食得喜小廚

營業中

休息中

提前預祝好朋友兼舊同學的生日飯, 四人行去搵食, 之前她吃過這間不錯而且成日都好多人, 所以就一齊再來吃!! 真的食飯時間基本是滿座的, 但朋友之前訂左位, 佢真係有留枱比我地, 估唔到街坊店都可以咁做~~~原來朋友說這家店的大廚以前是在五星級酒店中菜部做, 現在自己開店, 所以門口都有些相關字同照片~~~第一次吃真係眼花瞭亂, 就等朋友發板同睇下圖邊樣想吃就叫~~美極墨魚咀 ($68)~~~朋友一定要ENCORE的一個, 佢試過第一次就每次都叫, 一上枱真係好香, 而且能聞到那股炸的香口味, 吃著有少少雞軟骨的感覺, 當然又有點不同, 這個做小吃或者佐啤酒真係好唔錯, 一路飲一路傾計, 正!!!客家蛋卷煲 ($68)~~~呢個煲幾特別, 未見過, 雖然只係得八件, 但都係大大件, 個湯好清仲有粉絲, 還有些炸菜調下味; 說下個蛋卷, 蛋唔會硬同老, 有好多層, 層次感不錯考功夫, 裡邊釀了些豬肉等的東西在內,我覺得隻味及質感有少少似魚皮餃的感覺, 好特別的一款難以形容!!啫啫西蘭花煲($68)~~~吃肉當然要吃些菜平衡一下, 這個好有火喉, 西蘭花唔會好硬, 係爽口的感覺, 加埋側邊

今日收工夜左少少，唔知食咩好，揸車經開荃灣啲地鋪有間小廚，貪就腳求其見到就入去，估唔到係咁正男人浪漫好足料，好多支竹！😋😋😋咕嚕肉好好味。酸甜度剛好，啖啖肉，絕對可以反單。🤗🤗🤗原本想叫多個送，見到兩個送咁大碟就怕了。開頭送泥都冇架生俾我地，但見住個靚仔起勢咁話唔好意思，咩都順哂啦～其實都冇嬲到叫個飯大大碗，可以兩個人食都得吖。推介支持

最近公司調左我黎荃灣返工, 所以開始四圍響荃灣搵食. 一大早當然要食個早餐, 先有力氣返工. 就揀左呢間, 好多人食.要左五香肉丁麵, 配腸仔蛋, 凍奶茶.五香肉丁粒粒都係肉粒, 好少肥, 有辣味, 麵唔會整到太腍, 啱我口味.腸仔就係正常廚師腸, 煎蛋就無咩點煎過, 比較生.凍奶茶夠茶味, 茶奶既分量恰到好處, 都幾好飲.

簡單的晚飯一頓，其實之前食過但冇影相，今次特登要影一影黎打下食評。講講地方先，唔難搵，夜晚經過親都成日出面排唔少人等位，入面其實就似茶餐廳咁，如果冇估左應該早同午市都係普通茶餐廳，到夜晚就係一間有少少似打冷鋪的餐廳，不過都幾多位，卡位就闊少少啦，圓台就都坐得幾多個人下所以唔係全台都識的話就會都幾逼（平日可以唔洗咁逼）。野食方面：今次其實食左2樣餸同試左個個豬肺湯（中）傻仔左冇影到個湯ge相，不過唔緊要啦，下次去會再試，因為個豬肺湯唔錯，起碼豬肺都唔少，又幾好味，check過洗得乾淨，有自己煲過的人都知豬肺難洗得乾淨所以呢個point係重要的～

無法,就腳,試過其它地方食早餐,放車真係好麻煩,重被炒牌!早餐加320炒牌!O..no卒之都係黎返依度,依度都會被炒牌,但可以睇到車!我今日ga早餐,只係叫左餐蛋治加杯凍啡就算!可能禽晚食得太飽,今早無乜胃口!餐蛋治麵飽有"漢"底,有小小香味,我鍾意的!"漢"底要加1蚊今次餐肉煎得有小小濃,好"趣"有口感,但依隻餐肉味道比較咸!杯凍啡只係1般,啡味得好小,落奶過多了

上次食餐蛋治，漢，底，唔夠飽，今以食返五香肉丁米最飽肚，個餐另外重有腸仔煎蛋ma...五香肉米份量依然超多，米粉依舊味道1般，但勝在夠多夠飽，五香肉丁都係超多，味道似足罐頭食品果種，依樣係我最鐘意，而腸仔有煎過，所以比較，趣、口好食，煎蛋今次就1般，煎得麻麻哋，因為唔、趣，口lo....而今次就飲返凍奶茶，味道同以往1樣普普通通，講唔出話好飲！

今晚入荃灣同朋友飯聚，老友介紹呢間真係幾得，大碟夾抵食客家蛋卷煲好得意，好特別，好有內涵，又有湯，菜，粉絲好多料，抵食蒸白鱔都好正，可能我好鍾意食海鮮，所以我超LIKE個鱔，好新鮮，蒸得岩岩好。最重要係又平，又大碟，又好味，不過記得訂位啊，都好多人架同埋怕嘈就唔好啦，呢度係有冷氣既大排擋館

今天又係食早餐,無辦法,就腳ma....我今次呢,叫左熱咖啡,烘底餐蛋治熱咖啡味道可以係叫普通之作之如....點解熱咖啡"唔熱"架!1黎到可以即飲.....頂烘底餐蛋治,有d驚喜,足料又大件,味道有餐肉味蛋味,加d鹽會好食d

早餐依到食最方便 每次黎到都一定有位 今次我一樣係叫左 王牌早餐五香肉丁面加腸仔蛋 五香肉丁依然好多 d米粉又係好多 五香肉丁她是自家制作,和出面某個牌子罐頭味係不相伯仲 腸仔都1樣係煎到"趣"口的, 凍奶茶依舊係有奶紅茶味配合得幾好!但是而家越黎越多人

依個食得喜餐廳好方便,門口可以放車,但要睇實,有時會炒牌!係餐廳黎講,門口可以放車算佔優!早餐算足料唔差,都好多人食,有時重無位,我估可能係可以放車!我同朋友食,今次早餐叫左5香肉丁米,腸仔剪蛋,麵包凍奶荼,,,另1個叫餐蛋冶熱奶荼今次5香肉丁米,肉丁就小左d,味度ok,腸蛋1㨾煎夠耐香口好食,餐蛋冶餐蛋算足料厚好食!係奶茶方便....就1般味度,可以的!!!價錢大眾化唔貴lo....如果計埋可以放車,甘算平tim.......

今日屋企人食飯 是日假日好多人 要坐係店舖外(於商場) 不過環境就不太好。 不過叫嘅餸就味道不錯 有焗魚腸 有炸小棠菜等小菜，味道十分不錯 價錢中上。 小棠菜炸得十分鬆化，內裏嘅菜架章魚膠混合得十分好。 彈牙焗魚腸又係一絕，焗到金黃色魚腸都算係新鮮。 6個人食都仲有算係夠份量。

同事介紹，我都係第一次食，門面普通但食物有驚喜！人唔多只係叫左3個小菜:炸蝦餅，旦卷同啫啫芥蘭炸蝦餅:大大件，唔會成口油，唔會乾凈凈！旦卷:係旦皮包住饀料浸湯上，但旦卷唔會俾啲湯浸到一pat pat有口感！啫啫芥蘭:好味~唔會太鹹!我特別鍾意食佢啲蝦仔~好有鹹香味!碟碟都好大碟，好夠鑊氣！會再去試下其他菜式！

叫左沙拉骨...味道唔算超卓..但都中上..3.5星..之後姐姐芥蘭..有d肉碎蝦乾做配腳炒埋一個煲度..黎度個陣仲有小小沙沙熱聲發出..食落好大兜..真係食極都唔完咁學個fd話齋..4.5星..之後到墨魚餅..真係幾爽口彈牙..每1.5塊有大角咀個間x廚館一樣size...雖然無個間咁入味同彈..但都好正..有8件差唔多..兩個人應該食剩會..所以請3思自己胃口啦食呢間整體真係滿意度無十分都9分..一定再有下次..算係發現隱世好東西..但大大張banner掛住街方食神都介紹過..點解假日9點都係得5成滿.呢..

每次經過餐廳都人山人海, 今天終於有機會同老公去幫襯~~星期五的晚上好多大叔選擇坐室外"啤啤佢" 好有氣氛呢兩個人不可以叫太多, 最後選了現場好多人點的口水雞, 啫啫芥蘭煲及椒鹽鮮魷.口水雞是冷盤, 份量跟平時的前菜口水雞不一樣, 一上桌我們都"嘩"一聲因為這裡半隻的份量好像平時在酒樓叫一隻雞那麼大, 雞非常嫩滑, 老公連平日不吃的雞胸都讚賞, 鋪面的麻辣醬料好香口啫啫芥蘭煲也是份量十足鑊氣夠, 吃到最後還是熱的, 內裡的蝦乾及肉碎很好下飯椒鹽鮮魷做得很乾身, 老公略嫌椒鹽味不足, 我卻喜歡他不會過咸剛剛好.原本怕兩個人食唔晒最後太好味都吃清光了, 兩口子偶爾去吃個"麻甩晚餐" 也不錯

尋日(17-8-2013 Sat)從容(音聳擁)爸爸夜晚一齊出街食飯,朝早我book呢間三人7:30pm,而今次佢終於肯聽喇,不過接近中午,有個女職員打電話畀我,話今晚好full,問我可唔可以改早啲或晏啲?我問佢會係幾點?佢答6:30pm或8:30pm. 心諗唔係啲啲,係成個鐘喎.我問可唔可以7:00pm?佢答唔得,hold唔到半個鐘.我唯有答應6:30pm啦,因為爸爸唔可以咁晏食飯,但我話未必齊晒人,會有一個遲啲.佢答可以.我同爸爸落去,男友就放工即走去,6:32pm,男友call我話到o左,我同爸爸o岩o岩o係前一個商場出去.我叫佢先攞位,之後我o地都到喇.我o地被安排坐卡位,男友同我講,佢攞枱時亞姐黑口黑面話再遲啲唔畀. 唔使咁惡o掛?我同爸爸被人群所阻,我o地前後都係係遲3-4分鐘,唔算好離譜o掛?我就負責揀o野食,男友洗o野,我要$63.00o既沙拉骨,亞姐即sell蜆定花甲之類,但爸爸話要$128.00o既酥炸桶蠔.我即話要酥炸桶蠔,然後要豬天梯,亞姐問係咪客家豬天梯?我答係.然後我問好似有咩蛋卷?佢話客家蛋卷煲.我答係,就咁四樣啦.睇睇張單,呢兩樣都係$68.00.落