順景茶餐廳 (已結業)

鄰近快樂餅店的順景茶餐廳，可說是金鐘及灣仔區打工仔飯堂，餐廳環境比較狹窄，每逢午膳時間都總是人頭湧湧的，受歡迎程度可見一班。這次點了一客焗豬扒飯，另加上一杯熱奶茶 ($33)，價錢在這區算是合理。這裡的焗豬扒飯賣相相當港式，豬扒的外皮烤至微脆，咬開有實在的質感，不會過於入口即溶，粒粒分明的炒飯底加上適量蕃茄醬汁，味道甚有水準，個人認為比廟街美都還要好!吃過一客比連鎖快餐店出色的焗豬飯，再飲兩口味道剛好的熱奶茶，又要上班博殺了，倒數三小時．．．

店內沒有什麼裝修﹐枱櫈亦有些少擠迫。本人所座既位置是店內最入既單人卡位。但不知為何那卡坐位不是跟枱平行而放﹐而是打歪放，所以進食時跟枱有點距離。坐那卡位既長髮男女亦要小心一些﹐因那卡位隔離放了一大風扇﹐如頭髮被拉入就不憾設想。當晚叫了焗豬扒飯。汁醬味道剛好﹐不會過酸或太甜﹐顏色亦不會像某些大型快餐店那麼營光。呢度既豬扒不是原塊上﹐而是以被切成細少件﹐省了用刀切工夫。肉質大部份瘦嫩﹐沒半點肥油。做得不錯。樓面只有兩人﹐其中一位應該係老闆娘﹐做事親力親為﹐樣樣事都說等她來。總括覺得這茶餐廳實而不華﹐如下午步經此地真是想試試佢地既下午茶。

近來實在吃得太多西、日式餐廳了，今天來個反撲歸真，回到香港飲食文化的懷抱當中 - 茶餐廳~跟很多食友一樣，很多時候重覆多次經過一間想試很久的食店，但是"沒機會"去試。而這一間"頗有年資"的茶記，便是其中之一。店內沒有貴氣的裝修，連企理的形式也沒有，擠迫的環境帶著點點的油煙味道，而衛生方面算是可以接受。茶記的出品除了一般炒飯、公仔麵、三文治等，就是焗粉麵飯系了，而當中比較喜愛的，就是焗豬豬飯 (焗豬扒飯)。在下單時多口問了老闆娘一句，說有沒有鮮牛肉蛋治，原來這店是有供應的，那當然額外要了一份來試試。這裡的牛肉有點兒像堅記的蛋牛治般香口，牛肉當然亦曾受到化學物"照顧"，不過肉汁還是有的﹔蛋是即攪的做法，煎至有點香口而帶點蛋汁。這兒的出品也算不錯。焗豬扒飯的醬汁甜中帶微酸，吃下去沒有一般的油膩味。而豬扒雖經炸熟但不失其肉汁，加上口感鬆軟有點點口感，這個出品已經是合格有餘了。而這一杯熱奶茶，茶味足，口感滑﹔算不算是最好的奶茶﹖我實在不敢說，但至少不會是那些有色無味，又或者口感嚡烚烚的出品。整體上都很不錯，唯獨是環境真的有的狹窄~一邊吃著焗飯，一邊看著老闆娘以強勁的記憶記著誰下了甚麼單外，還清楚

開了近20年的茶餐廳，走的是大衆化路綫，炒粉飯麵仍然是廿多三十塊錢，亦有多種套餐，任君選擇。例如今天吃的干炒叉燒米連餐飲，就盛為三十大元（餐牌本來寫着意粉，但店家爽快答應可以改爲米粉）。叉燒米粉不但炒得夠鑊氣，而且份量可觀，絕對是足兩人份額，就是作爲配料的洋蔥、韭黃、青蔥、銀芽等等，亦下得毫不吝嗇。上枱前還在面頭加上芝麻，真是香上加香！這裡的食物都是即叫即做，而且價錢相宜，怪不得人流不絕，十分興旺。

新鮮好味大大兜，全個餐牌上每樣都不超過$30.00，好抵食呀！1.呢度d炒意粉,煮得好香，又唔油膩，茄汁濃,每一口也會令人回味無窮!2.呢度d花生醬窩夫唔係太熱, 但係都係好脆O既, 但吃的時候方感到內裡的鬆軟。口感OK,真係好好食!超掂!這樣精緻的花生醬窩夫實在是不吃不可。3.呢度d焗肉醬意粉味道一流。未見其身先聞其香!味好濃!真係好夠熱, 帶給味蕾的滿足，冇野好講! 真係好食到振! 一間小小的食店，竟然隱藏著驚人美味！ OK!好抵食呀！

係太古3辦完事, 有Positive response, 開開心心行返出黎, 差唔多4點, 中午只靠一個叉燒餐包塞肚. 點都要食返D野. 出到黎, 亦想去188看看, 就在大道東找個地方食個快趣. 行冇耐, 發現了這間舊式茶餐廳, $17一個下午茶公仔麵餐亦是吸引之處.叫了個雙腸公仔麵, 後來見坐對面阿哥食牛扒麵才後悔為何不叫牛扒, 但個雙腸麵一樣好食, 公仔麵, 剛剛好, 煮熟又保持少少硬硬地既麵心, 我的最愛. 奶茶, 老字號奶茶不用多評

我多數食呢度下午茶,牛扒通唔錯即叫即整.不過今日早左過去食lunch, 個菠蘿豬扒飯(整定左既), 認真麻麻. >.<唯有下次醒d, 叫返d即整即炒既野~~

男友是沙爹牛精, 佢話都幾好味, 唔錯! 我就試左雪菜肉絲米, 都唔錯! 奶茶就OK! 不太差!有下次!

幾年來成日經過，但無食過，上星期終於入去，幫襯下午茶餐。門面舊，裡面都舊，可幸地板枱櫈食具同調味樽罐都乾乾淨淨。煎豬扒米連奶茶，15蚊。等咗一陣，先來奶茶，喝一口，雖無驚喜，但茶味奶味口感都OK；再等一陣，湯米到，豬扒剛煎起熱辣辣還在冒泡，已切好，無伴菜，湯底無咩色同味精但居然夠味。食完埋單走人。喺街行行吓發覺唔見嘢，沿來路揾，推門入番呢間鋪，老闆娘即刻問，知道我唔見嘢，即刻同坐喺位個客講唔好意思，仲蹲下來幫手揾，揾咗一輪都揾唔到，就同我講如果見到就同我留喺收銀度。好好人。噚日午市再嚟，叫焗芝士肉醬意粉，熱檸水。港式整法其實無咩期望，不過呢度勝在即叫即焗，又冇話連「淥」意粉d水都上埋碟俾埋你。出乎意料o既居然係檸檬好新鮮。一切都好似好平凡。只係覺得食肆做到乾淨企理其實唔係簡單。

這間舊式茶餐廳，裝潢看來不怎麼吸引，但卻是意想不到的好！價錢超抵，食物水準亦高。特別是它的下午茶餐，價錢平之餘，選擇亦多，本人推介克戟及那可愛的心形窩夫，女士必定愛吃。

呢間鋪頭响我屋企附近,但就一直都無留意佢,直至某日新x記爆滿,諗起附近有呢間鋪頭仔,一試之下就愛上佢,幾乎每個星期日朝早都會幫襯<食物>1)沙爹牛肉烏冬+熱O水$17牛肉非常好味,多汁,令到成碗湯味濃2)炸魚柳+煎雙旦+多士+熱華田$19魚柳新鮮,雙旦較出面好食PS.早餐至11點咋

開始在順景茶餐廳食飯, 不過是兩個星期的事。說真的, 這種其貌不揚的小店, 在香港可以說有如恒河沙數。但順景的食品還算不俗, 價錢亦相當便宜。推介:焗芝士肉醬意粉、焗海鮮飯等特價焗飯都不錯, 夠火喉、白汁、芝士都做得不錯。不過, 他們的焗爐常常跳掣, 跳了掣焗飯便要暫停。今日同老闆娘傾過, 提議她找人來修理修理。