韓牛韓式燒烤 (已結業)

成日都話架啦！一拗食乜就揀去食放題就乜紛爭都解決哂🤣🤣鍾意食乜自己出去攞！老嫩都皆大歡喜！是晚去咗呢間地理位置好方便嘅性價比韓燒！食物質素當然唔好同平時食開幾嚿水得幾件牛嘅燒肉比較😉但呢度勝在超多選擇兼食材正正常常！而且睇見全場滿座就知好啱老友/家庭聚會啦❤️由海鮮冷盤(Be鍾意個韓式伴菜區)、水果沙律(當造嘅西瓜同荔枝幾甜)、刺身壽司(三文魚魚生ok)、熱食炸物(連豬腳薑都有)、BBQ肉類海鮮(必必必燒牛仔骨＆海蜆😍追添咗無限回合)、甜品(好多種類！而且竟然有得玩朱古力噴泉＆自製綿花糖機)、飲品櫃(汽水啤酒齊全！連泰啤都有)🤗🤗我哋21：00前入座每位都係$228(加一)！實在係唔傷荷包之選👌

之前已經聽到人講呢間餐廳， 好多朋友都推介我💓 ，所以今次約埋大胃王一齊試吓😊平日未到7點， 餐廳已經坐滿哂人。 一行到去自助區，嘩😍😍😍 心心眼出嚟～～～ 選擇多到影都影唔哂。➡️有各式各樣嘅燒肉類，如豬梅花肉、五花腩、一口牛肉粒、金菇肥牛卷、鴨腎、牛舌、羊肉、雞翼等～～ ➡️生海鮮就有虎蝦、蜆、魚柳、魷魚🦑、墨魚仔、多春魚等～～➡️熟海鮮有蝦、青口、帶子➡️除咗燒肉之外，亦有熱食，如韓國🇰🇷泡菜煎餅、韓式炸雞🍗、韓式人蔘雞湯，韓式粉絲等➡️日式刺身、壽司、軍艦及卷物➡️甜品： 中式蕃薯芋頭糖水、竹蓆茅根、奶凍、雪糕雪條等➡️驚喜甜品：自製綿花糖及朱古力噴泉➡️生果區亦非常吸引🤩 林林總總嘅生果🍊🍎🍉🍇🥭，仲擺放得整齊美觀。我試咗幾款，無調味牛仔骨同肥牛都好有牛肉味，肉質嫩滑。 五花腩脂肪分布平均，油味滿溢。 金菇牛肉卷，外面嫩滑嘅牛肉包住爽甜嘅金菇，好有層次。 人蔘雞湯香濃唔會太鹹。朱古力噴泉及自製綿花糖好味，一定要試😍 生果種類多又夠甜😋

旺角好多嘢食係人都知，但韓燒就唔係好多選擇，呢種港式韓燒係我最鍾意食嘅，因為佢哋價錢平民食物多元化。二百零蚊就可以任食超級抵。個場超級大可以容納好多人，唔會感覺好迫。呢個就係佢哋個沙律吧，超級多是令生果，有我最愛嘅芒果/荔枝/龍眼。仲有好多海鮮選擇，，有我至愛嘅三文魚，仲有青口/蝦/螺。韓式泡菜區，好多唔同款嘅韓式泡菜，有我最愛嘅翹頭，韓式泡菜當然唔少得，剛剛好唔會太辣亦唔會太酸。炸物區：全部新鮮炸起，熱辣辣，我最鍾意食係去韓式炸雞翼，同埋韓式煎薄餅。韓燒區：好多唔同嘅肉選擇，豬牛羊雞都有，全部都醃得好入味。唔好以為佢哋主打韓燒甜品就得幾款好求其，估唔到甜品都仲有好多驚喜，可以留畀我第二個胃食。唔講咁多即刻開餐。總結：食韓燒放題係最好嘅選擇，，又有得燒，又有炸物食，又有魚生海鮮，一個價錢多個選擇。

去的时候是星期一，每位是220多元，另加百分之十服务费。但没有限制用餐时间，不用吃得太赶。服务员说价格包了韩烧和火锅，但最后只是吃了韩烧。所有食品都是有助形式，水果、甜品、热食等等分门别类放在不同地方, 而且品种很丰富，骤眼已经有好感。虽然不是高级食材，但这里提供的生肉不会太差，而且是补给得很快，基本上沒有空着的盘子。水果和甜品的选择也不少，味道还不错。东西太多，热食的东西也没有吃到。跟楼上的火锅放题相比，这里的性价比高很多。

好耐無食過韓式燒烤，晚市9時前離座$228（另加一），都算抵食。環境都乾淨衞生，勁多唔同款肉類可以揀，我就最鍾意佢有勁多款韓式前菜，咁我就可以整韓式菜包肉，將生菜，泡菜同燒好的肉包埋一齊食，正😋熟食都勁多款，有韓式煎餅，炸魷魚絲，仲有壽司同刺身，味道就正正常常，勝在選擇多。佢個甜品區就更加係包羅萬有，有雪糕，綿花糖機，朱古力噴泉，仲有巨量甜品/生果/豆腐花同雪糕，如果帶小朋友黎一齊食，我諗佢地應該會勁開心。

我諗我都好耐冇食過呢款韓燒喇😂好有中學回憶😆出去夾夾夾，生嘅同熟嘅食物都超多款！🤤🤤仲有刺身，壽司，甜品😍真係花多眼亂😆😆小菜款都勁多選擇，泡菜、波菜、芽菜⋯我就當然揀泡菜啦！呢度嘅泡菜有驚喜！燒完塊肉，夾埋泡菜一啖放入口，真係勁正！🤤😍肉類都好多款揀，我就鍾意牛舌！好食😋另外刺身方面都唔錯，我朋友係三文魚怪，佢又可以勁食三文魚😂都幾新鮮！👍🏻👍🏻👍🏻甜品部仲有個朱古力機😍🤤好正😆-晚市放題 $228/位*價錢會因入座時間和日子會有所不同

好耐冇食韓國菜，之前去創興廣場食飯時，發現原來有間食韓燒的店「韓牛韓式燒烤」，咁就拿拿臨約朋友黎試吓啦！地方環境都好大，坐得舒服😌有生食：日本刺身、壽司、手卷有冷盤/前菜：熟蝦、帶子、青口、泡菜、醃菜、蘿蔔、芽菜...有熟食：炸蟹鉗、炸雞件、泡菜餅、炸雞翼、炸雞鎚、蘿蔔牛腩...燒烤：肥牛、牛仔骨、牛肉、金菇肥牛、三文魚骨、腸仔、紅腸、多春魚、雞翼、豬肉、菠蘿...甜品：棉花糖、生果、奶凍、布甸...真係好多野食，味道ok，最鍾意燒菠蘿、金菇肥牛、多春魚及雞翼，可惜我地食得太慢，一邊燒一邊傾偈，都唔係食咗好多野，連甜品都無食，好唔抵添😛，原本想試試自己整棉花糖，最後都冇試到。惟有下次再嚟試啦！

今日同朋友落左旺角食韓燒任食，係創興一樓個邊。呢度啲食物質素幾好，對於鍾意食肉嘅我黎講真係幾正，肉類種類極多，而且係十分靚仔嘅。呢度啲牛肉夠紅，唔會係雪櫃雪左好耐個種。牛仔骨，牛舌都係唔錯，好快熟之餘，牛味同油脂香都係不得了嘅。但後尾發現原來雞肉都唔錯，因為佢嘅調味本身好好，同埋又唔會咁易燒燶。羊架都係好正，雖然要燒耐少少，但係為左美食絕對值得等待。除左燒肉，佢仲有魚生壽司，熟食炸物，雪糕雪條等等可以拎，野飲種類都係多，最緊要佢係有白色可樂，確實唔錯。

熟食唔好食，啲肉睇落去偏黑又唔新鮮，又其係牛舌。星期六日原來有好多工主會黎依間度食，佢哋唔带口罩出黎拎嘢食。仲要拎住扎花出黎企係熟食區生食區除口罩影相D職員好似睇唔到咁樣。

好耐無食韓燒lu，無意中同朋友搵到呢間幾抵食嘅韓式燒烤。只要$228，就可以任食多款肉類，海鮮，熟食，甜品，生果，雪糕。第一眼吸引我眼球嘅就係部棉花糖機。雖然唔係第一次喺任食烤肉餐廳見到棉花糖機，但每次見到都會覺得好開心。可以自己加糖，自己卷個超巨大棉花糖，超好玩！講返啲肉先，肉嘅種類真係多到數唔晒，每款肉都係醃製好晒，基本上唔需要落調味料都夠味。除咗生肉之外，我覺得最值得留意嘅係佢嘅甜品，因為真係有好多唔同嘅選擇，而最特別嘅係佢竟然有唔同嘅糖水/湯，例如韓式人蔘雞湯，番薯芋頭糖水，中式糖水等等。雖然我今次飽得滯，未試暈晒，但我下次一定要飲下呢啲湯水😋

韓牛韓式燒烤位於旺角創興廣場一樓，餐廳屬於傳統韓燒放題，以一個價錢$228任飲任食，確實非常抵食。食物種類包羅萬有，有熟食，刺身，熟海鮮，炸物，生果，沙律吧，感覺像小型酒店自助餐一般。熟海鮮方面推介大蝦，新鮮彈牙。燒烤方面，豬牛雞羊海鮮蔬菜等等，應有盡有。個人推介傳統五花腩，肥瘦適中，配生菜蒜片韓式燒肉醬，好食。不得不提餐廳的韓式小食泡菜醃菜等，吃過不停的醃蘿蔔泡菜，非常出色。甜品有雪糕，軟雪糕，棉花糖等等。

🍖人大咗，就少咗食放題呀，任食韓燒呢啲，一嚟個胃無細個咁大，二嚟鍾意坐喺到享受人生，慢慢食。不過一年入面總要有幾日解放下，去下任食放題嘅🤓今次試咗旺角一間人氣幾高嘅韓燒放題，食到好飽！✅肉類選擇好多下，質素都OK，當中比較鍾意係雞腎，雞肉，同牛仔骨。墨魚仔同魷魚都正✅飲品勁多選擇，有好多韓式飲品汽水同啤酒都係包埋，唔會要再加錢✅熟食，湯品，甜品，應有盡有，質素都唔差～甜品有朱古力瀑布同自製綿花糖夠特別✅刺身同凍海鮮主要係三文魚，希靈魚，青口，蝦等等～有時有啲放題嘅魚生真係唔入得口，但呢間都OK架✅閒日晚市一位收費$208 - $228，以而家個市場嚟講都算平，性價比不俗

閑日約朋友收工食嘢，最緊要就腳。所以今次就黎左呢間位於旺角創興廣場既韓牛韓式燒烤。間鋪頭唔窄，但好不幸我哋格離枱食客特別大份，出入都要就住就住。放低野之後就當然睇下有乜食先啦。佢除左一般既燒烤食物，仲有啲刺身同壽司，亦有唔少炸物。由於時間有限，我地首先就拎左啲五花腩，和牛粒&肥牛個啲肉類黎燒住先。佢啲肉都幾新鮮，食得到唔同肉既鮮味。啲海鮮同刺身不過不失，壽司唔錯，幾好食。甜品就試左呢款沖繩海鹽味雪糕，鹹鹹地唔會太甜，忍唔住食左兩杯。

前日趁住放假，媽咪都放假，就同佢嚟到旺角創興廣場呢邊搵好嘢食～見到一樓呢間韓牛海鮮放題，晚市一個人$228，連埋加一$250，有韓燒同埋刺身放題，感覺都幾正👍🏻就上嚟試吓～餐廳嘅自助區有唔同嘅肉類，牛肉，豬肉，雞肉，羊肉，魚柳，三文魚等等添～除咗燒嘢食，仲有刺身，好似三文魚等等～仲有唔同款式嘅甜品🍮全部都好吸引😍刺身類有三文魚🍣海蝦🦞扇貝，青口等等～食落覺得幾新鮮😚幾鍾意三文魚🥰幾爽滑☺️青口大大隻，而且幾好味😋燒肉類佢又好多唔同款式醃製好嘅肉類，好似羊肉，牛肉，豬扒等等～我幾鍾意牛仔粒🥰肉質煙煙韌韌😙仲有豬扒調味幾正👍🏻甜品類佢有朱古力噴泉⛲️連埋棉花糖食～柔柔軟軟☁️甜甜地，幾好味😋仲有棉花糖機，好有懷舊嘅感覺😆而且有唔同種類嘅布甸同埋水果🍈我哋幾鍾意食西瓜🍉因為好香甜💕

旺角創興廣場有好多野食，呢間韓燒坐電梯上一層就係啦，𨋢都唔洗等，真係方便！價錢唔貴幾吸引，又有得任食，正。🍴 韓式燒烤晚市放題 (星期一至四9時前入座-成人 $228) ⭐️⭐️⭐️⭐️放題食物種類分左幾區，有熟食嗰d，例如炸雞翼、炸蟹鉗同炸蝦等等。冷盤當然唔少得泡菜、辣蘿蔔、芽菜、白菜仔。另外仲有刺身、壽司、凍蝦、青口，真係算幾多選擇！生肉就有起碼30款，有辣有唔辣，豬牛雞羊任君選擇，大部分都已經預先醃製好，入哂味㗎喇，總有一款啱食🤣飲品同雪糕都係任食唔嬲，真係好飽啊救命🆘.............................. 韓牛韓式燒烤 (旺角)地址📍: 旺角彌敦道601號創興廣場1樓總評分: 8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️⭐️ 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️⭐️抵食💰: ⭐️⭐️⭐️⭐️