霸王山莊 (已結業)

最近經濟不境,, 多間食市都推出 1 元食品 優惠.(每位客人可換1隻)我最喜愛吃小籠包, 得知霸王山莊 荃灣店 有推出 "$1 換購蟹粉小籠包乙件” 便帶媽媽來,試下. 約7:30pm 到達餐廳, 有8成full, 沒有 car 位. (這裡以前沒有咁full , 可見1 元食品 優惠的威力!) 我們只能坐在一張細小二人桌, 有點挤迫..我們 要了$168的二人晚餐 及 兩隻 $1 換購蟹粉小籠包乙件星期四之特定二人晚餐 包括:1)及冷盤前菜 (茄子併 雞絲粉皮)2) 霸王小籠包(一客有 4 隻)3)肉燥四貴豆4)排骨炒飯5)宋 嫂魚湯6)雙色 桂花糕二人晚餐 本身 已有 一客 4 隻 的 霸王小籠包, 小籠包皮很簿餡美，夾時要好小心不要弄穿, d湯汁好豐富，又不是太肥呢.可是 , 以$1 換購的 蟹粉小籠包 味道和口能卻很差, 蟹粉竟然是咸蛋黃, 很難吃. 真係 好失望, 1 元食品 優惠 只是 “卓頭”, “將價就貨”, 被騙.或許食客多, 當晚的大部分 食物 都好普通, 只有霸王小籠包 及冷盤前菜 (茄子併 雞絲粉皮 )是 好味 的, 其他 的 都 有 d 難吃.宋 嫂魚

很久沒有吃上海菜, 之前食過尖咀0個間, 唔錯, 就咁啱經過呢間係荃灣分店, 就再食.質數同尖咀差不多, 小籠包皮薄肉鮮, 醉雞用很香花鵰酒, 但雞就唔夠滑.擔擔麪, 麪一般但湯底香濃, 味精不太重.因為經濟不境, 所以仲推 "1蚊"蟹粉小籠包整體來說中價保持質數0既上海菜.

果日兩個人去叫左三樣野：黃金蝦 - 成舊水o既黃金蝦，d蝦食落居然無蝦味，淡謬謬！好明顯係用雪藏蝦！而咸旦黃味亦都好淡！如果係收四五十蚊o既話都可以接受，但係收得咁貴都係俾呢d貨就真係離晒大譜！而且大家睇下張相，一d伴碟都無，隻碟白晒晒咁，連賣相都唔掂！京蔥牛肉 - d牛肉一d無牛肉味同肉味都無，唉～～～又係雪藏貨？定係梳打粉太多呢？炒飯 - 呢個炒飯黎果時望落好似幾ok，不過一食就知又出事！又係一d味都無o既！食炒飯食到好似食白飯咁，咁大個人都係第一次！食完呢餐飯，個感覺係唔知食左d咩，一d回"味"o既感覺都無，好似係食左一堆野塞飽左個肚咁，真係食麵包都好味過佢！起碼有味道先啦！所以最後係一毫子貼士都無俾！

19/10/2008兩點半左右到,即刻就入得喇!叫左紅油炒手,涼拌矮瓜,辣子燜雞粗豪同埋冬姑燜雞扁滑仲有個豆腐羹!之後miss左單先知道今日都有set lunch,餐單寫住星期日及假日除外既,如果知道一早有就唔會散叫,反正都錯左就索性轉set跟埋小籠包同埋豆漿喇!個矮瓜個味都唔差,食落唔會腍芝芝,d汁又整得幾好.辣子燜雞入面佢有隻辣椒仔係度,唔夠辣可以整爛佢,個湯就會夠哂味!呢間既麵出味好食都唔使多講,不過個豆腐羹既味就真係好淡,飲飲下仲好似有陣怪味即刻俾我地轉其他,叫左個竹笙雞絲羹,不過都係無咩味,太清淡喇!紅油炒手真係好得,特別係佢個醬調得岩岩好,甜甜地又唔咸,小籠包皮薄得來又唔易爛,食落口仲係原隻原汁原味,正..............

環境唔錯~~坐得舒服~~服務都ok~~霸王小籠包$14~~皮簿~d豬肉都幾好味~價錢可接受~食完再想食!紅油抄手$16~~如果有湯水浸住會好d ~~唔係好快凍~佢個汁係最好味既~~點咩野食都得~~值得一試~! 孜然酥雞球$20~~雞球變左雞軟骨~~唔係一舊雞肉拎去炸咩?普通炸骨一碟~~份量唔算多~~問左個侍應~都話係雞球~得d骨~冇肉食~老重慶擔擔面$16~~~封相係最靚既~~睇落好辣~但味道只有麻醬味~唔係好得~~~~唔食也擺ps:頭盤有個泡菜~~應該可以唔要~~慳返10雞都好~~因為味道麻麻 去呢到食野~~叫d有肉食既食品比較好抵同好味~~

作為忠心粉絲,久不久當然要來一來星期六晚剪完頭髮行完街,已經11時多了...荃灣區,霸王山莊是很好的宵夜選擇擔擔麵,酸辣湯麵,小籠包,醉轉彎,一人一杯咸檸七,兩個女仔好夠了擔擔麵一貫水準...宵夜份量,一人吃剛好,不過覺得比以前辣了朋友說酸辣麵不好吃,其實只是用酸辣湯浸麵來吃, 可能略嫌不夠味吧小籠包不用提,不見進步,也沒退步 好少可以在宵夜時段吃到醉轉灣的,大多數好早就售罄~醉轉灣有進步啊,雞肉好滑,酒味又夠濃食到飽飽,每人$70

今次係第二次去!上次去嘅時候無預計小籠包會有如此水準!值得一試!奧運當晚唔知去邊度好,經過見咁耐無去就試試. 但係事前已經同女友食食咗其他嘢,所以只係叫咗個東坡肉同雲吞雞(例)。可能因為當晚係奧運,所以好多食客都情緒高漲!尤其是倒數時刻!真令人感動!講返啲餸。雲吞雞(例) - 已經係最細Order, 但係都有四碗份量!味道不錯!東坡肉 - 肉質唔夠鬆化,以東坡肉嚟講仲可以話有啲硬,啲汁多油,可能期望有啲高,比相象中無咁好食.雖然今次經驗係一般,不過都會再去!

同屋企人去食飯...一行六人~一去間餐廳我第一樣o野睇o既一定係D服務生o既態度~呢間o既服務就俾左個非常之唔好o既印象我. 帶位o個個帶帶下可以同其他Waiter傾計, 想落Order真係扮見你唔到, 扮聽你唔到, 當堂以為自己有特異功能隱左影...o野食賣相唔錯, 睇落都幾吸引, 食落味道如果你唔太咀刁o既都可以接受, 但係有一樣o野真係不能不鬧: 叫左6碟dishes, 有2碟上台時竟然唔熱o既....咩世界呀??中菜竟然可以做到上台唔熱....之後以經唔駛佢換, 同佢講明叫佢拎返入去丁熱佢, 竟然好似好唔願意咁...真係...唉~唯一可取之處係, 間o野都算幾乾淨幾靚仔, 台同台唔會太近囉....

之前去尖沙咀分店食，其實覺得只係一般 ~ 適逢中學同學聚會，咁岩又約左係荃灣... 想搵間大大地又可以坐得耐既非西餐廳，所以就搵左呢度。 中學同學介紹花雕醉雞，如果鍾意濃酒味的，一定要試下了。佢係用個盎仔咁上，d 雞浸晒係 d 酒裡面，越食越有酒味。同埋 d 雞肉都好滑，一盎既份量都唔少.. 用黎餸飯就最好不過。 韮菜餡餅是稍為簿身的。餅皮較硬較脆，與大陸吃的那款不同。不過佢都幾香口，味道 ok 又唔算油膩，但韮菜同蛋都少左 d，同埋都好易跌晒出黎。 川味牛肉 (又唔記得左個名呀, sorry): 好似牛肉乾咁，但比牛肉乾黏身.. 碟上有幾顆辣椒，但佢只係微辣.. 咬落口感有點似易碎的牛肉乾，但痴牙。好唔好食就見仁見智。 賽螃蟹: 嫌佢蛋白唔夠滑，即使撈埋個生既蛋黃都係一般咁啦，加埋醋就好少少。 小籠包: 以前食開小籠包，舊肉都係滑嘟嘟的，可能係因為佢撈埋 d 肥豬肉吧. 近排有少少怕小籠包，因為覺得佢好肥好滯。不過，呢度既小籠包呢... 個口感同出面既唔同。皮係好簿好簿，夾時要好小心，如果唔係會穿。而佢既湯汁好多好豐富，但舊餡就冇出面果 d 咁肥.. 食落去會有少少「鞋鞋地」既感覺，

星期日去霸王山莊,叫左五色冷盆, 片皮鴨 (2食配叉子燒餅), 紅燒元蹄, 黃金蝦, 火腿津白, 小籠包, 生煎包,第一樣黎既係黃金蝦囉, 跟住係元蹄囉佢一放低黃金蝦,我眼都凸埋, 問 : 第一樣上黃金蝦?佢既答案係同前晚海港燒鵝海鮮個個一樣,你一落單我地廚房會全部一次過上頂, 甘我叫冷盆托呀一食黃金蝦, 仲衰過茶餐廳用雪蝦都原諒你但係個層炸皮又厚又乾又唔新鮮一定係一早炸好有人落order就用咸蛋黃炒返熱個隻難食到死片皮鴨係片肉鴨, 勁厚肉,元蹄不過不失叉子燒餅厚過塊面包,點塞入去先5個人食800蚊唔係少丫,不過衰過去食快餐so no next time!總括來講間都係因為想做多轉生意而bang bang 聲上晒d但係莫非d侍應一d上菜常識都冇?佢地完全唔覺有問題而家我唔係食快餐呀去茶餐廳食個b餐人地都識上碗湯先啦其他又一次過上,逼人好快甘食,食得好唔舒服好似赶住赶住甘,食龍肉都冇味啦香港飲食文化水準再係落去真係大鑊

來這分店…不是說笑…應該不下三四十次，寫食評倒是第一次。多數幫襯下午茶或宵夜時段，貪其選擇多，價錢合理。上星期日來這裡下午茶，人不多…坐得舒適。叫了兩個麵餐，辣子炆雞麵、擔擔麵、小籠包、辣涼拌茄子。還是最愛這裡的小籠包，皮薄餡靚又多汁,水準比其他同類京川食店穩定。茄子也是每次必選的，個汁好濃好正。每個餐還包一杯飲品…選擇多、食物好、服務貼心、環境舒適，順理成章成為長期捧場之選。

昨晚6個人去左霸王山莊食晚飯,但因為我地成10點幾先食,所以已經係宵夜時段,叫左好多野食,基本上叫左兩轉,之後再無無謂謂咁叫左兩個燉花膠(紅棗及椰汁),$28一個,唔好食,不用試......但係其他野就好好食,尤其係有一個黃金南瓜片,好正,外面係咸蛋黃裡面係南瓜片,唔太咸但係好夠味......另一個係牛筋麵,牛筋好腍好入味,好好食......6個人叫左好多野食到好飽都只係$444埋單,如果唔係無無謂謂咁叫左兩個燉花膠就仲抵......

端午節去荃灣霸王山莊食晚飯....皮片鴨二食...二食選七彩炒鴨崧配义燒餅.....最差是义燒餅好鬼更,好似去完微波爐叮超時...皮片鴨ok..東波肉無味....醉雞浸酒時間未久....小籠包唔久湯.....最好食要去尖沙咀，其次要去灣仔．．荃灣霸王山莊要改進一吓

霸王小籠包好食,次次來都有食,皮薄餡靚內有湯汁,而紅油抄手都好食,而呢度茶市的麵食價錢唔貴,十幾蚊細細碗又有五種唔同質地的麵揀,可以叫多d唔同的野食,覺得在這裡午餐or下午茶好過去茶樓......不過呢度d冷氣勁凍,要帶多件衫......

同屋企人黎左呢度食宵夜，d野食細細份幾好，可以叫多幾款試下。所以叫左好多款野食，有d唔記得叫左d咩……霸王小籠包------必食，「皮薄涵靚」!紅油抄手---------正，最正係個醬汁!炸軟殼蟹---------個味幾好，幾夠味，但炸粉多左d。豬頸肉黑金剛---夠味，黑金剛麵幾爽口。草苺桂花糕-------酸酸甜甜，涼涼地，最啱夏天食。香芒奶凍----------屋人話好味﹐好滑同好香芒果味﹐ 我覺得唔加d彩色糖粒會個賣相更好lo。其他都唔錯。上菜好快，d野好快黎齊，每人都係50幾蚊，宵夜真係抵食。