韓舍 (已結業)

一講起韓燒，總會想起韓舍，見好耐無上韓舍，咪上去幫襯吓囉，點知原來轉哂 Theme，重新裝修過，地方闊落過以前好多！連個廁所都靚仔哂！原本豬牛羊雞肉嘅韓燒無哂，店員介紹我地食雞煲，諗諗吓，又好耐無食過雞煲喎，噤就試吓啦。之前幫襯韓舍嘅時候，佢地d熱食都好好味，懷著回味嘅心態，希望唔會失望啦！刺身依舊有提供，熱食質素慶幸無失望，連d細緻嘅甜品蛋糕都保持水準，所以不知不覺間食咗好多甜品，飽到連雪糕都無位裝。我唔食得辣，所以同侍應講，雞煲少辣唔該， 的確，黎到嘅雞煲辣度適中，甚至"麻"嘅情度都啱啱好，我食到有"麻"味，但唔會"麻"到個咀無哂感覺，雞件亦都新鮮夠入味。食完雞煲打邊爐，配料醬油選擇多，哩點我一定要俾個 like! 好多時打邊爐食火鍋，得果四兜仔配料俾你㨂，好鬼無引囉！火鍋配料不單只豬牛羊肉，被我發現有𧐢添！我見到好多客打粥底海鮮鍋，見到有蟹有龍蝦，好鬼吸晴。

九點後收工，超級肚餓，行過旺角創興廣場，見到呢間（韓舍），一心以為係韓燒😅哈哈！原來係火鍋！一上到九樓，就見到佢😊如果需要等位的話，重可以玩下影相，餐廳好細心地已提供道具😌環境不錯👍🏻好大好濶落！我選擇了（酒店式任食火鍋自助餐)如果不是檯面放住個火鍋爐，真的以為自己去咗酒店食自助餐😊自助甜品，熟食，火鍋材料，小食，飲品．．．（麻辣加豬骨湯底）肉片切得好薄，只需滾一滾已沾上豬骨湯味，不知不覺已連續食了幾碟！不錯！👍🏻👍🏻香濃麻辣，一滾起的花椒香味，正好刺激口水分泌，引人食慾！😋😋我至愛的卜卜蜆，都是任食的！壽司都做得很出色，十分精緻！一系列，小食食材，任君調配！

男友見依排開始秋風起，佢帶左我去創興廣場一間叫韓舍食火鍋放題。我開頭以為係食韓燒，原來間餐廳最近轉左型，之前係做韓燒，最近轉左做火鍋放題。我地兩個人坐張6-7人枱，勁闊落，而且食品供應源源不絕，食物種類選擇多，除左有火鍋食物，重有熟食、刺身、壽司、冷盤、甜品、沙律及飲品等等，任飲任食。見到隔離枱食緊個海鮮鍋好大盆好吸引，但要4位先可以叫，下次要約埋朋友一齊黎試試先得。冷盤選擇都已經有十幾款，之後旁邊有好多款調味料，可以按自己口味調味。熟食都有好幾款，重有飯同咖哩。火鍋湯底可以選麻辣或豬骨，因為男友唔喜歡食麻辣，所以只叫左豬骨火鍋食物起碼有30-40款，比起一般火鍋放題選擇重要多。飲品雪櫃既飲品都有6-7款、重有清酒同啤酒。刺身、壽司等都新鮮，不過刺身送到黎係無冰座住，所以要盡快食。甜品每款都細細件，可以比我試多d款，正!!

旺角韓舍重開後無留意已經無左韓燒， 但見佢推出火鍋加酒店式自助餐咁， 就試下啦。 之前有食開韓燒， 見佢又重新裝修，都覺得應該唔差既。 不過明顯出事了。⋯點個雞煲加埋都無幾塊肉， 雞骨加雞頭佔7成。 想食刺身？ 請加20蚊。 想食韭菜花？ 加埋菇請俾多幾十蚊。 海鮮？ 逐樣再要加幾十。呢個係主題公園銷售法黎wo⋯⋯ 俾左入場任食，又俾？ 我明白呢個係消費者選擇， 但200蚊入場， 食唔到大多數野， 比以前感覺反差好大。我理解為我個人感受。刺身入紙上菜。 兩個人份量少，入既紙隨時厚過刺身。 點個海蜇， 佢俾裙邊話係海蜇， 咩玩法？新裝修新作風， 不過管理層有無諗過係唔係做到配套酒店式服務先？！ 坐低20分鐘， 身邊發現曱甴。侍應幫我換枱， 我走果時見甜品枱又有曱甴⋯⋯ 點算啊？裝修完， 坐得係舒服既。 我相信呢度絕對係吹水，傾計好地方， 成班侍應， 美國牛檔師傅都係度吹水⋯ 新黎一枱隔離客， 點左個麻辣雞煲，煲到燶曬都無人理。 一開蓋就放麻煙，猶如催淚彈一樣，即刻咳到傻，周圍3枱唔洗坐走得， 包括我⋯埋單仲要聽住班侍應當花生騷笑d客咳到走， 呢個又係咩服務態度呢？兩人埋單$436⋯ 我相

旺角是拍拖情侶必然到過的地方，無論任何時候都咁方便，吃喝玩樂應有盡有。幾前一排，跟老婆仔去左創興廣場的 "韓舍" 食韓國菜。再較早前，跟同事farewell時已黎過一次，今次再次幫襯，水準依然。正常韓燒有的東西這樣也有，較特別是有位置俾食客落手去整格仔餅及炒雪糕。雖然不是甚麼貴價野，但總算是 "親手為我造" -我女友就是這樣跟我說的。雖然女士未必喜歡煎炒燒炸的食物，但甜品呢家野，口裡說不，手腳最誠實，呢到的甜品選擇算多，挽回不少分數。有一點要注意是，抽氣真係唔太好，繁忙時段較大煙，有待改善!

朋友生日，他在網上看到這裡有韓式宮廷海鮮鍋，我們便來試了。在網上看到相片，其實我都幾期待，因為啲野都好似幾靚。而我，亦係一個海鮮控。但老老實實，佢呢個海鮮鍋都真係好一般湯底味精好重，海鮮新鮮程度一般啲蜆同蛤未吐乾淨啲沙，基本上大部分都食到沙我平時打邊爐好鍾意食粟米，但佢啲粟米真心唔好食煲左個幾鐘，啲粟米唔知點解都仲係又硬又乾乾導致我唔覺得佢入味食左一舊，無再食第二舊不過不失啦，但呢個價錢，我可以有其他選擇囉

伏中之伏，韓燒隨街都飲罐裝，收2百幾居然要排隊㩒汽水機，至於食物就都係咁上下啦，冇咩驚喜，但係呢度抽風真係其差，由其係坐入門口嘅右手邊入面d位，d烟大到好似去咗仙境咁，坐低幾個字直頭覺得d烟攻眼，唯一值得讚係喺入面做嘢d人態度好，起碼我有同佢講嘢果兩個態度都好好！其實呢個食評我係坐低20分鐘後開始寫，故事風迴路轉，我覺得太烟頂唔順，又見到出面有位，搏一搏同佢地講睇吓掉唔掉到出嚟坐，居然真係掉咗我出嚟，出到嚟真係天國與地獄，所以話呢度做嘢嘅員工真係要讚！利申: 依家仲食緊，又熱又焗

今日幾個朋友不約而同話想食韓燒，上openrice search下，見到呢間食品種類幾多，openrice上的食評又不錯，便決定一試餐廳環境算是舒適，比很多放題店寬敞，六人坐卡位亦不覺擠迫，這個值得讚食物方面，燒肉的選擇亦很多，質素亦不錯，刺身一定沒有專食日式放題的選擇多，但魚亦很新鮮，甜品櫃放滿各式甜點，雖然到最後大家都很飽，但亦忍不住揀多幾款去試其實和朋友飯局，一間坐得舒適，選擇繁多，能滿足不同人的喜好，韓舍會是一個很不錯的選擇

旺角的韓舍 就好似酒店式自助餐，有燒烤的材料、冷盤、熟食、刺身, 就連 熟食都有好多選擇！有中西式的，還有蟹粥,粉, 湯和糖水等, 所有野都係自取。刺身 有幾款選擇, 三文魚 好肥美好甜, 山貝好爽好鮮甜, 希靈魚就平其他放題厚切左都好好味。熟食我就好欣賞佢有薑醋, 豬腳入味又唔會過淋。壽司中睇得出有HEART , 款項夠多又精緻。火焰長蟹柳- 我本身都真係好鍾意食蟹柳 所以佢燒到少少焦味加芝士味同沙拉醬真不能抗拒。貪得意玩左個章魚小丸子- 好好玩,墨魚同菜都係自己加又可以自己控制燒都有幾脆, 好好呀!! 不過我鍾意個皮硬身脆D,所以就要ON 居居企O係度等囉。 講返燒肉~ 講得出O既肉類都有, 海鮮, 蔬菜什菌類都應有盡有。紅腸 幾大塊喎!肉類都幾大件,唔係大量醃料 , 味道適中而且有BBQ 味道。雞翼都有幾款唔同味道,仲要有海鮮嘅大蜆,扇貝, 魷魚呀。真係試下D 熟食, 試下D燒肉都已經Full 曬, 真係未試得曬佢D 款式。另外個爐雖然用牛油紙墊住黎,但都有燒烤味道, 燒一陣都會燶, 都要換紙咖! 不過咁樣就好好多, 換都好方便!唯一有DD 意見就係抽氣, 大半時間都好好,

今日去食晚餐，個爐要好耐才熱，食物要很長時間才熟，廣告呃咗我去食。但去等得耐又不太好食，在兩小時烤熟食飽根本做唔到，又大油煙，最後沒食太多嘢，就比待應要求夠鐘走人。真係貼錢買難受

今晚到韓舍食放題，我感覺如果呼吸系統有毛病的就一定別去，全場煙霧瀰漫，燒肉我明白但真的好辛苦，食不下，冷氣可以叫25度左右如果你地可以接受韓燒＋火鍋＋全場坐滿的感覺就可以去試試👎🏻👎🏻👎🏻👎🏻

一班朋友唔係放題火鍋就韓燒, 今次揀左韓燒入到去地方有少少窄, 睇野食都見到幾多款有蜆, 牛仔骨, 牛柳粒, 牛肉, 雞扒雞柳雞翼, 豬頸肉, 餃子, 茄子有幾款熟食, 薯蓉, 牛肉丸, 有刺身壽司, 甜品(有D可以自己整)牛肉丸大粒但有D實, 如果妯粒番少少應該會較好, 但好入味, 味道唔錯泡菜薯蓉唔錯, 好滑, 但泡菜有D搶左薯仔味 蜆比較腥牛肉好腍, 但牛肉粒同豬頸肉有D韌雞翼醃到好入味食左好多隻燒菠蘿好甜好香, 但餃子皮好易難而且餡唔多甜品有cheesecake pudding 朱古力puff(入面好多朱古力), 自己整的有waffle 炒雪糕, cupcake, 棉花糖 章魚小丸子甜品大部份都好正, 份量唔大所以可以食到好多整體都ok, 食物夠味, 甜品好味, 仲可以自己整(加分位). 但佢抽煙做得唔係幾好 拎完野食番入去好大煙, 有點模

一行六人黎到韓舍就係想試下個海鮮軍艦~有豬骨湯底同韓式辣泡菜湯底選擇, 我地就選擇豬骨湯底~一上到黎非常壯觀, 分量大得驚人呀~入面有好多海鮮包括麵包蟹, 扇貝, 蝦, 龍蝦, 蜆同聖子, 仲有韓式年糕及生蠔就咁食個海鮮軍艦都夠飽呀!但係入面仲有好多野食自己拎! 有冷熱食物自己咁拎!真係食得好滿足呀, 服務同食物既質數都好好~

因為要keep fit嘅原故,基本上其實已經好耐都冇食過放題喇,一年會食嘅次數真係可能五隻手指都數得盡。今日阿肥一起身就嘈住哂話要食韓燒,因為佢話想食好多好多肉,咁我上網search一下...大慨呢間韓舍應該都唔會好差嘅,阿肥就拿拿聲打電話嚟訂位,傍晚六點半都未開始多人,我哋一到咗就已經可以入座開始喇。 一入到嚟覺得呢度好光猛,裝修方面都乾淨企理,攞食物嘅區域大慨分為三面,有小小似酒店式咁樣,中間主要為甜品部同刺身壽司區,側邊有窩夫機同埋自製爆谷機仲有棉花糖機咁,我仲見到有好多小朋友都鍾意喺小丸子機度自己整添。行過小小有汽水機同埋咖啡機,要再行入去裡面就會有一連串熟食,至於所有生嘅肉類就會喺最入面,呢個精心佈局應該都係為咗想客人一定要取生嘅食物嘅途中,可以一次過知道哂舖頭有乜嘢食,唔會走漏眼 呢度無論生熟食物,甜品刺身,生果飲品, 種類都好豐富,肉類方面我都比較喜好攞佢有辣味嘅多,覺得佢醃得都幾好味, 就算唔洗點任何醬汁已經可以就咁食, 值得一讚嘅係蔬菜類都有好多,又有菇類又有粟米,青菜都有幾款,咁大家怕熱氣嘅話就食多小小菜啦。我呢種蚊仔胃口嘅人,熟食區域我真係好小享用到喇,不過眼見佢

該餐廳入口佈置頗具特色。門口的晚市放題價目表已過時，與網上所示完全不同。宜用新價目表遮蓋，否則極易引起客人爭抝及投訴。是晚觀察所見，二至六人都坐同一大小卡位。二人入座，會覺得頗為寬敞，三至四人尚算合適，可惜該晚我們親友一行共六人，每邊坐三人，感覺就頗為擠迫。卡位只是一面單邊，故坐裏面的四位出來取食物就頗有難度，削弱了取食的意欲。一進入餐廳就覺煙霧彌漫及悶熱，抽氣及空調系統宜加改善。燒烤之肉類屬一般及大路貨式。爐上加油纸能減低肉類燒焦的機會，實屬好安排。而侍應亦能主動不時更換，亦值一讚。無罐装飲品提供，但亦能供應多款飲品，包括清酒。能消減進食燒烤食品引致熱氣的飲料如夏桑菊或蔗水等則欠奉，實屬考慮不周。有人蔘鷄湯、蟹粥及雪耳紅棗糖水供應，可惜是半冷不熱，失卻應有之風味。能提供多款壽司，但水準不高。凍海鮮有蝦和青口，蝦屬肉地較實及價錢較平的草蝦，與青口同屬不過不失。亦有數款魚生提供，質量亦是一般。可自製章魚小丸子，對兒童具吸引力。洋葱鷄肉漢堡則尚算可口，但芝士火煺飛碟卻是冰冷堅韌，咬一口即無意再食。有多款甜品及雪糕可選擇，但絕不及得上酒店自助餐之水平。除上述所提各項外，亦有其他多款食物提供，