韓家韓國料理 (已結業)

忙到癲都總要食飯，是但執一間喺附近又未曾食過嘅，於是揀左韓家。晚市嚟講算抵，唔想單點或嗌套餐，仲可以叫炸雞放題90分鐘任食。另外最引人注目嘅就係嗰部電視機，不斷播住韓團唔同MV, 賞心悅目，韓團迷可以一邊睇一邊食，好爽。講返食咩先。一入去梗係嗌野飲。我嗌左熱紅棗蜜，朋友要蜂蜜柚子茶，兩杯都足料甜蜜養生。仲送前菜之後就食泡菜煎餅，煎餅幾脆。牛肋骨湯（跟白飯），但減肥於是走飯。湯料好多，有白蘿蔔、洋蔥、金菇、牛肋骨，紅棗仲有好多粒，所以個湯好甜，有好香嘅紅棗味。走左一個飯，加個八色拌菜牛肉石頭鍋飯過口癮 😂 減肥都要食少少飯嘅。好多料，又蛋絲又荷包蛋... 而精萃喺個韓式辣醬度，記得一定要撈落去，會香口好食啲。為了健康，要多個麻醬豆腐沙律平衡下營養維生素。好大碗，四個人都夠食。成枱韓食食飽，返歸仲要繼續做奴隸。

星期六收工同事話好想食韓國野，就行到日升中心搵食，見到一間韓式小店門口幾吸引就入去試!韓家環境唔錯都幾闊落首先就有d前菜，味道都好入味而且好有韓國味道，泡菜都好岩香港人味道又唔會好辣好開胃!因為同事好中意食炸雞，所以叫左兩款炸雞!柚子蜜糖味炸雞，炸雞炸得香口，肉質嫩滑，味道清新，甜辣味炸雞就相當惹味!韓式烤三層肉配生菜，d肉炒得好香好入味，配脆口生菜簡直絕配，我同同事就最喜歡呢味菜!因為同事想飲湯，於是嗌左個韓式牛肋骨湯配白飯，個湯配以白羅白，味道十分清甜，而且牛肋骨好有咬口，十分唔錯!最尾追加左份韓式雞蛋卷，雞蛋唔會太熟，味道都唔錯!另外叫左啤酒同生薑蜜梳打，生薑蜜梳打甜甜地好岩女仔飲用

今日行開官塘見到有韓國野食，仲要炸雞放題 😋 就上去試下你 我地等左冇耐就有位，本來諗住傳單係放題！但睇睇下又想食其他野，最後就單點 🤣🤣首先黎左前菜，有薯仔/泡菜/芽菜，薯仔好入味，又夠淋！泡菜我冇試，芽菜都唔錯 👍🏻話唔食放題啫，唔代表我唔會叫呀！我地叫左 Classic 甜辣醬炸雞，個醬汁好好！唔會過多，又或者唔夠！個皮仲好脆 ～ 咬落去仲好 juice 添！正呀 ～胡麻豆腐沙律，比我想像中大份！醬汁要撈混佢，唔錯呀！食到漏漏地！清一清個口！燒牛肉，呢個雖然唔係我想像中既野！但係味道唔錯呀！呢個仲有一碟生菜跟住包黎食架！洋蔥好甜呀，牛肉唔會太老 👍🏻 醬汁似日本既甜豉油同味醂煮！好野味 😋我9月去完韓國，突然好想食紫菜波波飯，見佢有我又叫黎食下，呢個有少少失望呀！可能我諗住佢除左紫菜仲有餸啦！味道有少少齋左！建議店主可以加吞拿魚或其他野試下！紅醋梳打生薑梳打，跟黎多左罐雪碧，我以為咁抵飲？但後黎我有俾番侍應！應該送錯🤣

平時去觀塘食野都係APM附近食，但原來除左APM附近之外，行多幾步去到中海日升中心，係一塊小型美食都會廣場，我地見到呢間韓式餐館門口的炸雞，當堂流晒口水～晚餐好多人食，全場爆滿，好彩我地早左入來，否則都韓式牛肋骨湯配白飯呢個湯飯真係犀利，個湯頭唔算太濃，但又食到牛骨的香味，完全滲透入個湯度，而且牛肋骨完全唔韌，好易咬，認真正！韓式雞蛋卷呢個一定係我地蛋控的至愛，蛋唔會太老，食落有種好軟綿綿的感覺，食完當堂幸福晒！無骨韓式炸雞 半隻雞兩個人都夠食，我地叫左傳統甜辣味，食落唔算好辣，隻辣唔係死辣，愈食愈肚餓，而且無骨啖啖肉！值得一提的係呢度既韓式炸雞任食放題，望住我地隔離枱任食雞食到津津有味，下次一定要再來試下。

放工約左朋友行街食飯放鬆下，見個姐姐好落力派傳單，拎起睇下平平地試下啦！！！o(≧v≦)o反正都想食韓國野(*¯︶¯*)去到都幾多人，好彩剛剛有人走就有位啦！！！就試下佢個二人餐，都幾多野食，炸雞，飯，沙拉，小食，重有野飲。。。。。。不過不失啦(￣∇￣)炸雞最好味(⁎⁍̴̛ᴗ⁍̴̛⁎)份量都大好夠食~\(≧▽≦)/~個泡菜煎餅就普通，煎得其他都可以接受。不過價錢係平的，用OpenRice 重有折扣添

口痕想食炸雞，朋友介紹觀塘有間好抵食。咁啱今日經過就一試😛韓式烤肉炒粉絲 $72一向都鍾意食韓式粉絲，每次到韓國🇰🇷餐廳都必點。粉絲份量蠻多，牛肉口感都唔錯，但粉絲太乾身，所以味道一般。韓式炸雞甜辣味 追加$18追加韓式炸雞🍗甜辣味唔太夠甜，辣度一般。比起係韓國食係有少少遜色。鹽燒三層肉部隊鍋 $68想食公仔麵所以叫部隊鍋🤣午餐肉相當好味🤤但豬肉一般，公仔麵加埋芝士好正！仲有年糕、腸仔等配料好好味😛韓式炸雞柚子蜜糖味 追加$18相比甜辣我覺得柚子蜜糖非常好味，柚子酸度適中，蜜糖甜度又唔會遮蓋佢嘅酸味。食完仲有種唔夠喉嘅感覺。🍽6/10🔎 韓家韓國料理觀塘駿業街56號中海日升中心1樓G號舖

有人推介這裏的食物，又平又大碟。今晚趁有空檔，便來這裏看個究竟。這裏位於一座新型的工業大廈，裝修簡約。鐵板春川炒辣雞$118，另加$20麵。炸雞分量也不少，足夠三人份量。另外加的麵吸收了甜辣汁後，味道更好，忍不住很快吃光了麵。鹽燒三層肉配生菜$98，採用了三層肉連皮，吃落有點煙煙韌韌，配上生菜，韓式甜醬和生蒜，味道更加好，再加些檸檬汁，就去除肥膩感。生薑蜜$18(左)，薑味喎，蜜糖味道濃郁，喝落喉嚨很舒服。紅棗蜜$18(右)，紅棗味濃，蜜糖滋潤，適合女士補身之用。Hite extra cool beer$25，這個很少地方可以喝到，沒有苦澀味，易於入口。

今日經開觀塘好想食韓國嘢，係OpenRice度search邊度有韓國嘢食呢？見呢間韓家評語都唔錯，就盲舂舂上咗去試吓啦！一入到餐廳就被twice嘅歌吸引住, 成浸韓國味出晒黎！未開始食嘢之前老闆已經俾咗三個小食我哋試吓喇，有薯仔泡菜同埋芽菜，我自己就好鍾意泡菜個辣度，朋友唔鍾意食辣野都話個薯仔好好食！我哋首先叫咗個韓式飯團，我一直以為會係好似壽司卷咁樣嘅嘢啦，冇諗過原來係一煲上既，仲有兩隻手套，原來係俾我哋自己整飯團㗎！紫菜同埋麻油味好出，就咁食都已經好好味啦！下一道係炸雞！呢度特別嘅係炸雞會有唔同嘅味道可以選擇，我哋就揀咗最穩陣嘅芝士味，熱辣辣嚟到真係好滿足呀！食到一半個辣炒魷魚都上埋黎，呢個係我最鍾意嘅一味菜！食得出魷魚係好新鮮，好爽口，配埋呢個辣醬真係好開胃！跟住到鐵板炒五花肉，佢仲配埋生菜俾我哋包住食，佢仲好細心將啲山菜切到細細塊，一啖一舊啱晒女仔食！今次我哋真係叫咗好多嘢食，最尾一道就係我每一次食韓國嘢都一定唔會叫嘅辣豆腐海鮮湯！裏面真係好足料呀，呢排終於開始轉涼，飲半碗真係成身都䁔笠笠呀~臨走嗰陣見到佢原來仲有炸雞任食，價錢都好抵喎，下次再嚟試吓先！

開左幾個月既韓式餐廳，同另一半行去觀塘海濱既時間經過有嬸嬸派傳單就接過睇下，覺得價錢相宜就上去試下。餐廳環境位於「中海日升中心」，其實地理唔算太顯眼，但係可以話由如果你想由APM方向行去觀塘海濱既話，呢條路都會經過，就會發現呢個中心都有好幾間野餐廳，呢間韓國餐廳就係其中一間。一上扶身電梯轉個彎就會見到呢間餐廳，以小店黎講都唔算太細，都有十幾張枱，而且晚飯時間仲好旺，要等位。餐牌睇黎餐廳係主打食任食炸雞，$138位可以任食炸雞同幾款小食，係幾吸引，不過呢排都成日食炸雞，今日就唔食炸雞放題，試下佢其他野食。免費小菜有芽菜、薯仔同泡菜，仲係每人一碟，薯仔仲啲蓉，醃得幾入味。韓式炸年榚(甜辣汁/柚子蜜糖汁) $55好大兜！上枱嚇一嚇，我諗都有成30條，可能唔止添，份量夠哂多！不過有啲令人失望，其實都炸得都幾煙韌，不過柚子蜜糖汁係飲果啲柚子蜜，似係炸完之後再拔啲柚子蜜落去撈，誠意不太夠，我諗點返炒年糕會好啲。韓式雞蛋卷  $78好耐冇食過韓式雞蛋卷，Size正常，雞蛋唔會過老，味道稍微淡左啲，可以加多啲芝士同埋鹽調味。鐵板春川辣炒雞  $138我最愛既韓國食物之一，不過餐廳冇用鐵板上，而且冇收水

觀塘最近食肆開到成行成市，工廠區個頭邊度都係野食，今個星期日去開個頭，揀左好幾個地方，最後揀左呢間韓國料理食下門面是是正正，有韓國風味既裝潢，入面有2部大電視，播住比較新同熱門既韓國歌，好多首都耳熟能詳😌咁岩食飯時間都幾多人來，上餐速度都還可以，不過不失食韓國野最怕冇蔬菜，所以特別叫左個胡麻豆腐沙律，菜新鮮乾淨，豆腐都滑溜溜鹽燒三層肉點個時見個名好似幾正就叫左，食落都ok，五花腩肥瘦適中，份量都算幾多，只係d菜我覺比返生菜包會夾dd炸雞賣相唔錯，柚子蜜糖味好夠，如果可以再熱d就好了牛肋骨湯，湯熱，味道濃郁紅棗蜜&柚子蜜總括黎講野食環境都正正常常，價錢都係合理價位，overall 都算可以

今日同男朋友去觀塘睇下有咩食，見到網上推介呢間炸雞放題任食90分鐘，去到嘅時侯大約20:30，但餐牌上寫放題只能食到2100,問一問店員係唔係食到2100就完，佢答我地係😕之後我地就揀左二人套餐，點知食到見到2100都重見有人黎點叫炸雞放題😕加上店員服務態度不好，剛到店裏坐下menu不給😥；用餐時客氣問她套餐還有個雜菜餅未上，之後久未回覆，一會再追問才不耐煩答還在製作中；為方便食飯，叫店員要兩個碗都無，重要再次提醒才給兩個碟😑，但之後見到隔離枱話要碗就有碗😥，之後發現原來出餐處有大量碗😑😑😑😑😑套餐份量僅僅足夠，但質素卻很一般，268加凍飲3蚊加一total二人301，感覺上很不值。結論：不會再光顧😕

海日升中心似乎成為觀塘新一波的餐廳聚腳點，商舖都是以餐廳為主，而韓家就是新近進駐的餐廳。韓家門面以長方形設計格局，但又不算侷促，甫進場，已聞到小小烤肉香，激活起我大口喝酒，大口吃肉的原始獸性，"別講笑，肉肉爆開了，火爐正燃燒"，我就像餓狼撲羊一樣，一發不可收拾，迅速將雞豬牛都輪迴點一篇，最衰沒有鴨羊鵝，否則可六星連環，連珠爆發，逐粒爆比你睇：韓式烤肉 (雞) 配白飯$72：除了雞之外，其實還有牛豬雜菜可選擇，是人類都知道我喜歡叫雞...食，伴菜在這碟菜式是不可忽略的，似是沙律菜一般美味；原以為日式料理才會在飯上加黑芝麻，據說是因為當中維生素B6能夠延緩肌膚老化，想不到在這裡也能吃到自己的肌膚彈下彈下，像水嫰肌膚一樣咁幼嫰。一啖沙律菜，一啖雞肉，一啖飯，烤熟的雞肉在口腔內散發出穿透力超強的香味，吃著吃著，差一點吃到自己想雞啼...韓式拉絲農夫包 (豬肉)$118：正所謂"豬肉溝泡菜，連農夫都愛"，酸酸辣辣且帶點甜味，它的酸辣味正好溝淡豬肉的肥膩味，如果前菜沒有叫泡菜，這碟菜式將為你大開胃口，可惜我個人不太好農夫包，所以這個農夫包還是留給農村妹吧。溫泉蛋凱薩沙律$68：整沙律最緊要新鮮，菜

今時今日既觀塘多野食就係人都知啦但估唔到多人到好似係沙田，尖沙咀咁樣等位都係第一次見，好彩我有一早打去訂位，如果唔係都唔知要等幾耐韓國菜，點少得指定頭盤冷菜泡菜， 薯仔， 芽菜 呢3樣我比較鐘意中間個款芽菜大家必試健康沙拉，冷豆腐沙拉菜非常新鮮，最重要個豆腐夠挺身，唔會一夾就散辣炸年糕呢個年糕相當唔錯，口感剛剛好，唔會太硬又唔會太軟，咬落去個口感好Q。加上個辣味唔會太過辣之餘都會食到辛辣味，迎合返香港人既口味泡菜餅Kimchi Pancake，唔好睇佢外表好似濃濃地，但其實一d濃味都無，仲好香好有香脆感。裡面又個pancake好軟綿綿，軟到食落個感覺其實又唔太似pancake 不過總結個pancake係好味的，因為個口感好特別，同平時食開既pancake唔太一樣，而個味唔太辣，我相信絕大部分既人都接受到柚子炸雞呢個柚子炸雞係我今次既重點推介因為真係超好食，平時食開既韓式炸雞都係辛辣味為主再唔係就甜醬，呢個柚子醬，酸酸甜甜可以消油膩感，再加上外脆內軟，d雞肉唔乾，有汁夠juicy我俾足5個GOOD呀嘩。。。超滿足，飽到抱住個肚走都仲有得打包第2日中午飯再食，完美演繹「平。靚。正」既最高景

23/10/2018 收工約埋朋友係觀塘覓食 見呢排最多人介紹就係90mins 炸雞🍗任食記得用餐之前3小時係openrice買coupon先用得 第1 round 就全部都叫一樣試下 都好快就上菜個辣炒年糕完全唔ok 漲哂又無味 唔建議叫呢樣 泡菜煎餅食落唔錯 入面好少有D芝士咁 雜菜沙律🥗啲菜好新鮮 麻醬好食 個韓式沙律醬好漏至於炸雞 🍗 每份都有6件 無骨的好方便 而且炸得唔錯 唔會好多粉醬個人覺得韓式芝士味最唔好食 都係用芝士粉灑上去 有D羶另外4種口味：傳統甜辣味 牛油蜜糖味 柚士蜜糖味同醬油香蒜味好食好多 總結 $88 +1 仲有一杯飲品 都算係唔錯叫左2 round 已經好飽 都總算一完我想食炸雞的心

經官塘工作嘅朋友介紹，今夜就同家人一行四人來到位於官塘工廈區嘅尼間韓家試試，朋友話個4人餐好抵食啱曬我地店面細細，尚算整潔，牆上平板電視📺播著k-pop，好韓feel，感覺不錯我地去到八點左右，店面坐無虛席，我地都等左十五分鐘左右先有位，一坐低就比個韓式炸雞🍗任食餐牌吸引住，138一位超抵食，但最後都係揀左比較多完化嘅四人餐前菜好開胃，有芽菜，泡菜同薯仔，好入味豆腐麻醬沙律🥗，賣相吸引，沙律菜新鮮爽脆，豆腐配麻醬好夾，不錯韓式飯糰🍙波波，即係紫菜碎撈飯，紫菜好脆，非常特別韓式飯捲，包得夠實，材料豐富，調味恰當無骨炸雞🍗，蜜糖柚子味，炸雞炸得香脆，裏面肉質嫩滑，配上蜜糖同柚子醬，味道清新我地仲追加左半份醬油蒜香無骨炸雞🍗，尼種口味比較惹味韓式烤肉配生菜，䐁肉炒得好香好入味，洋蔥味完全滲入左䐁肉再用爽脆嘅生菜包著食，可加小小韓式辣醬，真係滋味無窮，我地一家人都好鍾意尼味菜推薦雜菜煎餅，煎得好香脆，材料亦好足，但有小小油豆腐湯，豆腐好滑，湯有啲辣，配白飯一碗，最後比好辣嘅叔仔ko左，佢話好正，勁凍柚子蜜一大瓶，冰涼解渴又潤喉，啱曬食完炸雞🍗飲這個4人套餐只係$498，有咁多野食，真係好抵，本