餃子爺爺

營業中

休息中

因為我好懶打字, 所以我只食少寫, 但今次唔寫唔得。睇左openrice的食評, 本來冇打算幫襯, 不過經過門口時店員不停叫我入去試下, 而我本身係非常喜歡食餃子, 所以即管俾次機會佢試試。穩陣起見, 只點了一碗帶子韭黄鮮肉餃加麵配鮮魚湯, 本來有牛肉湯和鮮魚湯揀, 但因為有食評話魚湯又腥又難飲所以我偏偏揀魚湯。由於餐廳新開, 環境很新淨清潔。嬸嬸店員落力介紹食物組合, 對我的提問亦有問必答。麵一到, 我第一件事係試湯先, 好好味呀, 魚湯鮮甜夠熱, 飲得出係真材實料, 我本身好怕腥, 但佢果種飲得出係新鮮的腥, 好得。餃子我食到粒粒的帶子肉, 豬肉餡也是軟熟鮮甜不會死實實, 只是略嫌太少韭黄味。麵是上海麵, 也是煮得非常軟熟剛剛好帶有嚼勁。用餐時只有我一個客, 當時有個後生仔店員正和另一個嬸嬸店員唔知正在大聲對答緊咩, 的而且確係幾annoying, 希望佢地注意下。埋單時我向後生仔店員讚佢地食物好味, 只是略嫌太少韭黄, 佢好有heart解釋餃子size有限, 如果多左韭黄就會少左肉, 咁我話算了, 我寧願要肉, 因為肉好好味 ^o^食物份量對於OL來說剛剛好, 好適合要味道也要健

對於一個鍾意食餃子嘅人來講，我已經去過好多間食餃子，呢一間觀塘店應該係新開，所以我就決定去試一試。我最鍾意試新店，入到去坐低，我哋叫咗西洋菜餃，同埋煎芝士粟米餃，再加一碟雞絲粉皮，叫左三樣嘢，會跟送湯俾我哋。呢間店係賣餃子，所以我對佢哋嘅餃子係有要求，先講西洋菜餃，淡而無味，但仍然食到有西洋菜味，諗住點辣椒醬，點知辣椒醬都唔辣，所以第一隻餃子係輸咗。之後來雞絲粉皮，相反呢一個小食仲好味過餃子，粉皮皮薄醬汁多，加上雞絲份量都好夠，相比起餃子更勝一籌。之後上個魚湯，雖然有腥味（其實我鍾意），所以其實係好好飲，因為有腥味即係佢嘅魚份量好夠，再加上豆腐粒同埋蔥，味精唔多，熱辣辣上枱，真係好正！最後就係芝士粟米鮮肉餃，我哋選擇左用煎嘅方法，煎完出嚟肉汁仍然係餃子入面，咬開就流出來，我最鍾意食芝士，如果芝士味再重啲就好啦，相比起西洋菜餃，芝士粟米餃就更加好食，而且兩個煮法都唔同，西洋菜用滾嘅方法，芝士粟米餃就用煎嘅方法，唔知咁樣會唔會影響味道呢？確實，小食同個湯比起佢專賣嘅餃子好食好多，相信仍然有進步嘅空間。不過想提一點，個店主或者係老闆（幾靚仔）其實係好用心去試業，因為出錯單、遲上菜、招呼、收錢

個人好喜歡食餃子,知道開左間新既餃子爺爺仲好似上過唔知邊到做訪問,再睇埋前面食評打個底,然後終於黎試食,好奇怪我同友人食既同其他食評講既好大出入,例如講店員服務差會同客口角,但我見又唔係,店員好客氣幾好禮貌,不過對自己店既產品唔熟係真,點完野食唔係應該有湯嫁咩?不過竟然係我地問店員先話:丫係!湯呢到都要開一段寫,聽講魚湯好足料好鮮甜,友人表示: 好好好腥!而我接受到不過覺得湯一定溝左水!當時夜晚我諗可能係唔夠所以溝水?但作為一樣賣點(應該算係掛見咁多人話正)居然走去溝水破壞自己招牌?當然唔一定係溝水可能只係本身都係咁唔正比人作大左,真心覺得可惜加失望.點左份芝士粟米,記得好似有聽過好食夠芝士味,I DONT THINK SO~好似直情無芝士咁.如果真係試業希望可以大大改進.特別見疑似店主既都係後生仔,應該會有睇OPENRICE,咁多人話唔會再食唔係無原因 我都期望緊觀塘有間好似荃灣間餃X屋咁紅咁出名咁好食.

成日行過都見到呢間餃子爺爺由佢一試業既時候已經想去試下今次終於有機會黎食喇👏🏻比起水餃係出面更加中意食煎餃除左香口之外家庭式既煎法冇煎得比佢地香口同好食所以出去都會香煎餃香菇馬蹄鮮肉餃(10隻) $43呢家店主打就係餃🥟口味都有好多款式味道幾有家的感覺唔會覺得調味重口味香菇馬蹄份量都幾多每口都食到餃子既餡皮薄餡靚整體味道不錯👍🏻不過煎餃最睇重既除左係餡之外更加係皮餃子皮比較薄身煎完之後冇果種煎得硬身既感覺所以外層唔係咁香口鮮蝦韭黃鮮肉餃(10隻) $45而男朋友食既係水餃鮮蝦韭黃份量都幾多覺得水餃比煎餃好食d

餃子味道一般般，魚湯唔新鮮，入口非常腥CP值低下遲啲唔會再光顧，豬肉唔生鲜，咁嘅價錢應該有咁多嘅選擇，大熱天是店內冷氣非常不足食完之後，全身濕透，食物質素需要大大改善

本人極鐘意食餃子，難得樓下開左間新餃子店，當然即刻去試啦！本身仲好期待，但食完就覺得呢一餐係我呢世人食過最不知所謂既一餐了...入到去叫野食，店員A同我地講話無魚湯，可以免費轉野飲。雖然個陣心諗：「有無搞錯，午市時間已經無湯，成個餐既精髓無左，好失望」，不過見係新開就算啦...無幾耐，身後有個女人岩岩入座，由店員B幫佢落單。當我聽到店員B無提佢無魚湯已經覺得好奇怪，幾分鐘後我竟然見到店員俾碗魚湯佢... 我本身以為係因為店員A講野有口音令我誤會左無魚湯，直到有另一位食客出聲我先知唔係得我一個以為無魚湯！等野食期間，我竟然聽到唔只一次店主同店員之間發生少少口角。咁多客人，間舖咁細，完全影響客人既進食氣氛。到上菜啦，店員竟然講唔出上黎既係咩餃子，我地問佢佢先去問煮果個人。問完話係朋友叫既餃子，咁就推左俾朋友食啦，到朋友落好醬汁店員先改口話係我既芝士粟米（友人食唔到芝士，會嘔），好在我朋友未開始食。但神奇既事發生啦！我一咬落去，係我唔食既芹菜（並非我同朋友點既野）.....講返啲餃子先，成四十幾五十蚊一碟，但啲餃子細粒到作為一個唔大食既女仔都唔飽，同灣X碼X個啲差唔多size😓 我行過啲去食

觀塘打完比賽，一行3人揾嘢食，有人提議輕食不想食太飽，見到餃子爺爺就試下，内部裝修簡潔乾淨。order: 1. 鮮蝦餃(10隻) 跟 例湯食唔到有鮮蝦配料2. 麻香雞絲粉皮老闆落足料，雞絲多過粉皮3. 涼拌秋葵選用麻辣汁配雪凍秋葵，食起上來幾野味

車仔餃🚗🥟概念好創新！款式又夠多，選擇困難症呀真係。嗌左幾樣野，有個芝士粟米🌽餃、馬交魚🐟餃、醉雞翼⋯⋯本身都唔知揀咩小食，不過店員話醉雞翼多人嗌，所以就試下，真係冇介紹錯！！最鍾意都係芝士粟米餃，又有咬口，芝士味又足，口感一流！😋😋可能因為係繁忙時間，見佢人手都爭啲，要等耐少少，店主話仲係試業中，希望遲下可以改善番！裝修四四正正，雖舖頭入面空間都唔算太大，人多就難等位啲，但都值得encore！

新鋪開張已經一段時間，一直都想去試一試。路經此店見剛好人流不多，便第一次光顧其午市。店裏餐牌選擇不多，餐點全以散叫為主。見大門張貼了有午市優惠套餐，便詢問店員拿套餐餐牌一看，但店員都支支吾吾沒有回答便走開了，只留下我們滿腦疑惑地在座位。再詢問店長才得知現在試業中還沒有套餐供應，但又為何在餐廳正門以大海報宣傳套餐優惠呢？😓😓😂我們兩人最後叫了麻香雞絲粉皮及西洋菜鮮肉煎餃配麵。麻香雞絲粉皮味道中規中矩，但份量極少，廿九元一碟只得四五條粉皮。😂西洋菜鮮肉煎餃即叫即煎，上菜時熱辣辣，十分吸引。食落雖有肉汁，但完全沒有鮮味，味道十分淡，只得西洋菜的苦澀味。全部食物中最出色的居然是魚湯，但味道還是偏淡。食物質素吸引不到我再次光顧，而且性價比亦偏低，而店員態度和表現更強差人意。用餐途中見到不止一次送錯餐，眼見有人要點餐亦視若無睹，客人進店也沒有意圖安排入座。望向開放式廚房，廚師竟戴著手套按手機，然後又用手放餃子進鍋，實在不太衛生。😅😅😅總括而言，絕對不會再次光顧此食店！

見到新舖頭開 梗係要試試佢la 舖頭乾淨 侍應都好主動幫手終於叫左3樣野 試試佢雞絲粉皮 雞唔夠絲 粉皮太厚 但係勝在有好好味既調味醬(e.g. 適中既麻醬）整體黎講不過不失la主菜既餃子都有周一個問題 皮又大又厚 餡既味根底出唔到黎 食都食唔到 餡又整到好實咁韭菜水餃 好重韭菜味 肉比較實唔夠滑 餃子既味道俾魚湯搶埋 而家湯麵更加冇味道非常唔建議餃子加配麵既組合全場好味既就係作為湯底既魚湯 佢有蝦米同豆腐一齊煲 清得黎又有鮮味 真係估唔到湯底好味過主菜

這裡的餃子有著一流餃子店餃子的餃子的價格，有著超市冷藏餃子的味道，有著九流的服務質素!!!當日我於午市時間前往此店享用午餐。這是我的第一次光顧!!!當日某店員向我解釋餐單中提及附送的魚湯已售罄，可選擇其他飲品來代替。午市時間魚湯已售罄???接下來，店員送上餃子，但是並不清楚遞上的餃子餡料，她更正過一次後，友人吃過一口後才發現並不是我們點的，送錯了。之後，我發覺鄰座一位女士竟然獲得一碗魚湯，雖然不是一碗滿滿的魚湯。但是為何有如此差別？而主角-餃子，味道並不出色！十分一般！而且份量十分少！並不是餐單所寫的大大隻！完全沒有飽肚的感覺!!!雖說是試業中，但也說不過去!!!總體而言，我只覺得十分失望！如果閣下曾經光顧太子，荃灣或其他區出名的餃子店，再光顧此店，很有可能會有跟我一樣的感受。

見到觀塘開左間新既餃子店，終於試到佢既風味~叫左10隻韭菜餃子，即叫即蒸，食得出係自己人手包既，皮薄餡靚，每隻餃子都脹卜卜最重要係佢地提供既陳醋，真係好夠味10個like係俾陳醋既餃子配上既魚肉豆腐湯都幾鮮味另外叫左一個胡麻豆腐，豆腐係用現成既，但配上胡麻醬都唔錯，只係稍稍嫌貴，如果可以加錢配就更好下次有機會會去試其他餃子，見到佢地有好幾款創意餃子

新開張，緊係要試下啦！我不嬲都唔食芹菜，不過個店主係咁推介，我就惟有相信佢，叫咗一碗嚟試吓。大驚喜，估唔到又真係好鬼好味，完全冇嗰種臭青味，唔鍾意食芹菜嘅朋友，我都覺得應該要試吓。個粟米豬肉餃， 裏面係有芝士㗎！仲好味過八方雲集嗰個粟米餃，鍾意食芝士嘅朋友，不如黎試吓啦。個湯底係好濃嘅豆腐+魚味，超級鮮甜，最後我仲成碗飲晒，飲晒成碗湯之後，我都唔覺得口渴。順帶一提，佢間野嘅辣椒醬都好正，我少食辣嘅，都加咗幾滴黎食。

店面不好，入口位置好容易會跌親人入面嘅座位唔好坐食物ok，但比較隔離嘅鋪頭，價錢太高鋪頭細，活動空間小，有不整潔嘅感覺，職員效率十分低雖然食物ok，但吸引力不足以覆蓋其他問題應該唔會再試係呢個位置，咁嘅鋪面大小，偏高嘅價錢，完全係定錯位如無改善，相信很難生存多過一年