霸王山莊 (已結業)

今天晚上同朋友兩個人嚟左呢度食晚飯,本來係去荃灣廣場另一間食上海野的飯店的,但聽朋友話唔太好味,於是即刻轉左嚟呢度,有於冇訂枱的關係,加上今天是星期六晚,7點幾已好多人啦,我們等左一段時間,門口越嚟越多人呀.入去裏面見到好多人都食套餐及片皮鴨呀,我們見有個二人套餐用信用咭埋單有七五折都好似好抵咁,於是就叫左一個啦.前菜有一碗醉青瓜紅蘿蔔及白蘿蔔,都好味喎,好酸好開胃呀.套餐包括:肴肉配海浙-肴肉好廋及好似梅梅地咁,以前係好實及晶瑩剔透的,所以退步了,海浙則好爽口.兩碗鮑森翅肚湯-都真係有鮑魚絲,魚肚,海森呀,都幾足料好味呀.黑醋排骨-好味呀,d排骨細細條易入口及唔會過甜及過肥.宮保蝦仁-唔算好辣,都好多蝦呀,好味.擔擔麵-一般啦,都算大碗,但係d麵好似淋左咁,個湯底唔夠味喎.呢度有好多團年套餐食,好多人都係食套餐呀,還有片皮鴨添呀,唔知係咪就嚟新年又有咁多套餐,所以咁多人呢,但我覺得退步左呀.但係服務就好好.

今日weekend到荃灣還左套畢業袍,順道同屋企人食個下午茶霸王小籠包好多汁,皮好薄!!韮菜花煎餅稍為油左少少,因為個餡陣係得韮菜花又失缺調味~~爭D高力豆沙好鍾意食呢個甜品,入面的豆沙餡軟軟的一定要熱食 士多啤梨桂花糕冇試過一次去霸王山莊唔食桂花糕,清清甜甜的,有淡淡的桂花香,好好食!!雖然個下午茶貴左,但係無損我黎食小籠包同桂花糕的雅興~

十二月一日，星期二的一個下午，我們又來到霸王飲下午茶，皆因這裡坐得舒服，點心便宜，味道也不錯。今天選吃了鮮竹腐皮卷，皮脆味道一樣咁好，再吃碧綠素菜包，味道好味。霸王小籠包，也沒有失色，小春卷，餡料少，無特別之處；成都一口粉棵：蝦、花生、沙葛、肉碎、莞茜，味道也不錯；老重慶擔擔麵：芝麻、肉碎、蔥等，味道當然好吃；爵士流沙包：每客共2件，餡料不太流，咸蛋黃香口；乾貝頭抽炒腸粉：28元一碟，配料有芝麻、乾蝦仔、芽菜；天府涼拌粉皮：花生麻醬，青瓜，很香花生味；熱豆漿：一般可以；蜜汁叉燒包：每客10元共2件，味道ok，皮略嫌過厚。結後語：最近兩次到來，都吃不到我們喜歡吃的蘿蔔絲酥餅，不知何解了？蘿蔔啱季節也很便宜，難道難做？不過這樣的價錢，吃這裡的食物，仍然抵吃了。

慶祝我+人工請我仔仔黎食餐上海菜!我地點的多數是招牌菜 ，有一味係我5年前食過回味至今 就係1.霸王醉雞($58) : 講真,除左價錢昇華左之外，質素係差左。 不過好香酒味。但太濃 食多幾件已經頂唔到。2.小籠包($28) : 4件。嘩!!一定要食!! 真係好正 . 皮溥 D肉汁係隻包入面浪下浪下 ，入口即爆!! 超正呀!!3.砂鍋雲吞雞($69) : 又嘩!又係一定要嗌!! D湯超正 好重雞味仲有雲腿，真係落足料煲!我飲到一滴不留! 係D雲吞皮厚左D果度出左小小事!4.雙併冷盤($75) : 雞絲粉皮 同 茄子 ...茄子凍食都是第一次!佢係用蔥爆香! 我諗熱食會仲正雞絲粉皮，不提也罷。(翡翠拉面小籠包會好味過佢).勁飽囉E餐!

十二月的一個星期日，陰晴不定的日子，今早參加了一年一度仁濟慈善步行，我們行畢全程後，一行四人來到霸王山莊下午茶。霸王小籠包：是這裡出名其中一款點心，每客有4個，售價16元，薄皮，用筷子夾包身頂部，沒那麼容易弄破包皮而漏汁，一如以往，非常有水準。生煎叉燒包：每客10元，外皮香脆，叉燒餡料入味好吃。碧綠素菜包：每客10元共2件，這個太太最愛吃，每次必叫，味道也不錯。黃埔蝦餃：每籠18元，蝦爽味美。潮式糯米卷：每客10元，皮略嫌過厚，糯米稍腍，糯米中混有花生，花生質量ok，味道普通，今天所吃，較為差的一味。鮮蝦腐皮卷：每客18元，腐皮炸到很香脆。韭菜花煎餅：每客13元，煎到微黃，皮香韭菜濃。豆沙窩餅：每客18元，面上舖滿芝麻，奇怪雖然很熱，但咬落不脆，感覺軟軟韌韌，整體也可以。香菇燜雞麵：每碗18元，雞肉不老，配料有東菇、蔥、等等，麵身滑口，味道ok。咸肉薑米炒飯：每碟32元，賣相不錯，不太油很乾身，不覺薑味，有咸肉及其它配料，味道頗佳，很好的一碟炒飯結後語：這次跟以往一樣也有水準！

今天和親友來到 ( 霸王山莊 ) ，試吃這裡推介的 ( 匯豐優惠晚餐 )這是為晚市四人餐，價錢為468元 ，埋單連茶錢及加一共542 .1元，注意：必須用匯豐咭簽賬，菜餚如下。先來兩碟小吃 ，蓮藕片 ，味道帶酸而爽，很開胃；另一碟辣椰菜，醒胃而美味。雪花海蜇皮拼脆皮素鵝，素鵝皮頗脆，餡料是好味的東菇；海蜇配上看似雪花的芝麻，吃起來時，香口爽脆。霸王麼麼煙鴨胸，配來一籠粉皮，粉皮微甜，用來包裹鴨胸來吃，吃時肉香皮脆，蠻不錯呢!蒜香蝦仁，賣相好靚，炒得乾身，蝦肉爽滑，香口惹味，水準之作。砂碢雲吞雞，雞肉約1/4隻，肉仍嫩滑，雲吞只是一般，火腿湯味濃，絕對是好味的湯底。原條糖醋松子魚，端上來時，賣相吸引，再數數配料也不少，有青椒、紅椒、黃椒、松子、洋蔥、青豆、蝦、椰果、番茄、車厘子等等，共10種，也不知有沒有漏算到；魚肉鮮滑，沾上糖醋芡汁的魚肉好味，吃到不同的配料，會有不同的味覺享受。碧綠海參扣魚肚，海參配合魚肚、東菇、蔥、竹筍、金華火腿炆煮而成，碟旁伴上小棠菜，擺設樣子挺好看，吃起來時，海參爽魚肚腍，配料香，廚師的配味，吃過也回味。霸王炒飯，炒得很靚，乾濕度適中，點算配料有蝦仔乾、雞肉、

首先好多謝霸王山莊, 在我們的生日月送了一張 $100 coupon, 生日正日, 我們去了荃灣分店先講 service: 所有待應的服務都好好, 好有禮貌又有效率,上茶, 換碟、收碟都好快手!食物:叫咗一個好似紙咁薄的牛肉, 之前喺灣仔分店食過一次已知好好食,出面從未食過, 甜甜地 (不過今晚整得甜咗少少), 好脆, 好似食牛肉乾咁o架, 極力推介正確個名唔記得, 好似係「燈x 牛肉」咁估唔到12月仲有蟹粉食, 叫咗蟹粉 + 銀絲卷,蟹粉好濃郁的蟹膏香味 , 加上外脆內軟的銀絲卷, 超正! 好想再 encore!最愛的高力豆沙, 呢間整得比翡翠拉麵好食好多, 又軟綿綿又多豆沙, 賣飛佛呀!!擔擔麵, ok 水準啦!

霸王山莊很有霸氣的名字，打著旗號為麵稱王，點心稱霸,今天是第七次光顧這裡，過去光顧的日子裡，(霸王)給我的印象是幾好，而價錢也不算霸王，食物水準也唔差，地點清淨，環境唔錯，坐得幾舒服。(霸王)位處於大廈之三樓，不過上落樓梯，附近環境就差點了，上樓時靠單程電梯而上，落樓梯要左轉右轉的往下行，也不甚方便。不過這裡的下午茶，實在非常抵食。最重要的是點心是即制，好新鮮！好味道呀！霸王小籠包：每客有4個，非常之薄皮，用筷子夾時要好小心，如弄穿外皮，內裡的湯汁破漏掉，那就會失真啦；咬下時，小心內裡的湯汁燙熱，餡內的湯汁美味而濃郁，豬肉餡料，肥瘦比例適中，肉質嫩腍而不嚡口，不愧為招牌小籠包！蘿蔔絲酥餅：一般表面有著一層層鬆軟的酥皮，這裡與一般店鋪制法有別，表面還添上很多芝麻，外面炸到金黃色，咬落鬆脆還帶點芝麻的香味，細嚼蘿蔔絲，感覺到熱辣辣、甜絲絲、香噴噴，美味非常。潮州粉果：我最喜愛的點心之一，差不多每次必食，這裡也有出品，不過外觀比較細隻而呈橢圓形，粉皮厚點，蒸得幾通透，表面也看到花生與九菜之顏色，咬落彈牙而不黐牙，餡料有花生、九菜、肉碎、菜甫、沙葛。食落花生脆口，九菜獨有的菜香，肉碎醃得入味，

好耐都冇去過荃灣,難得放假就約埋朋友去走走.原來尖沙咀&荃灣分店,形式好似有點不同.下午茶時間,感覺似去左酒樓多D.小籠包:雖然唔同分店,但依然都保持水準.皮薄,汁又多,仍然係店中之寶.蝦餃:麻麻地,如果皮再薄D會更好味.蘿蔔絲酥餅:味道唔差,又香口,形狀又特別.如果切得更幼細會更好.涼伴茄子:保持水準,個汁又好味.鱔糊炒粗:雖然係下午茶.但份量都ok味道都唔差.PS~唔知係咪下午茶比較忙竟然多次溜單,要一追再追

我的第一篇食評奉獻左比霸王山莊=]之前O係霸王山莊都係食晚餐或者一圍個D又聽聞過霸王山莊宵夜好抵食 (雖然食過TST個間覺得唔太抵)所以放左學10點幾就仆去食~原來荃灣呢間係點心紙既形式好開心!因為之前食過TST個間係套餐...食得好少款叫左5碟...同老公仔兩個人分...我勁飽但佢岩岩好1&2: 夫妻肺片...第一次食呢味餸...都幾辣下!食完之後條利麻左不過OVERALL其實幾開胃幾好味3: 小籠包...我既至愛...每次黎霸王山莊都要食...真係好正!4: 鮮肉餃...冇乜特別...同我煮個D灣仔碼頭好似差唔多5: 酸辣湯麵...又係我既至愛...幾好味...不過如果可以酸D會更好略嫌細碗左D6: 高力豆沙...食上海野必食既甜點...正埋單$110其實D野食好抵最唔抵係收$6茶錢同$10兜前菜

第一次寫食評, 見到好多網友有映左相, 所以我都無映啦~今晚同家人食, 又當生日飯, 又當中秋團圓飯...我地Order個 "霸王宴" 半席$1088- 霸王六小碟 不過不失! 霸王小籠包 包內的湯實在太好味了! 翡翠明蝦球 翠玉瓜太淋了, 蝦球都算大隻啦! 鎬蹋帶子 幾好食, 但有d 溜! 紅燒海皇軾 一般 北京片皮鴨 我隻鴨未到台, 聞到隔離台已經好香, 當然好食啦! 碧綠鮑片扒海參 我miss左無食! 糖醋松子魚 味道跟一般生炒骨差不多, 但系我唔食魚我都會開胃食!: 金華火腿扒雙蔬 味精多左d, 令到菜同湯唔夠清甜! 海皇炒飯 真系好一般炒飯啦! 桂花糕 幾清香, 吃落口又好清甜! 雪城高力豆沙 外脆內軟熟, 豆沙及糖粉又不會太甜, 味道剛剛好!最後再加order多一碟高力豆沙 $28 / 4個~~~

星期六我冇街去,同左我家姐出去整頭髮,(已經想電好耐嫁啦,,hahaha)下午四點去到,點知原來個師傅好有心機,一電就電到夜晚十點(攰攰攰攰 x 1000)原本個plan破壞左,雖有改去第二個地方食上nanonavi check番bookmark左既荃灣區餐廳,原來我都有一段時間冇去霸王山莊啦拉埋家姐去食好彩今日唔駛同人share檯,可以order好多野,叫左小籠包,紅油抄手,酸辣麵(扁滑),辣涼拌茄子,四川香辣餃子,蜜桃桂花糕霸王小籠包($14)一口氣食兩籠,因為真係好好食,皮夠薄,肉汁又夠多紅油抄手($16)呢個紅油抄手其實好抵食,因為佢有好多舊,個汁又好正~~~~甜甜地辣辣地~~酸辣麵(扁滑) ($16)我有d後悔order扁滑,因為個面唔好食,好似0係supermarket買果d上海面咁,唔彈牙,唔新鮮,好在個酸辣湯都仲係好正辣涼拌茄子 ($14)每次黎到堅持要order的冷盤,normal hour要成4x一碟,宵夜時段真係抵食好多~~~我係最意佢個汁四川香辣餃子($10)係因為佢10有4隻所以先order黎試,但係食左之後..........唔知點形容,我陣係覺得好重"是拉

好想食片皮鴨,又唔想去咁遠,所以就去左霸王山莊食喇!!片皮鴨兩食$188 - 唔錯,唔會太肥!! +18有個椒絲炒牛肉- 比較多油,同埋都係好細碟囉~~ 可能因為收平左就細碟d炒鴨絲配燒餅 - 正呀!! d燒餅都好脆 韮黃炒鱔糊$78 - 都幾好+28有個咕嚕肉 - 比較細碟,但味道唔差,d排骨都係新鮮炸既 !酸辣湯- 好過出面好多,起碼個味同材料都係啱啱好水煮牛肉- 錯哂.....好差~~~ 一d麻辣味都無 蔥油餅- 個皮太厚,蔥又不夠香 大致上d野食都ok既...價錢都屬於中等啦~~~

之前試過灣仔店, 令我大失所望, 但你大力推薦荃灣分店, 而我都想試下你認為好味既食店, 所以決定今天前往一試究竟.七點幾去到, 唔駛等位, 二人坐張四人長枱, 唔會逼, 前菜是一碟蘿蔔絲,青瓜絲撈左的沙律. 少少辣幾開胃, 適合夏天食.二個人往往食唔到太多野, 唯有選擇大家都啱食又想試既菜式, 最後點了黃金蝦, 加28元要了鳳梨甜酸魚柳, 當然唔少得我們今天到此的目的菜式---小籠包, 另外要了雞絲粉皮同生煎包, 黃金蝦好快到, 一碟都有七八隻, 大大隻的蝦都被金黃色的咸蛋黃包住, 趁熱放入口, 還算合格. 跟住你的至愛--小籠包來到, 你示意我即刻試下如何, SIZE同鼎泰豐一樣細細粒, 夾上手見到皮簿有汁係入面, 放入口咬穿簿簿的外皮, 第一時間嘗到鮮甜的肉汁,味道剛剛好, 再細嚼中間的肉餡, 我剛呑落肚, 你即刻心急的問我意見, 望見你急切的眼神, 我還是要如實話你知, 我覺得一般, 肉餡太鬆散同埋鞋左D. 再來的鳳梨甜酸魚柳份量都幾多, 但如果汁再稀小小就更加美味了, 雞絲粉皮整體黎講算唔錯, 但我都係嫌醬汁太過杰, 生煎包外皮煎得不夠脆, 同埋包身好多油.整體黎講算唔錯,

根耐冇食上海野啦, 可能看得廣告多, 對霸王這個名子特別敏感, 所以就試左~為了保障, 都係食d聽過同個賣相ok gei 來吃, 於是叫左個上海粗炒, 醉雞, 水晶蝦仁~全部都係水準之上~有上海的風味~不油不太咸~唔算細碟, 兩位剛剛夠食~佢地d菜都好快上檯, 服務都夠恩切, 值得一讚~