韓樂 (TKO Gateway西翼)

營業中

休息中

今日朋友生日，食咩由佢話事朋友係openrice見到韓樂評價不俗，就決定黎呢到食生日飯溫泉蛋卡邦尼煙肉扁意粉 ＄60意粉彈牙，唔會太淋用左紅椒、黃椒等等，令意粉色彩更豐富，亦更惹味，增加口感溫泉蛋既濃郁蛋香，配上卡邦尼忌廉汁醬汁好creamy同好滑做到真正既色香味俱全韓式粉炒絲＄62韓式粉粉絲有鑊氣，唔會煮到過淋一條條粉絲分明，唔會痴埋一舊口感彈牙，有韓式醬油味道仲有d肉同菜，豐富左味道同口感！食物質素唔錯，座位亦都舒適適合三五知己黎食飯傾下計朋友對呢餐生日飯都幾滿意

今日晏晝三人行嚟到韓樂第一次嚟呢到食野一人嗌咗一個期間限定嘅冷麵同埋一杯柚子梳打部隊鍋冷麵/泡菜牛肉冷麵/炸醬冷麵我未食過咁唔好食嘅冷麵一個字 「淡」麵入面得泡菜同菠菜好食你話死唔死得唔明點解有咁多人去食一定冇下次🙄點解我會係topic 到打不知所謂嘅收銀張單明明係144蚊咁我比錢前已經準備好啲錢拎到去收銀放低就走咗然後個收銀追出嚟話比少咗10蚊仲要黑哂面 好似欠佢十萬九千七咁我跟埋佢入返去了解返喇佢竟然拎住第二張單話係154蚊我地即時check單發現佢張單多咗杯檸檬茶而且佢另一隻手係拎住我地比錢個張單收埋係背後之後我地話淨係叫咗一杯野飲冇嗌到檸檬茶佢先話唔好意思 你話呀 呢啲係咩收銀收錢連數字都唔識睇我就最憎比人屈嘅所以今次先會寫食評等大家都要小心呢間舖嘅收銀

哈哈！玩完韓國旅行，回港又想食番韓國菜呢！旅行真開心啊！呢區都算小韓國菜食了，感恩還有間係左右，下午茶時間以為難找位啦！又不是呢！兩佬隨便坐下，緊係看看餐牌有咩食啦！價錢不算貴，便選了兩款，不過沒有人招呼我們， 侍應們好似好忙咁，都唔係好理我們咁，人又不算多，還有很多空位添，唯有唔該唔該，落單呢！如果和朋友吹吹水就非常好了，可以坐耐D無人左你呢！鮮茄焗豬扒珍珠飯老公話好食可惜細碟呢糖心蛋豚肉飯我將肉和蛋重新擺過美觀些糖心蛋唔錯有韓國泡菜就最good這是原來擺放

星期六去食午餐,唔使等位,不過店內都好多人叫左2個午餐牛肉石頭鍋飯雖然好快就送到,但好熱的,仲有飯焦係底,十分好!!! 配料都多,牛肉亦多,唔會只係飯為主,加埋自己落既2款醬汁,少少辣,呢個飯十分好味!!!韓式炒粉絲都係夠熱送到上台! 食落唔算炒到十分油,但都有D油架~ 粉絲好夠味,夠濃!仲有D蘿蔔絲, 雞柳同椰菜.都好味跟餐唔使加錢既即磨咖啡, 心諗即磨咖啡唔使加錢? 應該都唔會好味... 點知又OK呀! 都夠濃味

我好推介呢到既下午茶，因為佢既選擇真係花多眼亂，有小食、有三文治、有甜點、有粉麵、有炒飯、焗飯，仲包野飲尋尋覓覓 呢一間係正既下午茶餐廳，今次咁啱係我未食lunch既一餐，飽肚既下午茶就啱晒我 平靚呢到既音樂柔和唔吵耳，燈光暗暗地又幾靚。食既過程中，人流都保持上升，但仍然係唔需要搭枱，可想而知餐廳既空間面積有幾大幾實用。但想講一講既係呢到既staff睇落好似永遠都好忙咁，加上餐廳間隔複雜，舉手要長舉 啲侍應先得閒理你 / 睇到你呢碟飯驟眼睇細碟到嚇親，一上枱我就係呢個諗法，佢既賣相無特別吸引之處，比普通茶記都無特別有火候既感覺，但食落先係精髓。我好中意佢炒飯用既汁，鹹味適中之餘附帶啲甜既味道，食既時候仲有啲芝麻既香味，真係因為個汁，我先食唔停。不得不承認，佢成碟飯都好寡，佢既烤雞確實係少之有少但就有充分既紅椒、蔥粒、洋蔥，完美地集合「被夾開十大配菜」既食材幸好，我都唔係唔食呢啲野食既人，但呢一點真係好需要提一提想食呢間餐廳既吃貨佢個炒飯唔太油，味道香口，只係可能我唔好彩，所以佢只係係一大鍋炒飯裡面分到好少烤雞比我。（題外話：佢既焗飯正啲）至於佢既朱古力，一直都係我既必點item，正正係

坑口站近期多左好多野食，而今晩我地就黎左哩間叫韓樂既餐廳，地方頗大，裝修有特色。餐牌有很多選擇。我們點了人參雞湯和安格斯牛扒。人參雞湯人參雞湯熱辣辣送到，黑胡椒，鹽另上可自行調味。最特別的是另有一小杯真露酒，加入湯裏面後即刻多一份香味。這個湯用上全隻雞，內餡真係有人參，栗子，糯米飯..一個人食一個人蔘雞湯係會超飽的。板燒安格斯牛扒 牛扒雖然唔係好大塊，但係好厚身再配焗蕃茄和薯條。薯條香脆，牛扒肉質不俗，配上醬汁不比西餐廳遜色。整體而言，這裏的菜單是不只是韓國元素，還有一啲港式和西式的菜色。不過值得回頭的是食物質素不俗，而且價錢好平，一塊扒加人蔘雞湯都只是$200元左右。

其實係想找個地方坐下傾下計⋯見到呢間餐廳唔洗等位～d位又好似幾舒服⋯所以試下⋯韓式泡菜炒年糕-唔係韓國果隻年糕，切到一片片咁⋯無左果隻口感，第一啖食落麻麻地，同埋都有點辣⋯但之後再食又覺得味道唔錯入面有冬菇同菜～份量適中！咖哩炸雞珍珠飯-炸雞好脆，真係新鮮炸既，勁熱！第一啖食覺得好似普通日式咖哩，但原來後勁凌厲⋯d辣味慢慢滲出黎⋯都有d辣，好彩有白飯相伴重有泡菜添⋯⋯發現成枱都係辣野⋯⋯所以先叫野飲～要救救火🙈🙈叫左杯朱古力咖啡～味道幾平均！唔會一邊太濃⋯不過我覺得甜左dd🤪餐廳環境幾舒服！都算有特式⋯好似扮鐵皮屋咁～定應該叫扮貨櫃🤔🧐分唔到！總之幾有特式啦！

坑口有好多個商場，今日去咗TKO間韓樂 今日第一次試嗌咗咖哩炸雞珍珠飯同韓式泡菜辣炒年糕。個咖哩炸雞個辣味好有後勁，都幾辣。如果食唔到辣嘅朋友唔好嗌喇！個炸雞好脆，值得一試！本身以為係個年糕係韓式長條年糕咖點知嚟到先發現原來係一片片果種上海切片年糕有啲失望...仲有啲搞笑嘅就係個年糕竟然有啲鮮冬菇喺度同埋個辣炒年糕入邊嗰啲辣泡菜啲泡菜味唔夠味，下次可以試試其他嘢食！呢度嘅裝修幾靚幾有特色幾舒服，啲位都好鬆動

平日晏晝一大班同事成日都諗唔到去邊食, 坑口個邊好似好多選擇, 但無乜邊間想食。最近成日黎呢間, 好似都唔錯。餐廳都好闊落, 又夠大, 唔太遲既話唔駛等位就入得。有六人卡位, 都好岩多人去食, 唔怕分枱坐。呢日我叫左個焗芝士蕃茄豬排意粉。等左5分鐘就上枱, 趕lunch 既打工仔都幾岩, 夠快丫麻。先講賣相, 焗意粉黎講都幾吸引, 個面少少焦最正, 見到芝士同蕃茄好足料。食落味道天然, 但好似調味唔係好夠, 不過最少唔會好鹹。我覺得唔錯。 40零蚊找數。香港地算係咁。

第一次食呢間 原來同百分百同一集團 下午茶時段唔洗等位 但一入到去完全冇人招待都算 舉手叫人落單 個呀姐見到我叫我等等 叫左兩次都係叫我等等 但轉個頭竟然幫第二台落單同執餐具 到第三次有兩個呀姐見我舉手 但都冇行埋黎 其中一個仲做口型同我講 叫另一個落單 最後叫左第四次先有人黎 連落單都咁唔願意 左推右推 姐係想趕人走叫左個新出嘅泡菜牛肉冷麵 $45唔包飲品 麵質唔係我想像中彈牙果種 好淋唔好食 但牛肉ok多唔會再幫襯 如果番工lunch time趕時間 但連落單都搞成咁 真係唔洗食 完全冇服務可言

今日同朋友黎到將軍澳 呢一邊行街傾 行行下覺得肚餓 搵黎搵去都搵五到岩食既餐廳 呢邊既商場多 但系餐廳小 ！！ 搵左一段時間後 發現左呢間 *韓樂 * 主要食韓式料理 餐廳外觀 好簡潔 又有少少復古嘅裝修 ，餐牌嘢食 又幾吸引下 二話不說入左去 ！！下午茶黎講 十分多選擇下 👇🏻👇🏻我地最後選擇左 卡邦尼煙肉扁意粉 $40 卡邦尼 個汁 覺得幾好味 配料方面都好多 。不過好可惜 呢間餐廳既扁意粉 十分硬 加上用既菇類 系冬菇 食落口毫無水分 其他餐廳都會用鮮茹 好食好多 ！！魔鬼芝士• 一口炸雞 🍗 $34 呢個系必食推介- 炸雞都幾好食 但係魔鬼芝士 個芝士味五濃 仲要系拉五到絲 🤣跟餐＄10加多個薯條 🍟好油

今日同朋友行完街有啲肚餓 就同左佢去韓樂食下午茶 有選擇困難症嘅我地諗左好耐 因為樣樣都好想食 但係等等仲要食晚餐 唔想食咁飽 最尾就決定share一份公司三文治黎食重量”Club”公司三文治一共有4份 每份嘅材料都好豐富 香滑厚實嘅雞蛋加埋咸香酥脆嘅午餐肉 仲有好Fresh嘅蕃茄同埋生菜 擘大哂個口都唔可以一啖試哂全部材料 而千島沙律醬同埋烘左底嘅麵包就令到三文治更加可口我地仲用$13追加左一份柚子蜜糖雞翼因為柚子蜜糖雞翼太吸引 所以唔記得左影相就食左落肚雞翼金黃閃亮嘅外皮好香脆 好入味 柚子同蜜糖嘅味道好夾 甜甜地又好清新 令人食完仲好想再食

夜晚大約9點到先約友人係坑口食晚飯，冇乜心水就決定食一入商場就見到嘅呢間韓國餐廳。餐廳燈光偏暗，佈置得好有特色，好多懷舊嘅擺設。望望餐牌，有好多唔同種類選擇，又有西式飯/意粉又有焗飯，當然亦有韓國嘢食如石鍋飯同年糕等。另外侍應比較多呀姐而唔係後生仔女，感覺似韓風茶記多啲。魔鬼芝士一口牛。望落覺得好邪惡，芝士多到我流曬口水，但食落…啲牛好韌，咬極都成大舊吞唔到落口。墨魚汁鮮蜆魷魚意大利飯。擺碟精美，亦都好多蜆肉，係比較水嘅墨魚汁飯，食落都唔錯。卡邦尼煙肉炒年糕。超級多嘅卡邦尼汁，加埋有咬口嘅年糕同香甜嘅菌菇真係可以成碟連汁食曬。整體嚟講呢間係嘢食ok嘅高級茶餐廳或者可以叫平價韓國餐廳，可以一試嘅。

食左好幾次都係要寫🙈🙈好多時出到坑口唔知食乜又想食啲特別野,但又唔想食咁貴,都會諗起佢講真,呢間餐廳服務同衛生都走茶記路線😅你懂的~ 但食物真係算坑口區入面唔錯嘅選擇黑松露野菌意大利飯($60) - 一上檯就一浸黑松露味傳出黎😍😍食落個飯都creamy但唔漏,份量岩岩好👍卡邦尼煙肉炒年糕($56) - 呢個好味啊🤗🤗🤗可能係個sauce調得好,整體味道好協調,年糕又切得夠薄,好岩我口味😙蜜桃豬扒焗飯($55) - 男友每次黎都必叫咁滯,不過又真係幾cheese🧀又夠大碟多肉👍👍

假日與友同行，兩個飯桶走經一家韓國料理餐廳，一起吃韓飯。飯桶一叫了一客溫泉蛋加雞肉加珍珠飯。飯桶一覺得這客飯跟一般韓國石鍋飯相差無幾，都是混入一些雞肉、泡菜、紫菜、等等進飯裏去，加上滑溜溜的溫泉蛋，淋些韓式汁料一起吃，珍珠飯未算太珍珠，倒不算黏口，而且因為石鍋存溫存得好，熱度十足。飯桶二的是蟹柳加手握珍珠飯。食材跟飯桶一的差不多，仍然是泡菜、紫菜、芽菜之類的東西，不過肉食轉為蟹柳。只是要用手卷起飯和食材來吃，食味都是雷同，不過飯當然沒有那麼熱，加點韓式辣醬較為提味。這兩個飯，未盡飯桶意。