靠得住粥麵小館 (康怡廣場北座)

營業中

休息中

最近發現康怡呢間靠得住粥麵小館，便買些豬潤魚腩粥，炒麵、油條和鰻魚雞粒炒飯回家吃！一到餐廳門口，已有熱情又好笑容的女員工幫我落單了！她很耐心聆聽我落單，然後便禮貌地叫我等十分鐘左右！但最後也等了差不多廿分鐘！這也不過份的等候時間！不過回家後，卻有很大的驚喜，因為豬潤魚腩粥不但好味，而且豬潤同魚腩都非常滑，油條不油但脆，一個 字 ‘正’！看見餐牌裡還有很多未試的食物，真心希望另外的食物，也一樣這麼好味！更加希望水凖一路穩定下去！👍👍👍

同朋友第一次嚟呢度食晚餐，真係好正！今次我哋嘅飯局，食咗好多好正嘅菜式。前菜包括麻辣小黃瓜同客家風味酸蘿蔔，都好開胃！主菜方面，首先就係佢哋嘅馳名東江鹽焗雞半隻。雞肉好嫩滑啖啖肉，啲味道真係好正，一啖之下就會覺得好滿足。再嚟就係炆得好淋既客家北菇紅炆豬肉，啲肉係好軟滑嘅，啲醬汁好入味，令到啲肉都好香濃，而且因為夠晒淋而入口即溶。白䱽魚做嘅重慶酸菜魚，魚肉鮮滑，而且倉魚本身多肉，非常滿足。啲湯汁好鮮甜，魚肉好嫩又唔會太軟。而魚湯海味粉絲什菜煲啲粉絲好彈牙，啲菜都好新鮮，令湯有唔同層次。最後就係心肝寶貝粥，入口即化，啲豬膶肥美，非常之厚切，而家係爽口易咬，啲帶子又大粒，真係好好味！配上啲鬆脆嘅油炸鬼，真係一絕。小食方面，啲珍珠蠔又鮮又甜又肥美，配上花生，好過癮。總括黎講，今次嘅飯局真係好豐富，每一樣菜式都好正，啲味道都好濃郁，啲份量都好足夠，真係令人滿意。除咗啲食物之外，職員同經理都好有禮貌，好周到咁幫手，令到我哋嘅用餐體驗更加完美。佢哋會主動問我哋有冇需要，都會好有禮貌咁同我哋傾偈，令到我哋好舒服。總括黎講，呢度嘅食物好正，服務好好，真係一間好好嘅餐廳。我哋下次一定會再嚟，同埋都會推介俾

「靠得住」連續12年#米芝蓮推介，每次食佢嘅粥品都唔會失望，最中意佢嘅鮮魚湯粥底，同所有粥品絕不添加味精，真材實料。除咗有提供粥、麵、糭等，靠得住原來仲有小菜！今晚一家四口就去咗太古康怡分店食晚飯，試吓佢嘅小菜！環境舒適，有卡座、半圓梳化座、仲有廂房。《 陳醋春耳 💲22 》爽口開胃～《 麻辣小黃瓜 💲22 》清甜新鮮～《 招牌雲吞麵 💲55 x2 》雲吞鮮味，銀絲幼麵十分爽口彈牙，無鹼水味，湯底由大地魚、豬骨等材料慢火熬製，並會即席倒入碗中，新鮮滾熱辣，果然係招牌～《 心肝寶貝粥 （豬潤、帶子）💲78 》靠得住主打鮮魚湯粥底，每天選用多種新鮮靚魚熬製；再配合時間掌控，將米慢慢煲開成米花，粥底綿滑鮮甜! 而心肝寶貝粥嘅鮮魚湯粥底配以口感十足嘅刺身級帶子同黃沙豬膶，味道鮮味又甘香，好滿”粥”! 《 鮮炸油條 （原條）💲28 》即炸新鮮而不油膩，鮮脆可口，配粥一流～《 酸菜魚（原條䱽魚）💲98（原價💲138） 》做緊優惠$98 就食到，咁抵一定要試吓！䱽魚大條多肉，微辣惹味，有好多豆腐卜同酸菜，吸汁惹味。職員仲好nice咁比隻碟我地放魚～《 白灼豬腰豬潤 💲68 》超新鮮爽口，外脆內嫩，零

今日去太古同朋友聚一聚，他帶我去食米芝蓮餐廳，哈哈，原來係靠得住粥麵小館 (太古) ，我有食過奥海城分店的，記得餐廳的豬潤十分正，唔知有冇退步呢，今日必試。餐廳在太古康山道一號號康怡廣場地下及閣樓G1及M1號舖，A2出口上電梯便會見到大門口，再直入便是，十分方便。Menu都應該更新左，現除了招牌粥、麵等，還有酸菜魚、特色小菜等，樣樣都想試。陳醋春耳 $22麻辣小黃瓜 $22招牌雲吞麵 $55 x2雲吞有好多粒，幼麵爽口彈牙，無鹼水味，湯底好清而不淡，果然好。心肝寶貝粥 （豬潤、帶子）$78必試一定係這個粥，豬潤是餐廳招牌，又大又厚，鮮、嫩、彈牙又帶口感，是食過最好的豬潤，帶子同樣鮮味，又大粒又甜。粥底食到最後都係綿的，沒有出水，唯一米芝蓮粥店出品果然不一樣。原條鮮炸油條$28必配鮮炸油條，即炸新鮮而不油膩，外香脆內軟，配上粥，滿足呀。酸菜魚（原條䱽魚）$138現有做優惠，十份抵食，湯底香濃，微辣惹味，有好多酸菜、豆腐卜，魚也大條，肉鮮嫩。手作煎釀豆腐 $88賣相一流，整個鍋上加上用火熱住保持溫度，黃豆舖底，豆腐香滑入味，十分掛汁。脆炸豬大腸 $88 這個豬大腸也有驚喜，已經唔多餐廳有得

感覺上香港主打粥麵嘅餐廳又坐得舒服嘅比較少 今次同朋友搵到呢間係太古嘅靠得住 我地一行四人都叫咗唔少嘢食前菜有涼伴青瓜同埋木耳 幾清新開胃 首先叫咗個心肝寶貝粥 其實係帶子同豬潤粥 粥底好綿 味道都好甜 然後叫咗個海鮮雜菜煲 都幾足料👍🏻👍🏻👍🏻 有啲魷魚圈、蟹柳啦同埋好多菜既啲湯好鮮甜 唔會太咸 仲嗌左半隻鹽焗雞 值得一提嘅係呢度啲雞係去咗骨嘅 啖啖骨 啱晒我呢啲懶人食🤣🤣🤣然後有碟梅菜扣肉 呢個梅菜扣肉係全晚嘅亮點 平時喺街嗰度食嘅梅菜搞到好多時都太過肥膩好油 呢碟就絕對冇呢個問題 食完都唔會話好大罪恐感🤣梅菜同肉既份量都幾多 我地四個人share都仲有淨～ 最後仲叫咗蒜蓉開邊蝦 蝦嘅大細就唔係話超大隻 不過都食得出啲蝦係幾新鮮嘅 同埋佢嘅蒜蓉份量好多 碟底嗰啲粉絲吸晒啲味係超好送飯～👍🏻👍🏻 今次同朋友都覺得依間餐廳嘅食物質素唔錯份量都好夠！ 值得一提既係職員服務態度都幾好 幾熱心 值得再黎食😀

專賣粥粉麵飯嘅米芝蓮餐廳 ！唔單止有粥舖選擇！呢度仲有好多小菜，食完覺得廚師都幾有功架～酸菜魚promote緊，只係$98認真抵食！配料又多，好多芽菜同豆腐卜。梅菜扣肉，夠入味，豬肉夠淋，送飯一流🤩必叫！心肝寶貝粥 ，白粥煮得棉滑，裏面好大隻帶子 ！帶子味道鮮甜，喜歡它帶子和豬肝都不會過熟🤩必叫！鹽焗雞半隻都好大份，雞肉滑嫩，搭配沙姜粉做成的醬汁好味道熱辣辣的雜菜煲，裡面有雲耳 ，雪耳 ，娃娃菜 ，西蘭花 ，和粉絲，泡在魚湯裏，吸收曬啲湯汁精華另外第一次食粉腸同豬肚嘅我，覺得不但無異味，而且口感彈牙，點微辣魚露汁好食！

今晚去康怡廣場嘅靠得住粥麵小館食晚飯，鍾意佢款式多，可以食粥又可以食飯。仲係米芝蓮推介。心肝寶貝粥裏面有爽滑嘅豬潤，豬潤爽脆好味，綿滑嘅粥裏面有帶子😋😋😋大家都鍾意食酸菜魚🐟，加上啱啱做推廣特價，果然冇令我哋失望。最鍾意嗰啲酸菜芽菜，份量夠又開胃，推介梅菜扣肉多數都係老人家鍾意食嘅，佢嘅扣肉脂肪入口即溶，梅菜又甜又淋，大家食得好滋味。鹽焗雞係黃油雞做嘅，有雞味，配上鹽焗雞的沙薑粉一起吃粉，夠入味。大家都注重健康，叫了個雜菜煲。好清甜，有各種蔬菜🥬同埋粉絲，有營養又健康。餐前小食嘅木耳同埋青瓜都好開胃同埋健康，尤其是係木耳，加咗陳醋係非常開胃嘅。靠得住粥麵館嘅晚飯，真係靠得住㗎。

今日同屋企人去咗太古食粥，話晒都係米芝蓮餐廳，都有啲期待。餐廳環境都坐得幾舒服仲有胡椒俾人食粥嘅時候自己隨意添加半隻鹽焗雞份量幾多，三四個人分都夠。雞肉滑嫩去骨，仲比左雞肶位中間仲有層jelly 狀，整體微鹹好食木耳本身諗住可能味道會寡淡d,但佢嘅醋味滲咗入去，食落微酸，開胃，有驚喜！！配有醋可以點。本身我都唔係特別鍾意食內臟，但呢一個食落真係一啲異味都冇！！而且仲好爽口，甚至隔離啲花生都好脆好好味，值得食！底下仲有d 爽口芽菜埔左一層～粥方面我地揀左粥方面揀左帶子百潤粥🤓🤓本身諗住帶子e d 貴價野都係少少咁，但入面幾大舊！又冇煮到過熟。連豬潤都係有幾片大大片咁，熟度岩岩好。粥都唔係冇味嘅白粥，食兩食就已經分曬

去太古城AEON行街，差不多度食晚餐時間見到靠得住個牌就諗起心肝寶貝粥，即係帶子加豬潤。所以行去康山商場，行過一條長長嘅走廊經過兩間食肆，到達最尾幾靠得住粥麵小館。座位好有距離感，五人枱仲有C字型卡位。呢間靠得住同其他分店有點分別，Menu多咗客家菜嘅選擇，例如黃酒煮雞，梅菜炆扣肉，胡椒豬肚湯，北菇炆豬肉，鹹酸菜炒豬大腸等。黃油雞幾嫩滑，上枱雞皮夠黃色。最掛住嘅心肝寶貝食粥，豬潤厚身大大塊，帶子都好夠斤両，配上綿綿嘅粥底，就算放耐咗都唔會出水，廚師夠技巧。上湯雜菜鍋，砂鍋熱辣辣，上湯好有蝦乾香味。梅菜扣肉送白飯剛剛好，我反而梅菜係最先食晒。

兩口子提早慶祝情人節，今晚唔煮飯，專程出去撐枱腳。太太喜歡食中式嘢，一於近近地，就喺樓下幫襯 ”靠得住” 。先叫咗兩個前菜，有麻辣小黃瓜及陳醋春耳。黃瓜好清爽，配埋麻辣汁，辣辣地，好醒胃；而陳醋春耳就甜甜地，爽爽地，好開胃。另外叫咗白灼豬肚粉腸，兩者都清甜爽口，但蘸咗辣椒豉油 ，即刻唔同晒，變得好醒神入味。主菜叫咗金銀蒜粉絲蒸開邊蝦，蝦勝在夠新鮮，開咗邊容易食，上面舖有大量蒜蓉，有助提升鮮味。而粉絲則吸收所有味道，夠惹味兼彈牙爽口。心肝寶貝粥係專程叫比太太嘅，因為佢喜歡食粥。聽個名已經冧晒，由於有大大塊豬膶，非常鮮甜，入口即化；仲有大大粒帶子，新鮮爽甜，本身粥底已經夠綿滑，簡直甜到漏，真係好啱食。值得一提係呢度嘅經理及侍應的服務態度非常好，懇勤招待，令人有賓至如歸嘅感覺，見到好多街坊捧場，座無虛席。

今晚一家四口出去食晚飯，揀咗康怡廣場嘅 “靠得住”，地方異常寬敞，簡潔雅緻，光線充足，感覺好舒適。可以揀卡位或普通圓枱，亦有特色設計嘅半圓型卡位，高貴優雅，四個人圍住坐，啱啱好。爹哋鍾意食梅菜，點咗個惠州梅菜炆扣肉，都幾大碟㗎！梅菜同扣肉都炆得夠淋，可能係獨特配方，有種酸甜味，配白飯最啱。不過爹哋話，如果梅菜有啲趙口，更加過癮。馳名客家風味東江鹽焗雞一定要試下啦，要咗半隻，雞肉好嫩滑，份量都夠四個人食，鹹鹹香香，配埋啲醬汁，更提昇味道。我就喜歡魚湯海味粉絲雜菜煲 ，材料極之豐富，有大大隻蝦球、雪耳、雲耳、菇菌、蟹柳、粉絲、菜心、黃芽白及西蘭花，全部吸收咗魚湯味道，顯得更鮮甜美味。喜歡中式餸菜嘅爸爸，食埋碗白飯，非常滿足。一家人再嘆埋一壺蘋果紅茶，好清新蘋果味，淡淡透出茶香，清清味蕾，閒話家常，樂也融融。

之前都有食過靠得住的粥，係幾唔錯，但原來康怡廣場同其他分店的餐牌係有分別😅。這間靠得住比較大間，而且坐位都寬闊舒服。先來蘋果紅茶，幾香又清甜🤓，來個小食麻辣小黃瓜及陳醋春耳，小小辣加開胃開胃小食🤙🏻。馳名東江鹽焗雞半隻，幾入味，雞件入口嫩滑。惠州梅菜炆扣肉，這個家常小菜賣相算唔錯，扣肉半肥瘦，梅菜醃得入味但不鹹，撈白飯最正👏🏻，再來個金銀蒜粉絲蒸開邊蝦，師父開邊開得靚，蒸完之後蝦自動排成兩邊👍🏻，這個又係要配白飯，因生熟蒜+蝦甜豉油汁再撈粉絲，真係正😋😋。點了魚湯海味雜菜粉絲煲，有蝦乾淆魚湯，攪到好出味，幾好👍🏻。最後點都要叫個心肝寶貝粥（豬膶、帶子），軟綿綿既粥加厚切豬潤，無得輸😋。

新年拜完年諗住喺附近食個午餐見到康怡難得有新餐廳就試一試啦點之中大伏叫咗四個套餐 但野食等咗好耐都上唔齊 食晒碗粥都未上小食油炸鬼員工態度亦都很差 追單後亦都冇加快 食物質素亦都非常非常差 完全唔係米芝蓮質素腸粉係凍冰冰嘅 似係剛剛攞出嚟解凍另外腸粉亦都好厚粉 油炸鬼食到滿口都係油 似係翻炸再翻炸及第粥非常之稀 完全冇綿滑嘅感覺 雲吞麵亦都一般 總括而言係非常失望嘅一餐 絕對唔會再試第二次第一次寫食差評 希望各位朋友唔好中伏

阿媽見新開無幾耐話想去試下 我心諗都唔方好食😅不過都照陪佢去 最後竟然食到好嘢 後來先知原來有米芝蓮推介～ 叫左個古法羊腩煲 好特別 外皮係炸過既 肉質軟淋煙靭 無膻味岩唔敢食太膻既人 配料同埋腐乳醬都出色 整體都係高質素👍🏻另外仲叫左個鹹酸菜炒豬大腸 酸菜夠酸 豬大腸唔會咬唔落 都好好食 只係份量比較少 員工服務態度都幾好 會自動加水唔洗舉手 座位都舒適唔知係唔係好彩兩個人都坐到一張類似四人位嘅嘢 整體都唔錯 下次可以再去🤓

康怡廣場有好多野食好揀 今日嚟咗呢間粥店食晚餐🥣 原來呢度有好多小菜食添㗎 而且店員服務好周到😝麻辣小黃瓜及陳醋春耳我哋嗌咗呢兩款前菜 兩個都係開胃嘅小食 尤其係個陳醋春耳 細細朵好嫩 甜甜酸酸😮 另外麻辣小黃瓜少少辣 好惹味🥒白灼豬肚粉腸豬粉腸好難整得好食 呢度嘅豬粉腸一啲都唔苦🤤 而且冇豬內臟嘅腥臭味 大家可以放心食用 只係輕輕點辣椒豉油已經好夠味道🐷心肝寶貝粥鍾意食內臟嘅我 都有食到呢個粥 因為粥嘅材料有豬膶同帶子😉 豬潤好大件又厚身 豬膶同帶子都唔會煮得太韌 加上粥底好綿 每一啖都係幸福嘅味道馳名東江鹽焗雞半隻雞肉嫩滑 仲好有雞汁🐥 鹽焗雞調味適中 雞皮好爽口 隔離仲有沙薑可以點雞惠州梅菜炆扣肉梅菜扣肉半肥瘦 又好餸飯🍚 豬肉炆得好入味 肥膏入口即溶 雖然有啲邪惡 但係我都食晒落肚🐷重慶酸菜魚呢個酸菜魚有啲特別 因為佢係原條䱽魚喺酸菜湯入面 為咗方便食用 店員仲幫我哋拎咗條魚出嚟🐠 鍋入面仲有大量芽菜酸菜 材料都好豐富魚湯海味粉絲雜菜煲呢個粉絲煲味道清甜 入面有蝦乾 魷魚蟹柳等等 魚湯味道唔會好咸🤤 入面仲有好多款蔬菜 真係夠晒營養均勻啊🥬白飯份量好多 配埋上面嘅餸菜 真係好滿