爽脆，非常適合麻辣鍋食~椒鹽栗米($58) :另外叫左一個炸物，椒鹽炸栗米，熱辣辣又香口，未食火鍋前都已經急不及待食左好幾塊~ 非常惹味嘅下酒菜!

多次食麻辣火鍋， 都沒有看見這麼大罐麻油，覺得好奇怪。 原來這間店跟國內的是同一個食法，麻油是用來送食物的 ，他們還有一個小角落能自由配製自己喜好的麻辣火鍋醬汁，有醋 、芫茜蔥、豉油等。不用怕麻辣火鍋的醬汁會彈到自己身上，因為他們會給你圍裙，而且每件圍裙都會印有特別圖案。好玩！食物方面種類也是挺多的，但份量比較少，如果大食的朋友可能會覺得不足夠。

雲長小龍坎老火鍋@金百 利店內位置不大，所以訂位係必須的~ 用餐時間 限時2小時裝修幾有特色!呢堆麻油陣好震撼呢~招待前菜係泡椒雞腳，微辣好食!未叫食物，先點湯底。最受歡迎嘅當然係招牌麻辣湯底啦!紅油藥膳鍋 (鴛鴦) ($138)由花椒、乾椒、麻辣子等十幾種材料熬成，麻辣度十足，而且初初飲落唔太辣，但辣味有後勁架! 會越食越辣，好過癮!所以叫埋滋補嘅藥膳鍋就最好喇，有中和作用!極品手切肥牛 ($288) (大) *淥12秒呢度menu上大部分食物都有提示你要淥幾耐，例如牛肉就要12秒就ok~ 真窩心~皇帝菜 ($38): 如果你食到辣，放落麻辣湯入面，好惹味架!手打蝦丸 ($88) *淥4分鐘彈牙!冇得唔食!成都空運鮮毛肚 ($108) *淥20秒入口索索聲，口感爽脆!小龍黃喉 ($98) *淥20秒問左靚女店員，原來黃喉即係牛嘅大血管，口感同毛肚一樣咁爽脆~紅薯粉 ($38)設計好，容易放落去浸湯!自助醬料區好多蒜泥! 我最愛!另一個體貼位: 提供圍裙防彈油~

據聞呢間係香港明星開的店，又係話由內地引入，都響銅鑼灣開左一排，今次就試下~ 睇啲油似係用牛油底既重慶麻辣火鍋，我嗌中辣但食落還好，後勁强。另外個藥膳湯底幾香濃同甜呀，好過蜀大俠個清湯，我都飲左幾碗先開始打邊爐。食物普遍ok，牛肉二百尾都好大盤，抵食喎，牛味淡些少但接受。個韮菜餃足料，最鍾意係佢既梅菜豬肉丸~! 🤤 成餐最敗筆係個鴨血，一夾就散，淥幾下已散哂，入唔到味，食落好碎好冇味，幾差呢個，但其他都好好。可能我地果晚又早食，冇咩客，服務好慇勤又有禮，很喜歡。👍🏻 以銅鑼灣來說價錢唔算好貴了，絕對會再幫襯，但唔會再叫鴨血食了 (真心希望下次黎鴨血有改進啦，鴨血對麻辣邊爐迷黎講好重要架) 🙈

朋友知道我喜愛麻辣口味，於是推薦了我來到這間店。一進來的時侯就感覺店舖充滿中國風，地方寬敞，環境挺舒適。這裡以點心紙點單，選定自己心水的配料，店員就會迅速地送上食材，點心紙上也標示了食材烹飪時間，讓客人掌握最佳的味道。每桌會送上開胃菜香辣鳳爪，簡直就是精髓，十分惹味，雖然我一邊叫辣，口卻一邊吃過不停haha，每人還有一瓶油碟，增加麻辣的香味，十分貼心。湯底方面:我們點了紅油蕃茄鍋(鴛鴦湯底)，很快就已經到了。配料方面: (主要點了這幾款，食材超高質!!!!!!所以銀包都有少許傷~)雪花牛立花賣相一流，需要掌握烹飪時間，口感十分有層次以及有入口漸融的感覺，大小剛好，讓你會慢慢去品嘗個中的滋味。內蒙羊肉片厚薄適中，不會太羶，配上麻辣湯更是惹味。手捲牛舌花，朋友說笑的還是第一次火鍋點了牛舌，想不到味道還真配合，牛舌十分爽口，只要掌握煮的時間，口感真不錯!客家梅菜豬肉丸，在四川麻辣火鍋店中有客家肉丸出現還真是新穎，伴碟亦有心思，放了粒粒乾冰在裡面，營造視覺上一道美麗的菜式，梅菜豬肉丸味道香濃，十分配合清香的蕃茄湯。即炸紫菜響鈴，響鈴是火鍋必點的，這裡卻有一個很有特色的響鈴，可以配上店內提供的甜

雲長小龍坎老火鍋過江龍，加埋栢宇BB嘅名氣，點可以唔試呀？！之前睇廣告，賣相、環境都很不錯！落場實地試一試，各樣都同廣告的差不多，只是味道，我覺得有少少言過其實。食麻辣火鍋，配料次一級都唔緊要，因為好多時D味道，已經俾個湯底嘅濃味cover咗！所以，湯底個味先係最緊要，決定成餐火鍋好唔好食嘅關鍵！麻辣果邊一般般，只是剛剛合格，不夠辣、不夠香，只有死死的麻。反而蕃茄湯底較出色，超充足嘅蕃茄粒，唔係hea你的幾舊。火鍋配料中上，不過不失！較出色的有，紫菜響鈴、鬼馬墨魚脆！無論即食定浸落鍋，都香口好味！凍豆腐超正，豐富嘅網紋可以索曬D湯底！正另外，小食有D都幾好食，蒜泥白肉、泡椒雞腳大推。辣度、蒜度適中，味道很好。但小酥肉就伏嘅，滿口花椒帶點苦澀。其他配料：海蝦、手切肥牛、豚肉，有D貴，因為份量較少。

趁天氣未熱返，當然要食多幾次辣野啦。朋友話好似有間麻辣火鍋唔錯，咁梗係出城都要去食啦！有好多種唔同嘅配料可以揀我哋揀咗鴛鴦湯底，一邊係麻辣一邊係藥膳，雖然湯底唉辣左少少，但係都辣得好過癮！一坐低就有前菜辣辣地幾開胃墨魚滑有鮮味又彈牙，放落湯度亦都吸左湯嘅味仲好食海鮮夠晒新鮮呢個響鈴不得了有埋紫菜係入面，勁惹味，就算唔點湯食都好好食火鍋必備嘅薯粉，有埋個籃仔，方便呢個紅糖糍粑勁好食，外脆內軟夠煙，紅糖甜度啱啱好，如果唔係咁飽都想食多碟！極度推薦！！

期待已久既火鍋終於約齊人啦! 始終要食川式火鍋,一定要約齊班食得辣既三五知己去食先過隱! 今次去CWB既雲長小龍坎老火鍋,想去試左好耐,yeah…終於食到啦!叫得"雲長",一諗就諗到關二哥,果然去到店面見到裝修別樹一格,係香港比較少見,門口望落似去左郊區既一間菜館,好特別!入到去見到一幅好大既掛畫,劉關張+孔明,果然呢度既裝修都係以三國為主,主題好統一,掛住大燈籠, 充滿巴蜀風格食火鍋,第一件事當然選湯底啦!鐘意食辣既我,又點可以唔算紅油麻辣湯底呢?朋友仔話叫個鴛鴦鍋,另一邊叫左藥膳窩!一邊麻辣,一邊夠補,正! 麻辣鍋除左有好多花椒&辣椒外,仲有香蔥,香味又麻又辣,流晒口水啊! 藥膳鍋有紅棗,原粒龍眼,老薑,同樣藥材味香濃!終於開始食啦!首先叫左個即炸紫菜響鈴,呢個可以唔使浸落湯底食,點汁食脆薄薄,內夾紫菜更加香,用來做頭盤就最適合不過啦!食火鍋,通常我都會點黃喉! 一般食開港式邊爐既話,應該對黃喉好陌生!但食開川式火鍋的,基本黃喉係必點! 黃喉味唔算重,但係片得好薄,好爽口好脆! 配上麻辣湯底,果種香辣感無得彈啊!另外火鍋又點可以唔叫肥牛呢?今次揀左個手切肥牛腋! 牛肉切得好薄,雪花

行街行到攰，友人就話不如早啲食晚餐。佢係某歌手嘅死忠，話想去下偶像間火鍋店潮聖。間野裝修好有中國特色，以為自己去左四川。早食有優惠！七點前離座有八折，又唔使等位，好開心喔~每人都會有一樽麻油，撈埋啲醬油、蒜蓉、蔥同辣椒粒好好味。佢個醬油甜甜地，落幾多都唔怕。每枱都會有個小食，就係呢碟雞腳。酸酸地幾開胃，不過略嫌有啲辣，唔係一般港人能夠承受到，就好似友人咁，要狂飲茶解辣。由於友人唔食得辣，我地就叫左個清湯藥膳鍋。淥野前飲左碗試味，好正，係我最鍾意嘅中藥味。好抵，一路打一路飲，停唔到口。入面有准山、杞子同龍眼肉，好補。我地唔算好餓，只係叫左幾樣野，有手切肥牛、手打墨丸、蘿蔔片同紅薯粉。手切肥牛好吸引，好重牛味，超級好味。唔需要點任何醬料已經好夠味。呢個係必點！打邊爐冇可能冇肥牛。手打墨丸上枱時有煙出，好精美。味道都好好，彈牙同埋食到一粒粒墨魚，又香墨魚味，另一必點推介。濃味湯底一定要落蘿蔔片去吸哂啲湯汁。果然，蘿蔔片吸哂啲藥膳湯，好夠味，點少少秘製醬油調調味，回味無窮。最後一定要食返碗紅薯粉作結。加少少醬油乾拌薯粉，好惹味。食完再飲多碗藥膳湯就滿足哂。埋單有八折都係五百幾算唔錯，因為啲食物

係銅鑼灣金百利有好多唔同種類既餐廳 早排見天氣涼涼地就試下呢間新開既火鍋店啦呢間餐廳裝修得好有中國味道 好有特色而且仲可以自行調醬料 連埋茶位每人$25 第一次食火鍋有一樽麻油係檯 原來可以加落d醬汁 令到食物變得更加香 另外仲放左樽清湯方便客人自行加湯 不過店員都會主動過黎加湯既呢度既menu仲會教埋你應該淥幾多秒 咁就唔會煮到太熟破壞左個味道 〰️田園蕃茄鍋〰️估唔到個鍋係咁大 仲有個龍頭 真係好重本湯底有好多蕃茄粒 煲到有好濃既蕃茄湯味道 〰️極品手切肥牛(小)〰️肥牛既脂肪分佈好平均 肉質好鮮又軟腍 淥12秒就食得 〰️手捲萵笋片〰️第一次食咁薄既萵笋 真係要讚讚師傅既刀工只係淥十幾秒就食得 仲要食落係好脆 〰️花鵰雞什〰️平時打邊爐都好少會食雞什 所以就試一試啦其實一碟都有好多舊 有雞腎.雞潤.雞腸雞腎係最好味 放落口咬都聽到脆卜卜既聲 好有口感就算煮耐左都一樣咁好食〰️玫瑰豬頸肉〰️放到好似玫瑰花既豬頸肉真係令人唔捨得拆開一塊塊豬頸肉唔會切得好厚 所以煮1分鐘就已經食得咬落去口感好滑好好味 食到最後仲飲左碗蕃茄湯 因為食完唔同食物令到碗湯仲更加鮮味 飲完唔會口乾tim

黎到銅鑼灣咁多火鍋店都唔知試邊間好，聽講依間都好有名，所以想試下佢真偽😝店內環境好特別，無論係牆壁上定餐牌上，都有充滿中國古代獨特風味既畫，而且裝潢同擺設都甚有中國風，枱凳都好有古時中國既風果，再加上掛喺天花既紅色燈籠，好有味道。至於點解打邊爐會係養生? 近來火鍋店選擇真係包羅萬有，咩湯底都有。今次冒名而來，想試返最基本嘅麻辣湯底，又想試埋最近好流行嘅藥饍鍋，於是就叫左個紅油鴛鴦鍋，咁就兩樣口味都可以試齊😋 湯底等左一會就黎到，但建議都可以再滾下先落餸，咁樣啲湯會比較有味。另外仲有一系列嘅醬料比你簡，除左蔥、生蒜、炸蒜、辣椒之外，仲有一小樽紅油，特別有麻香嘅辣味，不過湯底本身我覺得已經好夠辣(我叫左小辣)。食物方面叫左個內蒙羊肉片($108)，羊肉味好香，會有羊羶味但十分之香，羊嘅脂肪同肉嘅分佈好平均，鐘意食羊嘅人絕對唔會失望! 😋肉類方面仲叫左個脆脘片($88)，魚嘅肉質十分結實同爽脆，食落味道仲好有魚鮮味，而且岩哂啲唔識吐骨既人😍，如果份量以多返小小就更加好啦。另外叫左個小龍黃喉 ($98)，本身以為係氣管部位黎，點知原來係血管，食落其實無乜特別味道，但就十分爽脆，放落辣湯底度特別