韓家韓國料理 (已結業)

前幾日先食咗韓國菜但係果條癮又起啦啱啱去觀塘接朋友收工順便就試一試啦環境比一般韓國菜唔同燈火通明有冇擺啲老土韓國裝飾好似返咗屋企一樣咁舒服揀咗二人套餐每人都有一碟三款嘅配菜我朋友上菜前已經食曬成碟佢好鬼心急芽菜調味較淡但有清香的麻油味泡菜ok甜薯仔正正子啦🥔因為佢係薯仔蓉 入面再配切成粗粒嘅薯仔粒有豐富雙重口感味道不會太甜太假我覺得佢仲有另外一個好偉大嘅用途。。。就係當其他食物太辣嘅時候中一中和返個味道我食豆腐湯嘅時候就係用咗呢個做法蜂蜜柚子梳打🍊二人餐之中 要加五蚊搭配🐝簡單清新好味嘅飲品飲啖清一清 味蕾 之後準備食大餐呀通常韓國菜係得個樣好紅但係唔太辣我抱住呢個心態大大啖飲呢個湯。。。結果出人意表如果五隻辣椒係滿分 佢起碼有四隻🌶🌶🌶🌶開頭仲超級擔心食唔到心裏面狂諗:"死啦咁鬼懶點樣食呀?"但係一配搭白飯 味道就剛剛好 仲越食越過癮唔一定要選擇豬牛羊可以揀雜菜我就真係揀咗雜菜 個湯清啲之餘可以試清楚豆腐嘅味道唯一美中不足嘅地方就係所謂嘅雜菜只係蘿蔔絲茄洋蔥絲加多幾種蔬菜例如生菜，薯仔等等相信可以令到湯頭鮮味更重更甜事實證明我冇選擇錯誤泡菜煎餅質地軟淋就咁食酸酸辣辣但係如果點咗甜豉

每次經過都見到頗多年青人食這家餐廳，好奇下決定自己去食下，叫左牛油果沙律，牛肋骨湯，傳統甜辣味無骨炸雞和拌飯，落完order,侍應便會送上前菜，當中有青瓜，芽菜和泡菜，坦白講，好少食到咁無味道的前菜，尤其泡菜，令人有少少失望。牛油果沙律味道不錯，切片牛油果份量尚可，新鮮沙律菜咬落脆口，牛肋骨湯則令人有點失望，因為牛肋骨煮得韌，湯底略咸，炸雞就真的不突出，坦白講價錢合理，但我下次會去返apm那邊近巴士站另一家餐廳食韓國炸雞，因為唔會咁冧，雞和醬汁味融為一體更好食~至於拌飯就中規中矩，配料充足但略嫌牛肉較少且煮老左，總括價格尚可接受但真希望泡菜能重新醃製~~

用某個訂檯app見到8：30有半價，毫不猶豫地黎試下。去到都多人食緊嘅，唔知係好食定因為有優惠呢落完單之後，就上左呢碟前菜，3款味道都唔錯，有時食到果款淹蘿蔔就真係唔岩我口味喇。呢個飯卷無咩味，睇賣相都知唔係幾吸引見好多食評都有呢個沙律，自己亦都鍾意麻醬，即刻點呀！材料都算多(雖然係得豆腐同菜啫)，猶其係麻醬呀，沙律最重要係夠醬汁，每一塊沙律菜都沾到醬汁，好味一上檯就聞到好香，單食一舊烤肉試下，醃得好香好夠味，啲肉又唔肥，再用生菜夾住食，堅正食韓國野當然要點炸雞啦，呢度有2款揀 - 柚子蜜糖味/甜辣味。我地揀左特別啲嘅柚子蜜糖味，賣相普通，好大件，每件細番啲會易入口啲。調味唔錯，但個外皮唔得，炸到又硬又厚粉咁。之後男友食到件，仲要係唔熟嘅tim, 應該就係因為佢太大件，個心唔熟。。。所以總括黎講，烤豬肉係surprisingly 好食，其他都真係普通。

男友很喜歡吃炸雞，一知道我帶他來吃韓式炸雞就超開心(๑>ᴗ<๑)未進店內已經看見裡面坐著很多食客。本來想點任食，但又怕太熱氣，於是單點了兩款炸雞和其他的小菜。首先是這款鹽燒三層肉配生菜，豬肉片很厚身，加入洋蔥後味道更香甜。連生菜一起包著吃很好味呢(❁´ω`❁)這款是牛勒骨湯配飯。牛勒骨大大片，再加入炒蛋絲，而湯中應該加了胡椒粉，稍辣的味道很暖胃呢(⁎˃ᴗ˂⁎)辣炒魷魚不算辣，幾惹味(•‾⌣‾•)y主角來了～燈燈燈凳！我們點了兩款炸雞，一款是醬油香蒜，另一款是柚子蜜味我較喜歡柚子蜜味，很香甜很開胃！而男友則喜歡醬油香蒜味，說蒜味很夠香濃。外面炸得金黃的炸雞，裡面卻是剛熟般的嫩口質感，而且還會滴著肉汁，很鮮嫩呢～飲品方面，左邊的是生薑蜜，而右邊的是熱柚子蜜，生薑蜜的薑味不算濃郁，適合不太喜歡濃烈薑味的人品嚐！

是日經openrice買左餐飲劵，可以用88蚊一位任食炸雞，去到要以正價去計返加一服務費。甘經openrice訂座，所以去到唔洗等直接入，我地一行7人，但因為佢鋪位細，所以7人俾左張6人枱我地，坐得好逼下，唔太舒服。雖然話任食炸雞，但可以揀既食物好少，少到係我地係叫哂每樣可點既野，炸雞有6款，但另外可揀既食物得兩款沙律同兩款小食，連平時食開韓國野有既泡菜小菜都冇。至於飲品方面，我地因為用特價88蚊任食，所以要加30蚊先任飲，唔係就只包一杯野飲，但正價任食係加15炸，所以我地一人嗌左一杯就算，冇另加30蚊。我自己點左紅棗蜜梳打，冇咩特別，係即沖果隻紅棗蜜加左梳打水同冰甘。先講沙律先，兩款沙律，一款係芝麻醬，其實味道唔錯，不過就同出邊差唔多，冇咩驚喜。另一款係韓式醬汁，佢係韓式辣醬加沙律醬，再面鋪一大堆紫菜，辣醬唔係辣果種係酸甜果種，整體黎講好食，非常驚喜。然後兩款小食，泡菜煎餅同辣年糕。辣年糕不過不失，正常味唔會太辣。泡菜煎餅，第一輪好好食，所以再點，點知第二輪黎到煎燶左，所以食落有苦味，呢到扣左分。到主角炸雞，佢有6款，分別係蜜糖、柚子、芝士、辣味、芝士辣味同醬油六重點味道，佢炸雞唔厚

天氣凍夠實好想食下辣野來刺激一下身體，等冰凍嘅身體喚醒一下都好，所以食韓國野最適合不過啦！ 今次無去到尖沙咀韓國街果邊食， 竟然俾我發現觀塘有間隱世嘅韓國料理， 當初俾他們樓下的派傳單的姐姐吸引咗，因為傳單寫住 任食炸雞我老公見有炸野實啱， 因為老公嘅驅使下就走咗入去食啦！ 本來諗住join 食炸雞任食餐的， 不過覺得只食炸雞，我會覺得好dry，所以叫多點韓國野食先夠滋味，咁先check 到依間野嘅野食好唔好食。 結果叫了： 鹽燒三層肉配生菜 份量夠多，肉醃得好入味，燒得唔太多，仲有保留肥肉的油質。好食泡菜煎餅，份量唔多。 不過兩人食夠曬數！ 老公死都要食炸雞，唔通唔俾他食咩！ 我地叫左甜辣醬， 份糧超多。 每塊好大舊，肉質係嫩口咖！ 炸粉簿而脆，正芝士辣醬抄年糕好足夠，唔算勁辣我食嘅時候有拉絲芝士咖，不過我影得唔太好它的拉絲效果。 最後要咗個牛肋骨湯，解解辣清清喉嚨。 再來個自家泡菜。一切有滿足。 味道適合港人口味！

家住觀塘的朋友，今晚帶我去嚐有家的味道韓國菜，他說韓家所烹調的菜式，就好像大學韓文老師在大學時煮給他吃的味道，非常親切，要我務必試試。朋友最具老師回憶的就是韓式飯卷和韓式飯團，老師最經常弄這給他們吃。韓式飯卷裡頭搭配爽脆的黃蘿蔔，紅蘿蔔，軟嫩的牛肉，雞蛋，飯卷不花巧卻味帶清新。從前都是老師搓韓式飯糰，現在當然是朋友自己搓吧。韓式飯糰適合吃素的嚐，滿滿的脆口紫菜鋪在飯上，朋友不停搓揉，把紫菜均勻混進飯粒，再弄成小小的飯糰球，頗有成就感。韓式炒粉絲雞蛋卷表面煎得金黃，炒粉絲爽口彈牙，與濕潤的雞蛋卷交融，聞起來蛋香不絕，讓人食指大動。一口咬下炒粉絲蛋卷香噴噴的，嫩彈可口。韓式炸醬麵可是我最愛的韓食之一，這裡的炸醬麵份量十足，深褐色的炸醬光看已感受到它的濃郁，麵條必須趁熱攪拌，不然很容易結成一團啊。麵條熟度恰到好處，蠻有彈性的，微鹹微甜的炸醬均勻地吸附麵條上，入味得很。炸醬麵最過癮的吃法當然是豪邁地吃進嘴裡，嘴巴吃到黑黑的，哈哈。無骨韓式炸雞我們挑了柚子蜜糖味，朋友說他很少嚐這口味，大多吃傳統甜辣味，今晚轉換一下口味。柚子蜜糖無骨炸雞一上桌香氣撲鼻，誘人極了。炸雞肉質真的細嫩，輕輕嚼一口肉汁通

韓風來襲聽朋友介紹觀塘呢間韓國野好抵食Happy Friday 就過左黎食順便過黎接b先生收工😏😏坐位唔算多 室內環境都好舒服 晚飯時間要早少少黎 好快就好full野食選擇都好廣 鍾意食炸雞ge朋友可以揀炸雞任食 都係138 真係抵到爛又有晚市套餐 又有散叫揀左一輪 我地㨂左散叫 乜都食下 叫左韓式炒粉絲雞蛋卷半份炸雞（柚子蜜糖）石頭鍋飯（牛肉）生姜蜜同大麦茶未有野食前店員上左前菜酸酸甜甜好好食 好開胃韓式炒粉絲雞蛋捲第一次食抄粉絲雞蛋捲雞蛋捲調味後煎到好嫩滑 加左粉絲口感更豐富半份炸雞（柚子蜜糖味）外脆裡面仲係好juicy 柚子蜜糖酸酸甜甜咁 好好食 任食炸雞超抵食石頭鍋飯（牛肉）上枱熱辣辣 即刻加左辣醬將佢撈勻 我仲特登壓一壓個鍋邊 整到有少少飯焦 更加好食飲品正正常常

今次同男友去左觀塘覓食，見到街邊有人派傳單，是任食炸雞放，星期一至日成人每位都係$138，見咁抵就去睇下~佢係位於觀塘既中海日昇中心，要搭扶手電梯上去，再轉左直行到尾就係韓家~門口都放左餐牌同食物相比客人睇餐廳提供電視播放韓系音樂睇完餐牌後，覺得還是想吃散點多一點，所以散點~ 我們叫左2杯熱飲，熱柚子蜜和紅棗蜜，每款都是$15 柚子蜜底下有好多柚子，好香柚子味，十分足料紅棗蜜都多紅棗粒，味道甜甜的，唔酸柚子蜜糖無骨炸雞半份，有5件佢同平時d炸雞好唔同，平時炸雞係好脆好多油但呢個炸雞係相反，佢外層比較淋身，而且油份也不多，雞肉肉質好滑好嫩，再加上面頭d柚子醬，正呀韓式烤牛肉配生菜韓牛配料有紅蘿蔔，洋蔥，加埋d韓汁醬料，再用鐵板上熱辣辣韓牛包生菜是常識吧生菜非常新鮮，但份量不是很多，好快包晒d生菜~鐵板春川炒辣雞這個是人叫我又叫😂，因為見到好多人食呢個，就點來試下睇下咩環境佢可加配$20芝士，$15麵或$15年糕，我就加左芝士同麵~終於出場了，賣相十分吸引，而且雞的份量也有很多，約10件，3個人食都得，絕對係抵食夾大件之選，芝士也很多，d汁甜甜的微辣，拉麵煙煙unun咁，正柚子蜜梳打由於熱

假日星期六同老闆去觀塘拎模型唯有同時間要搵下野買搵下好野食平衡返心理先😉😌😌點可以比佢自己一個開心架本身諗住去行下觀塘海濱浪漫下，轉工後近呢三年比較少黎呢度，沿路都新開左好多新餐廳，所以就揀係度食埋我地嘅晚餐喇。呢間係比較偏向韓國d家庭式小店形式，選擇唔多但應有嘅都有。價錢屬合理。佢其實有$138任食炸雞放題都幾吸引，但當時我地都唔係太餓就選擇左散叫。豆腐麻醬沙津 $58 - 麻醬沙津一向唔會死錯人, 重點蔬菜係新鮮嘅.韓式雞蛋卷 $78 - 雖然唔係咩特別菜式, 但呢道有d驚喜, 好香蛋味,加埋翠玉瓜同紅蘿蔔粒粒都會覺得健康d.  老闆火速鯨吞左5件. 無骨韓式炸雞 $78 - 柚子蜜糖味, 要讚一讚醬汁味道, 甜甜地估唔到同炸雞幾夾，味道幾清新. 炸雞唔厚粉同埋炸完保持到唔會乾爭爭, 但如果再入味d應該會更好,韓式炸年糕 $55 - 甜辣汁, 醬汁好香蒜泥味, 所以都好惹味, 不過真係唔好睇佢咁少一盤, 真係好飽肚架.總括黎講,  以價錢$120人頭嘅韓國野咁嘅質素, 算幾抵食！等我下次狀態好d,要黎挑戰下炸雞放題先. 小店要繼續加油啊！

約咗個舊同事食晏，佢帶咗我嚟呢間位於中海日升中心嘅韓家，餐廳佈置簡單舒服。午餐以套餐為主，另外跟有餐前小菜。嫩豆腐湯配白飯 (豬肉) ($65) - 入面除咗，豬腩肉，仲有雞蛋、豆腐、洋蔥，及紅蘿蔔， 湯味辛辣中帶有豆腐香味及洋蔥、紅蘿蔔嘅鮮甜味，薄切腩肉軟身彈牙，洋蔥及紅蘿蔔爽口，豆腐十分嫩滑，都幾好食！韓式烤肉炒粉絲 (牛肉) ($72) - 十分大碟，份量足夠兩個女仔食。味道鹹鹹甜甜似用甜豉油調味，牛肉有牛味略帶咬口，粉絲爽滑彈牙煙韌，炒得乾身，唔油膩，配上爽口嘅洋蔥及鮮甜嘅椰菜絲，夠曬豐富！除咗上邊兩個主食，我哋仲追加咗兩款小食，韓式泡菜煎餅 (+$15) - 餅面香脆口感煙韌，味道帶有泡菜嘅酸味及微辣。配上一個加有洋蔥味道微甜嘅醬汁，係一個唔錯嘅選擇。韓式炸雞 (柚子蜜糖味) (+$18) - 雞皮香脆入味，雞肉肉質juicy嫩滑, 加上個酸酸甜甜嘅柚子蜜糖醬汁，食完可以再食。熱生薑蜜 - 天氣開始凍，飲翻杯熱生薑蜜就最適合。暖清淨園紅醋 - 琥珀色十分吸睛，酸酸甜甜，暖身又消滯。呢餐簡單得嚟好食，係一個唔錯嘅選擇！

今日男朋友收工去左官塘睇中醫，我哋就喺觀塘解決晚餐，見好耐無食韓國野咁岩有人派傳單見到呢間，又唔係好貴就去試下叫咗個紫菜飯卷，韓式烤雞配生菜，豬肉炒粉絲同泡菜煎餅紫菜飯卷好有屋企嘅味道，偏淡味，健康啲，但料既種類都多，口感夠豐富👍韓式烤雞肉就辣辣地，濃味惹味啲，雞都幾滑，啲生菜好新鮮爽口，配埋生蒜幾夾😁豬肉炒粉絲同平時食開嘅相比望落顏色淡好多， 不過幾香黑椒味好夠味泡菜煎餅就食到好多泡菜，比較厚身，好飽肚😅食果陣見到好多後生仔女都食炸雞放題， 如果鍾意食既朋友都可以去試下🙈

哈韓朋友就快生日，約咗去佢喺觀塘嘅公司附近食飯，佢一早訂好咗位。呢間叫韓家嘅餐廳，係喺商場入邊嘅一樓，朋友話有時都幾滿座，如果唔早啲定位未必可以食到。餐廳一直播住韓國嘅MV，聽到我朋友好開心。本來我哋想食炸雞套餐嘅，但因為喉嚨病咗，所以決定都係散叫。我哋叫咗個牛油果沙律，韓式炒泡菜煎餅，水冷麵，炸雞，年糕，同埋特色飲品。牛油果沙律，牛油果都幾多，份量都幾大。韓式泡菜煎餅，味道都幾濃，煎餅都幾軟身。水冷麵浸在冷水中，見到有少許浮冰，可以自行添加白醋及芥末，冷麵份量都幾多，同我平時食嘅味道有啲唔同，如果可以加返多啲味道就好。年糕煮得好熟透，而且醬料淡淡的，唔食辣嘅朋友都可以食到。我哋叫咗幾款飲品都係梳打飲品，飲品幾好味，我哋都有再encore。佢哋最好味嘅係炸雞，雞件好嫩滑，而且好入味，我哋下次好返，應該都會再食炸雞。

今日又和同事在觀塘做嘢！又到晚餐時段，行經韓家門口，同事和我都好想食炸雞，一於入去試下la前菜有青瓜，薯蓉和泡菜，我最鍾意食泡菜，酸酸辣辣非常惹味豆腐麻醬沙律~滑嘟嘟嘅豆腐，加上新鮮的生菜，青瓜和車厘茄，配以麻醬料味，又fresh又開胃！韓式烤牛肉~烤牛牛肉味濃而腍，用生菜包住食無咁油腻，加埋檸檬汁，大蒜和韓式醬汁一齊吃，別有一番滋味鐵板春川炒辣雞~呢種炒辣雞第一次食，熱辣辣放在鐵板上，雞肉嫩滑有彈性，再加上洋葱絲，紅蘿白絲和白芝麻，甜甜辣辣又香口無骨韓式炸雞半份~用左雞脾部位，無骨啖啖肉，外面炸得極脆，雞的肉質鮮嫩juicy, 加埋傳統甜辣醬，好惹味啊

呢幢大廈開咗之後都有幾次過嚟搵食，上次食咗個台灣野，今次試吓韓國嘢啦。喺門口出邊見到佢有90分鐘炸雞任食，不過真係怕太熱氣所以都係叫返其他韓國菜式。前菜。叫了泡菜豬肉飯，使用五花腩片，肥瘦均勻，肉質唔會太乾又有咬口配上微辣爽脆泡菜，送飯一流，應該可以食到三碗飯。炸雞叫咗蜜糖牛油味，一疊有四件，雞既size好平均亦算大舊，炸粉唔厚，咬落好多肉汁，啖啖肉。醬汁味道剛剛好，唔會太濃而蓋過雞本身既鮮味。嫩豆腐湯配雜菜，豆腐配上熱辣辣既湯係絕配，湯辣度剛剛好，雜菜好多，唔會話煮到爛果種，保留菜既爽脆口感。