食得喜小廚

營業中

休息中

話說之前也有來過這家餐廳覺得食物質素不錯，所以我們也再次光顧！可是這次的真得不行，尤其服務根本就是趕客九流服務首先一到的時候店員想要搬櫈子沒有用口叫我們拿起袋子只用手指著還黑口黑口，然後我們叫東西食一句也沒有回應我們，他寫好之後就掉那張點菜紙在我們枱上，每一道菜送上來的時候也好像發脾氣一樣，連送汽水上來也把汽水打橫掉在枱上，再過份是我們叫蠔餅我們想要多一碟魚露，店員居然只給大概十滴，我們跟他説可以加多一點他居然發脾氣再給我們然後幾個店員在竊笑🤬今時今日居然還有這個惡劣的態度，根本不想再做生意！我以後也不會再去！環境是大排檔feel ,口味已經比以前差了很多！服務超級差！

好鍾意食呢一間餐廳，我一個月起碼去三四次不過每次星期五六日嚟到都要等位， 餐廳食物質素越來越好， 比以前多咗好多款式，好食咗好多 環境裝修咗之後靚咗好多， 不過比以前貴咗少少 不過啲餸分量一如既往多每次來都會食佢個招牌客家蛋捲煲，咬落去好多汁流出嚟另外墨魚餅 同埋燒原隻豬手都值得推介， 冬天去嘅時候仲有羊腩煲 羊腩煲嘅價錢就比較貴不過值得一試。其他炒菜都好夠鑊氣 係差在每次都要等位， 唔想等位嘅朋友可以星期一至四去食

今日假期休息，所以中午先起身，今天自己一個揸咗架車擺喺餐廳門口入去餐廳就叫咗一個粟米肉粒飯，雖然加埋凍飲＄60，但係味道好好，環境就真係一般般，但係勝在餐廳鑊氣十足，荃灣區來講都算係一個唔錯嘅茶餐廳。

打完電話外賣，要40分鐘廚房才起菜。看住一盒打了包在枱。當時已經係致電後30分鐘。另一盒未出。樓面話多單，廚房做唔切。等甘耐才有得吃，火都黎。點好吃都無用。。奉勸各位。有耐性才好叫這家外賣。

啤小姐好中意食大排檔，貪佢鑊氣夠。由幾年前已經開始黎食得喜，食左咁多年水準依舊。小菜鑊氣夠，味道適中惹味，好少令我失望。今日第一次帶啤先生黎試，星期六晚上非常熱鬧，枱由餐廳內延伸出商場走廊及外面。今日叫了2道小菜，第一道椒鹽豬扒本身沒有太大期望，因為椒鹽菜式大同小異，只是啤先生想食就叫了誰不知味道驚天地泣鬼神！這塊豬扒不厚，但仍能做出外脆內軟口感。一咬下去，先有香脆的口感，然後肉汁馬上漏出來，再有豬扒的少少口，這塊是啤小姐食過最有層次，最好食的椒鹽豬扒！推薦！清湯腩是我選的，湯很清甜，試了一口便忍不住一直喝下去，連平日跟我說有味精的啤先生都跟我鬥搶不過可惜，肉煮得太耐令肉質過韌，白蘿蔔則太生，未夠冧埋單200有找

呢一間茶餐廳原本規模只係一間舖，但係越做越大，差唔多佔咗成個商場嘅地下，真巴閉👍🏻由於呢度嘅小菜款式多，又可以打邊爐，所以多選擇，吸引好多食客。價錢都因為裝修完之後比以前也貴左，😮以前都冇加一，但最近晚市有加一曾經試過有自來海鮮加工，也唔錯，不算貴！值得一試今晚就必叫嘅椒鹽鮮魷、茄子黃立倉都是好吃的！今天吃的白飯太淋

一直好懷念一間特色嘅茶餐廳,以前成日都食，因為呢度嘅菜式好特別，唔係一般嘅茶餐廳。餐廳嘅裝修依然係同以前一樣，但係今日lunch嘅時候，菜式嘅選擇依然包羅萬有，午市好多套餐，下午茶都有好多選擇，店舖亦都比以前擴充左，依家已經有幾個鋪位咁大，不過覺得品質有啲退步。斑腩係凍嘅，一啲都唔熱，個豬扒意粉亦都冇乜驚喜，唯獨是鮮茄豬潤湯飯，湯底好甜，相信應該加左茄膏，豬潤都滾得剛剛好，唔會鞋口。但係最想食嘅豬天梯就冇以前咁好食啦，冇以前咁爽口。

高貴的友人經小人薰陶了不少，有時亦願意到茶記冰室就餐的。點的時候根本不知道孜然寸骨及墨魚餅是店之名物，只不過見每枱都有，何妨一試，誰知不試尤自可，一試把幾火，原來是返唔到轉頭的！鎚骨是一口口的孜然粉味，在口裏透著無窮的香氣。墨魚餅更佳更甚，厚厚的墨魚肉鬆彈有道，熱辣辣的我們超勁大愛！客家蛋卷像是一大舊厚厚煎蛋角包著豬肉墨魚餡般，厚味濃香，浸在粉絲清湯裏直令人一口一口的吃到無譜……墨魚咀脆口度爆燈！精妙之處乃是無需椒鹽，彈口的墨魚咀帶著美極的鮮味，實乃下酒之聖物！難得的是友人居然說要安哥！

大胃D又食西多士 食肥野🙊==========================•雪沙西多士 $21 無問店員係咩餡 就落左order 因為抱住一個有伏齊齊中既心態🤗🤗咩都試丫嘛😘 .不過 上到黎又幾靚仔喎 切好哂一舊舊先拎去炸 表皮炸得幾好 灑上少少糖粉代替左糖漿 碟邊配上牛油 自己想搽幾多就幾多 唔錯👍🏻 .食落原來中間夾左柚子醬 有驚喜 我搽左唔少既牛油上去 估唔到半溶既牛油配埋柚子醬既感覺一d都唔會覺得好罪惡😂反而覺得成件事好light 好refesh😂.😂頂 我食西多就係想食肥野之嘛 你咁light 邊滿足到我嫁！ 但佢味道係唔錯既 夾得幾好既 又唔過甜！ 之但係呢 我對真係淨係鐘情入面夾花生醬個隻西多🤗 所以再有新款西多都唔會試😂相反如果大家有食過覺得好食既西多士 可以話俾我聽🙏🏻🙏🏻🙏🏻🙏🏻==========================食得喜小廚 (荃灣)荃灣西樓角街荃昌中心地下14-17舖

每次行完山咁辛苦,之後梗係要食好D,原來lee間小儀同金剛果節目有介紹過,6個人叫左6個小菜share,有沙拉骨,原隻豬手,焗魚腸,椒鹽鮮魷,啫啫通菜煲同埋客家蛋卷煲,全部都好好味,客家蛋卷煲係有心機誠意之作,用墨魚肉加豬肉打成,外面包層蛋,煲内有粉絲同湯,好正呀,必食推介

一行四人食個靚飯我地一行四人坐裡面, 涼冷氣, 正呀~食飯時間一定要訂位呀, 全院滿座架~先黎個孜然寸骨做前菜, 好香啖啖肉, 而且好入味----好好味呀~熟人介紹要食呢個一品菜, 真係堅好食呀~ 有翅有菜~西檸雞-友人必點之選, 檸檬夠, 又唔會太甜, 肉唔會散~避風塘炒蜆 - 好香好惹味~蜆 - 點煮都係好食既... 椒鹽又得, 豉椒又得, 得左~客家蛋角煲: 胡椒味少少重, 但算清清地, 可能有粉絲掛, 好味~食到唔停口呀~酥炸墨魚餅: 粉薄鬆脆，墨魚肉厚，簡直係啖啖墨魚肉！最後，我地仲叫左個薑汁炒芥蘭，忘記左影相！我地4人坐左成4個鐘都有, 無人會趕你走, 食完唔夠再叫, 飲完唔夠再飲~總括來講：大件夾抵食！下次同朋友再去吃多點唔同既菜式先得呀~！

昨夜兩人到了食得喜小廚吃晚飯. 一直想來, 因為電視及報章都有報導過.點了一個小的燉湯(菜乾豬肺), 湯味較淡, 但看到材料很足, 有雞腳快有豬肺, 喝起來是沒有味精的.然後點了一個豉汁黃立倉, 蒸得不過火, 很滑. 另亦點了豆豉雞少油. 果然, 油很少, 雞當然是雪雞,但惹味的料頭及醬汁已彌補不足.也便宜

2/18 晚打完羽毛球，一行人到食得喜晚飯，這裡每晚也full house, 皆因這家便宜又好吃，就算這裡每次侍應都黑口黑面，無服務可言，但每位客人都習慣了，也會親力親為習慣自己搞掂。我們一行七人點了九款小菜，由於太肚餓，只拍了幾張相。每款小菜都夠晒鑊氣，最滿意飽肚之選竟意是「酥炸墨魚餅」，粉漿很薄，外面鬆脆，墨魚肉厚又夠新鮮，啖啖墨魚肉！每人一件已很飽肚！非常抵食，其他還有沙拉骨，粉絲肥牛煲，薑汁炒芥蘭，避風塘炒蜆，金針雲耳蒸雞，海味雜菜煲等等⋯全部也不錯！唯獨一碟「滷水鵝腸」整串連肥膏一齊上，實太肥，外觀又不吸引，略為遜色，各人怕怕

今晚年廿九<26.01.2017>, 啱啱做完facial, 姐姐又介紹我去試下鄰近的(食得喜小廚), 叫咗~客家蛋卷煲, 酥炸墨魚餅,孜然寸骨, 味道唔錯(都幾好食), 價錢又唔貴, 會再去

住咗向荃灣2x年第一次知道有呢間小炒店，而且仲要有幾多人幫襯，見今晚唔知食咩好就同老公試試先.我地叫咗糖糟排骨，啫啫生菜煲加招牌炸墨魚餅，炸墨魚餅堅大塊又厚，而且仲好鮮味，唔怪得見枱枱必叫item啦，生菜煲雖然唔係生啫，但都好夠味而且唔太咸，下次要同屋企人再試其他嘢先