靚靚 不一樣的車仔麵

營業中

休息中

我久唔久都會去食下車仔麵，貪其多餸過足口癮😋呢間知到開咗幾耐，但又少會行到去尖東，今次係睇演唱會行上紅館前順路試下<剩餸> 🍵$86叫咗7樣剩餸(豬皮、大腸、豬紅、牛腩、雲吞、豆卜、咖喱魷魚)，呢到嘅餸都煮得幾入味😍唔會隻隻都一樣味，就算撈埋一大碗都分得出滷水、沙茶等各種味道-<豉油皇炒蝦子麵> 🍝$45估佢唔到就連炒麵都唔錯，炒得幾夠味又香口😚而麵質都幾爽彈-<口水雞翼> $15 <煎釀虎皮尖椒> $12 <九轉大腸半客> $35<金柚檸密> $22 <柑桔話梅七喜> $24 佢啲嘢飲沖得唔差☺️夠味唔會淡茂茂-不過又真係貴咗少少😅但租金高企，仲要尖東位置

香港地道小食是很多人心中的最愛，時常都會憶起小時候的往事，好友帶我來到正宗港人最愛食的特色小食及麵食等「靚靚不一樣的車仔麵」，感受一下在場熱鬧愉快的氣氛，同好友來品嚐美食是一個很好的地方。 車仔麵店位於新文華中心地下，佔地面積不太大，感覺舒服自在，很適合姊妹或一家人前來共渡開心的一個晚上。 金牌八喜麵 $53 八喜麵是我的至愛，差不多每次來到都會叫來食，材料新鮮豐富，份量挺多，彈牙爽口，配上多款的食材，令口感昇華，特別美味，我們都很鐘意。 鹿兒島豬軟骨半客 $35 鎮店有多款的美食，最愛鹿兒島豬軟骨，味道好惹味，豬軟骨容易咬開，肉質很爽滑，入口啖啖肉，實淨彈牙，味道非常突出。 黑豚肉叉燒皇 $26 有別於一般的叉燒，口感嫰滑，叉燒是半肥瘦的叉燒，肉質鮮嫩有彈性，厚薄適中，咬落去啖啖肉，感覺很滋味。 串燒龍蝦丸 $15 龍蝦丸夠厚很肥美，大家都搶著吃，口感鬆軟嫩滑又有咬口，加入點醬，提升了味道很清新，感覺很滋味。 靚靚不一樣的車仔麵 地址：尖沙咀科學館道14號新文華中心地下22-23號舖

今晚和老朋友在尖東遊走我倆就決定以車仔麵作晚餐無味精這三個字深深吸引著我點了一路最愛的蝦籽麵的確少了一陣討厭的肉香味黑毛豬叉燒鋪上一層蜜糖甜甜的是香口之選口水雞翼只屬微辛程度九轉茄子肉是全場焦點走過油的茄肉軟嫩無比其實配白飯佐食會更開心朋友是墨魚愛好者墨魚丸煎墨魚餅通通點了看到他的食相就知道很滿足了最後我忍不住追加了腸粉不花大錢的平民美食其實箇中的學問真不少呢

難得星期日是工作休息天,又有好耐冇約班朋友出街, 於是我地就一班人由MK行街行到去TST啦~行左咁耐,行到肚餓,於是就去左衣間靚靚 不一樣的車仔麵度食~講真 真係比鋪頭名吸引住,入到去叫左碗咖哩魚旦豬皮油麵~賣相相當唔錯~但係冇眼見以為咁辣~食落都相當好食~魚旦都好入味!!大家如果第日見到衣間"靚靚 不一樣的車仔麵" 就記得入去坐下啦!

今日和老婆往尖東靚靚不一樣的車仔面食lunch, 我們點了瑤柱清湯手打烏冬(鹵水朱大腸, 魚皮餃和朱紅) 、墨魚丸,、朱軟骨、黑毛朱叉燒、清湯浸露筍、土匪雞球、鮮蝦雲吞、餐肉紅腸煎蛋飯餐連湯、九轉大腸、煎墨魚餅和白菜仔。瑤柱清湯手打烏冬湯好清甜, 烏冬和朱大腸食落爽口、魚皮餃皮薄餡靚和朱紅好滑, 整個烏冬食落豐富), 墨魚丸食落彈牙爽口、朱軟骨入口即熔、黑毛朱叉燒半肥瘦叉燒好均勻, 食落甜而不膩；清湯浸露筍, 浸露筍好清甜爽口；土匪雞球孜然粉好香, 雞肉彈牙鮮嫩；鮮蝦雲吞蝦肉新鮮彈牙, 皮好薄, 好美味；餐肉紅腸飯餐連湯, 附送的紫菜湯味道適中, 紫菜好滑；厚切餐肉煎蛋飯煎得甘香, 紅腸食落啖啖肉好美味；雞蛋煎得好味, 白飯配上蛋汁食落好有層次；九轉大腸食落小小辣, 味道彈牙, 佐酒一樓；煎墨魚餅有香甜蜜糖味, 墨魚餅煎得熱辣辣, 脆卜卜；白菜仔食落新鮮爽口。餐廳食物好有特色, 黑毛朱叉燒,土匪雞球和九轉大腸很有特色, 食物美味, 味道不錯。

早前和屋企人在尖東行街,屋企人提出要吃車仔麵，剛好前面有一間車仔麵，店鋪名好特別，叫靚靚不一樣車仔麵，這閰十分好旺埸，我同屋企人一起坐下之後，車仔麵只是叫了一碗,怕吃不完浪費食物，就叫多3個餸，另外，叫了2杯飲品,這裡的服務幾好,店員好熱情介紹店鋪有咩值得吃,2個人真的不能吃太多，地方尚可適中,價錢平均80元一個，以TST來說算平 ，它的份量好多，真是好抵食呀,下次有時間再來這裡味道車仔麵，揀了粗麵，這裡粗麵整得幾好味,粗麵粗中帶幼 湯底,揀了清湯,個湯味道不錯，少了以前車仔麵個湯太咸情況密汁叉燒，這個是店員推介，叉燒整得入味,叉燒肉質好新鮮服務我覺得店員服務幾好 ，向客人講多謝，亦會問下客人的意見有咩可以做得更好環境地方不是太大,尚算適中,座位之間亦不會太迫價錢平均80元,稍為貴咗些小，在TST來說已經叫平，份量好多呀，好抵食，下次會再來

放工後約兩三同事，回家的路上一起吃個飯，一天的緊張煙消雲散，感覺好極了。這家店很小，只有幾張桌子，但食物著實好吃。尤其喜歡他們的鹿兒島豬脆骨，軟化爽口。小菜也不錯，口水雞，燒茄子也都非常好吃，每次必點。

因到附近上堂，不想每天只吃翠華，便試試這小店。點了菜乾排骨粥及頭抽炒河加凍奶茶套餐，每一樣也十分出色。先說粥品，綿綿的淡墨綠色粥底滲透着菜乾獨特的香氣，此乃任何新鮮蔬菜均冇的韻味，也有不少有彈性的排骨件。粥底只略欠少許鹹味，但若配頭抽炒河同吃，可能又算夠味。炒河用小鐵板上，上面鋪銀芽及蛋絲，感覺頗精緻，河粉不會粘着一堆，每條也上色均勻，頭抽也鮮美清爽。再配杯濃淡得宜的凍奶茶，這樣的早餐，一星期可吃兩三次！故下星期便又回來光顧其招牌食物，車仔麵，因沒有時間逐樣餸諗，便叫金牌八喜麵，怎料就中晒伏。這兒的特色是可任揀湯底，有麻辣，冬陰公，沙爹等。但因不想湯味蓋過車仔餸的味道，便只挑了瑤柱清湯。吃麵前先喝啖湯，不淡但冇鮮味，車仔餸更令人大失所望，除了清甜的芹香蘿蔔，入口溶化的豬皮（只有三小塊）外，其餘的如酸齋，魚蛋，牛腩，雖未至於太難食，但就不算合格。我想可能散叫餸好些吧！一差一好，評分就變OK吧！

昨天小弟放大假，下午前往香港歷史博物館參觀"海上雄獅"展覽，去之前當然要在附近找地方吃飯了。小弟最後選擇了尖東相當有名氣的靚靚車仔麵那裡吃。小弟在該處點了一碗油麵+瑤柱清湯底+肥牛肉(雙份)+魚皮餃+豆卜來吃。飲品就點了一杯凍柑桔話梅七喜。小弟一口咬它的油麵，口感彈牙，粗幼恰到好處；至於湯底，可能因為該餐廳標榜唔落味精，味道就淡了一些，不過就仍然有少許鮮甜味。配料方面，肥牛肉就切得薄身，吃下去相當爽口；魚皮餃就與外面其他麵店差不多貨色，沒有甚麼驚喜；反而覺得有驚喜的是豆卜，可能因為它吸入了湯汁，咬下去不單爽口，還感覺到有熱燙燙得來又鮮味的湯汁擠出，可以說是雙重享受呀！之後小弟喝凍柑桔話梅七喜，喝下去既爽神，又有酸酸甜甜的柑桔味及話梅味，在酷熱天氣時喝，絕對是消暑解渴的良伴呀！整個餐湊在一起就73元左右，略嫌昂貴。整體來說，該餐都還算不錯，偶爾間嘗試一下，沒有壞的。

同幾個friend一齊出去玩，身上嘅錢已經洗得七七八八啦，呢個時候先有人醒起我地仲未食飯....有人提議去食靚靚，又平又抵食！可能因為大家都肚餓啦，睇完張點菜紙發覺野食好平！！忍唔著點咗好多樣！！....叉燒皇，一份有5舊，舊舊都厚切，好有份量，名副其實嘅叉燒“皇”！！外表有光澤~~黑松露蒸蛋，呢個菜有啲可愛~~我鐘意！蒸蛋系半成熟左右，蛋黃好靚，仲有黑松露放系蛋白上邊，口感非常嫩滑。極品手打烏冬**一碗烏冬先24蚊！！，純正手打，唔需要過多嘅配料，齋烏冬加清湯就已經好好味啦！咖喱辣魷魚，鐘意食辣嘅朋友絕對唔可以錯過。啲辣味完全滲曬入魷魚入面，魷魚好鮮美

今天老婆仔下午不用工作天氣不太穩定的星期三我們想到了去科學館遊覽一下就前往了尖東區參觀前先吃個午餐我們都很肚餓但最近支出有點大要選擇經濟的餐廳上網搜尋後發現這間車仔麵獲得不少好評雖然說是不一樣的車仔麵但應該也不會太高消費吧所以就跟老婆仔說讓她任意點菜我們來到時已經剛剛過了繁忙時間所以不是太多人這裡的菜式果然真的經濟價錢所以非常肚餓的我們都放肆地點菜即管試一試有什麼不一樣我們主要是叫兩碗麵另外再加小食分別點了一碗19元的酸辣湯底米線以及一碗24元的清湯手打烏冬老婆仔表示這個酸辣湯底很不錯酸辣度適中不會太辣但又夠味簡簡單單卻很不錯而手打烏冬吃得出是高質素的烏冬非常彈牙又沒有烏冬那種微酸味想不到這小小車仔麵店也用上高級的食材接下來是小食先有15元的鹿兒島豬軟骨大約有3件醬汁很濃味很配合豬軟骨重點是豬軟骨的骨很不錯軟骨真的很軟感受到那種骨膠原感覺再來是15元的九轉大腸在網上看到這個非常值得一試所以我們也特意點來試試這個醬汁也很不錯也很濃味豬大腸感覺也很乾淨果然是值得推介不過略嫌豬大腸不夠香只靠醬汁提味這個22元的燒土匪雞球土匪味很濃燒得很香單靠這香味已經滿分了是我最欣賞的菜式之一15元的口中雞

第一次食車仔麺食咗90幾蚊，貌似有啲誇張~哈哈哈哈哈不過靚靚嘅份量都幾多下，兩個人差唔多啱啱夠食。點菜單鐘意食乜就直接打勾就ok啦，上面會分好類，而且分得好詳細。其實樣樣都想試下，不過胃嘅容量有限，就只能點幾樣老細推介嘅...照燒芝士腸——12蚊。有四條，燒嘅程度各有唔同，有啲會稍為燒得耐咗啲，不過唔會影響口感。口感有啲脆，有少少甜味，芝士嘅味道唔系好明顯。靚靚粗麺皇——18蚊。點完先發現呢個麺竟然已經系店入面最貴嘅一樣！！麺感覺似平時食開嘅闊麺，幾彈牙，主要系湯底同搭配嘅材料好！鹿兒島豬軟骨。——15蚊。豬軟骨可以話系呢度嘅招牌之一，肯定要試下！唔系好大份，雖然睇落去好似好油，不過食落去好正，肉感覺已經融曬，入口即溶，不過又有好脆嘅軟骨豐滿口感~~店內仲有優惠套餐，點一個麺加三樣菜式就可以送一杯飲品，好似系馬拉鮮桔蜜。

收工後打算去食嘢聽朋友講你間靚靚好好食，點知中伏了😡😡首先，店舖衛生程度差，地下有好多垃圾，餐具油淋淋!😲侍應態度極差，我諗耐一陣，佢就話「阿姐未諗掂，就唔好叫我啦！」😰我唯有求其嗌咗幾個餸之後上枱我見到碗麵完全係嚇死😵個面好「林」😵啲湯索晒水好似擺咗好耐咁😲白蘿蔔又硬又冇味❌豬腸有屎咖💩好臭好臭🙊牛筋咬唔到👄好似橡筋咁😵呢個咁樣嘅車仔麵68大元，呢個碗麵只有三個字形容「好難食」😫😖係完全唔值💸係我人生食過最貴嘅車仔麵亦都係最難食嘅車仔麵總結，衛生程度差食物質素差服務質素差價錢極高完全冇下次

同朋友去尖沙咀行街行到攰，只係想求其醫肚，就去咗食車仔麵。可能呢度晌馬會附近，手畫點餐紙嘅設計好似六合彩票咁，都幾得意。叫三餸麵嘅話會免費奉送指定飲品，朋友要咗山楂洛神花，都幾蠻大杯，不過佢話飲落有啲似利賓納。我就叫咗熱奶茶，以為可以加錢換購，原來都係正價，茶味同奶味一般。冇幾耐侍應就拎咗啲食物嚟，某啲車仔餸晌無特別要求之下都係分開上。我叫咗沙嗲湯底配油麵、蘿白、沙茶豬皮同麻辣咖哩魚蛋，朋友就係酸麻辣湯配油麵、沙茶豬皮、九轉大腸、牛腩、咖哩魷魚同腐乳通菜。我碗湯底只有微暖溫度，其他食物亦然，蘿白煮得透同無渣、沙茶豬皮亦正常，不過麻辣咖哩魚蛋嘅醬汁唔辣，反而甜甜哋，同麻辣完全扯唔上關係。朋友啲車仔餸同樣只係微溫，慶幸大致唔難食，不過咖哩魷魚最差，魷魚醃到本身味道盡失，味同嚼蠟。唔係第一次食呢間，記得上次雖然唔算出眾，但未至於差，呢次之後對佢哋都幾失望。

我這位不一樣的母親，喜歡在一個安全的空間下給予孩子們一個自由的天地，那天逛街時他忽然說想吃“街邊嘢”，哎喲……在尖沙咀裏可以往那裏找？ 唯一想起的就是不時經過的這裏！每次經過都可以看見有很多遊人購買，堂食外賣均可。至於購買甚麼就交由孩子自行決定，付款時他會喊“媽媽” 我記得每串好像是賣$10-15/串，貴或不貴真是要吃過才知曉！炸大腸是有滷過，客人點了才再拿去炸，我吃了一件炸大腸，尚算皮脆，帶滷香及脂肪油味，ok的。生腸都有落一些醬油，吃落並不會有太爽脆口感，少少熱的溫度，也是ok吧。