靚靚 不一樣的車仔麵

營業中

休息中

第三次黎食，因為見佢出左新菜，一次過寫返三次食評先，很地道既一間食店，簡單裝修，食品卻不簡單，雖然開頭見價錢比起其他車仔麵鋪貴左d，但食完覺得都係值得既，湯底唔會太油，餸同埋面係分碟，食到佢係有特製過，唔係一齊滾熟就算。必試紅燒花膠扒同初炸雨露雞! 掛住食唔記得左影相 (不要見怪喔!) 好香，甜甜的特製醬汁，有10塊左右，可以encore.黑松露意大利麵，有點跟我相像的不一樣，不知道是有湯底的，對於我口味重既人黎講，不太合好味，太淡了，但上菜時有好香黑松露味。有八種餸既車仔麵，$53抵食，有我最愛紅腸，雞翼 (另叫了鹵水雞翼，很不錯) 炸墨魚餅👍👍👍分子料理，黑魚子醬分子包可當甜品，口感似巨峰提子個種，似啫喱，但略嫌魚子醬同啫喱既味道唔太夾。

近幾日天氣悶熱得淒涼，媽子每天都計劃到不同地方嘆冷氣順便打發日晨，這天她說來免費入場既歷史博物館，那我就陪她在附近吃午飯再上班去。這個車仔面檔在科學館傍的文華中心，都算長的日子，選這裡是打算平平地食個豐富午餐，和有超強勁既冷氣（媽子首要要求）。甫一坐下就看到牆上的海報，未食過分子料理既媽子，要用好一段說話先解釋到個概念佢聽，叫了份給她，這個水滴形既一咬開就爆出啫哩狀提子味，面頭既咸鮮味魚子醬配上甜既提子，味道她對我太新鮮，媽子就話她搞鬼，$16，平民價，一試又無妨既，不過可以最後食，當甜品。呢份又係分子之作喎～雞肉面頭既泡泡係用魚露整出，如果參考洗面起泡快速滲透既原理，魚露味的確係入哂雞肉度，當然我唔知有無腌好先，但淨食泡泡食唔出魚露味，反而下底既雞肉好滑好香，幾好食。黑毛豬叉燒，蜜汁味好重好入味，廚房細細都整到呢個效果算不錯，但叉燒唔算特別腍，媽子就話再切細舊D就好喇。問媽子成檯最中意邊樣，佢話係呢個豬軟骨，又係既，炆到超腍身，個汁又甜又香，肥既位都好似炆到半溶，撈飯既話一定好食。個名令我諗起套電視劇，走左油既茄子塊好靚呀，脆身唔會話腍一腍，食落既肉都入左味唔會青，上面再撒上香料令食

邊個話分子料理一定貴!😎 位於尖沙嘴嘅呢間餐廳雖然茶餐廳格局, 除一般魚蛋燒賣車仔麵外, 仲推出一系列分子料理, 價錢都係$20-$30不等 啱曬我呢d 日日都要出街食飯嘅打工仔😍1. 黑魚子醬提子包賣相確實幾精緻, 輕輕咬開提子醬迅速流出, 味道幾得意,有點似細個食嘅提子軟糖😂2. 黑毛豬極級叉燒味道帶甜, 感覺開胃!3. 黑松露阿布素意大利麵估佢唔到食車仔麵餐廳都有西式意粉食😂 意粉口感彈牙, 掛湯味濃! 4. 初榨魚雞賣相亦都係相當驚喜! 餐廳將分子料理技術與初榨魚露汁混合, 配搭相當有創意! 特別推介比係附近翻工嘅朋友!! 👍🏻

2人，晚餐。不用等位。被不含味精字眼吸引。車仔麵最少要選兩餸一麵，三餸一麵有飲品送。可選的餸跟平時的不一樣，是特別款式。例如有花膠，其它忘記了😳。每樣餸的價錢要八至十多元。點餸點了得久，因加起上來也不便宜。提醒一下，張點餸紙背面也有食物選擇。點了瑤柱花膠唐生菜（$14）+煎墨魚餅（$16）+瑤柱濃湯幼麵（$18），共$48。花膠份量Ok，墨魚餅脆脆的，好吃。湯底無味精，有很濃的瑤柱味，讚！$48一個車仔麵是貴，但有花膠吃，所以抵畀。朋友點了魚皮餃（$8）+白蘿蔔（$8）+豬軟骨（$8）+瑤柱濃湯河粉（$18）及送山楂洛神花茶，共$42。魚皮餃和白蘿蔔口味正常，豬軟骨煮得很林，ok。河粉過林了。花茶酸酸甜甜，一般。下次可以試紅棗茶。總結，張單寫明個湯底無味精，咁不知其它餸有沒有味精。個湯底好味，有特別的餸，所以會再光顧。

同八姨打完牌都已經成9點，於是就順個便去搵阿囡食埋宵夜先返歸~為求快d食完返屋企睇妙手仁心，所以就去左阿囡夜校附近既小食店食少少就算坐低後我就叫左碗“酸辣雞中翼油麵”，湯底酸酸辣辣好開胃，食完碗麺成個人精神曬，雞中翼好大隻，肉多！麺嘅韌度好好。阿囡就叫左幾樣小食，當中既黑毛豬叉燒確係堅好食！甜甜地既叉燒汁，爽彈既質感，味道甜中帶點炭燒般的香，很是滋味～而“紅燒花膠扒”就軟淋淋，紅燒汁味道好正，荷蘭豆好爽甜，口感嫩滑多汁又入味另外我都好鐘意既就係呢隻“黑松露煎蛋”，煎得微香的邊皮及半生熟既狀況就係我既最愛，加上真係有黑松露係蛋上，食時整個口腔都滲滿濃濃的黑松露香，確是好味！咁上下我同阿囡亦叫左杯“凍百合蓮子薏米茶”，飲到底底嘅時候可以見到好多蓮子、百合、薏米，味道鮮甜食左肉後就食返少少菜先無咁大罪惡感所以仲叫埋腐乳通菜，通菜同腐乳喺分兩邊擺，睇個人口味要撈幾多，腐乳味好香好濃，同通菜真係好match！

尖沙咀 不一樣的車仔麵燒蜜汁黑毛豬叉燒🐷 好肥美，好juicy💦 大大串，好滋味😋 肉質軟嫩，外皮燒得焦脆，十分入味🤗蜜糖甜滋滋的，完全是滿分高質的叉燒💕 💕#reneetst

今日往尖沙咀靚靚不一樣的車仔面食dinner, 我點了黑毛朱叉燒,咖喱魚蛋、墨魚丸腩汁大碗飯和凍炭燒咖啡。黑毛朱叉燒入口即熔, 叉燒肥瘦均勻, 十分腍, 配上惹味的蜜汁, 食落十分惹味；咖喱魚蛋辣度適中, 食落彈牙, 而且每粒魚蛋大小適中, 十分醒胃；墨魚丸好彈牙,大大粒,配上腩汁令墨魚丸食落味道更有層次, 更加美味可口；大碗飯飯味香濃, 很飽肚的晚餐, 除面食外, 大碗飯也好好食；炭燒冰極咖啡, 味道香濃, 有炭燒香味,十分解喝, 餐廳食物美味, 價錢合理, 值得一食。

一年一度香港國際電影節又到啦，今晚同朋友相約去文化中心睇戲，晚餐揀咗黎靚靚到食車仔麵，貪佢平靚正、快夾妥✌🏻兩餸車仔麵（米粉$18，酸麻辣湯底，豆卜+$9、沙茶豬皮+$10）酸麻辣湯底真係無得彈，名副其實既酸且辣，真是重口味人士的福音！豬皮爽口，無點錯，但豆卜比較硬，浸左好耐都唔索汁，似個橡皮救生圈😅兩餸車仔麵（極級手打烏冬$25，沙嗲湯底，豆卜+$9、魚皮餃+$8）呢碗係朋友點嘅，佢話烏冬真係唔錯，好彈牙，貴少少都有道理。來得靚靚，又點會只係點兩碗麵咁寒酸？呢度小食出晒名多款揀，食車仔麵都可以食到好似九大簋咁！口水雞中翼 $16雞翼皮肉均嫩滑美味，嗜辣必點。墨魚煎餅 $16大力推薦！醬汁好好味，同墨魚煎餅好夾！黑毛豬叉燒 $26連叉燒都有返咁上下水準。蜆介珊瑚鯪魚球 $14一碟三粒，賣相吸睛，蜆介略咸，鯪魚球彈牙，可以放心點。青椒皮蛋 $11咖喱魷魚 $13呢碟一般，咖喱味不太入味。金蒜肉腸 $12又係重口味嘅小食，但我鍾意！凍山渣洛神花茶$10、凍腐竹薏米豆漿$11比較推薦薏米豆漿，好似飲緊阿媽煲嘅糖水一樣，味道一流！以咁嘅價錢，能夠豪氣地食，非靚靚車仔麵莫屬！

🤔以為係一間平平無奇嘅小食店 估唔到食物選擇咁多👻結果嗌到一枱都係😍 🍜金牌八喜麵 選了麻辣湯底 🌶點了大辣 麵底改選了米粉，入面有豬皮、🐷豬紅、牛筋腩、魚蛋、雞翼、齋、蘿白、菜🍃 麻辣湯底頗香且惹味，配料份量亦算很多，當中以豬紅、魚蛋、雞翼味道最為突出。 🍡麻辣咖喱魚蛋 ($10) 另外再多點一份咖喱魚蛋，魚蛋外彈牙可口，配埋麻辣醬更加惹味啦！ 🍢九轉大腸 ($16) 大腸是店內必食推介 🐙墨魚煎餅 ($16) 🐷黑毛豬叉燒 ($26) 即叫即燒的叉燒非常入味，燒得夠香。 🍗口水雞中翼 ($16) 一份有兩隻，味道夠香！ 🍖燒土匪雞球 ($23) 雞球炸得香脆美味，惹味可口。 🐙咖喱魷魚 ($13) 魷魚份量頗多，咖哩味道很香。 🌸紅燒花膠扒 ($18) 想不到小店也可吃到花膠扒，味道入味之餘，花膠都很嫩滑，富豐富膠質。 🍼凍腐竹意米豆漿($11) 點選三餸車仔麵以上可以優惠價可加配飲品，選了凍腐竹意米豆漿，豆乳味道香濃，味道超好！

裡面有各種各樣的小食任君選擇，份量細細，兩個人食岩岩好，味道都好唔錯，岩曬怕肥唔咁食主食既我。仲有位坐，唔洗企係街邊，雖然環境不算很舒服，作為小食店，性價比頗高。

想吃地道的香港菜，第一時間想到的，是久違的車仔麵。友人推介不一樣的車仔麵，有何特別之處？新文華中心食肆選擇甚多，但這間車仔麵也一直接近滿座。幸好，人流轉動快，一出一入，未至於要等位。看看餐牌，果然不一樣。先是湯底，以沒有味精作招徠。除了必有的麵類，還有紅薯粉、意大利麵和飯。配料選擇非常多，而且有特色，例如九轉大腸、酒糟韓梨醬滷肉、花膠扒等。飲品亦特別，是日奉送的山楂洛祌花，雪耳紅棗杏仁茶、腐竹薏米豆漿等。菜式夠特別，難怪大部份都是分開上，加上樣樣都想試，結果把桌子放得滿滿的。山楂洛神花茶／百合蓮子薏米茶花茶偏甜，蓋過洛神花開胃的酸。另一杯微甜，加幾粒浸過糖水的蓮子，就剛好。飲到最後有不少薏米，稍有咬口。沙嗲湯底／韓國純紅薯粉／沙茶豬皮／芹香蘿蔔湯底不淡，但又不算很濃，不及普通沙嗲湯般入味，或者是沒有味精的取捨。紅薯粉滑溜溜，帶點韌，口感不錯。蘿蔔少甜，多汁但炆得不夠腍，也沒有芹香。豬皮不夠爽。瑤柱清湯底／米粉／金菇菜／紫菜／白菜仔喜歡米粉不太腍，乾爽，一條一條的口感。一大啖金菇放入口，滑又彈，咬下去聲音清脆。紫菜吸滿清湯，白菜仔則煮得剛好，很爽口。麵的份量很夠。麻辣咖喱魚蛋魚蛋爽又彈。

今晚朋友突然心癢，又想來吃靚靚的車仔麵，我與她心靈相通 (我是想吃碗仔翅) 回味港式美食。港式街頭小食始終不可缺少煎釀三寶，朋友不斷稱讚紅腸好吃，不過我完全不知道它的味道如何🤔豆腐炸得外脆內嫩，內裡依然保持豆腐的滑溜感。至於鯪魚球酥香富彈性，茄子不油膩，聞起來香氣陣陣。豉油皇雞中翼用筷子輕輕一夾，輕輕鬆鬆骨肉即分離，味道滷得相當透徹，有一種媽媽滷水的熟悉感。金華火腿鯪魚肉碗仔翅 集精華於一身，湯頭濃稠，調味適中，雞絲與鯪魚肉吸飽了羹湯，潤澤起來。用湯匙舀來撈去，滿是配料，其用料貨真價實的說。是晚車仔麵選了油麵配牛腩汁，腩汁帶有滷水牛腩的滋味，香氣十足，也很夠味。油麵麵質頗滑溜彈牙，豬皮特別軟爛，可說入口即化，幾乎不用嚼，用吞的也行，哈哈。九轉大腸相當扎實，肥瘦分明，外皮炸得焦香，不會太乾也不會太硬，搭配醬料，相當好吃。墨魚煎餅外表顏色呈金黃，非常香酥，墨魚餅帶點濕潤彈牙的口感，味道濃郁，所以朋友來每次都必點這做車仔麵配料。今晚沒有我最愛的花膠扒吃，鳴鳴。店員說老闆外遊，所以沒有貨源可烹調，真可惜，唯有退而求其次選瑤柱花膠唐生菜 吧。雖然沒有豐厚的花膠扒的膠質，最少爽脆的生菜因瑤柱花膠汁

Hong Kong street food form a part of our life and we loved to eat it, be it on the street or at the back alley. Tonight i meet up with one of my friends at science museum and after finishing, we just walked around to see if there were any good food around. We were thinking of eating street noodles, yet a place where we can eat so in the end we entered into this restaurant.   They do have a menu showing a few of their signature dishes. They do proclaim that their is a healthier version and does n

忙完一輪之後同兩個同事收工一齊去咗尖東行下街傾下偈, 分享下工作上嘅心得, 但其實我哋已經十分之肚餓見到有間車仔麵舖, 我哋一行三人都異口同聲地話要入去食! 其實我唔會覺得奇怪點解我哋一見到車仔麵餐廳好就會想入去, 因為車仔麵係香港嚟講, 係一個十分之典型嘅餐飲模式, 絕大部份嘅香港人都會鍾意食! 同埋我其中一位同事佢係食齋嘅, 我哋要搵返一啲地方可以畀佢食到齋菜, 車仔麵可以講話係恰到好處, 自己點自己想食嘅嘢又可以坐埋一齊傾偈! 當我哋坐低嘅時候, 見到餐廳嘅牆上有個牌寫住靚靚先生的承諾, 其實見到嘅時候都覺得有啲驚訝, 點解車仔麵啲咁地道嘅舖頭可以做到咁專業!佢嘅承諾內容係咁嘅, 第一佢哋依度嘅食物係唔加味精, 第二就係佢哋已經用咗3m過濾器去過濾佢哋用嘅食水, 第三佢哋承諾,佢哋用嘅油係會日日更換嘅而食油係選用加拿大嘅芥花籽油, 而第四就係佢哋係選用一啲冇公害嘅蔬菜! 望到個咁嘅牌, 有啲令我聯想到大公司裏面嗰啲customer service charter! 感覺真係好專業! 因為大家都好肚餓所以叫咗好多嘢食!因為今次我哋叫得太多嘢食, 我想同大家分享我認為今次用餐最精彩嘅

週末放工，和同事一起去吃喝玩樂一下，行下行下來到尖東，今晚食乜好？吾係好餓，只想食小小野，眼前有一間名叫靚靚 不一樣的車仔麵，咦！好呀！好久沒有食車仔麵了，不一樣？有什麼不同？試試看！有靚靚先生的承諾，可以食得放心！凍咖啡和凍奶茶：本人比較喜歡凍奶茶，夠濃味，甜度適中！正宗的車仔麵：豬皮、魚旦、咖哩魷魚和幼麵，湯底是沙嗲，味道濃郁，好味😋油麵十鮮蝦雲吞，沙嗲湯㡳，滑滑的雲吞皮包住爽口的鮮暇，口感非常好😋黑毛豬义燒：選用黑毛豬，配合日本醬汁和中國的海鮮醬等製成，味道香濃，必食之選！👍墨魚煎餅：用99%潮州純墨魚，加入配料和潮州紅豉油，先蒸後炸，味道濃郁又彈牙！也是必食之選！👍九轉大腸：山東的菜式，大腸林度剛好，醬汁非常惹味。口水雞中翼：用水煑魚的方法烹煮,味道酸辣。鹿兒島豬軟骨：用特製醬料炆煑，豬軟骨炆至又林又入味，非常可囗！