霸王山莊 (已結業)

前日(26-6-2009Fri)大嫂又話全家返o黎食飯,話二嫂提議出街食,咁我就揀鳳城,點知打去話執o左.啊,咁我o地決定霸王山莊啦.打電話o黎book 8:00pm.7:45pm我,男友同爸爸先去到,已經有張最入面o既十人枱,真係舒服.枱上已經有兩個前菜,右邊o既係醃o既津白,辣辣地o既,菜亦爽口.味道: 4分而另一碟,男友話好重西芹味,入口時唔辣,但到喉嚨就辣,材料有蘿蔔絲,青瓜絲,都幾新鮮.味道: 5分等o左好耐,我家人至到齊,大哥大嫂決定叫侍應sell o既信用咭優惠o既六人套餐,優惠價$999.00,有:1. 霸王五色拼盤,有:鎮江餚肉每件都切得好工整同均勻,味兒鹹淡適中,唔油膩,幾好.味道: 4.8分雪花海蜇皮同普通o既冇乜分別,一樣係爽.味道: 3分脆皮素鵝呢個o係腐皮包住啲木耳絲,食o既時候暖暖地,亦出奇地好食,腐皮仍脆,呢個好快食晒.味道: 5分雞絲粉皮粉皮都幾碎,花生醬唔係咁夠,呢個OK o既.味道: 3分千層峰將幾隻豬耳叠埋一齊後切成一片片,我覺得呢個味道差啲,唔好食.味道: 1分4. 紅燒雞燒翅雖然個煲唔大,但都分到八碗滿滿的,內有幾多竹笙絲,唔錯.味道: 3.

常常去荃灣食晚飯,因為常常食米線的關係,於是看食評見這麼"笑哈哈",便試了。結果,有非常被騙的感覺. . .一坐下,侍應就送來了冷盤小食,是一些白蘿蔔絲、紅蘿蔔絲、木耳、冬菇用涼拌醬撈的,還有少少凍凍的,有花生醬味,蘿蔔絲也很爽脆,很好吃!!!令我同男友都十分期待之後的菜. . .選了"霸王絕配 任選+任配=抵"的套餐,因為不知散叫什麼好,又見幾抵,所以就選了:"任選"的主菜---香酥鴨(半隻),有饅頭伴著吃的,但饅頭一d都唔熱,一d味都冇;說說那個香酥鴨吧...炸的,勁乾,肉質勁"鞋",冇鴨味的,總之好難食!!!因為太dry的關係,我仲將d鴨浸係碗麵的湯裡面~"任配"的菜---鳳梨魚柳,成餐最好味的菜!!!魚柳很滑,一d都唔腥,個皮好薄,唔會有一大層粉的感覺;鳳梨雖然是罐頭的,但可接受的;個汁也酸甜適中,很好味~~散叫了:小籠包---任何一間的上海餐館的小籠包也好食過佢!!!它不是難食的,但真的沒特別!!!!!!山東川滷麵---差!!!!!真的很難食,而上面有豬肉粒、黃牙白粒、蝦粒、海贂粒、蛋,湯的顏色是滷水,但吃下去一d滷水味都冇,很難食!!很難食!!!以食物質數來說,我們決定了,

星期日一行十二人同朋友慶祝生日，一早响openrice見到佢好多人去，已經早一個星期訂8點鐘既大枱，亞姐姐話逾時不候叫我地準時去攞枱。咁好啦，我地咪7:55pm到，佢話未埋單叫我地等等，竟然等到8:20pm佢仲同我地講上一圍仲「吹緊水」未走，無枱比我地！！！真係火都嚟！！！1) 我地係有訂枱，你好應該同定上手講佢地要幾點交枱，好多餐廳都會咁做，何況佢地唔係未食完，只係吹緊水，如果佢地吹到9點，我地係咪要等一個鐘？咁咩叫訂枱2) 等位既大堂又無冷氣，成30度既天氣我地個個等到成身汗，未食已經無晒mood3) D侍應同個經理服務態度勁差，好似唔憂做你生意咁，「你唔等得咪食囉」既咀瞼一定唔會再幫襯，未食已經一肚氣！！　

琴日係端午節,所以dayoff可以去遠少少的地方食野,因為偏愛荃灣分店,(亦都極之唔鍾意灣仔d極差服務態度同尖沙咀店d野唔夠味)所以住港島都特登搭車過去~雖然係紅日,但係晚市時間好少人,可能係未到宵夜優惠時段,連卡位都坐唔滿,我地順理成章可以坐卡位了~(笑)Order左韮黃炒鱔糊,火腿絲上湯浸菜,小籠包,韮菜花煎餅,醬燒茄子同埋桂花糕韮黃炒鱔糊: 好有鑊氣,d鱔控制得好好,唔會煮得太淋~~火腿絲上湯浸菜: 好似求其左少少,同烚菜冇分別韮菜花煎餅: 好食過灣仔店十萬九千倍!!本人指定食品!!醬燒茄子: Super size,我冇正式數過有幾多舊,但係至少十幾舊0係度,雖然好食,但係兩個人食到反眼都未食完~~~如果有細size d就好啦桂花糕: 最好食的都係荃灣店,不過是日的桂花味唔夠如果有時間的話,其實等十點宵夜時段最好,因為平d同埋細碟d,可以試多幾味都得

妹妹早前早了此店 vip, 參加成為神秘食客, 數天前收到電話邀請試食, budget $100, 提議最多兩人. 於是我做了食伴一同前往. 完成後5天內是交回10 多頁的問卷呢~上星期才拿著 $100 coupon 光顧了一次, 想不到一星期後又再來. 7:30pm 到達, 竟然差不多滿座, 店員先安排我入座的是 4人枱(撘枱), 我當然不願意, 最後要求最入的一張二人枱~事前已先閱讀問卷中的問題, 由店內環境, ,員工服務, 食物質素, etc..所以一坐下就開始留意了. 先講食物:干貝香蒜炒飯: ($55): 上次食過炒年糕, 感覺不錯, 今次又試試炒飯, 份量不算大, 二人共享是僅足夠而已, 賣相普通, 只有瑤柱, 菜莖, 香蒜, 但驚喜的是, 飯粒炒得分明爽口, 不太有飯癮的我, 都吃下一大碗呢!當糖醋松子魚 ($9): 4月份的promotion, $9 一條真的便宜得發笑, 原價是 $108的! 但心想, 一定比平日細碟啦, 結果等了20多分鐘, 侍應送上枱的是一大條, 相信是正常份量, 魚身炸得鬆脆, 粉漿不算厚, 魚肉不期望會很滑, 但蘸上甜酸汁很開胃的, 佐飯一流迷

每星期總要見見徽”S們才算完滿......下午2時多,肚子還未打鼓。踏上一條長電梯轉個彎入到霸王山莊京川滬﹑中菜館和徽”S們享受悠閒餐膳;選定要吃的,馬上落單。不論是喝中茶﹑吃西餐﹑或是精緻日本菜,我們都會慢慢仔細品嚐。霸王小籠包~~皮薄餡多湯汁,蘸了些薑汁醋一同吃就如畫龍點睛南瓜叉燒飯~~ 飯一粒粒的爽口而不膩辣子燜雞麵~~選了寬滑麵,麵條竟然比預期中好,帶少許煙韌，配上微辣加了香料的湯,不錯呀!蔥油餅~~它──太厚,蔥又不夠香，也不好味，所以這是失敗之作。

2009/3/31晚餐續上回意粉屋現金劵後，今次再得到霸王山莊的100大元現金劵，多謝OR﹗不過自己好懶又不願出街，到優惠期的最後一天才有動力出去吃返餐。訂了六時四十五分的位子，和老友都剛好準時到達，真的趕到我氣咳啊，只因訂位時店方說遲到的話是不會留檯的。到場後只有四成的客人在進餐，可能有訂位吧，我們可以坐在大大的梳化卡位。全埸的色調是淺綠色為主，連杯碟碗都襯返主題顏色，淺綠粉綠的，圖案花紋都很美，好不欣賞。除了四人六人十二人套餐和近期推廣的恆生二人四人套餐外，還有主菜加$8/18/28多一個小食小菜等，果真多花款，所以我們也考慮了很耐才得出以下結果~~~小食：小籠包﹑韭菜煎餅以及今期推廣一蚊一碟蒜香金瓜絲主食：砂窩雲吞雞-半隻，加$28配碟素炒雜綿；香酥鴨-半隻，加$8配碟清炒油麥菜甜品：OR優惠劵-送桂花小湯丸點菜後就吃吃那小碟前菜，是醃海帶絲﹑蘿蔔絲等等好多絲，味道甜甜地幾好食的。上菜速度都幾快，先說小食吧。小籠包皮厚得來軟熟，三分一都是肉汁，豬肉餡鞋了些少；韭菜煎餅外型很美，餅皮很薄煎得很脆，每塊餅夾有大量韭菜粒和少許蛋絲，帶點菜汁加少少辣，既香口又幾好吃；蒜香金瓜絲，蒜味真的

事緣Openrice的coupon快到期，今晚就和媽媽姐姐去吃飯是夜要了四遁菜：霸王小籠包、果味菊花魚，杭州炒年糕和羅漢黃金甲霸王小籠包($28)：皮薄多汁!肉汁味道濃郁果然是招牌菜~比上海婆婆和滇家菜等店做得好果味菊花魚($108)：本想要松子桂花魚的，但媽媽說這個特別些就要這個吧~賣相不太好...沒有了魚頭和魚尾......味道則像西檸軟雞生果只有鮮橙粒，談不上是果味吧...還好魚炸得夠脆，挽回不少分數杭州炒年糕($55)：這兒有幾款炒年糕供應，特別些的有軟殼蟹炒年糕，但怕味道也太特別，於是選了穩當的杭州炒年糕。配料有小白菜、紹菜，冬菇和肉絲，以豉油上色，可惜味道偏淡，要伴以辣椒醤來吃羅漢黃金甲($48)：補充纖維之選伴碟的六株小棠菜被我掃清而主角黃金甲其實是以腐皮包裹著炒過的粉絲，金菇和青椒等配料，味道竟然略甜，這道菜頗有特色，味道也不錯~已決定回家自己試試做對上一次來吃飯已經是幾年前的事了，還記得當時的服務其差......如果不是openrice的coupon我也不會再來。是次不論侍應，部長的態度都十分好，除了不停加水和斟茶外，我替羅漢黃金甲拍照時還主動切開給我拍得漂亮一點其實

環境: 店舖內有4人卡位, 有大圓檯, 有2-4人的檯, 裝修一般; 店舖出面自動電梯好舊, 地下濕淋淋, 好滑, 建議裝修一下.食物: 二人order了糖醋魚 : 細細塊炸魚, 魚不太新鮮, 明顯係雪魚, 但伴菠蘿, 青椒, 洋蔥炒, 加上糖醋汁炒, 酸酸甜甜, 好開胃, ok收貨.紫蘇排骨 : 煎好蒜味排骨, 伴了炸得香口的紫蘇葉, 幾特別, 排骨的件數很多, 抵食金絲瓜: 特價$1, 好難食魷魚: 特價$6, 一隻魷魚, 有6件, 新鮮, 唔"un", 有醬汁點, 好味抵食2個白飯, 細細碗, no comment.p.s. 前菜十分難食, waiter 話前菜一定要, 不可退, $10一碟. 用了$100 coupon, paid $78. Thank you OpenRice

<用餐日期為 2006 年。>今次終於唔係我做搞手了，重任交返比主人家身上，因為今次嘅主角係校長 & 校監，為了方便大家，地點選咗喺荃灣大河道嘅霸王山莊。訂咗七點檯，大半數人到後，為免大家肚餓，主人家校長即時點了一道拼盤比我地食住等。七點半終於人齊，校長睇完餐牌後，點菜嘅責任最終落返嚟我度....又再比我呢個醒目嘅妹妹估中喎。本來打算叫set，但係入面只係發覺得兩樣係我同妹妹原本諗住叫嘅，太少了，唯有a la carte啦....佢有一版係人氣之選，我地喺呢版已經點咗5道菜了，分別有小籠包、松子桂花魚、香酥鴨、黃金蝦及沙鍋雲吞雞。仲有其他分別係皮蛋豆腐、雞絲粉皮、賽磅蟹、麻婆豆腐、香蒜炒飯、鱔糊炒河、蒸/炸銀絲卷及蔥油餅。因為有人之前已經試過其他分店，份量唔算好大，我地一行十人，唯有叫多幾樣補返啦....1. 拼盤 > 入面有海蜇、素鮑魚、醉轉彎、青瓜2. 皮蛋豆腐 > 皮蛋唔靚....而且好少，豆腐就好多，冇乜麻油味，唔夠香3. 雞絲粉皮 > 雞絲唔夠，瓜太少，麻醬唔香，好普通4. 沙鍋雲吞雞 > 係鹹咗少少5. 松子桂花魚 >

尋日爸爸生日...見上次openrice有張100蚊coupon所以去左叫左個2人餐..再加隻霸王雞同唔知咩咩餅..都幾好食,不過份量少左d!有機會再去啦!多謝openrice!埋單480-100=380俾我想像中貴..因為我請呀!

差不多十點才可以離開公司，和男友的晚餐都變成宵夜了，難為了他等了我這麼久。看到這裡的宵夜好像不貴，反正沒試過就不如一試啦。點了擔擔麵、口水雞和雞絲粉皮。擔擔麵一看賣相就不喜歡，水汪汪的，欠缺了麻香和花生香，好一般。口水雞要求小辣，對於我來說，辣度剛剛好。只是雞肉比較粗糙，又沒有雞味，不太喜歡。雞絲粉皮︰正常不過的味道，濃郁的麻醬混上粉皮，是軟好的一味。不知是否因為宵夜關係，份量比較少，不知晚飯時份量是否會多一點呢？整餐飯我反而覺得餐前頁食的酸瓜最好味，但竟然要收$10一小碟﹗其實是零八年十二月三十日的晚餐，不知為何之前未獲登出？

(11/1/09)今日未有食過正餐,老公要來個"great dinner"。入座即「送」上前菜:泡菜。超級味精豆板醬「泡菜」,唔該下次如果又係呢味,要佢拎走唔要喇,應該可以慳番前菜小費。講番我地的order:小籠包、仲要多兩隻蟹粉小籠、杭椒茶樹菇炒鱔、松子魚。小籠包,皮薄但每夾都沒有穿,肉汁juicy餡味講不上鮮,不過食完一定滿足到小籠包癮。而蟹粉小籠,蟹味唔濃,所以同普通小籠包差別不大。而茶樹菇那味,都好好食,最鍾意佢既鱔絲都吸收左椒絲味,咁樣炒埋一齊先至有意思ga ma!初時諗住松子魚,炸左都無乜肉食,點知呢條足秤得很!(當然佢無寫明有幾重)肉厚又大條,雖然係用酸汁拌著,我和老公兩個食魚皇,都覺得膩了,夠了,而且食到呢度,覺得一切都好咸,要食兩碗先至可以平衡到。p.s.壺水仙茶勁出色!原來加左桂花!好match呀!

以前同朋友試過，覺得幾好；上星期六再來，因朋友沒試過。試了鮮肉水餃、油豆腐粉絲湯（碗）、炒雜茵和香草蒜香骨。油豆腐絲湯沒有栢葉，湯底顏色混沌；好奇怪，鮮肉水餃啲皮唔熱，但啲餡就熱，好似用微波爐翻熱咁；香草蒜香骨又係唔熱。我聽到隔離枱的豆腐又係唔熱。如果係上菜慢，都話有可能煮好菜上唔切，但啲菜上得好快喎，我都唔明點解唔熱。破壞了因上次試過ok而值得再的感覺。

12/24日平安夜今日約0左女友人0黎呢度食0野呀...霸王山莊係我第二次0黎lu!~由於一早已決定平安夜0係度食..驚多人..所以早幾日已打電話0黎訂位...接線生態度唔錯呀!6:00已經到0左la!~人唔係太多...睇下meau先....由於我同朋友都算食得之人咁我0地諗住聖誕食餐勁0既..叫0左超多0野呀...冷盆三併..要腐皮卷...雞絲分皮仲有海哲!(海哲yummy..好爽口呀!)因為想飲下湯,叫0左砂窩雲吞雞例牌..(唔0係幾好食..d雲吞皮好厚呀...友人話湯算鮮...但雞冇咩味..d湯應該係d金華火腿出味...)扮聖誕火雞0既片皮鴨2食..(跟叉子燒餅)(放凍0左都好食..太多0野食唔切la)鍋貼鳳尾蝦....(好好食呀...最鐘意食呢個..但都幾貴呀!$109元好似..有6件..但幾大件0既..好多虾肉)霸王小龍包4件(好多汁下)仲有用優惠卷換0左兩隻一元蟹粉小龍包!(我同友人都覺得好好食..我0地食都有蟹粉味...可惜只可1人換1粒...我覺得呢個好食過霸王小龍包)叫咁多0野..兩個人緊係食唔晒la!~~打包0左好多片皮鴨同叉子燒餅走人呀好開心0既聖誕超級大餐呀..