靚煲皇 (已結業)

媽咪係奧運返工， 所以附近嘅美食都已經逃唔過佢嘅手指罅😂😂， 我同媽咪兩個人食「靚煲皇」係第一次， 實情係我媽已經同朋友黎過好多次， 每次都話火鍋湯底正，配料大份夾抵食！😏 星期五佢話要休息下，唔想煮飯，就黎打個邊爐啦！ 『打邊爐家族』洗乜驚？ 其實大家平時多注重衛生就得啦！同心抗疫！ 靚煲皇有大（$268）有細（$198）， 不過我地兩個人食， 所以嗌個細，再搭配其他火鍋配料就剛好， 因為呢到每份配料都好大份好足料！😏🌟推薦❗️靚煲皇材料十足， 有扇貝、豬骨、軟骨、蝦乾、吊片、粟米等， 雖然扇貝唔係好大隻， 不過勝在豬骨、軟骨都好足料好正， 都算加返分數， 有靚湯底，打邊爐之前梗係要飲返啖湯先啦！ 清甜味美，越熬越入味！☺️ 雙拼餃（$68） 揀咗韭菜餃同鮮蝦雲吞， 每款有四粒，份量都幾抵！ 餃子同雲吞都係自家包製， 雖然個頭唔算大， 但皮薄餡靚，不錯吃！😋 🌟推薦❗️手打蟹籽墨魚丸（$88） 自家製手打墨魚膠， 拌入蟹籽，口感更豐富， 墨魚丸爽口彈牙，值得一試！ 🌟推薦❗️響鈴（$48） 全部自家製，即叫即炸

好味雞湯煲上星期天氣又涼，就去左旺角食胡椒豬肚雞，打個邊勞，飲個熱湯。胡椒豬肚雞，大煲，料都好多，應該有半隻雞。我地先飲下個湯，吾錯，胡椒香，小小辣，仲有好香雞味，味不濃但有粟米同紅蘿蔔一齊煲，帶有甜味。雞件煮熟都吾鞋，雞肉嫩滑夠新鮮，連雞皮食仲正。雪花肥牛，件數吾算多，但係級數都好，牛味濃，好味。流浮山鮮蠔，好多粒，大大粒，新鮮有蠔味。極上黑豚肉，厚切，有肥肉，所以豬味正，入口溶。黑松露墨魚丸，八粒手打丸，吾錯。最後當然要食返出前一丁，飽晒。

踏入二月天氣忽冷忽熱，寒流下自然想圍爐取暖 。4人成行就剛剛好，近近地相約旺角靚煲皇聚一聚，靚煲皇聞名已久，還是第一次來吃火鍋，原來是一間小店來。我們入座後，見到桌上已放好自助式的調味料，我們邊點餐邊裝醬料，首選鍋底當然要叫上招牌「靚煲皇」火鍋湯底。靚煲皇$268沸騰騰的大鍋 裝著滿滿的材料有豬骨、豬軟骨、 扇貝、乾吊桶、蝦干、粟米、紅蘿蔔、白蘿蔔等食材，有菜有肉，乾吊桶及蝦干的加入為本來鮮甜的豬骨湯底帶點濃濃的海鮮咸味，品嚐兩重口感。豬骨份量十足又耐煲，可以補充流失的膠原蛋白，光是這個湯底，已經有很多東西可以吃。手切肥牛$338有意料之外的驚喜，牛肉不是普通的肥牛，油花分布均勻，切有一定的厚度，脂肪比例相對較低，但肉味香濃，牛味好重及有彈性。四個人叫了大份，足夠每人吃得滿足。美國桶蠔$98  生猛海蝦$78海鮮方面，美國桶蠔飽滿肉厚，處理得乾淨無雜， 滾足三分鐘就要起筷，蠔味夠味道足。生猛海蝦，原來有八隻之多，十分抵食，看得出是新鮮蝦，而且隻隻斤兩足，不是一般的海中蝦，肉質爽口鮮甜。鮮蝦雲吞　韮菜餃     雙拼$68手製餃類系列，我們揀選鮮蝦雲吞及韮菜餃組合，大大隻皮薄餡滿，材料新

早前還未出現「打邊爐家族」時，和朋友一起來到這間中式火鍋店打邊爐，價錢和質素都值得一試☺️——————————🔹靚煲皇 (細) $198網上有唔少人推介這個靚煲皇，我和朋友就決定叫這個試下。裏面的確有不少蝦干、吊片、扇貝、豬骨、軟骨等，整體鮮味十足，有點似豬骨湯☺️惟扇貝偏細隻，還有些沙😖店家要注意下❗️🔸雪花肥牛 $78雪花肥牛切得不算薄，肥瘦比例均勻，色澤紅潤～所以比起薄切牛需要煮耐啲，果然牛味濃，肉質亦因偏厚而有咬口，朋友很喜歡這種肉質😂🔹極上黑豚肉 $78極上黑豚肉同樣是厚切，一眼色澤就知很新鮮，肉質會較腍，不算太肥，食多幾嚿都不會膩。🔸手打四寶丸 $88講到手打四寶丸，當然試下同出邊啲丸係咪唔同～ 這四種丸都算彈牙，味道普通，不算太突出😌🔹雙拼餃 $68這裏的餃子都是自家製，分別揀韭菜餃和鮮蝦雲吞，餃子皮薄，餡料調味剛好，不錯☺️🔸響鈴 $48這裏的響鈴卷應該是店家自家製，因為一上菜時是熱辣辣，還有油光😍稍為淥一淥，口感還是很脆口，充滿豆香味～🔹娃娃菜 $28娃娃菜比我想像中多，乾淨又新鮮😊

天氣涼涼地最適合食火鍋，朋友介紹位於旺角塘尾道的靚煲皇小菜坊。位置在朗豪坊後面，不會太嘈雜。這個時間小店，坐位都頗為闊落。而且店員亦好好服務，服務好這裏的火鍋煲選擇都幾多，我們點了宮庭藥膳雞煲。上枱時藥材的味部很濃，證明用了十足入邊有，淮山，北芪，當歸，蟲草花，龍眼，杞子等。而且雞的分量都幾大隻。當藥材湯滾起後我們便落雞，雞熟後就可以飲藥材雞湯，非常暖胃，在這樣凍的天氣飲藥材雞湯，全個身都暖了。另外我們還點了娃娃菜，黑牛柏葉及雪花肥牛黑牛柏葉有趙頭，而且沒有漂白，比較天然。而雪花肥牛肥脂肪分佈得很均勻，色澤和口感亦很好。娃娃菜亦好新鮮總結:靚煲皇是一間不錯的火鍋小店，和朋友三五知己摸酒杯，食火鍋是個不錯的選擇。

位於旺角打邊爐的地方天氣凍凍的最岩打邊爐叫左個雙煲一邊辣一邊唔辣點左有手切牛肉、半隻雞、手打四寶丸手切牛肉一份既份量都唔少，肉同脂肪既比例大約係8:2手切牛就是不一樣！紋理和口感都是一流的，一份大約有20多塊，而塊塊都厚切牛味濃！雞件超正的，嫩滑100分，半隻的份量夠3-4人share來吃，而且即使放久了也不會變老，很入味手打四寶丸一望就知是手打的，第一次吃不知道什麼口味好吃，而家知道了！就是這個黑松露墨魚丸！勁香的黑松露香，魚肉又嫩又滑

外賣左一個靚煲皇，6個食材返屋企，好失望湯底勁淡味，豬手又硬，食落無味道。珊瑚蚌有腥味、鵝腸豬肚有陣梳打粉「乸」完定唔知咩既怪味，食左一舊已經唔敢食，完全倒垃圾桶。menu上寫係胡椒豬肚，結果比我既就咁豬肚，落湯滾唔夠1分鐘已經變得好硬，一陣怪味！（本人有豐富食各種內臟、豬雜經驗！絕非第一次食）牛胸爽、手切肥牛普通質素，手打芝心蝦丸好細粒唔彈牙！湯底外賣盒28蚊個收左兩個，係旺角買完即刻飛的15分鐘返到屋企即刻食，整體真係好唔掂

今日同朋友聚會，佢地食開呢間大排檔我就第一次食，今日超多人，等左好耐都個煲都未黎，叫左兩三次先黎，料都到齊餓死寶寶，牛肉係靚既，蝦滑都唔錯！不過價位都貴左少少，但食材係新鮮既下次希望可以快D上煲啦

友人生日她選了這家yellow店，看過openrice食評巳经不太合心水，但不想拒絕友人所以來試試。地點不太方便，地方细，環境，裝修很一般。先叫湯底， 簡單一個皮蛋芫茜湯底居然要 $108 ，其他食物也偏貴。再來一碟大肥牛 $338 以為可以，點知切得勁簿，又冇味又冇咬口！！豬皮有油益味， 蝦滑墨魚滑雙拼仲離譜， 索價 $118 又係簿到風吹得起，味道欠奉，像吃擦子膠！大家都好嬲決定吃完枱上的食物即轉場。我們還點了腐竹，西洋菜，響鈴 (好硬)，炸魚皮，只有炸魚皮是正常。 服務態度都唔係咁好，叫幾次先加湯。 我哋埋單嘅時候見到座無虛席，真係唔明點解咁難食都咁多人嚟 。如果物有所值就冇所謂，但係佢啲質素同價錢真係爭好遠！！！！好後悔試新店，還是覺得九龍城的大邊爐是最好的。

雞煲很出味，雞也很新鮮，裡面料很足，養生吃法，不咸不甜不辣，適合全家食用蝦兵愛上老友條，聽名字就知道裡面是蝦，外面裹了麵粉，很酥脆很好吃，但是吃太多會有一點油膩，搭配沙拉醬會好很多⋯⋯羊肉片很大，燙一下就可以吃，值得推薦，很有誠意的羊肉片爆珠珠金沙鮮魷，也是一款油炸的小吃同樣很好吃但是也有點油膩，我也沒搞懂爆珠珠是什麼意思⋯⋯份量太大了作為小吃也太有誠意了因為去得比較晚，所以吃完也很晚了，還免費請我們喝了啤酒，服務也是很好👍🏿

放工約咗朋友食晚飯，佢帶我到佢屋企樓下的靚煲皇打邊爐， 佢話這間打邊爐係佢屋企附近最好食嘅， 咁今次就等我嚟試下！ 黎到靚煲皇當然要叫佢哋嘅靚煲皇火鍋$198啦，當晚人唔多所以點咗個細嘅， 之後再點咗幾款火鍋配料極上黑豚肉$78， 雪花肥牛$68， 羊片$78， 油麥菜$28， 鮮蝦雲吞$68，韮菜餃$68。靚煲皇～ 入面有豬骨，帶子，蘿蔔，粟米和蔥， 用真材實料淆製，湯底清甜。極上黑豚肉～ 豚肉顏色鮮豔，肉質嫩滑， 我仲好鍾意佢嘅賣相添。羊片～ 色澤紅潤，羊味濃郁， 打邊爐食羊片真係好正！雪花肥牛～ 又係打邊爐必點系列， 肥瘦適中， 份量都幾多喎！油麥菜～ 油麥菜好新鮮。鮮蝦雲吞和韭菜餃～ 兩款都大大粒，餡料十足。今次到靚煲皇打邊爐， 小店平民化價錢經濟， 點了豬牛羊三款肉類都很新鮮， 朋友話呢度仲有小菜， 下次我都要試下！

炎炎夏日也可以食火鍋，皆因這間靚煲皇有可清熱解暑的湯底，令人涼住冷氣嘆火鍋之餘，也不怕大熱天食火鍋會熱氣。靚煲皇位於朗豪坊附近，有多款的招牌湯底，有夏天新推出的五指毛桃椰青雞湯和冬瓜花膠雞鍋...等湯底，及一系列小菜。餐廳裝修企理整潔，入到餐廳已見到有很多人正在食火鍋。冬瓜花膠雞鍋$188湯底見到大大件的花膠、竹笙雲耳、杞子，還有冬瓜，雞放在冬瓜圈內，大約有半隻，還有蟲草花及紅棗，非常足料的湯底，令湯分外清甜。冬瓜有一大圈，吸收了鮮甜的雞湯底，腍滑又入味又清甜。竹笙吸收了湯底的鮮甜，入味清新又爽口。花膠大大件，又淋又滑，感覺膠質滿滿的。雞肉食得出的新鮮，肉質嫩滑。雪花肥牛$68鮮嫩的牛肉帶大理石紋非常吸引，價格相宜份量算多，肉質帶嫩，牛味較濃。扇貝$68扇貝$68元 四隻也是非常新鮮又抵食。白鱔片$108白鱔片切得不是很厚，材料新鮮又夠鮮味。火鍋還要了鮮淮山及菜心等，食得非常美味。食完覺得靚煲皇價格相宜夠平民，材料新鮮，份量也算多，抵食。

中秋做節，帶兩老黎旺角核心既外圍試呢間［靚煲皇］，去恰下恰下。火鍋店地點雖然係核心外圍，但係其實距離旺角地鐵站都係幾分鐘，十分方便，且食物令人回味。店鋪雖然唔係太大，但座位絕對唔迫，坐得舒服。先揀湯底，呢度個個火鍋湯底都相吸引，各有特色。最終揀左冬瓜花膠雞窩補補，大大個窩鋪得滿滿，非常足料，最正就係有大過我手板既花膠。嗌左d火鍋配料，白鱔、手切肥牛、台灣鴨血、紅薯粉、竹笙、手打蝦拼墨魚丸、韮菜餃同薯仔片。樣樣都好新鮮，而且每碟分量都十足。好味到所有野食都清哂，4人行個個棒住個肚走。老闆亦好細心，店入面有wifi 之餘，餐枱旁仲有USB 頭叉電添。我下次要黎試埋呢度既小菜。

今晚約咗屋企人去旺角靚煲皇打邊爐，提早做節迎月夜。打邊爐最適合一家人，氣氛好，大家輕鬆開開心心烚下烚下 。呢間餐廳都係朋友介紹，話又好食又抵食，真係冇介紹錯。坐得舒服，食物又好味，價錢又唔貴。我哋叫了冬瓜花膠雞湯底，好足料呀，花膠超厚身，大大片好滋補。 叫了很多其他火鍋必備食材，例如牛肉，水餃，丸類，蔬菜，豬紅，鱔片等。每一碟分量都很多，味道好夠新鮮，所以一家人 都吃到捧著肚子離開。火鍋店很有水準，比平時光顧的其他火鍋店，味道更好，更足料，下次屋企聚餐會選擇再來的。

今日嚟到旺角既靚煲王打邊爐，喺朗豪坊再行前少少就到。七點幾嚟到都幾多人，當中有唔少都係成家人黎打邊爐。除咗打邊爐之外，呢度都會有小菜可以嗌。我哋帶咗一個招牌靚煲皇湯底，包括有海鮮，粟米，豬骨等等嘅食材係入面，個湯底冇想像中咁濃郁，可以食到食物嘅原汁原味。一般打邊爐需要有既混醬材料都齊備。打邊爐當然唔少得娃娃菜，我最中意煮到淋曬先食。呢度嘅烏冬係平時食開日本急凍嘅烏冬，口感彈牙。丸類口感不錯。牛肉肉味幾香，輕輕一淥就食得。