雲長小龍坎老火鍋 (已結業)

今日休息，正好花展，與先生約了朋友一齊賞花，真是繁花似錦，花海一片，美不勝收。今日是星期日又是花展的關係，人山人海哩。為免食飯時段多人擠迫，所以早一㸃食飯，朋友提議到銅鑼灣，一間很值得一試的四川火鍋。不到此店，很難想像得到店名雲長的意思，但入到店內，見到牆上壁畫，你就會明白此兩字的來源。牆上畫有多幅三國演義劉備關雲長的壁畫，畫筆精細，令整間火鍋店充滿藝術氣息。紅油麻辣鍋，小辣$148。想試四川口味，這個鍋底絕對正宗。與我一樣不食得太辣的，叫微辣就ok啦，因為湯底會越食越辣。食火鍋最喜歡自己調味，自己選可調較各人的喜好。而這裡的自助調味，給人一種整潔衛生的感覺，最特別是有自家製的香油。先上枱的是手卷萵筍片$58，簡直就像一款藝術品的感覺，萵筍夠爽口，又鮮甜。手打四寶丸$98，吸收了麻辣湯底的味道，令肉丸帶麻辣之餘，更令肉味提升。龍哥牛肉卷$88，裡面卷著的芫茜，與牛肉的味道很夾。花雕豬腦花$68，我最鐘意，入口軟軟滑滑帶麻辣味及少少花雕味。聽說以型補型，補腦呢。極品手切肥牛腋$288。侍應擺上枱，真是令人眼前一亮。嘩，肥牛肥瘦均勻適中。入口即溶，吸收了麻辣湯汁的味道，令牛肉味更鮮，十分推

今日約左朋友係銅鑼灣行街，行到咁上下就諗下食咩好，諗起好耐未食過麻辣火鍋，剛好行到金百利大廈，望左一陣，雲長小龍坎好似未見過～就試下啦～地方好有中國特色， 周邊牆上有些戰國時代的歷史人物～坐底首先睇下食咩好先，食物紙上好清楚列明食物需時煮幾多分鐘幾多秒係最好，非常之貼心紅油藥膳鍋小辣$138藥膳鍋那邊清清地藥味不太濃，而麻辣可能小辣關係感覺又唔算太油，對我食得辣既人係剛剛好，食辣之人可食中辣以上龍廚八寶摩天輪$118八寶天輪內有水餃，雲吞，豬肉丸，牛丸，墨魚丸等等～什菜盤$68白菜，娃娃菜，皇帝菜，生菜極品手切肥牛（大）$288肥牛薄片，油脂小肉較多，入口肉感多於 油膩感 ，跟著食物紙上提示煮用時間12秒，真係剛剛好～花雕雞點半隻$98點左藥膳鍋， 當然就唔好浪費左個湯底，所以叫左半隻花雕雞，雞件肥美肉多，入口雞肉好嫩滑～紅糖糍粑$58感覺上好似食緊炸年糕一樣，煙煙靭靭搭上黃糖，係一個好特別既甜品～我要介紹一下每人配上一樽既麻油好重要，首先可到配料區先加配料，配料區有生蒜，熟蒜，蔥粒，芫茜，豉油，醋～ 我揀左生蒜，熟蒜，芫茜，蔥粒配豉油最後再加埋麻油～個醬真係不得了～不過食完個口既蒜味

第一次光臨呢間火鍋店，一入店已感受到那股四川風味氣息，裝潢味道十足！首先落左個田園蕃茄鍋我地就分別出去裝佐料有炸蒜、生蒜、芫茜、香蔥、豉油、醋。。但呢度提倡食四川火鍋原汁原味，無需加太多佐料確實無錯，因為個蕃茄湯真係好香濃，係我食過最蕃茄既蕃茄湯底，單單湯已經飲左2碗，因為真係好好味，而且唔會飲完好口乾！👍🏻👍🏻👍🏻即炸紫菜響鈴呢個係邊爐必點之一，果然無嗌錯，獨家自制紫菜響鈴，另配酸甜醬汁沾點吃，幾得意！另一有別於別店既係，佢入面嗰紫菜就算浸湯加熱，都非常香脆！脆鯇骨腩魚肉爽口鮮嫩滑流，只需沾點少許醬料，更能帶出鮮味！小龍牛肋條份量都唔少，每件都大大舊，牛味頗重，肉質厚實但易咬，帶點肥，正啊小龍黃喉其實黃喉係動物心室的主動脈，唔好感覺奇怪，其口感出奇的爽口彈牙，如果中意爽口野，呢個真係必嗌！這店用料上乘，而且餐紙仲好貼心咁列出建議所需時間，咁就唔怕唔熟或過熟啦！服務態度不錯湯在旁，方便顧客加湯水，店員亦會時常上前幫忙加湯、調較火力、收拾台面。環境企理衛生，期待下次再來

跟住個好鍾意食打邊爐朋友，出發去咗銅鑼灣呢一間充滿中國古代樣嘅餐廳。佢每張枱都放左呢個麻油同埋可以出邊揀好多唔同嘅配料，有辣椒，有蒜蓉，有蔥等等。我哋揀咗雙拼，藥膳同麻辣湯底。極品肥牛打邊爐梗係要食肥牛啦，我哋叫咗個大嘅肥牛，肥牛條紋鮮明，每塊既牛肉都好厚。我哋將肥牛放喺藥膳湯底同麻辣湯底，牛肉放喺藥膳度有少少藥嘅味道，而麻辣湯底初頭食落去唔係好辣嘅有淡淡嘅香料味，但食耐咗麻辣湯底嘅味道越嚟越出。鮮魚卜呢個魚卜要吉爛咗先，之後先可以放入去火鍋湯底。如果唔係佢就會脹到好大，會爆㗎。一定要吉咗先，佢提供左一支竹籤係魚卜度。識落煙煙銀銀，有少少似生腸嘅感覺。即炸紫菜響鈴估唔到響鈴仲有紫菜味，響鈴入邊包住一層嘅紫菜，煮一陣之後就要攞出黎食，食落響鈴真係充滿紫菜味，覺得都幾特別。鮑魚鮑魚大大件，夠新鮮，放入藥膳湯底好吸味。

先生提議到銅鑼灣一間很值得一试的四川火鍋。雲長小龍坎老火鍋。火鍋店的牆上有几幅三國時代劉備和關雲長的畫，充滿了三國時代的氣息，座位比較寛闊，令人覺得十分舒適。我們要了红油麻辣鍋，$148。要了小辣。龍哥牛肉卷$88，裏面卷著芫茜，芫茜的香味令牛肉的味道提升，不過芫茜顯得有少少渣。手卷萵筍片$58，萵筍十分爽口，吸收了麻辣湯，带點麻辣。極品手切肥牛腋$288。肥牛肥瘦均勻適中，美中不足的是牛肉有少少嚡，吸收了麻辣湯汁的味道，令牛肉變成麻辣牛肉，味道不錯。

之前都好想食呢間，記得有陳柏宇宣傳，陳柏宇陳柏宇😍今日終於可以約埋朋友一齊食。入到去見到裝修古色古香，全部用咗木枱木凳。枱上面有一樽寫住油碟，係麻油黎。叫咗藥膳鴛鴦湯底一邊係藥膳湯底，入面有紅棗、杞子等等嘅藥材。另外一邊係馬辣湯底，入面有好多香草，見到個湯底紅卜卜，好似好辣咁，入邊有好多辣椒，但其實只係喊咗小辣姐龍廚八寶摩天輪Wow,影相位。好靚呀，有唔同既丸同餃子都放係摩天輪🎡轉下轉下，放落鴛鴦鍋入邊即刻可以試到唔同嘅味道，入面嘅蝦餃同肉丸都好真材實料淮山打邊爐如果餐廳有淮山，我都會叫。我鍾意煮淮山係煮一陣，就食得，鍾意食淮山爽口同沾性。朋友就鍾意煮好耐，鍾意食面面地嘅淮山。係呢度嘅淮山新鮮，同清理得乾淨。鮑魚今次食豪啲，就叫咗兩隻鮑魚。兩隻鮑魚大大隻，見到係鮑魚後面都切左一格格，放落去藥膳湯底，煮完鮑魚充滿藥膳味。秋葵食完啲肉就要食下菜，今次揀咗好健康嘅秋葵，煮一煮就即刻可以食得，每一條都好似脹卜卜。

麻辣鍋到底是四川好食還是台灣好食？相信這個問題好難解決，筆者唯一可解答的是：麻辣鍋是好食，今日到銅鑼灣食麻辣鍋，幫胃子懷孕。一去到，當然要點一堆湯底及一堆美食啦點了紅油藥膳鍋 $138感覺麻辣味不夠麻，但辣味卻是不錯。餐廳都有不少醬料及麻油提供，但不要看輕他們，因為醬料每位 $25極品手切肥牛腋 $198質素來說，肥牛的品質挺不錯，而且一塊塊脂肪好鮮明，只需要數10秒就可以滾熟，而且肉味十足。但唯一不足的是份量有點太少，不太足夠，價錢亦不算便宜。分別點了 小龍黃喉 $98 及 豬紅 $48小龍黃喉對我們帶來一點驚喜，因為吃下去十分爽口，而且十分彈牙，食物亦十分新鮮。整體來說十分值得encore最後都點了 生猛鮑魚 $48/隻鮑魚上檯時覺得十分新鮮，但由於可以極速由點菜到上檯，相信不是新鮮生切，所以有一點點失望。但整體來說，質素都是十分高。

是日去咗銅鑼灣行街，朋友好少渣主意諗食乜，銅記咁多好野食，千想萬想都未必諗到去打邊爐，點知佢話呢間正啊，咁就一於奉陪撐下老友。事原佢最近好似發咗達咁，所以今晚可以隨便叫，所以二話不說拎起餐單起勢剔野食。點餐紙一面睇哂，加上寫明烹煮時間，個人覺得都幾Friendly。首先湯底我地揀咗「紅油藥膳鍋(鴛鴦湯底)」，食辣又得、唔食辣都得，我唔食得辣嘛。等火鍋料同湯底其間，先去研究下醬料，每個人都分配咗一樽仔味碟，你可以為自己泡裝一碟雲南紅油醬，但我唔攪咁多野喇，照舊豉油炸蒜就算喇。題外話：茶介同醬料每位都會收番HKD25。其實配料都幾快上，可以話係靴靴聲咁不停上，放到成枱都擺唔哂。  本身個人都覺得火鍋料價錢稍為小貴，但見到實物擺碟同切功咁巧妙就立刻認同，值得嘅。眾多嘅食物當中，我認為有一碟係必須特別Highlight下，就係「極品手切肥牛腋(大盤)」，雖然HKD288，但水準就係超出預期，簡直係抵到爆。入口即溶，非常有牛肉味，諗起都口水流(太過份)。對於食肉獸嘅朋友泥講，4個人至少都要叫兩盆先夠喉。當然啦，食紅油鍋點少得腐竹、冬瓜、菜等等，整晚嘅火鍋料都比人感覺非常新鮮，絕對唔會比啲好似放咗

想試下正宗四川麻辣火鍋既人，而家係香港都可以試到了，自聽到雲長小龍坎會係香港開，就已經想去，等左一段時間終於約到朋友一齊去，一入到去環境裝修同四川接近一樣，好似真係去左四川一樣。湯底當然係要紅油麻辣鍋，但因為有朋友怕太辣，所以另一邊要咗個唔辣既湯底，大家記得要試下當地既油碟，當地人多數係用油碟及干碟，而唔係香港平時用既豉油碟，油碟同麻辣好夾。食麻辣火鍋，當然要食啲容易索到湯既食材。食材擺碟好有心機，冬瓜烏冬好易入哂味而且好滑，功夫土豆切得好薄，煮一陣就入哂味。鴨血唔易散口感好，毛肚好有咬口，可以慢慢感受麻辣既味道，肥牛超好食，肥瘦適中，一咬就有好濃既牛肉香，加上麻辣湯同油碟既加成，滿分！總結，食完小心成身都係麻辣味，好好規劃之後既行程。

今日黎到近期好大熱既小龍坎 打邊爐！呢間唔止連大陸都好有人氣！香港有兩間分店，位於銅鑼灣同尖沙咀😊難得今日係附近經過，一於去睇下佢點解咁大熱先！呢度既裝潢好特別！！好似去左古代咁，影相一流！仲播住d 好舊式既純音樂，彷彿回到過去咁！呢度最出名既係麻辣湯底，所以每個人都有一樽既油。以為係辣油，原來呢d油係可以用黎解辣！仲係餐廳自家獨有。加係調味料上，就會有陣陣既麻香味！😬叫左我最愛的藥膳湯底😛連個鍋都特別過人！！好高级的樣子。 湯底濃濃既藥材味，相當足料，濃郁！餐廳亦好細心，提供圍裙給客人！每個圍裙都相當趣怪😝第一輪，我地先落娃娃菜先！食落娃娃菜好甜，索哂個湯好正！豬肚亦係好岩呢個湯底！平時食開肥牛多。今次試下 食 雪花牛立花！一粒粒，靚靚既雪花。呢個就要淥耐少少先熟，但亦唔會覺得佢韌。牛味十足！🐮！蝦滑🦐大大碟。唔同出面咁得個一條咁少！呢個抵食！而且亦好好味！佢落左d蟹籽粒係上面！每舊食落都爽口彈牙。口感豐富！打邊爐一定要叫的 《脆鯇魚骨腩》好多件，d色好靚喎！睇得出好新鮮食落d魚肉好爽，真係好鮮味！最後職員為我們加湯，食 稻庭烏冬！烏冬完全吸收哂個湯底既精華所在！好鬼正！大家記住

雲長小龍坎老火鍋成日聽返大陸既朋友講好好味呢間係大陸既連鎖店終於係上年進軍左銅鑼灣😍位置非常方便 好近地鐵站 而且好易搵，趁放假過黎食一到左7樓轉左就見到間餐廳好搶眼 門面充滿中國風另外餐廳依加做緊優惠如果7點前食完/9點後入可獲8折不過要留意返 只係用現金先有呢個優惠店內裝潢都有參考大陸既設計亦都有壁畫一坐底店員就會攞圍裙比你設計好有趣唔洗擔心會整污糟衣服可以盡情食 好細心呢到唔係任食食物同湯底需要分開叫由於唔食辣於是我地叫左藥膳湯底湯底內有紅棗等等的中藥每人亦有一權麻油經店員介紹後先知道麻油係有助解辣 我地叫左啲菜 肉 同埋海鮮係食物未放的時候我地飲左啲湯底有淡淡的中藥味！非常足料惹味上菜速度都非常快.份量亦比想像中多😊所有材料都新鮮,完全無冷藏的味道墨魚滑比起平時食開既彈口忍唔住住咁食。食得出佢好新鮮！賣相亦相當趣致！乒乓波板咁！生蠔亦都好肥美，鮮甜！😚比手掌大！！食一隻都覺得好飽，好滿足！！打邊爐當然要叫佢既手切肥牛！🐮雪花紋好靚！！薄切肥牛，食落好嫩肉！令你食完要再食下一塊間唔中店員會幫手加湯而唔係加水讚👍🏻唔洗怕d湯淡味！呢間真係唔錯喎！唔怪得會開咁多分店！

友人最愛陳柏宇，知道佢開「雲長小龍坎」早早已經想黎食，明星效應？食過便知龍與鳳入去時，見每枱都放有紅色一罐罐，原來係「麻油」職員話係加豉油溝埋一齊食，大陸平時成罐落，但我只加左三分一已經好香麻油味，唔會似平時只點豉油甘單調，絕對錦上添花越食越愛仲有麻酒牆，多到呢我地叫左鴛鴦湯底招牌麻辣鍋+清湯藥膳鍋麻辣（小辣）入口辣度温和，後勁利害，好辣但又會好想食，辣得過引藥膳湯，上枱帶有藥膳香味，適合滾蔬菜更帶甜味手切肥牛（小$198）好靚仔既牛，濃牛味，二個人食分量岩岩好職員拎住幾款海鮮問我地加唔加，我地見鮑魚大大隻好生猛都係（$48@1）即刻一人要一隻，建議我地放麻辣湯個邊，幾分鐘就食得，新鮮好彈牙，好好肉冇介紹錯推薦1 ：凍豆腐（$38）係同平時食既冇分別，但係佢出奇地同麻辣鍋超夾大家試下，絕對有驚喜。吸晒湯精華*小心真係會好辣 推薦2 ：椒鹽鮮粟米（$58）本身已切開方便進食，估唔到甘甜甘好味遲啲尖沙咀都有分店，就更方便我依啲九龍人下次要再黎食，係七點前或九點後黎因爲全單有八折，好吸引。

又同嚐辣buddies去食麻辣火鍋🤤之前係大陸試過小龍坎好正 睇下香港呢間係咪都咁正！第一次食完麻辣火鍋唔會肚屙😍 湯底辣得黎有牛油味 唔係平時火鍋店好假個隻辣味 呢間係真材實料🤤嗌左好多配料 黃喉牛肉 芋絲 響鈴 午餐肉 土豆片 枝竹 etc 想大讚碟牛肉真係好正 肉超嫰！以為食日式燒肉先食到既質素 呢到竟然做到！！好厲害！ 仲要大讚食麻辣必食既薯粉 有個籬俾你裝住黎滾好貼心！粗幼剛好！好彈牙！推介🤤我地仲嗌左個小食 椒鹽粟米 如果唔係個fd介紹 平時都唔會叫小食 重口味既你必定要叫！ 總括黎講真係好高質 坐位闊舒服 唯一係比較貴 4個人每人食左三百幾 不過香港既麻辣火鍋都係呢啲價 只係大陸食開平hahah

看到名氣這麼大的小云坎有promotion，即刻book枱，為慶祝尖沙咀店開幕推出優惠時段，7點前結帳離座及9點後入座，全單8折，星期日到四都有，Cash Only！正所謂早到早享受，不會很多人，身上的火煱氣味都起碼減一半。入面裝横古色古香，用紅燈籠、古畫、木枱、清花瓷器裝飾，以為自己去左三國時代的客棧食飯。一早到可以坐靚枱！醬料+茶 ($25/位)，店員制服背有印花"客官 有事喊龍妹兒"，"客官 有事喊龍娃兒"，很搞笑。紅油藥膳鍋（鴛鴦）($138)火煱都有教學解說，要分批食，不可一次過放下全部食材，火鍋「滾熟」後轉用細火，盡量少加芫茜蔥花等佐料等。每款食材有放鍋時間顯示，很貼心。藥膳鍋有龍眼、淮山、杞子，入口溫和。紅油麻辣鍋有很多辣椒香料，湯底很香。白鱔片 ($108/ 2分鐘)放麻辣個邊超惹味，魚肉爽滑爽牙有膠質。功夫土豆 ($58 /20秒)，師傅刀功一流，仲放成花咁，不過真係要快食。玫瑰豬頸肉 ($58 /1分鐘)粉紅色的豬頸肉卷成玫瑰花形很美麗，浪漫晒！肉片不會很厚很薄，切得剛好，點特製小龙坎麻油碟食，真係幾特別，口感特別滑，有別於一般港式火煱的醬料。手捲萵笋片 ($58

今次係我第二次過去，第一次因為我本身怕辣所以無食到麻辣鍋，今次同朋友過去我亦都係叫鴛鴦鍋，朋友不斷慫恿我，同我講浸一浸佢樽油先食係唔會覺得辣既，點知一食，真係窩，食到麻辣香味之餘亦唔會辣到唔舒服，跟住藥膳果邊湯底就再無食過啦，佢地跳舞田雞認真新鮮，出到黎仲跳下跳下，鱷魚膠好好味，好似話係新出既，我之前黎好似無既，牛亦都好靚，唔會好似出面咁結曬冰，鴛鴦滑彈牙，仲有果個椒鹽粟米都係好好味，係出面未食過，價錢適中唔算太貴，食材唔新鮮的話我覺得免費請我食都無用！呢度野食係值得比呢個價錢既