霸嗎拉麵 (金巴利道) (裝修中)

霸嗎拉麵位於金巴利道，正對面就係The One 商場，每次經過都見到有長長人龍排緊隊。好彩今日等咗5分鐘就有位👍🏻打開餐牌除咗基本嘅豚肉拉麵、雞白湯拉麵🍜外，仲有特別menu 花雕醉雞藥膳雞白湯拉麵，仲可以以優惠價加配小食添🤭花雕醉雞藥膳雞白湯拉麵🍜最鐘意試新嘢嘅小妹又點會放過哩個機會呢🤭雞白湯湯頭濃郁油脂亦較豐腴，湯底加入杞子、紅棗等熬製而成嘅藥膳湯，飲落更帶微微甜味，花雕醉雞卷吸埋藥膳湯頭食落更加甜😲肉質嫩滑嘅雞髀肉卷🍗帶點微微嘅花雕酒香氣，最特別嘅係面頭炸到相當脆身嘅牛蒡片，脆脆地好得意😎辛辣🌶️炙燒豚肉味玉拉麵🍜辛辣湯頭唔算太辣，炙燒豚肉選用了五花腩部位，肥瘦適宜，溏心蛋橙色嘅流心蛋黃超迷人😍拉麵仲可以自選口感硬度👍🏻👍🏻依家仲做緊優惠可以+$18加點不同口味嘅唐揚炸雞🍗我哋揀咗沙拉唐揚炸雞，沙拉醬令炸雞無咁乾身😆仲有日本直送雪糕🍦又點可以唔食埋呢🙈4款口味見米雪糕最新奇少見，米雪糕其實都係呍喱拿口味加咗飯粒嘅雪糕，食落口會咬到飯粒嘅口感🤗

今日係尖沙咀松本清買完野見到呢間霸嗎拉麵又近近地就決定試下 呢間拉麵店係主打濃厚湯底同自製麵條 裝潢走日本風仲掛咗d日式燈籠係度 感覺好似真係去咗日本咁雞叉燒味玉雞白湯拉麵第一次見拉麵店有雞叉燒 其實即係雞腿卷嚟 有2片厚切得嚟而且肥瘦相間 仲有好多蔥花 木耳 同味玉 即係溏心蛋 食落真係有流心! 雞白湯湯底好濃厚 好鮮嘅雞味特盛炙燒豚肉拉麵上枱個陣比個份量嚇親因為有成4大塊炙燒豚肉 呢款比起雞叉燒會多少少脂肪 所以油香味好出 仲有蔥花同味筍 啱哂食肉獸阿 朋友食完真係飽到上心口沙拉唐揚炸雞用優惠價$18就可以追加2件炸雞再配自選醬汁1款 揀咗炸物必配嘅沙律醬 雖然係追加嘅小食但都幾大舊下 雞肉食落好juicy照燒餃子 (5隻)餃子襯熱食仲好脆身 咬開仲有肉汁!

喺尖沙咀行完街想食拉麵，見附近有呢間霸那拉麵，見到餐廳裝修都幾日式，應該是幾好食同正宗。今次叫咗辛辣溫泉蛋蔥油豚角撈麵，我另外再加咗竹筍同味付。首先覺得好特別，平時拉麵通常都係湯麵或者沾麵，見到佢呢一個有撈麵嘅選項，所以今次就決定一試，味道啱啱好，唔會太鹹，辣得幾惹味，今次嗌咗中小辣，比起我平時食開三小辣嘅辣，但係都仲接受到。另外蔥油豚角肉質彈牙，有少少入口即溶嘅感覺，幾好食。朋友叫咗炙燒豚肉味玉拉麵，我試咗一啖佢嘅湯底，都食得出有鮮味，燒豚肉好香，幾肥美，好食。我哋另外亦都加咗個炒野菜，主要都係芽菜，幾爽口。我哋就冇嗌嘢飲，不過今次就叫咗兩個日本直送嘅雪葩，柚子電葩好清爽，白米雪葩有驚喜，食得出一粒粒米。

之前見這間拉麵店經常排長龍，今日經過發現沒太多人等，就同仔仔入去試下，我地叫左個2人餐，仔仔對個雞肉拉麵讚不絕口，話下次要帶埋婆婆來食🥰我就特別欣賞個炸雞，外間食過的炸雞只得個脆字，比較乾，但係佢地的炸雞係外脆內軟，最重要係咬落去時還是熱騰騰，如果唔係怕仔仔食唔落，我都想叫多一份🤣不過好食歸好食，真係好熱好熱，我同仔仔本身坐梳化位很熱很焗，我提出了調位，過了一會，有個女侍應見出面近窗邊有兩個位空着，便主動幫我地轉位，說那裏可能會涼少少，還幫我地把枱上的食物移到窗口位張枱，並說出不好意思，冷氣維修已經跟進緊，真係十分抱歉。🥰十分窩心，原來佢真係有放在心，打算幫我地轉位，雖然係熱啲，但我見員工們都做到大滴答細汗，我亦無再多加埋怨。埋單只係$248，食到仔仔捧住個肚走話好飽好好食🥰

之前聽朋友講，喺加拿芬道同埋金巴利道附近有一間喺日本廣島開到嚟香港嘅連鎖拉麵店佢哋嘅叉燒同埋湯底都好出名今日過開嚟呢邊返工就試一試❤️位置係一條斜斜哋嘅路到都唔係好難搵我哋兩個人叫咗兩碗拉麵兩樽波子汽水兩個炸雞小食同埋一杯雪糕🐷辛辣炙燒豚肉味玉拉麵呢個叉燒超好味！軟軟滑滑入味，咬落去冇渣❤️拉麵似足喺日本食嘅一樣溏心蛋juicy好好食係偏硬拉麵，辛辣湯底非常濃郁檯面配有炸蒜可以加落去👍🐔雞叉燒白湯拉麵雞叉燒整得好入味好滑，完全唔會有平時食到好鞋嘅感覺會有筍、木耳絲等等嘅配料🐔唐揚炸雞味噌味+沙拉味另外加18蚊就可以配到一個炸雞我哋兩碗嗌咗兩個炸雞咬落去好juicy加醬汁係一個好好嘅配搭🥤日本直送波子汽水炎炎夏日飲返一支千裡迢迢嚟到香港嘅波子汽水，簡直係人生嘅一大樂事🍦日本直送大米雪糕每一餐飯，我都認為必須以甜品作為一個結尾。見到拉麵店裏面有雪糕仲要係日本直送嘅當然要食啦！雪糕唔會太甜裏面有一粒粒嘅米粒同雪糕非常配搭❤️

晏就去完入境處路過見到呢間拉麵店。下午茶時間店內比較鬆動，一個人坐4人位店員都無say no仲教我用QR code落單點了一個下午茶，有小食炸雞，雞白湯叉燒拉麵同飲品，埋單$90蚊都唔洗。下次晚餐會再同朋友過來食

雞叉燒味玉雞白湯拉麵 $95少見有雞叉燒，其實就係雞扒卷咁！都幾特別👍🏼味玉係溏心蛋，入味，咬入去有流心效果！食拉麵最緊要梗係個湯啦！雞白湯好香好濃雞味，都唔錯食到尾都唔知好heavy!😍拉麵揀咗偏硬，到嘅時候係完全心入面想要嘅硬度！最正係好多蔥，令個湯再香啲，多咗啲辛辣感！特盛炙燒豚肉拉麵 $138里個絕對係誇張料理😂一上嘅時候，勁吸晴，睇到流哂口水😂點知食到中途已經有啲full，男仔應該係食得哂嘅！總共有成4塊厚切豚肉😍😍係4塊！！！全部都偏肥😂啲油落埋去湯到都幾正！湯底比較厚身，有個種係日本食嘅濃度👍🏼味道會相對雞白湯出👍🏼👍🏼好食呀！！唐揚炸雞 $35口痕痕想食小食！佢超大舊，仲要有成5舊，好抵食！炸粉唔算厚，咬入去好juicy有汁添㗎😍👍🏼

今日去左尖沙咀人氣連鎖拉麵店，未夠晚上7點，已經有客人排緊隊，不過等左唔使10分鐘，就順利入座。餐牌主打最強濃厚豚骨湯底和自家打製麵，仲會不定時推出期間限定拉麵；另外仲提供石燒飯、餃子、炸雞、飲品和甜品。花雕雞卷藥膳雞白湯拉麵：湯底加入多種名貴藥材，包括當歸、紅棗、杞子、黑木耳、和炸牛蒡，滋補養生；花雕雞卷雖然厚身，但肉質鮮嫩，而且酒香十足，不能錯過。炙燒豚肉味玉拉麵：湯底加左大量豬骨、雞骨、雞爪、多種蔬菜和日本直送醬汁熬製而成，每一口都充滿濃郁豚骨香；叉燒肥瘦雙間，經過炙燒後，金黃焦香；溏心蛋更是美味絕頂。唐揚炸雞：外層炸得甘香鬆脆，內裡既雞肉仍保持嫩滑多汁。總結，食材有質素，價錢合理，無加一服務費，所以排隊既人龍源源不絕。

六月七號午市時間有個四眼仔門面 入到門口唔識得主動問人/帶位都算講野唔講望住人 冇人知佢同緊你講緊野坐低咗之後然後就聽到佢後面同其他staff話宜家啲客戴住耳機就聽唔到人講野㗎啦 如是者大大聲聲講咗一陣唔肯收聲 仲要重覆咗幾次 睇嚟佢真係以為冇人聽到佢講嘢大家入嚟食飯 睇嚟要小心啲staff喺背後鬧你啦未見過咁啲咁八婆嘅侍應要小器到喺門面不停講啲客嘅壞話我就呢頭返工嘅 不時都會同同事喺附近食飯但係管理層唔做下野 唔會再食 都唔會推介俾其他人食完

呢幾日天氣涼涼哋，我哋決定睇戲之前食返碗暖笠笠嘅拉麵😚於是嚟到尖沙咀嘅霸嗎拉麵，好彩趕係晚市時間前入座，唔係就要等等啦 🤭我哋分別叫咗炙燒豚肉味玉拉麵同埋期間限定嘅花雕雞卷藥膳雞白湯拉麵，之後仲追加咗埋羽根燒餃子同埋炸雞㖭，大滿足呀！  ✨ 花雕雞卷藥膳雞白湯拉麵用咗特別熬製嘅藥膳加雞白湯底，每啖都有濃郁嘅香味，加埋炸到脆卜卜嘅炸牛蒡， 估唔到味道咁夾～✨炙燒豚肉味玉拉麵炙燒厚切嘅叉燒入口即溶，油脂份外甘香，而且拉麵爽口彈牙，依然保持一貫水準🤤 ✨燒汁唐揚炸雞＋沙拉唐揚炸雞炸雞肉質鮮嫩，金黃可口，外層酥脆得嚟仲保留肉汁，口感香脆！

上年年尾去完日本之後到而家都未食過日本嘢.好掛住拉麵.所以今日即刻去食返碗!食物方面:⚪️花雕雞卷藥膳雞白湯拉麵第一次係拉麵店食到藥膳雞湯底.估唔到夾埋拉麵都好夾好好食.好香濃嘅酒香.都飲到個湯好香紅棗同藥材味.藥材味唔會好勁係好易入口.配埋好厚既雞卷.口感好豐富.雞肉都好嫩滑👍🏻⚪️雞叉燒味玉雞白湯拉麵雞卷同樣好滑加埋爽口既木耳同埋半熟蛋.配合拉麵好濃郁好食😋⚪️照燒餃子脆卜卜既餃子加上甜甜地既照燒汁😝⚪️唐揚炸雞個炸漿好薄.炸雞炸完都唔會好乾調味岩岩好.保留到有肉汁.好食😋⚪️麒麟生啤生啤食拉麵岩哂.仲可以解膩🍺整體方面:餐廳都幾大.座得好舒服.佢地既湯底我見到係被譽為日本廣島最強濃厚豚骨no.1湯底.係真係好濃郁.食完唔會口乾冇味精價錢都好合理👍🏻

朋友好鐘意食拉麵，成日周圍去試拉麵，咁啱我地去尖沙咀行完街見到呢間就入去試試！霸嗎拉麵嚟自日本，裝潢都好有日式風格，樓底夠高，坐得舒服。..見餐牌推出咗一款藥膳拉麵，看來幾吸引🍜花雕雞卷藥膳雞白湯拉麵**$108一捧來見幾大堆頭喎，係滿滿的炸牛蒡，侍應話要即食，淋左就無咁好食。真係好脆口，有牛蒡香味又覺唔油膩。湯頭係雞白湯底, 花雕藥膳香味，會有少少油。雞卷好軟腍，滿滿花雕酒香氣，口感嫩滑。配料有大大顆紅棗,杞子, 木耳，滋補養生。..🍜炙燒豚肉味玉拉麵 **$98超濃厚豬骨湯底，厚切叉燒，油脂分佈均勻，口感軟腍，配上香葱及溏心味玉，連同掛湯的煙靭麵條同吃，惹味香濃，幸福感滿滿😋..🥟🔥辛口燒餃子**$38餃子皮薄，煎得香薄脆的餃子底皮，上面放滿辣醬和香葱，充滿辣椒香氣。..🐤🔥燒汁唐揚炸雞**$38加入調味料及炸粉嘅炸雞，雞肉嫩滑多汁，如果喜歡濃味的點燒汁款最啱，惹味香口！..🫖🍨日本紅茶雪糕**加$28好喜歡食茶味雪糕，紅茶雪糕最啱我，濃郁的茶香和奶香混合，夠香夠滑。

無意中經過食咗碗拉麵。。。😜好耐冇試過堂食拉麵，咁啱畀我見到係我鍾意食嘅燒豬腩肉叉燒，立即想起幾年前喺日本食過類似嘅。。。一個人行入去坐類似吧檯位置，qr code 落單，員工奉上一杯冰水。。。order一款最基本嘅溏心蛋燒叉燒拉麵。。。大概十分鐘來到，湯底濃，好厚身😜。。。唔鹹，叉燒又軟又淋。。。溏心蛋好juicy。。。加18蚊兩件炸雞。。。唔乾身有肉汁。。。快食，滿足，畀錢走人。

同為食姊妹係尖沙咀行完街、突然好想食拉麵、即時諗起霸嗎拉麵、於是急急腳行去攞位，幸好行得快，人坐後門口已經開始排隊最喜歡試尼度期間限定、今次是花雕雞卷藥膳雞白湯拉麵、材料十足重份量、滿滿又爽口的雲耳、炸得金黃的金菇、雞肉嫩滑，酒味比較重、藥膳湯濃淡適中爲食姊妹就最愛吃炙燒豚肉味玉拉麵、麵條吸滿濃濃的湯味、十分惹味、叉燒雖然有點肥美，但入口軟熟油脂撲味、糖心蛋入味彈牙羽根燒餃子、煎得脆口、連接著每件餃子的一片片更是脆無比沙拉唐揚炸雞, 炸雞外層炸得酥脆、咬落好juice, 大大嚿啖啖肉、加上沙拉醬、味道更豐富食炸雞就來一杯麒麟一番榨，啤酒香滑清新、行到熱辣辣呷一啖真係清涼解渴原來食滿$250可以有幸運大抽獎、真係又食又拎

霸嗎拉麵喺香港都好多間分店，但係咁多年來一直都冇食過，今日行過尖沙咀心血來潮試一試，估唔到又有驚喜藥膳雞白湯花雕酒雞卷拉麵：這碗拉麵的湯頭是由藥膳雞白湯和花雕酒雞卷組成的。藥膳雞白湯可能帶有濃郁的雞肉風味，並可能含有一些中藥的香味。花雕酒雞卷帶有酒的香味，並增添了一些深度和豐富度。呢碗麵係期間限定今日啱啱推出。💪味玉雞叉燒雞白湯拉麵：雞叉燒是嫩滑多汁的烤豬肉，雞白湯濃厚的醇厚湯頭，具有雞肉的鮮味。拉麵本身的口感是彈牙的麵條，配合雞叉燒和雞白湯，帶來一種口感豐富的享受。味玉的蛋黃帶有濃郁的蛋香，增添了濃郁的口感。辣味唐揚炸雞：辣味唐揚炸雞有著酥脆的外層和多汁的內部。外層的粉衣經過炸製，使得它變得金黃酥脆，帶有一點點的油脂口感。內部的雞肉非常多汁，帶有炸雞的獨特香氣和鮮嫩口感。辣味調味料一種辛辣的風味，激發您的味蕾。辣味煎餃：外層的餃子皮有一種脆口的質感，帶有微微的焦香。內部的餡料是搭配辣味調味料的，帶來一種辣椒的風味。餡料的口感是豐富多樣的，可能含有蔬菜、肉類或其他配料，提供了一種柔軟和有咬勁的口感。