食棧

營業中

休息中

我係家住食棧對面，食咗十幾年嘅客人。食棧嘅燒味好係毫無疑問嘅，但係唔好嘅時候就令人好激氣。 呢一晚想斬料買咗一斤叉燒， 盛惠150元，指明要肥叉。 點知出到嚟嘅質素大失所望，又瘦又嚡，類近擦子膠嘅質感，連大家樂嘅質素都不如。 如果係冇肥叉嘅，你可以同我講，我轉第二樣。 如果要買夠相當重量先俾肥叉嘅，你可以同我講，我加碼。如果肥叉係要加錢嘅，你可以同我講，我俾。 如果係要識得經理部長斬料師傅先至有肥叉嘅，我逢年過節派多啲利是。而唔係粒聲唔出斬啲嚡夾靱瘦叉畀我。🤬🤬🤬

住係食棧附近咁多年，想食叉燒就一定係諗起食棧，買咗咁多次食過咁多次，今次外賣叉燒真係差到一個點，俾單之前已經嗌佢要肥d，竟然俾碟“湯渣”嘅質地我，仲要舊舊都係咁，去街市燒味檔買都無咁差，嬲到成家人都係度嘈，味道再好都無用，老細們唔該留意下🤨🤨🤨

朋友來到香港旅行，聽說這裡的燒味及點心十分出色的，於是我陪她一起去嚐試。作為住在新界的我，專程去樂富飲茶是第一次。畢竟這個地區沒有大型商場沒有景點。那天我們參觀完黃大仙就過去樂富享受美食。我們點了幾樣點心，包括咸水角、棉花雞、菜苗餃和叉燒瀨粉。所有的食物都比其他連鎖酒樓的口味更出色。咸水角外皮金黃酥脆。咬下去時，你會首先感受到外皮的酥脆口感，接著散發出來的香氣充滿口腔。棉花雞魚肚吸滿醬汁配上鮮嫩多汁的雞肉，質地柔軟。菜苗餃餃子皮薄而有彈性，包裹著新鮮的菜苗及蝦肉。每一口咬下去，你可以品嚐到菜苗的清新和蝦肉鮮甜。除了好食外，食棧的價格也相當合理。相比其他酒樓，這裡的價格更為便宜，讓人感到物超所值。而且場地相當寬敞，每一桌之間都有足夠的空間，讓客人可以舒適地用餐。這種環境設計讓整個用餐體驗不會感到拘束或擁擠。小總結❤️❤️❤️❤️📌價格實惠物超所值📌寬敞環境提供舒適用餐

難得另一伴同日休假、就輕鬆嘆早茶！好耐冇嚟飲茶！就趁佢11點前點咗特別孖點優惠$36.80 ！鳳爪排骨飯以前係一盅高身、依家係矮身PIZZA HAT 小食盤裝！ 排骨全肥肉連骨、感覺係唔要部位拎咗嚟用、冇肉！鳳爪一隻切半當2件！ 下次唔會再點依個飯！皮蛋瘦肉粥還算可以、 正常份量！ 味道👅還算可以！叉燒腸粉好滑溜、但叉燒量就少咗啲！ 下次都可再點！蟹籽蝦仁燒賣還算可以、但感覺蟹籽唔太新鮮！ 下次叫返正當燒賣！ 單點招牌小籠包有3粒 、 多汁、肉份量正常！ 味道整體還算Ok ！

2月某天。嚟咗幾日食。海蜇燻蹄 $38 ♥️♥️♥️♥️感覺上食燻蹄會比較heavy，跟嗰甜甜哋既醋食，先無咁易滯。排骨蒸陳村粉 $28.8 ♥️♥️♥️份量好足，特別係啲粉。因為我口無落豉油，而排骨的醬汁不多，所以啲粉味道就好plain。時菜鯪魚球 $18.8 ♥️♥️♥️+非常新鮮彈牙，但墊底既係腐竹唔係菜。釀虎皮椒 $26.8 ♥️♥️♥️♥️呢個無得輸，因為鯪魚肉新鮮又彈牙，煎釀得十分香口。椒，不辣。紅油抽手 $24.8 ♥️♥️♥️以為會辣，點知無乜，餃皮爽彈到位，但餡料實的的，可以理解為用足料，但口感一般。蘿蔔千絲酥 $28.8 ♥️♥️♥️♥️香口酥鬆脆，最緊要係夠熱，外皮夠酥鬆。豆苗鮮蝦餃 $22.8 ♥️♥️♥️+大大隻熱辣辣，餡料足但唔均勻，有的蝦同豆苗都幾平均，但有啲好少蝦。不過這種又黏又糯嘅餃皮，我就麻麻地。百花釀魚肚 $30.8 ♥️♥️♥️♥️蝦膠鮮，魚肚貨真價實，最重要係熱辣辣，香鮮美味。招牌小籠包 $18.8 ♥️♥️♥️♥️♥️呢個大愛。😍皮薄餡靚湯汁多又鮮，最重要係熱辣辣之餘唔易穿，所以比滿分。😁香芒布甸 $18 ♥️♥️♥️唔係我想要既。質感更似大菜糕，味道呢OK既。另需加一及茶💲

一班同事約了飲午茶,人多就可以叫多款點心,可食更多種類的,煎炒蒸炸也叫齊。飲茶午膳不叫炒粉麵,會若有所失的,今次特別開一食評介紹"豉椒排骨煎麵" , 此炒麵水準其高,麵底兩面黃脆卜卜的,排骨嫩而肉汁豐富,值得試下。

午飯一班同事到樂富食棧吃點心，人多就可以叫多款點心,此酒家的點心水準保持,我們最愛吃的筍尖蝦餃皇、蟹籽燒賣、义燒包等小食就叫了魷魚鬚、椒鹽多春魚及欖菜肉鬆四季豆.....冷氣夠凍,食物有水準,值得再去。

三五知已去樂富食棧午飯食點心,每次必叫的食物就是密汁义燒例牌, 老實講價格不算便宜。$130一碟例牌义燒:半肥瘦、厚切、肉汁豐富、玫瑰酒香入口鬆嫩細緻......每次起碼要吃兩件才夠滿足

今早約咗幾個朋友一齊去樂富聯合道金國大廈地下間食餞飲茶吹水。這間茶樓應該係新裝修無耐，地方寬敞，坐得頗為舒服，一般酒樓的侍應可能係人手不足問題，服務比較差，但這間酒樓的侍應質數唔錯，服務熱誠。早茶孖寶 (鳳爪排骨飯和香煎蘿蔔糕）鳳爪排骨飯鳳爪和排骨都醃得頗為入味，排骨咬落還有少許肉汁香味滲出，米飯粒粒分明，軟硬適中，肉汁和醬汁滲入了白飯裏面，添加了白飯的香味。香煎蘿蔔糕蘿蔔糕表層有少許脆口，裏面有著蝦米、臘味和蘿蔔的香味，十分香口。早茶孖寶（木魚燒汁茄子和鮑汁鳳爪）木魚燒汁茄子茄子上釀滿了炸到金黃色的鲮魚肉，鯪魚肉裏面混入了蝦米、臘味和芫茜，提升了鯪魚肉的香味，加上有少許鹹香味的木魚和燒汁，配搭一流，增加了這道點心的味覺，可惜茄子比較油膩一點。鮑汁鳳爪鳳爪炆得軟硬適中，頗為入味，鮑汁不會太鹹，恰到好處，鮑汁粘滿在鳳爪上，令鳳爪的味道提升。煎釀虎皮椒虎皮椒上釀滿了炸得金黃色的鯪魚肉，鯪魚肉裏面混入了蝦米、臘味和芫茜的香味，配搭著微辣的虎皮椒，增加了味覺的層次感，十分香口。蜜汁叉燒包熱辣辣的包裏面包含了叉燒和醬汁，叉燒不會太肥，醬汁不會過多或過少，恰到好處。 叉燒腸粉腸粉皮又薄又滑，捲上了

我差唔多一星期都會來哩度飲茶，無限定早茶或中午，講真佢哋d點心係一流既，服務態度要睇吓你遇到邊個，著黑西裝類似經理主任既阿姐（門口）或成日打牙咬企係度最差，只係負責落單或帶位，兩個人去食，一定迫你撘枱，就算佢有好多吉枱，點心紙一定自己係張枱度自己搵，佢哋話知你搵唔搵到，又一日星期日，10:30 分到，以為無早茶特價（11:00前落單），用在張原價點心入單，個d黑西裝阿姐照入，5分鐘後我發現原來星期日都有早茶特價點心 （我叫在5樣有4樣都有特價）咁同黑西裝阿姐講番，佢話入在單啦，無得改，我同佢地講我落單時，你哋吾同我講有早茶點心紙，佢回應話擺曬係枱woo …. 呢餐茶飲得非常之吾開心，咁既服務，吾怪得香港人北上飲茶啦……

見到門口有三寶，好似好吸引，又有阿拉斯加長腳蟹話$688（約3斤）於是吹雞約食飯，嚟到話冇三寶呀，轉咗其他喇，但門口仍然有三寶個牌，算啦，叫其他嘢食啦，但樣樣都差，本身留咗隻阿拉斯加長腳蟹，隻蟹就嚟仙遊，嚟到真係冇乜肉食，垃圾走地雞太咸冇味，並不是新鮮雞，賣相奇差，方魚芥蘭一般，蒸條小花尾趸，太老火，姜葱焗蚝得5隻，味道一般，菠萝咕噜肉賣相OK，味道一般，仲有個老火湯呢個算過得去，總之成餐晚飯都係垃圾，食完一肚氣，不推介，不會再幫襯

慶祝三八婦女節（但點解係一大堆男人去慶祝？）。俾老闆發板（港式omakase )，有燒味拼盤，燒鵝，蝦多士，鮑魚鵝掌，蒸魚，肉絲炒麵等。燒味要俾讚，特別是叉燒和燒鵝，燒鵝皮脆肉嫰，叉燒惹味鬆化。酒店級水準的蝦多士，蝦膠彈牙，多士鬆脆而不油膩。最尾由陳皮紅豆沙作結。店家很有心思，慶祝三八婦女節，所有女性客人獲贈壽包一個，可惜我無緣品嘗。但得到老闆熱情招待，地方寬敞，坐得舒適，飲下食下又一個愉快的晚上。

好味的晚餐： 雞骨草湯好濃味好足料 入面有豬脷、豬潤同豬骨原隻燒鵝連頭上所以見到佢係燒鵝，而唔係鴨個皮好脆 熱辣辣食好好食跟住就係全晚嘅重點推介：牛油炸帝王蟹蟹大家就食得多 平時清蒸都係攞個鮮味而家係炸就好脆口 啲肉實淨過清蒸好多呢個食法真係好少見成隻蟹腳浸咗粉漿再炸到卜卜脆連個蟹殼都好脆 所以唔使用工具都好容易咬到甜品就食咗老闆勁推介嘅楊枝甘露老闆話係用新鮮芒果製作味道的確係好好不過就略嫌太細碗食幾啖就已經冇晒😆😆

今晚，在樂富食棧進行家族飯局，我們叫咗東坡肉，滿心歡喜。點知，一上枱，竟然肥到嚇死人，睇見都唔敢食。於是，我們向店員反映，佢地話係咁架啦。條氣唔順，一於放上網。

下午茶有些點心已賣晒，例如雪山叉燒包午市賣晒，唔再焗，所以今日再去食棧午餐，希望還有。雪山叉燒包好好食，裡面熱辣辣，外面少少甜虎皮尖椒，少少辣，是青椒的辣，好味道牛油果雪茄春卷，這個點心是覺得個名好特別，牛油果同春卷，好似無乜關係，雪茄是茄子還是什麼🤔，所以一試。見到真的有點驚喜，以為是送錯了紅棗糕，深啡色加埋張紙條，原來是春卷，扮成一枝「雪茄Cigar」。深啡色的春卷皮，有微微的咸味，我們估是老抽🤔，春卷皮好脆，以為牛油果就會是凍的，原來是熱食，好得意。如果唔剪開就更似一枝雪茄。最後，芋角，現在很少在酒樓見到。這裡的芋角，皮唔硬，裡面芋蓉都好足料，正😄