食記餐廳

營業中

休息中

炒麵同小食真係好食魚肉要睇你好唔好彩，質素唔穏定有時好好食，有時鬆散完全食唔落仲有一個個啊嬸嘅態度真係⋯⋯第一次朋友介紹，每樣都好食，印象好好之後就俾啊嬸累事囉⋯⋯

無錯，食記的確係老店，來嘅都係街坊街里，賣嘅亦係地道小食，碗仔翅、生菜魚肉，炸野…………。見大部分食客都有叫魚,肉又或兩溝，咁又試下。一咬落舊魚肉！！應唔應該叫魚肉？！根本似軟膠多D！！我只能夠用把鬼來形容！！點解咁多人點架？？勉強食多兩條生菜即刻放低走人。其他野食唔知，魚肉，真係把鬼

黎到南區做嘢，梗係要去鴨脷洲大街食嘢，呢度除咗賣海味，其實都仲有好多隱世美食。今日要介紹嘅呢一間「食記」，老店鋪位於大街街角！售賣嘅港式小食包款式多多，腸粉、炸魚旦、炸燒賣、炒麵⋯⋯通通都相當街坊價錢，所以幫襯嘅都睇得出係附近居民同學生。事不宜遲，叫左碗生菜魚肉，熱辣辣再加啲胡椒粉同麻油，成個湯都變得好香濃，魚肉入口彈牙而且好有嚼勁，個人幾鐘意個種煙韌口感，值得推介！另外仲叫咗一碟炸魚旦，一碟十粒開邊炸，食落特別有中學時代周街食嘅個種風味！總結一下，其實呢間都仲有好多唔同小食，今次都是不過係小試牛刀，下次有機會會試埋其他！

2017.03.12 😊先兩日b仔帶左我去香港仔哥面行下🚢小妹大鄉里出城未去過😛第一站我地就去左一間賣平民小食 的鋪頭未行已經見到好長龍排緊隊 就無搵錯地方啦對於我黎講係幾新奇有趣的好少見一間賣小食的鋪頭有位俾人坐小店設計十分簡單 有一邊是供叫外賣拎走的另一邊就簡單放著2張枱供食客堂食😋想坐著慢慢嘆就要自己快快手搵位啦炸燒賣 $7/6粒炸麥樂雞 $7/4件生菜魚肉翅 $17原本出門前仲想話食粒燒賣打個底點知就如願以賞 仲食到炸的😙燒賣炸得金黃色 外皮脆卜卜 沾上些少甜醬好正炸麥樂雞原來唔係只有m記先食到🐔估唔到有得賣 住這邊的人也太幸運了吧聽說小店的拿手好戲係魚肉 當日在店內一看差不多有2/3的人都有叫小妹好貪心 叫左個拼碗仔翅的🐟果然魚肉 比平日食開的來得大條 而且爽口而碗仔翅就不花巧 主要是大量蛋花 菇絲 肉絲味道濃綢 唔會水汪汪的感覺食記餐店 💌鴨脷洲大街42號鋪

懷念中學時期嘅味道。想當年中學嘅時代曾經都係運動嘅一份子，成日運動嘅比賽都喺大街嘅室內運動場舉辦，所以經常性都會去。完咗比賽之後，10次有九次通常都會一大班人去食魚肉碗仔翅。嗰陣時候柴娃娃嘅感覺真係好開心，唔知幾時，先至會有返啲咁嘅感覺出現呢。我諗冇食到差唔多五六年咁耐，其實我都唔係好知道正確嘅位置係邊度，只係隱約有種記憶。遠遠行過去見到轉角位有一大班人，感覺就係佢。排隊嘅人大概有10個左右，我哋都係後邊排隊。咁醒目嘅我當然係問一問呢個位係唔係排堂食架啦，原來食係另外一個位置，自己係個邊等，剛好有人走，所以唔使5分鐘我哋已經坐咗喺度食，真係好好彩。先講講我最鍾意食嘅生菜魚肉食，魚肉嘅份量仲係咁大份，入面差唔多都有二十幾30條，條條都好口粗，口感彈牙得嚟又有點實。有冇食魚肉嘅感覺？可以話俾大家聽就唔多似，反而更加似係麵粉較多，但係佢嗰陣味同質感就係冇得比，係一種好特別嘅感覺，一定要試。碗仔翅入邊比較多嘅材料見到就應該係蛋花同肉碎，佢唔似出邊食嘅碗仔翅咁花巧，咁多材料，但係佢就做到碗仔翅應該有嘅味道。呢度仲有好多唔同嘅炸物，連炸麥樂雞都有其實都幾可愛，今次就揀咗好多人叫嘅炸番薯，外邊嗰層粉

南港島線通車後， 一直想搭下新地鐵， 無人駕駛， 吸引! 而且本地最近熱話行玉桂山， 令我更想行下這個從未來過的海島。終於有聚會在鴨脷州， 朋友提議食海鮮， 於是拍板街市食記! 朋友在下層街市買了在海， 帶去來料加工。給果好味亦頗抵食。環境飯堂格局， 跟其熟食中心一樣， 頗旺場!先上聖子， 惹味之中算煮得比較清淡， 調味輕手，蟶子炒得不會過佬， 好食! 鼓油蝦， 類似美極蝦， 調色夠深但不太咸， 出色一道菜! 啪晒蝦入口， 都唔會飲好多水， 南非鮑清蒸， 我覺得如果用陳皮蒸煮更佳， 但今次可食鮑魚鮮味， 食店自家的青菜唔老，易咬。大扇貝 元貝 都好食， 但多一點蒜蓉更佳!更惹味! 仲有條魚， 本人不太好鮮魚， 不作評論!埋單， 買料 加 油料錢， 每人408，合理一餐!

南港島線開左之後 港🐷都係第一次搭 由於係無人駕駛 所以站站都要chok一chok先等到😂 不過原來入面都好多平野食嫁😬 仲可以海怡半島睇靚日落😌----------炸魚蛋 ( $6/10粒 )炸燒賣 ( $6/6粒 )咁平嘅炸魚蛋燒賣 除左中學小賣部食過之後 都好耐冇見過了😂燒賣皮炸到卜卜脆 外脆內軟 而且仲熱辣辣即炸 不過魚蛋就淋左啲😢-炒麵 ( $12 )好大份 麵都唔會太油 好抵食😆-魚肉翅 ( $17 )魚肉份量都幾多 但比較膠 真魚肉比例唔多 都有蔥花 翅就同普通碗仔翅差唔多 食完一碗都飽哂😂-另外幾款糖水$12一碗 巨型炸雞翼同雞脾都係$8同$18😋

終於上雜誌嘅食記，呢d 街頭少食買少見少，不如係度介紹一下幾個食記的重點:1, 終有d 餐廳係你曾經成日食，離開左呢個地方都會想食。多數係粉面，街邊野，食記就係其中一間2, 普遍係説不出特別但是懷念的食物3, 舊的裝潢配d 有時听到你講野有時听唔到你講野嘅呀姐4, 唔係咁容易去到5, 附近居民一定識但多數唔明點解你要千里迢迢去食6, 人情味呢碗唔驚世唔傳奇的魚肉翅，比大家嘅係個份彈牙口感，適當温度，以及親切的感覺。

記得上次，寫下了一個食評。說我一定要找我最愛的那個人，來到這裏吃一碗魚肉翅，然後告訴他，你現在看見的我。天天笑容滿面，從前的又會是怎麼樣？有什麼故事？然而我還是如此喜歡現在的我，至少我不會讓身邊的人再因為我的失落而影響心情。喜歡讓別人認識快樂的自己。坐下來同樣地點了魚肉翅，有住利東邨的朋友告訴我這裏的魚肉翅質素下降，我說不可能。因為這裏十年如一日。我覺得有點改變的就是溫度，現在的就沒有從前的熱，但是魚肉的質感依然富彈性。分量同樣的多絕不手軟。這次我還點了炸燒賣，認識我的朋友都知道只要行過有燒賣賣，我再飽都要吃一寸。。。經常都會俾人話我癡線。幸運的炸燒賣剛剛炸起，熱辣辣，咩都唔使點，加少少胡椒粉已經好好味。這種舊式傳統的街邊燒賣，雖然裏邊只不過係調料味的麵粉。但這種小時候的感覺依然令我覺得比起酒店的燒賣更好吃！今次還是只有我一個，下次都可能只有我一個。總希望有一次可能帶上我的伴侶，叫多一碟腸粉，再叫一碗街邊檔的皮蛋瘦肉粥。享受一堂回到10年前的回憶之旅。

睇左網上介紹鴨脷州，即刻黎食地道小食，最吸引就係呢間！店舖樓面好有HK特色，有好多街坊幫襯。豆腐花係必食嘅，好滑，可以加黃糖食。兩溝碗位魚肉翅好足料，魚肉可以加多D生菜打混，但整個黎講都十分好食。炸魚蛋燒賣不錯！

市面生菜魚肉$15-30都有，一般湯多魚肉少這裡的生菜魚肉，魚肉多，不會裝太多湯，比例剛剛好，價錢還很便宜，非常抵食。吃了一些才拍照，原本份量是一碗滿滿的。魚肉咬口彈牙，食落又很柔軟，蔥香十足，非常新鮮，並不是雜誌所指的硬實無味。湯底非常鮮甜，很好喝。

我在鴨脷洲的中學讀書，深信大家都知道係邊家中學。我是穿住旗袍的一位學生！記得我哋以前會一齊去食大街食記/派住附近的同學買回校。回憶真的很多很多！ 係呢間學校裡，坦白説，我過了黑暗的時代，記得中快樂的事不多，其中最快樂的，有和朋友仔食記的碗仔翅魚肉。魚肉碗仔翅給我嘅回憶永遠都是美好，和幾位好朋友吃住的快樂，今日我特登嚟到呢度再食呢一個令我更懷念嘅魚肉碗仔翅！大概已經十幾年，再次嚟到呢一度品味十年前嘅青春，裝修幾乎冇變，唔知道味道有冇變？點了一個魚肉翅，同我十年前食嘅幾乎一模一樣，微暖嘅碗仔翅，配上彈牙又大嚿嘅魚肉。這種魚肉別的地方找不到，碗仔翅裏邊依舊係有足料嘅蛋花，肉絲，事隔多年味道依舊！魚肉大嚿又粗，雖然無咩魚味，但有嘅係回憶裡的快樂滋味！配上必落麻油，胡椒粉同醋，滿分！再點一個十年前配搭的麥精，食記一包麥精仲賣緊四蚊，益力多三蚊枝！！吃住十七蚊的魚肉翅，我記得那些年的我們青澀，到今天已長大還聚在一起的朋友，Twins 的友誼第一，沒有管他們是非，敢與我嬉戲，叫我發現誰是我的真知己！如果有一天我找到我的人生伴侶，我會帶他來這一家食記，告訴他，我記憶中只記最好，所以你也在這裡和我體會

十幾廿年未搭足過南區，今日難得有緣過黎尋幽探密行行山，同事力推食記生菜魚肉湯，稱魚肉滑到不停了！我半信半疑由銅鑼灣搭的士來到一探究竟，open 小店都幾熱下。望望牆上 menu，頭盤先試生菜魚肉，如果唔夠飽先再叫，一陣行山唔能夠食太飽，如果肚痛要去廁所仲大鑊。生菜魚肉湯，湯底太甜，落左好多糖喎，味道有點濁，加辣椒油、胡椒粉稀釋一下，香香辣辣仲好味左添。膠硬魚肉硬實實，表面滑潺潺，似足馬蹄粉撈鮮膠粉，無魚味無鮮味，死實味道欠缺靈魂。生菜絲滿意，微甜帶爽。碗仔翅，充滿肉香，湯底甜美濃郁，不過味道口感都有點寡，只有瘦肉跟蛋花。撈上辣油、浙醋、胡椒粉，味道即時豐富左。掃左 menu 好多次都唔知食咩好，碗仔翅、生菜魚肉湯各一小碗唔多夠飽呢，求期試炸髀啦。炸雞髀，侍應嬸嬸將其翻炸後即熱辣辣送上，還呈上雙叉作武器。又會巨形得那麼誇張！咬啖先，但有點難度，硬度十足。重裝鎧甲厚厚的，唯有用雙叉流將佢續層撕開！慢慢一層一層地剝開鎧甲，撕裂聲音嘞嘞咯咯作響！終於完成，露出雪白既肌膚，嫩滑 juicy！鎧甲起了保護作用，用精華、肉汁一滴不漏地鎖得牢牢，一咬爆汁又香噴噴，肉味甜美！試一口落下的鎧甲碎片，有味道

細細個去完大街踢波就會自自然然咁走去食碗或者生菜魚肉, 雖然係滿頭大汗,但係正正就是我的兒時回憶而家要搵返碗"生菜魚肉/碗仔翅"食下都比較困難, 之前一輪蚵仔麵'糊'都摺埋, 慶幸仲有碗不死的魚肉翅唔知係唔係大過左條脷差左, 還是細路仔果時覺得樣樣夥都好好味,今次食落比印象中差左少少, 打個芡重手左少少,不過味道係無變過, 魚肉都係與眾不同咁煙韌(應該係粉多所致), 食完好飽肚總結:兒時回憶大於味道, 小店係要支持 !

每次由外國番黎，第一餐早/午餐都總要去食記.一坐低就即刻嗌佢最出名既生菜魚肉, 呢度既生菜魚肉比起出面優勝既地方就係佢比較煙韌,湯底辣味咸味適中.而且15蚊大大碗(加大都係+$1),抵食!炸魚蛋/炸燒賣 加甜醬一流!咁多加埋都係$12今次食果陣仲嗌左豉油皇炒麵，不過不失啦！其實食一碗大既生菜魚肉都已經夠哂飽，所以一餐可謂廿蚊有找！不過因為太耐沒黎既關係，所以情不自禁就叫左咁多 至於環境就有d 大排檔既感覺，雖然店面唔係話好乾淨，但總體黎講都係可接受的！畢竟係“大排檔“嘛！o係香港,好似呢d又便又大份又好味既小店真係愈黎愈少,好開心呢間野係十多年間都屹立不倒!