順譽滷味大王

營業中

休息中

喜歡和朋友到處發掘特色小店，這一晚來到土瓜灣，為的就是這一間新開張的潮州菜。吸引我們的是這裏有米芝蓮大廚坐陣。鹹菜豬肚湯 $68 例 冬日暖胃之選，對胃寒人士有效 (⁎⁍̴̛ᴗ⁍̴̛⁎)。湯品一上枱已經好香嘅胡椒味，一入口係期待中嘅微辣刺激感，慢慢再感受到鹹菜嘅香味。雞肉增添咗層次，有雞湯感覺，豬肚乾淨一啲都冇腥味，令人想一飲再飲。獅頭鵝片拼鵝腸鴨舌 $168 大廚用獨家秘方老滷去炮製，獅頭鵝片嘅味道令人喜出望外，鵝油香味越咀嚼越突出。滷水調味鹹香剛剛好，唔會搶咗肉嘅滋味。拼盤配咗鵝腸同鴨舌，都冇令人失望 (⁎⁍̴̛ᴗ⁍̴̛⁎)。鵝肝 $78 例 大廚採用潮州頂級獅頭鵝製成，滷水味鹹香配以粉肝嘅纏綿口感，呢個價錢絕對係值得。炸蠔餅 $88 呢道菜份量絕對唔細，建議三至四人分享。大廚將蠔餅炸得酥脆而唔會油膩，蠔仔份量都足夠，粉漿唔會太滯。蠔仔粥 $52 又一道蠔仔菜式，湯底鮮甜，啖啖都食到蠔仔、肉碎、魷魚等，用料豐富，熱辣辣夠滋味。總結來說，呢餐令人喜出望外，有米芝蓮大廚嘅獨家滷水秘方，加上食材嘅新鮮，用料豐富，冬日暖笠笠值得一試 (⁎⁍̴̛ᴗ⁍̴̛⁎)。

屋企人好鍾意食潮州所以專登去咗土瓜灣買美味嘅潮式滷水返屋企食由美米芝蓮大廚主理門口掛上琳瑯滿目嘅食物：獅頭鵝、鵝片、鵝肝、各式滷水、蠔仔粥、打冷…好吸引～🤤.一入到去就聞到超香嘅滷水味！✅餐廳好整齊乾淨👍🏻加分我揀左大滷拼點完菜 師傅就即刻切鵝將滷物淋上幾次熱滷水去加熱好有心機返到屋企即刻開嚟食滷水膽、鵝片、腎、豬腸都十分出色💯全部都入哂味充滿滷水香料嘅味用料又好新鮮👍🏻鵝肉彈牙軟滑真心好食 值得一試！✅諗住下次試佢哋嘅鵝肝哩度嘅套餐都好抵食而且每日都會推出優惠套餐可堂食或外賣

餐廳堂食位置不多，只有4 張座位，主要做外賣。一入門口已經聞到好香既滷水味道。餐牌主要有潮汕滷水及潮汕打冷等。價錢相宜。滷水鵝肉併墨魚飯，切得每件均稱，賣相不錯。鵝肉甘香肉嫩，滷汁滲透鵝肉之中，味道濃郁而不會過鹹。墨魚質地柔軟。仲有滷水豆腐墊底，好豐富。仲有碗家感覺的紫菜湯。大大碗韭菜豬紅，有陣微微的沙嗲醬味道，微辣惹味。豬紅爽滑，唔腥。很好送飯。蠔仔粥，一碗足夠兩個人分享。 好足料，蠔仔肥美，粥底鮮甜。

今日係土瓜灣呢間新開嘅滷味店買潮州滷水返屋企晚餐加料我叫咗個大嘅鵝片拼盤 $238 裏面有超多料 鵝片 豬頸肉 墨魚 豬大腸 鵝腸 豬腩肉 豬耳朵 鵝腎 豆腐 超級豐富 份量好大超級抵食鵝片 食潮州鹵水鵝我最鍾意就係食鵝片 因為起曬骨啖啖肉 呢度嘅鵝片新鮮有肉汁豬頸肉 肉質爽脆啖啖肉墨魚 爽口彈牙豬大腸 鵝腸 D腸清得好乾淨冇怪味豬腩肉 半肥瘦 肥肉相隔一層層 有油脂香豬耳朵 QQ口感有咬口鵝腎 我唔食內臟 不過家人話都唔錯豆腐 鹵得夠入味 而且又夠滑另外返屋企炒個菜 煲埋飯就可以完完整整夠食一餐

同媽媽喺土瓜灣辦年貨，想食潮州菜，於是嚟到順譽滷味大王。難得食潮州菜，梗係要叫鹵水鵝片啦！今次我哋叫咗鵝片同蠔仔粥，估唔到份量都好多呀🤭 鵝片薄薄地吸晒滷水汁嘅精華，仲啖啖充滿鵝既油香，而且鵝肉嫩滑又有咬口。 滷豆腐都好入味，同樣出色，滑嫩之餘唔會太鹹，底層仲有花生呢～我哋仲叫咗碗蠔仔粥，人多嘅話仲可以叫一窩一齊分享，蠔味濃郁，真係真材實料呀。蠔仔粥除咗有好多蠔仔，仲有魷魚同大地魚乾，材料超級豐富，充滿鮮味！✨蠔仔粥✨鵝片飯併鵝肝 ✨獅頭鵝片

餐廳位於土瓜灣，主打的就是潮州美食，當中我的最愛一定是打冷。這家潮州滷水店的氛圍簡單而舒適，讓人感受到濃厚的地方特色，進入店內，立刻被香氣吸引。獅頭鵝肉，絕對讓人驚艷。鵝肉的色澤誘人，經過精心滷製後，肉質鮮嫩，口感滑順。每一片都充分吸收了滷水的香氣，搭配上特製的醬汁。這道菜不僅味道豐富，還感受到潮州料理的精緻。滷水牛展配大腸則是一道經典的組合。牛展的肉質軟嫩，滷水入味，與大腸的彈牙口感形成絕妙的搭配。大腸的香氣與牛展的鮮美相得益彰，每一口都欲罷不能。店中提供多款配菜，像是滷蛋和豆腐，都是絕佳的搭配。

估唔到土瓜灣鋪頭仔隱藏左米芝蓮廚師係到！而家新年外賣滿$100仲有9折，仲要送鵝肝！門口見有錶位，就叫左盒鵝片、滷水拼盤，再加鴨舌外賣番屋企食！一打個盒相當有驚喜，真係大大份好足料，4個人食都好夠食！入面第一層：鵝片、墨魚、鴨舌、打開第二層：大腸、肥豬肉、豬耳、腎，第三層先係豆腐，真係超足料，好抵食！🤩🤩🤩味道方面都無咩可以挑剔，估唔到土瓜灣都有咁好食嘅打冷，下次要去埋鋪頭食埋其他小菜先得😋Btw, 呢盒拼盤真係加餸番屋企不二之選！🌟推薦🌟

週日經過見到呢間新開嘅潮州嘢諗住買外賣返屋企加料叫咗個獅頭鵝片拼盤加咗鴨舌拼盤好豐富，好好味，好滑嘅豆腐墨魚片，豬耳仔，豬腸，豬腩肉仲有鴨腎，好爽口好正👍🏻下次會想試吓堂食

美食集中地土瓜灣北帝街最近新開一家潮州打冷菜館「順譽滷味大王」，由米芝蓮師傅坐陣，嚴選優質食材，鹵水食物以古法鹵製；今天經過土瓜灣順道潮聖享用午餐-獅頭鵝片大拼 $228除鵝片外，有鵝腎、腩肉、鵝腸、紅腸、豬耳、豬頸肉、墨魚、豬大腸、豆腐、滷蛋及花生選材優質，鵝片緊實細緻，帶鵝肉獨特鮮香、鵝腎綿密、腩肉肥瘦相間、鵝腸及豬耳爽脆、紅腸入味、豬頸肉爽嫩細滑、墨魚軟腍鮮味、豬大腸甘香肥美、豆腐細滑帶豆香；加入花椒、八角等材料的滷水汁不死鹹，吃到食材的原味道-元朗烏頭 $128原條烏頭超過一斤重，潮式製法凍食配上黃豆醬；魚肉鮮美沒泥味也沒腥味，蘸上濃郁黃豆醬有提鮮作用-鹹菜豬肚湯 $98加入大量胡椒煮成，豬肚潔淨爽滑，湯品鹹辣平衡夠暖胃-白灼時菜 $45以滷水汁調味；菜心選用菜遠部份，翠綠鮮嫩

呢間位於土瓜灣北帝街新開嘅潮州菜館~"順譽滷味大王"係我外賣精選其中之一，因為餐廳專業做潮式滷味已經三十年；係用獨家秘方的老,古法鹵制,而且仲聘請左米芝蓮師傅坐鎮做主廚，味道非常好，我上次食過，真係一試難忘!😋我今日就叫咗🌟獅頭鵝片 $128/例- 獅頭鵝片肉質甘彈牙，而且滷水味十足，豆腐又夠曬香滑🌟胡椒鮮香雞飯 $45- 大大隻雞髀，厚肉又夠嫩滑，加上鹽水醃製,夠曬入味送飯真係一流!🌟韭菜豬紅 $48- 而我最鍾意嘅小食就係呢個韭菜豬紅，除咗份量十足之外，味道仲一流，用佢嘅醬汁嚟撈飯，盡對可以食到一大碗!真係夠曬平靚正!所有食物質素用料都非常高，價錢仲相當大眾化，真係性價比極高嘅傳統潮式滷味專門店。👍

去土瓜灣探朋友，佢話附近新開咗一間順譽滷味大王，係曾獲米芝蓮嘅廚師主理，用料上乘，使用獨家秘方滷製食材，食物質素和味道都係一流。廚窗內放置不同滷味，油亮剔透，令人垂涎欲滴。餐廳最近做緊優惠，外賣九折，堂食亦有特價套餐。聖誕二人特惠套餐B鵝肉雙拼：鵝肉片片厚薄適中，肉質鮮嫩，滷汁滲透鵝肉香氣十足，味道濃郁而不過鹹。大墨魚爽口彈牙，仲有豆腐墊底，浸在滷汁中的豆腐非常嫩滑味。潮州蠔仔粥：粥內的材料非常豐富， 有粒粒飽滿的蠔仔、魷魚、方魚、肉碎、芫荽和葱粒，各種配料比例均衡，能帶出粥的鮮甜味道和不同的口感。韭菜豬紅：豬紅份量好足，口感爽滑鮮嫩，醬汁香濃惹味，韭菜亦青綠，掛上醬汁好好味！送酸薑皮蛋：醃得酸甜適中的子薑，爽脆無渣，配上泛起溏心的皮蛋；一滑一爽，一酸一鹼，以醋酸味去掉皮蛋的灰澀味，互相中和，真是天作之合。

最近去咗土瓜灣一間平民潮食小菜館，呢度嘅環境真係好有人情味。餐廳門口掛滿咗各式潮式嘅食品打冷，氣氛親切熱鬧，好有地道風情。🍴🏮*潮式凍馬友*：凍馬友味道清爽，魚肉鮮美，口感軟嫩，鹹香適中，係一道非常開胃嘅冷盤。🐟❄️*春菜炆腩仔*：呢道菜嘅腩仔煮得非常入味，肉質軟嫩，春菜嘅清香滲透每一口腩仔，味道濃郁，非常滿足。🥬🐷*一碗蠔仔粥*：蠔仔粥粥底綿密，蠔仔鮮甜，每一口都充滿咗海洋嘅味道，口感滑溜，好暖胃。🍲🦪*滷水鵝肝*：滷水鵝肝味道濃郁，鵝肝嘅油脂香氣四溢。🍂🍗

今日同老公去左九龍城食潮州打冷，呢間店係新開，由米芝蓮師傅助陣，緊係要去食吓晚飯啦。餐廳空間唔算好大，燈光光猛，環境乾脆。除左餐牌上嘅菜式，近來節日，牆上亦貼上左特惠二人餐及三人餐，所有價錢相當平民化。我哋叫左滷水類別，另外再叫左D潮州打冷熱門菜式。等上菜期間，見到外賣不斷，而佢哋嘅全日滷味套餐，鵝片三拼飯都係$75，好抵食，住九龍城居民真係好。我哋同大廚傾過計，當我哋讚佢D菜式時，大廚顯得內歛謙虛。我哋仲請教佢一D烹煮技巧，佢亦願意分享傾談，好有大廚本色。韭菜豬紅：豬紅唔腥，口感軟軟滑滑，湯汁有好濃沙嗲醬味道，少少辣味但唔辣，韭菜爽口，吸晒湯汁，好惹味。炸蠔餅：即叫即炸，蠔肉大小適中，新鮮肥美，入口唔會滿口油，粉漿亦唔會過厚，咬落輕脆，可點少少魚露調味，好好味。蠔仔粥 ：湯底鮮甜，用料足，配料有肉碎、魷魚、蠔仔等，另外加左方魚乾增添鮮味，食落夠熱，唔錯。獅頭鵝片(例)：鵝片好大塊，一D都唔韌，好腍，啖啖肉，好入味。最正就係呢個滷水，獨門秘方，醃得好入味。鹵水雙併：墨魚片爽口帶鮮味，金錢肚好腍有咬口，下層仲有D滷豆腐，同樣入味好食。啤酒：潮州打冷必飲，青島啤酒係老公至愛。

舊公司在土瓜灣，所以經常留意有沒有新開的食肆。最近知道這裏新開了一間潮州食肆，今晚便專程來到這裏。這裏的招牌有個特點，便是著名由米芝蓮師傅主理，信心大增。馬友$148，如有份量十足，魚肉味道鮮甜，加點普寧豆瓣醬，帶出魚肉的鮮甜味道。據店主解釋，每天早上都會到魚市場採購，所以採購到新鮮的活魚。滷水鵝片$128，鵝片鮮嫩可口，帶點滷水的香味，而不會過鹹，豆腐嫩滑可口，果然是米芝蓮廚師主理。潮州蠔餅，外脆內軟，沒有覺得太油膩，反而香脆可口。蠔仔尺寸頗大，蠔味十足加點魚露味道更佳。蠔仔粥$98 ，除了蠔仔之外、還有方魚、土魷，湯底味道濃郁，粥底份量十足。可樂$$8 ，忌廉$8

土瓜灣朋友帶咗我嚟呢間潮州打冷滷味店食晚餐🤣小店雖然細細間提供大眾化菜式，但係食物水準高好味道，老闆好有禮貌仲招呼好好👍$148「馬友」：「潮汕打冷馬友魚」一邊魚皮打開咗食得好方便，「馬友」魚肉肉質相當細滑鮮甜，沾有鹹鮮味嘅「普寧豆瓣醬」食就更加好食😋$52「方魚肉碎粥1碗」：大大碗熱辣辣，好味道🤣$98「墨魚」：墨魚新鮮，非常爽口，切成一條條嘅薄片食得好方便🤣$85「鹽焗雞半隻」：「鹽焗雞」皮黃肉白非常有鹹鮮味亦都好雞味，半隻雞份量算係幾多🤩$68「春菜炆腩仔」：春菜煮得好腍，腩仔7成瘦肉3成脂肪 夠甘香，整體好食🤣$8「無糖可樂」：凍冰冰嘅可樂就梗係好飲啦 🤣小店值得支持👍