雲長小龍坎老火鍋 (已結業)

這家店出明的是麻辣火鍋。在選湯底的時候店員極力推薦麻辣火鍋。但因有同行朋友不吃辣的，所以我們點了一個雙俜湯底，一邊是藥膳，一邊是麻辣，十分貼心。這是每位一罐的麻油，加在調味料中使用，可提升食物香味。這是配料。 特別推薦它的蒜蓉和蔥。加醋也好好味的，不會只有豉油太咸。我們選了雙俜湯底。一邊是少辣的麻辣，另一邊藥膳，藥膳湯內有紀子，龍眼，紅棗。藥膳比較慢熱。這個是很名貴的手打肉阮，每粒也要上十塊但吃的出與機制的不同。這個紫菜響鈴特別的地方是他內夾有紫菜， 泡大概10至30秒便可食用。也不錯的。這個是大推的杞子雞半只。 我們放了在藥膳湯， 零之後的食材和湯都十分鮮甜。 湯還可以直接喝呢 這是芋絲，鮮腐竹和山藥。 這三樣價錢有一點小貴，但是味道都不錯說

又係我大食妹帶大家食好野時間，得知銅鑼灣最近有間新開雲南的麻辣火鍋專門店，而湯底又有藥膳功效，當然要來到試一試。極品手切肥牛：肥牛用上新鮮本地肥牛，所以食落牛味濃香，而肉質爽滑，脂肪平均，肉質又鮮紅，保證係新鮮牛。加上厚度適中，一滾之下，肥牛入口唔會太硬，絕對係一定要食。脆脘骨腩：用上原條新鮮脘魚起肉而成，而當中的脆肉脆，每條只有幾舊，所以特別昂貴。脆魚經過藥膳湯底，吸收晒麻辣的味道，更令魚的肉質更為出味，魚肉本身彈牙鮮嫩，入口爽滑。貴妃邦：貴妃邦可以話係每次打邊爐必叫的配料，因為邦吸收湯底後，會令貴妃邦味道昇華的絕境，令一隻平凡的海產變成上等海鮮，邦的肉質鮮甜，而肉身厚，唔會太縮水，所以保持本身體形。最後，今次我俾4個大食指數，這裡環境十分大，而店員又招孚得宜，食材又新鮮，真係打邊爐的新聚點。

今晚，平安夜前夕，相約左朋友去岩岩新開的雲長小龍坎，一試下佢地出晒名既紅油藥膳窩。紅油藥膳窩：用上多種四川辛辣辣椒而成，加上十多種藥材，所以湯底聞落除了大大陣藥材味外，還有麻辣的味道。聽講這個藥膳窩有驅風排毒的功效，老人家必食之窩底。手打墨魚滑：用上新鮮墨魚打做而成，聽講師父每日即叫即打，所以一定非常新鮮，食落不但爽口彈牙，而且墨魚膠質平均，唔會太膠口，加上藥膳湯底，更令墨魚味道更為突出。生猛鮑魚：鮑魚每日都係由魚市場新鮮運來，所以非常新鮮，鮑魚入口不但沒有腥味，而且鮑魚肉質鮮甜，入口彈牙，加上鮑魚又大隻厚身，絕對係必叫之配料。總括來說，這裡裝修特別，環境舒適，食物又新鮮，湯底又特別，絕對係喜歡打邊爐既朋友又一新熱點之地。

雲長小龍坎老火鍋朋友話呢間麻辣火鍋係明星開嘅，但係四周圍好似好多國內人，原來係全國都有分店，源自成都，由陳柏宇引入到香港。食過好多次麻辣火鍋， 一坐低覺得好奇怪，因為有一罐麻油。 係一人一罐麻油， 於是問店員食法， 店員解說: 喺國內麻油係一整罐倒落去伴蒜蔥芫茜同豉油一齊食。 麻油亦都有解熱同滑腸功效。 一打開麻油罐香氣撲鼻， 用來做醬汁真是不錯。 本人特別推介加一些醋落去豉油，别有一番風味！特別係麻辣湯底配上加入醋嘅醬汁，蘸牛肉來進食，真是非常配合呢，能帶出牛肉的鮮味。另一個比較喜歡的就是這裏有圍裙供應， 因為今天穿了一件白色衫。 每一件圍裙上面嘅印花都有不同， 我揀咗下輩子投胎做個女人， 適合一班friend黎，未開始食已經可以玩一輪先。除咗有噱頭之外，亦都有實際用途，進食時無論如何小心，都會不小心把湯底彈到衣服，呢個圍裙真係非常貼心。紅油蕃茄窩 $138（鴛鴦湯底 ）紅油麻辣鍋＋田園蕃茄鍋辣方面可以揀大中小辣，雖然點算了小辣，但係成都的小辣，絕對不能夠以香港嘅小辣相提並論。個人覺得以香港嘅水平來計，這裏的小辣已是中大辣，一不小心便嗆到喉嚨。另一邊的蕃茄湯底，番茄味濃，除了以小蕃茄

聽聞開店開到來香港, 早就想試下倒成罐麻油黎撈醬嘅我地 梗係忍唔住要黎朝聖啦~ XD好啱打卡呀呢個位!一坐定, 店員就派比我地一人一罐麻油~我地第一眼都唔敢相信, 單手都揸吾曬個罐嘅直徑, 真係一嘢加落醬度!?但店員姐姐話會有人一罐唔夠 會加 2罐!!! @0@!!!自行混醬 再番埋位加麻油就好~龍廚八寶摩天輪款式多多 好得意呀忍唔住合照咗 n 張紅油蕃茄鍋麻辣夠辣香口夠過隱; 蕃茄濃香帶點甜手捲萵笋片清甜爽口 好夾蕃茄底啊自製韮菜餃是料 味濃手打四寶丸極品手切肥牛牛味濃 口感滑嫩 忍唔住一片接一片魚皮大塊又脆身功夫土豆薯仔片又幾夾放湯, 佢放湯 20秒 (點菜紙有講每樣食物煮幾耐架, 乖乖參考就好) 就食得,  keep 到爽爽雜菜盤稻庭烏冬雜菇盤玫瑰丸子有乾冰底 仙氣合照吧手捲牛舌花

同朋友訂了這間火鍋店。見好多客人食過都讚，就一定要親身試一試啦！好中式的設計，感覺好有中國氣派的火鍋店。火鍋湯底有幾個可以選擇：藥膳、番茄、麻辣；我們選擇了紅油藥膳鍋（鴛鴦）。藥膳鍋好適合蔬菜，能增加鮮味及香味；麻辣鍋就好適合肉類，香香麻麻的感覺，令肉的味道好出！這裡的食材都好特別，不同一般的火鍋店。我們叫了龍廚八寶摩天輪，好靚呀，真係一個會轉的摩天輪，上面有八種不同食物：4種手打丸，4種手工餃子，令客人一次過可以嘗試不同的食物！手工餃子好出色，又大隻又多餡料，好香好豐富的我們也叫了小龍上上籤拼盤，又係一個名字特別的食材。原來係好多不同食物用竹籤串好，等客人可以一串串放進鍋內。有蝦、芝士腸、鮑魚、墨魚仔、蟹柳等等叫了鮮魚卜，好乾淨好爽脆我最愛是這個即炸紫菜響玲，好香好脆，用紫菜一同包著，增加口感、香味同健康龍坎排骨，好大碟好多塊，醬料好香濃，令排骨好好食，肉好腍更叫了山藥片、秋葵同皇帝菜，好新鮮又乾淨，份量不少

天氣極潮濕又係時候吃一些麻辣火鍋來醒醒神祛濕氣。雲長小龍坎國內有200多間分店， 實力非凡，估唔到都會開到嚟香港呢個小市場。店內有幅璧畫很有氣勢， 畫出關雲長(關羽)風雲人物， 可能與食店取名有關。其他坐椅餐桌都 店內裝修 古色古香， 甚有風味。自問不是四川人， 極級麻辣絕對不能挑戰。 但又喜歡四川麻辣哪種濃味鮮辣的鍋底。自助醬料調配區。 還附設一 罐罐的 小龍坎專用油碟。 依罐絕對唔係辣椒油，放心 。可因應自己需要放進醬料碟上， 令醬油更滑更鮮味。 據講可幫助解辣， 因為辣椒素係不能溶於水( 所以飲凍嘢係舒緩唔到) 但卻溶於油。 不過加添了確實令個醬油更加豐富，油滑， 有興趣不妨試試。紅油番茄鍋(鴛鴦)$138 小辣看見紅彤彤的顏色真係不能抗拒。 先試麻辣那一邊， 上面嘅油份唔多， 但滾起已聞到很香很香的麻辣味， 花椒及各種香料香氣撲面而來，味道方面先是麻， 然後是不同種類辣椒煮出來的油香， 仲有湯底餚出的鮮味濃味， 味道絕對是有層次， 越吃越想吃， 吃到頭皮發麻很過癮。 本身好辣但不能挑戰極限，order 小辣就適合了!千萬不要冷落另一半 -- 蕃茄湯底。朋友唔係好辣得， 需要o

知道尼間野評價唔錯，一路好想試， 今日終於有機會啦。先叫左個紅油番茄鴛鴦湯底先, 見辣油果邊，已經想像到有幾辣佢d火鍋料display全部都好靚，穀飼黑豚肉， 手卷牛舌花，砌到好似玫瑰花， 兩者都好爽，係紅油果邊淥完好辣，要攤凍d食就無咁辣肉類仲有極品手切肥牛同雪花牛立花，好濃牛味，無鞋，兩種唔同既口感， 好好食。手打牛丸，好新鮮， 好韌，係心機作品。海鮮，只叫了蝦，賣相都好靚， 蝦肉好彈牙。蔬菜類，我地點左功夫土豆，野生竹笙，鮮冬菇， 油麥菜，娃娃菜， 因為照片數量限制，擺唔曬咁多， 都係全部賣相好得，好新鮮。仲有最近打邊爐，必點既凍豆腐，吸曬d辣油，辣到尼，不過真係好味。尼餐真係好正，好滿足。

銅鑼灣金百利廣場有間新開麻煩火鍋，雲長小龍坎老火鍋老公生日當然要賀一賀佢，環境懷舊有特色，招呼一流，食物100分，所以一定要推薦比Openrice 關雲長～原來是餐牌我們先來個鴛鴦鍋～鮮茄濃拼大辣的麻辣湯第一啖試蕃茄湯好濃郁，還有大量茄肉麻辣大辣非常是料，花辣，辣椒乾和獨特香料，真的很麻很辣小龍坎-是麻油，用來加入醬油中沾食的雪花牛立方$138～雪花分佈平均就是好牛肉味濃，唔韌冇痴牙，沾上麻辣湯風味更佳即炸紫菜響鈴卷$58～即炸已經系有心思、加埋原片紫菜更是特別，雙重脆口，口感極佳，吸收蕃茄濃湯更额外滋味皇帝菜$38～新鮮爽甜，既然食🉐️麻辣鍋當然要叫吸湯能力高的蔬菜，每棵菜也辣得好過癮麻辣牛肉$58～起初以為是即食冷盤，之後問店員是灼1mins先食老公說一定好辣，灼1mins 之後牛上的辣椒亁只是少了一點，但入口不是太辣，而且好爽滑好有牛味龍廚八寶摩天輪$118～超吸睛又抵食，一次過滿足我們二人的所需，有鮮打墨魚丸、彈牙鮮味、有咬口鮮打蝦丸同樣爽口彈牙，牛丸、豬肉丸也各有特色。四式自家製餃子，我最愛椰菜餃和蝦雲吞，每粒都真材實料，啖啖原隻🦐彷佛在古代的情境，舒舒服服享受高水準麻辣火鍋食

一直都覺得呢個名好特別，無意間得知原來國內好出名。上到去見好多國內既客人，就決心試一試過江河的威力！一入到去全場連餐桌、碗碟都是中式的設計，感覺真的回了中國的火鍋店。火鍋湯底有：藥膳、番茄、麻辣；我們選擇了藥膳及麻辣鍋，而麻辣都有不同的辣度可供選擇！藥膳鍋有香濃的藥材味道，而湯底比較偏濃味，所以都唔使用任何醬油了，配上蔬菜更能增加本身的鮮味。而麻辣鍋就緊係用於肉類，麻麻辣辣的刺激，令整個口腔都喚醒！連他們的菜餚名字都別出心裁，當中有龍廚八寶摩天輪真係夠曬氣派，仲係會轉的摩天輪，食材包含手打丸、手工餃，一次滿足曬你所有幸福的願望😌小龍上上籤拼盤，又係一個笑名的食材，不過唔記得影相。一黎到所有野都用竹籤拮好曬，我最終無一串串放落鍋，因為我都係覺得無籤方便啲。有蝦、芝士腸、鮑魚、墨魚仔、蟹柳，又係大雜滙之選。仲叫左鮮魚卜，好少見到啲餐廳洗得咁乾淨，仲要勁新鮮爽脆。而即炸紫菜響鈴真係不得了，我真係有衝動叫外賣，又香口又脆卜卜，腐皮包住香噴噴既紫菜再炸，口感一流，仲有紫菜獨特既香味，感覺上都健康啲😂豬頸肉砌到成朵玫瑰花咁，份量好多，好大碟好多塊，令肉質鮮嫩超好食，放入麻辣湯底真係食唔停❤️更同埋叫

話說上回嘅藥膳邊爐辣度唔夠，總係覺得條「辣癮」忐忐忑忑，相隔一星期決定再食一次真真正正嘅麻辣邊爐！講到麻辣梗係要四川/重慶至夠重口味，所以今次試下呢間新開（同大廈其他店比較）頗有人氣既大陸版火鍋店。上到去發現原來呢間鋪位既前身正正以前幫襯過好幾次既某本地連鎖「唔開心酸辣粉」，不過入邊翻新過，枱枱凳凳都好新淨，換晒中國特色既木枱凳，坐得幾闊落～二人行打邊爐都叫唔到太多，所以叫咗一份細肥牛/紫菜響鈴/雜錦菇藍/同紅薯粉。湯底好衝動地叫左中辣（！）加蕃茄湯底鴛鴦鍋。蕃茄湯底比想像中濃，一開始先淨飲，甜甜地係茄膏既味道，另外加左少少蕃茄粒所以越滾越「杰」，用黎滾菇菌類好掛味！麻辣果邊本身都嘗試想試飲湯底，點知撈撈撈極都撈唔開果層紅油⋯只見到無限多既辣椒籽 花椒粒等等既渣，非常多「料」，雖然心有不妙，但聞到果浸麻辣香已經刺激到標口水⋯細肥牛好靚，肥瘦適中又夠牛味，不過如果用蕃茄湯滾就會偏甜同cover左d牛味，所以肥牛都係配麻辣好味d! 雜綿菇既種類都不少，而且處理得好乾淨，值得一提的是，當中既冬菇係用乾貨泡水再瀝乾的，乾貨比濕貨菇味更香，中醫角度黎講食落濕氣都無咁重，但乾貨既處理比較麻

上年已經想去食既雲長小龍坎老火鍋，今日終於食到喇！MENU好貼心咁會寫埋建議幾多分鐘就食得，唔洗怕過熟或者唔夠熟。有個自助吧，有炸蒜、辣椒、蔥粒、芫茜、蒜蓉同豉油等既調味料，大家可以自行調配喜歡既醬料。<紅油藥膳鍋，$138>呢個係鴛鴦鍋，一邊係以藥材為主，一邊就係麻辣。藥膳鍋比較清淡，食落唔算好濃。紅油鍋揀左小辣，麻味較重，好油，唔算好辣同埋鹹左少少，不過好香。<極品手切肥牛(小)，$198>賣相一流，食落都唔錯，肉質好滑，但唔算好香牛肉味。<龍坎排骨，$98>排骨略嫌肥左啲，不過肉質都幾滑，如果去埋骨我仲開心。<貴妃蚌，$56>貴妃蚌好爽口，不過差左少少鮮味。<白蘿蔔片，$38>蘿蔔片放紅油鍋好正好入味，放藥膳鍋就好清甜。<金針菇，$38><紅薯粉，$38>紅薯粉好煙韌彈牙，好有口感。

即炸紫菜響鈴內地有「小龍坎」， 香港就有「雲長小龍坎」，😯 以後想食麻辣火鍋， 唔洗專登返大陸啦！😏 店內裝潢設計呈中國風，古色古香， 掛有中式壁畫和紅燈籠🏮。 今次香港店就跟內地店一樣， 提供三種湯底：麻辣、番茄和藥膳湯底。 第一次黎，當然要試晒兩款招牌湯底啦～ 紅油蕃茄鍋（$138） 紅色的是招牌麻辣鍋，可選大中小辣，🌶 我們點了小辣。🙊 雖然滿鍋通紅，有少量指天椒， 不過辣味溫和，入口熱辣不嗆喉， 反而麻油和牛脂熬出來的牛油味更香更突出， 要注意啊，湯底會愈滾愈辣喔！😎 至於蕃茄湯底， 蕃茄味不算很濃郁的那種， 但都感覺幾健康嘅。 食麻辣火鍋，油碟當然不可或缺啦！ 可令食物更香口滑溜～😳 其他醬料如蒜蓉、蔥、芫荽和醬油等都可以到大廳自取。 食用時加上葱和蒜蓉， 能把食材降溫和減辣喔！😂 點餐紙上全部食物都寫上涮煮時間，很細心呢！♥️ 極品手切肥牛（小）（$198） 油脂紋路分佈平均， 入口甘香鬆化，牛味十足！😋 白鱔片（$108） 一份有8片，厚薄切得剛好，份量都算合理。 小編不懂得吃多骨的魚， 白鱔片沒有半點魚骨， 而且魚脂較脆鯇魚片突出， 價格係

難得今日平日放假之前已經好想去食陳柏宇開嘅火鍋店今日終於得閑一早六點就去食可能太早冇乜人點左個湯底先藥膳清湯加麻辣鍋個麻辣好香好濃縮 出色另一邊的藥膳湯都有好多材料係入面龍眼 紅棗 淮山杞子 都好足料 我們2個人食點左小份手切肥牛個雪花好美 脂肪分佈好平均入口好味juice 個鵝腸好肥美 放入麻辣鍋好正好吸味台灣貢丸都好彈牙同爽口好有鮮味重點 鴨血好厚身好實 放麻辣出色來自成都的毛肚都好特別唔同一般的 比較大塊同煙銀度高 放15-20秒要食 湯底正 食材又新鮮足料

雲長小龍坎 -- 好特別既店名.. 其實係內地有超過200間分店既人氣火鍋店 小龍坎 既香港分店黎而且仲係由藝人陳柏宇同朋友引入添架😍😍非常古色古香既裝修同氛圍估唔到晚上6點已經有咁多人黎食... 當中唔少係國內人黎!木製的桌椅.. 有一種踏入左古代的感覺非常有氣勢的芝麻油牆壁..xddd 每人都獲派一罐呢~有將食物降溫同減辣作用! (無錯..呢度係出名食麻辣火鍋!__!)不論海鮮, 肉類, 蔬菜定小食甜品都有好多選擇湯底就focus係招牌紅油麻辣鍋, 另有田園蕃茄鍋同清香藥膳鍋可揀~自行添加醬料位置~ 見到國內客人每款都加好多*0*果然兩地口味大不同... 睇黎佢地偏愛偏濃味的!哈哈哈!! 相信認識得我耐既朋友都會知道... 我係廢廢食唔到辣野..所以...黎到麻辣火鍋店..我仍然係可以厚面皮地叫左個田園蕃茄湯底$128~!! XDD連姐姐都一再提醒..佢地出名既係紅油麻辣鍋呢~~~ lol但感覺叫呢個湯底都係一個岩既選擇...蕃茄味超濃郁的... 亦都有好多蕃茄肉在內!! 香甜的一款!! 又有健康價值!真心覺得大家黎都可以試~黑松露海鮮餃$108/8隻發現世人已經阻止唔到我去邊度都